Brahma-Purana 135

ब्रह्मोवाच: वाणीसंगमम् आख्यातं यत्र वागीश्वरो हरः । तत् तीर्थं सर्वपापानां मोचनं सर्वकामदम्

brahmovāca: vāṇīsaṃgamam ākhyātaṃ yatra vāgīśvaro haraḥ / tat tīrthaṃ sarvapāpānāṃ mocanaṃ sarvakāmadam

Sanskrit only: no published translation is held for this verse.

तत्र स्नानेन दानेन ब्रह्महत्यादिनाशनम् । ब्रह्मविष्ण्वोश् च संवादे महत्त्वे च परस्परम्

tatra snānena dānena brahmahatyādināśanam / brahmaviṣṇvoś ca saṃvāde mahattve ca parasparam

Sanskrit only: no published translation is held for this verse.

तयोर् मध्ये महादेवो ज्योतिर्मूर्तिर् अभूत् किल । तत्रैव वाग् उवाचेदं दैवी पुत्र तयोः शुभा

tayor madhye mahādevo jyotirmūrtir abhūt kila / tatraiva vāg uvācedaṃ daivī putra tayoḥ śubhā

Sanskrit only: no published translation is held for this verse.

अहम् अस्मि महांस् तत्र अहम् अस्मीति वै मिथः । दैवी वाक् ताव् उभौ प्राह यस् त्व् अस्यान्तं तु पश्यति

aham asmi mahāṃs tatra aham asmīti vai mithaḥ / daivī vāk tāv ubhau prāha yas tv asyāntaṃ tu paśyati

Sanskrit only: no published translation is held for this verse.

स तु ज्येष्ठो भवेत् तस्मान् मा वादं कर्तुम् अर्हथः । तद्वाक्याद् विष्णुर् अगमद् अधो ऽहं चोर्ध्वम् एव च

sa tu jyeṣṭho bhavet tasmān mā vādaṃ kartum arhathaḥ / tadvākyād viṣṇur agamad adho 'haṃ cordhvam eva ca

Sanskrit only: no published translation is held for this verse.

ततो विष्णुः शीघ्रम् एत्य ज्योतिःपार्श्व उपाविशत् । अप्राप्यान्तम् अहं प्रायां दूराद् दूरतरं मुने

tato viṣṇuḥ śīghram etya jyotiḥpārśva upāviśat / aprāpyāntam ahaṃ prāyāṃ dūrād dūrataraṃ mune

Sanskrit only: no published translation is held for this verse.

ततः श्रान्तो निवृत्तो ऽहं द्रष्टुम् ईशं तु तं प्रभुम् । तदैवं मम धीर् आसीद् दृष्टश् चान्तो मया भृशम्

tataḥ śrānto nivṛtto 'haṃ draṣṭum īśaṃ tu taṃ prabhum / tadaivaṃ mama dhīr āsīd dṛṣṭaś cānto mayā bhṛśam

Sanskrit only: no published translation is held for this verse.

अस्य देवस्य तद् विष्णोर् मम ज्यैष्ठ्यं स्फुटं भवेत् । पुनश् चापि मम त्व् एवं मतिर् आसीन् महामते

asya devasya tad viṣṇor mama jyaiṣṭhyaṃ sphuṭaṃ bhavet / punaś cāpi mama tv evaṃ matir āsīn mahāmate

Sanskrit only: no published translation is held for this verse.

सत्यैर् वक्त्रैः कथं वक्ष्ये पीडितो ऽप्य् अनृतं वचः । नानाविधेषु पापेषु नानृतात् पातकं परम्

satyair vaktraiḥ kathaṃ vakṣye pīḍito 'py anṛtaṃ vacaḥ / nānāvidheṣu pāpeṣu nānṛtāt pātakaṃ param

Sanskrit only: no published translation is held for this verse.

सत्यैर् वक्त्रैर् असत्यां वा वाचं वक्ष्ये कथं त्व् इति । ततो ऽहं पञ्चमं वक्त्रं गर्दभाकृतिभीषणम्

satyair vaktrair asatyāṃ vā vācaṃ vakṣye kathaṃ tv iti / tato 'haṃ pañcamaṃ vaktraṃ gardabhākṛtibhīṣaṇam

Sanskrit only: no published translation is held for this verse.

कृत्वा तेनानृतं वक्ष्य इति ध्यात्वा चिरं तदा । अब्रवं तं हरिं तत्र आसीनं जगतां प्रभुम्

kṛtvā tenānṛtaṃ vakṣya iti dhyātvā ciraṃ tadā / abravaṃ taṃ hariṃ tatra āsīnaṃ jagatāṃ prabhum

Sanskrit only: no published translation is held for this verse.

अस्य चान्तो मया दृष्टस् तेन ज्यैष्ठ्यं जनार्दन । ममेति वदतः पार्श्वे उभौ तौ हरिशंकरौ

asya cānto mayā dṛṣṭas tena jyaiṣṭhyaṃ janārdana / mameti vadataḥ pārśve ubhau tau hariśaṃkarau

Sanskrit only: no published translation is held for this verse.

एकरूपत्वम् आपन्नौ सूर्याचन्द्रमसाव् इव । तौ दृष्ट्वा विस्मितो भीतश् चास्तवं ताव् उभाव् अपि । ततः क्रुद्धौ जगन्नाथौ वाचं ताम् इदम् ऊचतुः

ekarūpatvam āpannau sūryācandramasāv iva / tau dṛṣṭvā vismito bhītaś cāstavaṃ tāv ubhāv api / tataḥ kruddhau jagannāthau vācaṃ tām idam ūcatuḥ

Sanskrit only: no published translation is held for this verse.

