लोमहर्षण उवाच: गान्धारी चैव माद्री च क्रोष्टोर् भार्ये बभूवतुः । गान्धारी जनयाम् आस अनमित्रं महाबलम्
lomaharṣaṇa uvāca: gāndhārī caiva mādrī ca kroṣṭor bhārye babhūvatuḥ / gāndhārī janayām āsa anamitraṃ mahābalam
Sanskrit only: no published translation is held for this verse.
माद्री युधाजितं पुत्रं ततो ऽन्यं देवमीढुषम् । तेषां वंशस् त्रिधा भूतो वृष्णीनां कुलवर्धनः
mādrī yudhājitaṃ putraṃ tato 'nyaṃ devamīḍhuṣam / teṣāṃ vaṃśas tridhā bhūto vṛṣṇīnāṃ kulavardhanaḥ
Sanskrit only: no published translation is held for this verse.
माद्र्याः पुत्रौ तु जज्ञाते श्रुतौ वृष्ण्यन्धकाव् उभौ । जज्ञाते तनयौ वृष्णेः श्वफल्कश् चित्रकस् तथा
mādryāḥ putrau tu jajñāte śrutau vṛṣṇyandhakāv ubhau / jajñāte tanayau vṛṣṇeḥ śvaphalkaś citrakas tathā
Sanskrit only: no published translation is held for this verse.
श्वफल्कस् तु मुनिश्रेष्ठा धर्मात्मा यत्र वर्तते । नास्ति व्याधिभयं तत्र नावर्षस् तपम् एव च
śvaphalkas tu muniśreṣṭhā dharmātmā yatra vartate / nāsti vyādhibhayaṃ tatra nāvarṣas tapam eva ca
Sanskrit only: no published translation is held for this verse.
कदाचित् काशिराजस्य विषये मुनिसत्तमाः । त्रीणि वर्षाणि पूर्णानि नावर्षत् पाकशासनः
kadācit kāśirājasya viṣaye munisattamāḥ / trīṇi varṣāṇi pūrṇāni nāvarṣat pākaśāsanaḥ
Sanskrit only: no published translation is held for this verse.
स तत्र चानयाम् आस श्वफल्कं परमार्चितम् । श्वफल्कपरिवर्तेन ववर्ष हरिवाहनः
sa tatra cānayām āsa śvaphalkaṃ paramārcitam / śvaphalkaparivartena vavarṣa harivāhanaḥ
Sanskrit only: no published translation is held for this verse.
श्वफल्कः काशिराजस्य सुतां भार्याम् अविन्दत । गान्दिनीं नाम गां सा च ददौ विप्राय नित्यशः
śvaphalkaḥ kāśirājasya sutāṃ bhāryām avindata / gāndinīṃ nāma gāṃ sā ca dadau viprāya nityaśaḥ
Sanskrit only: no published translation is held for this verse.
दाता यज्वा च वीरश् च श्रुतवान् अतिथिप्रियः । अक्रूरः सुषुवे तस्माच् छ्वफल्काद् भूरिदक्षिणः
dātā yajvā ca vīraś ca śrutavān atithipriyaḥ / akrūraḥ suṣuve tasmāc chvaphalkād bhūridakṣiṇaḥ
Sanskrit only: no published translation is held for this verse.
उपमद्गुस् तथा मद्गुर् मेदुरश् चारिमेजयः । अविक्षितस् तथाक्षेपः शत्रुघ्नश् चारिमर्दनः
upamadgus tathā madgur meduraś cārimejayaḥ / avikṣitas tathākṣepaḥ śatrughnaś cārimardanaḥ
Sanskrit only: no published translation is held for this verse.
धर्मधृग् यतिधर्मा च धर्मोक्षान्धकरुस् तथा । आवाहप्रतिवाहौ च सुन्दरी च वराङ्गना
dharmadhṛg yatidharmā ca dharmokṣāndhakarus tathā / āvāhaprativāhau ca sundarī ca varāṅganā
Sanskrit only: no published translation is held for this verse.
अक्रूरेणोग्रसेनायां सुगात्र्यां द्विजसत्तमाः । प्रसेनश् चोपदेवश् च जज्ञाते देववर्चसौ
akrūreṇograsenāyāṃ sugātryāṃ dvijasattamāḥ / prasenaś copadevaś ca jajñāte devavarcasau
Sanskrit only: no published translation is held for this verse.
