Brahma-Purana 134

ब्रह्मोवाच: चक्रतीर्थम् इति ख्यातं स्मरणात् पापनाशनम् । तस्य प्रभावं वक्ष्यामि शृणु यत्नेन नारद

brahmovāca: cakratīrtham iti khyātaṃ smaraṇāt pāpanāśanam / tasya prabhāvaṃ vakṣyāmi śṛṇu yatnena nārada

Sanskrit only: no published translation is held for this verse.

ऋषयः सप्त विख्याता वसिष्ठप्रमुखा मुने । गौतम्यास् तीरम् आश्रित्य सत्त्रयज्ञम् उपासते

ṛṣayaḥ sapta vikhyātā vasiṣṭhapramukhā mune / gautamyās tīram āśritya sattrayajñam upāsate

Sanskrit only: no published translation is held for this verse.

तत्र विघ्न उपक्रान्ते रक्षोभिर् अतिभीषणे । माम् अभ्येत्याथ मुनयो रक्षःकृत्यं न्यवेदयन्

tatra vighna upakrānte rakṣobhir atibhīṣaṇe / mām abhyetyātha munayo rakṣaḥkṛtyaṃ nyavedayan

Sanskrit only: no published translation is held for this verse.

तदाहं प्रमदारूपं माययासृज्य नारद । यस्याश् च दर्शनाद् एव नाशं यान्त्य् अथ राक्षसाः

tadāhaṃ pramadārūpaṃ māyayāsṛjya nārada / yasyāś ca darśanād eva nāśaṃ yānty atha rākṣasāḥ

Sanskrit only: no published translation is held for this verse.

एवम् उक्त्वा तु तां प्रादाम् ऋषिभ्यः प्रमदां मुने । मद्वाक्याद् ऋषयो मायाम् आदाय पुनर् आगमन्

evam uktvā tu tāṃ prādām ṛṣibhyaḥ pramadāṃ mune / madvākyād ṛṣayo māyām ādāya punar āgaman

Sanskrit only: no published translation is held for this verse.

अजैका या समाख्याता कृष्णलोहितरूपिणी । मुक्तकेशीत्य् अभिधया सास्ते ऽद्यापि स्वरूपिणी

ajaikā yā samākhyātā kṛṣṇalohitarūpiṇī / muktakeśīty abhidhayā sāste 'dyāpi svarūpiṇī

Sanskrit only: no published translation is held for this verse.

लोकत्रितयसंमोह- दायिनी कामरूपिणी । तद्बलात् स्वस्थमनसः सर्वे च मुनिपुंगवः

lokatritayasaṃmoha- dāyinī kāmarūpiṇī / tadbalāt svasthamanasaḥ sarve ca munipuṃgavaḥ

Sanskrit only: no published translation is held for this verse.

गौतमीं सरितां श्रेष्ठां पुनर् यज्ञाय दीक्षिताः । पुनस् तन्मखनाशाय राक्षसाः समुपागमन्

gautamīṃ saritāṃ śreṣṭhāṃ punar yajñāya dīkṣitāḥ / punas tanmakhanāśāya rākṣasāḥ samupāgaman

Sanskrit only: no published translation is held for this verse.

यक्षवाटान्तिके मायां दृष्ट्वा राक्षसपुंगवाः । ततो नृत्यन्ति गायन्ति हसन्ति च रुदन्ति च

yakṣavāṭāntike māyāṃ dṛṣṭvā rākṣasapuṃgavāḥ / tato nṛtyanti gāyanti hasanti ca rudanti ca

Sanskrit only: no published translation is held for this verse.

माहेश्वरी महामाया प्रभावेणातिदर्पिता । तेषां मध्ये दैत्यपतिः शम्बरो नाम वीर्यवान्

māheśvarī mahāmāyā prabhāveṇātidarpitā / teṣāṃ madhye daityapatiḥ śambaro nāma vīryavān

Sanskrit only: no published translation is held for this verse.

मायारूपां तु प्रमदां भक्षयाम् आस नारद । तद् अद्भुतम् अतीवासीत् तन्मायाबलदर्शिनाम्

māyārūpāṃ tu pramadāṃ bhakṣayām āsa nārada / tad adbhutam atīvāsīt tanmāyābaladarśinām

Sanskrit only: no published translation is held for this verse.

मखे विध्वंस्यमाने तु ते विष्णुं शरणं ययुः । प्रादाद् विष्णुश् चक्रम् अथो मुनीनां रक्षणाय तु

makhe vidhvaṃsyamāne tu te viṣṇuṃ śaraṇaṃ yayuḥ / prādād viṣṇuś cakram atho munīnāṃ rakṣaṇāya tu

Sanskrit only: no published translation is held for this verse.

चक्रं तद् राक्षसान् आजौ दैत्यांश् च दनुजांस् तथा । चिच्छेद तद्भयाद् एव मृता राक्षसपुंगवाः

cakraṃ tad rākṣasān ājau daityāṃś ca danujāṃs tathā / ciccheda tadbhayād eva mṛtā rākṣasapuṃgavāḥ

Sanskrit only: no published translation is held for this verse.

ऋषिभिस् तन् महासत्त्रं संपूर्णम् अभवत् तदा । विष्णोः प्रक्षालितं चक्रं गङ्गाम्भोभिः सुदर्शनम्

ṛṣibhis tan mahāsattraṃ saṃpūrṇam abhavat tadā / viṣṇoḥ prakṣālitaṃ cakraṃ gaṅgāmbhobhiḥ sudarśanam

Sanskrit only: no published translation is held for this verse.

ततः प्रभृति तत् तीर्थं चक्रतीर्थम् उदाहृतम् । तत्र स्नानेन दानेन सत्त्रयागफलं लभेत्

tataḥ prabhṛti tat tīrthaṃ cakratīrtham udāhṛtam / tatra snānena dānena sattrayāgaphalaṃ labhet

Sanskrit only: no published translation is held for this verse.

तत्र पञ्च शतान्य् आसंस् तीर्थानां पापहारिणाम् । तेषु स्नानं तथा दानं प्रत्येकं मुक्तिदायकम्

tatra pañca śatāny āsaṃs tīrthānāṃ pāpahāriṇām / teṣu snānaṃ tathā dānaṃ pratyekaṃ muktidāyakam

Sanskrit only: no published translation is held for this verse.