हरिहराव् ऊचतुः: दुष्टे त्वं निम्नगा भूया नानृताद् अस्ति पातकम् ॥* ब्र्प् १३५।१४ ॥ ब्रह्मोवाच: ततः सा विह्वला भूत्वा नदीभावम् उपागता । तद् दृष्ट्वा विस्मितो भीतस् ताम् अब्रवम् अहं तदा

hariharāv ūcatuḥ: duṣṭe tvaṃ nimnagā bhūyā nānṛtād asti pātakam //* BrP 135.14 // brahmovāca: tataḥ sā vihvalā bhūtvā nadībhāvam upāgatā / tad dṛṣṭvā vismito bhītas tām abravam ahaṃ tadā

Sanskrit only: no published translation is held for this verse.

यस्माद् असत्यम् उक्तासि ब्रह्मवाचि स्थिता सती । तस्माद् अदृश्या त्वं भूयाः पापरूपास्य् असंशयम्

yasmād asatyam uktāsi brahmavāci sthitā satī / tasmād adṛśyā tvaṃ bhūyāḥ pāparūpāsy asaṃśayam

Sanskrit only: no published translation is held for this verse.

एतच् छापं विदित्वा तु तौ देवौ प्रणता तदा । विशापत्वं प्रार्थयन्ती तुष्टाव च पुनः पुनः

etac chāpaṃ viditvā tu tau devau praṇatā tadā / viśāpatvaṃ prārthayantī tuṣṭāva ca punaḥ punaḥ

Sanskrit only: no published translation is held for this verse.

ततस् तुष्टौ देवदेवौ प्रार्थितौ त्रिदशार्चितौ । प्रीत्या हरिहराव् एवं वाचं वाचम् अथोचतुः

tatas tuṣṭau devadevau prārthitau tridaśārcitau / prītyā hariharāv evaṃ vācaṃ vācam athocatuḥ

Sanskrit only: no published translation is held for this verse.

हरिहराव् ऊचतुः: गङ्गया संगता भद्रे यदा त्वं लोकपावनी । तदा पुनर् वपुस् ते स्यात् पवित्रं हि सुशोभने

hariharāv ūcatuḥ: gaṅgayā saṃgatā bhadre yadā tvaṃ lokapāvanī / tadā punar vapus te syāt pavitraṃ hi suśobhane

Sanskrit only: no published translation is held for this verse.

ब्रह्मोवाच: तथेत्य् उक्त्वा सापि देवी गङ्गया संगताभवत् । भागीरथी गौतमी च ततश् चापि स्वकं वपुः

brahmovāca: tathety uktvā sāpi devī gaṅgayā saṃgatābhavat / bhāgīrathī gautamī ca tataś cāpi svakaṃ vapuḥ

Sanskrit only: no published translation is held for this verse.

देवी सा व्यगमद् ब्रह्मन् देवानाम् अपि दुर्लभम् । गौतम्यां सैव विख्याता नाम्ना वाणीति पुण्यदा

devī sā vyagamad brahman devānām api durlabham / gautamyāṃ saiva vikhyātā nāmnā vāṇīti puṇyadā

Sanskrit only: no published translation is held for this verse.

भागीरथ्यां सैव देवी सरस्वत्य् अभिधीयते । उभयत्रापि विख्यातः संगमो लोकपूजितः

bhāgīrathyāṃ saiva devī sarasvaty abhidhīyate / ubhayatrāpi vikhyātaḥ saṃgamo lokapūjitaḥ

Sanskrit only: no published translation is held for this verse.

सरस्वतीसंगमश् च वाणीसंगम एव च । गौतम्या संगता देवी वाणी वाचा सरस्वती

sarasvatīsaṃgamaś ca vāṇīsaṃgama eva ca / gautamyā saṃgatā devī vāṇī vācā sarasvatī

Sanskrit only: no published translation is held for this verse.

सर्वत्र पूजितं तीर्थं तत्र वाचा शिवं प्रभुम् । देवेश्वरं पूजयित्वा विशापम् अगमद् यतः

sarvatra pūjitaṃ tīrthaṃ tatra vācā śivaṃ prabhum / deveśvaraṃ pūjayitvā viśāpam agamad yataḥ

Sanskrit only: no published translation is held for this verse.

ब्रह्मा विधूय वाग्दौष्ट्यं स्वं च धामागमत् पुनः । तस्मात् तत्र शुचिर् भूत्वा स्नात्वा तत्र च संगमे

brahmā vidhūya vāgdauṣṭyaṃ svaṃ ca dhāmāgamat punaḥ / tasmāt tatra śucir bhūtvā snātvā tatra ca saṃgame

Sanskrit only: no published translation is held for this verse.

वागीश्वरं ततो दृष्ट्वा तावता मुक्तिम् आप्नुयात् । दानहोमादिकं किंचिद् उपवासादिकां क्रियाम्

vāgīśvaraṃ tato dṛṣṭvā tāvatā muktim āpnuyāt / dānahomādikaṃ kiṃcid upavāsādikāṃ kriyām

Sanskrit only: no published translation is held for this verse.

यः कुर्यात् संगमे पुण्ये संसारे न भवेत् पुनः । एकोनविंशतिशतं तीर्थानां तीरयोर् द्वयोः । नानाजन्मार्जिताशेष- पापक्षयविधायिनाम्

yaḥ kuryāt saṃgame puṇye saṃsāre na bhavet punaḥ / ekonaviṃśatiśataṃ tīrthānāṃ tīrayor dvayoḥ / nānājanmārjitāśeṣa- pāpakṣayavidhāyinām

Sanskrit only: no published translation is held for this verse.