चित्रकस्याभवन् पुत्राः पृथुर् विपृथुर् एव च । अश्वग्रीवो ऽश्वबाहुश् च स्वपार्श्वकगवेषणौ
citrakasyābhavan putrāḥ pṛthur vipṛthur eva ca / aśvagrīvo 'śvabāhuś ca svapārśvakagaveṣaṇau
Sanskrit only: no published translation is held for this verse.
अरिष्टनेमिर् अश्वश् च सुधर्मा धर्मभृत् तथा । सुबाहुर् बहुबाहुश् च श्रविष्ठाश्रवणे स्त्रियौ
ariṣṭanemir aśvaś ca sudharmā dharmabhṛt tathā / subāhur bahubāhuś ca śraviṣṭhāśravaṇe striyau
Sanskrit only: no published translation is held for this verse.
असिक्न्यां जनयाम् आस शूरं वै देवमीढुषम् । महिष्यां जज्ञिरे शूरा भोज्यायां पुरुषा दश
asiknyāṃ janayām āsa śūraṃ vai devamīḍhuṣam / mahiṣyāṃ jajñire śūrā bhojyāyāṃ puruṣā daśa
Sanskrit only: no published translation is held for this verse.
वसुदेवो महाबाहुः पूर्वम् आनकदुन्दुभिः । जज्ञे यस्य प्रसूतस्य दुन्दुभ्यः प्राणदन् दिवि
vasudevo mahābāhuḥ pūrvam ānakadundubhiḥ / jajñe yasya prasūtasya dundubhyaḥ prāṇadan divi
Sanskrit only: no published translation is held for this verse.
आनकानां च संह्रादः सुमहान् अभवद् दिवि । पपात पुष्पवर्षश् च शूरस्य जनने महान्
ānakānāṃ ca saṃhrādaḥ sumahān abhavad divi / papāta puṣpavarṣaś ca śūrasya janane mahān
Sanskrit only: no published translation is held for this verse.
मनुष्यलोके कृत्स्ने ऽपि रूपे नास्ति समो भुवि । यस्यासीत् पुरुषाग्र्यस्य कान्तिश् चन्द्रमसो यथा
manuṣyaloke kṛtsne 'pi rūpe nāsti samo bhuvi / yasyāsīt puruṣāgryasya kāntiś candramaso yathā
Sanskrit only: no published translation is held for this verse.
देवभागस् ततो जज्ञे तथा देवश्रवाः पुनः । अनाधृष्टिः कनवको वत्सवान् अथ गृञ्जमः
devabhāgas tato jajñe tathā devaśravāḥ punaḥ / anādhṛṣṭiḥ kanavako vatsavān atha gṛñjamaḥ
Sanskrit only: no published translation is held for this verse.
श्यामः शमीको गण्डूषः पञ्च चास्य वराङ्गनाः । पृथुकीर्तिः पृथा चैव श्रुतदेवा श्रुतश्रवा
śyāmaḥ śamīko gaṇḍūṣaḥ pañca cāsya varāṅganāḥ / pṛthukīrtiḥ pṛthā caiva śrutadevā śrutaśravā
Sanskrit only: no published translation is held for this verse.
राजाधिदेवी च तथा पञ्चैता वीरमातरः । श्रुतश्रवायां चैद्यस् तु शिशुपालो ऽभवन् नृपः
rājādhidevī ca tathā pañcaitā vīramātaraḥ / śrutaśravāyāṃ caidyas tu śiśupālo 'bhavan nṛpaḥ
Sanskrit only: no published translation is held for this verse.
हिरण्यकशिपुर् यो ऽसौ दैत्यराजो ऽभवत् पुरा । पृथुकीर्त्यां तु संजज्ञे तनयो वृद्धशर्मणः
hiraṇyakaśipur yo 'sau daityarājo 'bhavat purā / pṛthukīrtyāṃ tu saṃjajñe tanayo vṛddhaśarmaṇaḥ
Sanskrit only: no published translation is held for this verse.
करूषाधिपतिर् वीरो दन्तवक्रो महाबलः । पृथां दुहितरं चक्रे कुन्तिस् तां पाण्डुर् आवहत्
karūṣādhipatir vīro dantavakro mahābalaḥ / pṛthāṃ duhitaraṃ cakre kuntis tāṃ pāṇḍur āvahat
Sanskrit only: no published translation is held for this verse.
यस्यां स धर्मविद् राजा धर्मो जज्ञे युधिष्ठिरः । भीमसेनस् तथा वाताद् इन्द्राच् चैव धनंजयः
yasyāṃ sa dharmavid rājā dharmo jajñe yudhiṣṭhiraḥ / bhīmasenas tathā vātād indrāc caiva dhanaṃjayaḥ
Sanskrit only: no published translation is held for this verse.
लोके प्रतिरथो वीरः शक्रतुल्यपराक्रमः । अनमित्राच् छनिर् जज्ञे कनिष्ठाद् वृष्णिनन्दनात्
loke pratiratho vīraḥ śakratulyaparākramaḥ / anamitrāc chanir jajñe kaniṣṭhād vṛṣṇinandanāt
Sanskrit only: no published translation is held for this verse.
शैनेयः सत्यकस् तस्माद् युयुधानश् च सात्यकिः । उद्धवो देवभागस्य महाभागः सुतो ऽभवत्
śaineyaḥ satyakas tasmād yuyudhānaś ca sātyakiḥ / uddhavo devabhāgasya mahābhāgaḥ suto 'bhavat
Sanskrit only: no published translation is held for this verse.
पण्डितानां परं प्राहुर् देवश्रवसम् उत्तमम् । अश्मक्यं प्राप्तवान् पुत्रम् अनाधृष्टिर् यशस्विनम्
paṇḍitānāṃ paraṃ prāhur devaśravasam uttamam / aśmakyaṃ prāptavān putram anādhṛṣṭir yaśasvinam
Sanskrit only: no published translation is held for this verse.
निवृत्तशत्रुं शत्रुघ्नं श्रुतदेवा त्व् अजायत । श्रुतदेवात्मजास् ते तु नैषादिर् यः परिश्रुतः
nivṛttaśatruṃ śatrughnaṃ śrutadevā tv ajāyata / śrutadevātmajās te tu naiṣādir yaḥ pariśrutaḥ
Sanskrit only: no published translation is held for this verse.
एकलव्यो मुनिश्रेष्ठा निषादैः परिवर्धितः । वत्सवते त्व् अपुत्राय वसुदेवः प्रतापवान् । अद्भिर् ददौ सुतं वीरं शौरिः कौशिकम् औरसम्
ekalavyo muniśreṣṭhā niṣādaiḥ parivardhitaḥ / vatsavate tv aputrāya vasudevaḥ pratāpavān / adbhir dadau sutaṃ vīraṃ śauriḥ kauśikam aurasam
Sanskrit only: no published translation is held for this verse.
गण्डूषाय ह्य् अपुत्राय विष्वक्सेनो ददौ सुतान् । चारुदेष्णं सुदेष्णं च पञ्चालं कृतलक्षणम्
gaṇḍūṣāya hy aputrāya viṣvakseno dadau sutān / cārudeṣṇaṃ sudeṣṇaṃ ca pañcālaṃ kṛtalakṣaṇam
Sanskrit only: no published translation is held for this verse.
असंग्रामेण यो वीरो नावर्तत कदाचन । रौक्मिणेयो महाबाहुः कनीयान् द्विजसत्तमाः
asaṃgrāmeṇa yo vīro nāvartata kadācana / raukmiṇeyo mahābāhuḥ kanīyān dvijasattamāḥ
Sanskrit only: no published translation is held for this verse.
वायसानां सहस्राणि यं यान्तं पृष्ठतो ऽन्वयुः । चारून् अद्योपभोक्ष्यामश् चारुदेष्णहतान् इति
vāyasānāṃ sahasrāṇi yaṃ yāntaṃ pṛṣṭhato 'nvayuḥ / cārūn adyopabhokṣyāmaś cārudeṣṇahatān iti
Sanskrit only: no published translation is held for this verse.
तन्त्रिजस् तन्त्रिपालश् च सुतौ कनवकस्य तौ । वीरुश् चाश्वहनुश् चैव वीरौ ताव् अथ गृञ्जिमौ
tantrijas tantripālaś ca sutau kanavakasya tau / vīruś cāśvahanuś caiva vīrau tāv atha gṛñjimau
Sanskrit only: no published translation is held for this verse.
श्यामपुत्रः शमीकस् तु शमीको राज्यम् आवहत् । जुगुप्समानो भोजत्वाद् राजसूयम् अवाप सः
śyāmaputraḥ śamīkas tu śamīko rājyam āvahat / jugupsamāno bhojatvād rājasūyam avāpa saḥ
Sanskrit only: no published translation is held for this verse.
अजातशत्रुः शत्रूणां जज्ञे तस्य विनाशनः । वसुदेवसुतान् वीरान् कीर्तयिष्याम्य् अतः परम्
ajātaśatruḥ śatrūṇāṃ jajñe tasya vināśanaḥ / vasudevasutān vīrān kīrtayiṣyāmy ataḥ param
Sanskrit only: no published translation is held for this verse.
वृष्णेस् त्रिविधम् एवं तु बहुशाखं महौजसम् । धारयन् विपुलं वंशं नानर्थैर् इह युज्यते
vṛṣṇes trividham evaṃ tu bahuśākhaṃ mahaujasam / dhārayan vipulaṃ vaṃśaṃ nānarthair iha yujyate
Sanskrit only: no published translation is held for this verse.
याः पत्न्यो वसुदेवस्य चतुर्दश वराङ्गनाः । पौरवी रोहिणी नाम मदिरादितथावरा
yāḥ patnyo vasudevasya caturdaśa varāṅganāḥ / pauravī rohiṇī nāma madirāditathāvarā
Sanskrit only: no published translation is held for this verse.
वैशाखी च तथा भद्रा सुनाम्नी चैव पञ्चमी । सहदेवा शान्तिदेवा श्रीदेवी देवरक्षिता
vaiśākhī ca tathā bhadrā sunāmnī caiva pañcamī / sahadevā śāntidevā śrīdevī devarakṣitā
Sanskrit only: no published translation is held for this verse.
वृकदेव्य् उपदेवी च देवकी चैव सप्तमी । सुतनुर् वडवा चैव द्वे एते परिचारिके
vṛkadevy upadevī ca devakī caiva saptamī / sutanur vaḍavā caiva dve ete paricārike
Sanskrit only: no published translation is held for this verse.
पौरवी रोहिणी नाम बाह्लिकस्यात्मजाभवत् । ज्येष्ठा पत्नी मुनिश्रेष्ठा दयितानकदुन्दुभेः
pauravī rohiṇī nāma bāhlikasyātmajābhavat / jyeṣṭhā patnī muniśreṣṭhā dayitānakadundubheḥ
Sanskrit only: no published translation is held for this verse.
लेभे ज्येष्ठं सुतं रामं शरण्यं शठम् एव च । दुर्दमं दमनं शुभ्रं पिण्डारकम् उशीनरम्
lebhe jyeṣṭhaṃ sutaṃ rāmaṃ śaraṇyaṃ śaṭham eva ca / durdamaṃ damanaṃ śubhraṃ piṇḍārakam uśīnaram
Sanskrit only: no published translation is held for this verse.
चित्रा नाम कुमारी च रोहिणीतनया नव । चित्रा सुभद्रेति पुनर् विख्याता मुनिसत्तमाः
citrā nāma kumārī ca rohiṇītanayā nava / citrā subhadreti punar vikhyātā munisattamāḥ
Sanskrit only: no published translation is held for this verse.
वसुदेवाच् च देवक्यां जज्ञे शौरिर् महायशाः । रामाच् च निशठो जज्ञे रेवत्यां दयितः सुतः
vasudevāc ca devakyāṃ jajñe śaurir mahāyaśāḥ / rāmāc ca niśaṭho jajñe revatyāṃ dayitaḥ sutaḥ
Sanskrit only: no published translation is held for this verse.
सुभद्रायां रथी पार्थाद् अभिमन्युर् अजायत । अक्रूरात् काशिकन्यायां सत्यकेतुर् अजायत
subhadrāyāṃ rathī pārthād abhimanyur ajāyata / akrūrāt kāśikanyāyāṃ satyaketur ajāyata
Sanskrit only: no published translation is held for this verse.
वसुदेवस्य भार्यासु महाभागासु सप्तसु । ये पुत्रा जज्ञिरे शूराः समस्तांस् तान् निबोधत
vasudevasya bhāryāsu mahābhāgāsu saptasu / ye putrā jajñire śūrāḥ samastāṃs tān nibodhata
Sanskrit only: no published translation is held for this verse.
भोजश् च विजयश् चैव शान्तिदेवासुताव् उभौ । वृकदेवः सुनामायां गदश् चास्तां सुताव् उभौ
bhojaś ca vijayaś caiva śāntidevāsutāv ubhau / vṛkadevaḥ sunāmāyāṃ gadaś cāstāṃ sutāv ubhau
Sanskrit only: no published translation is held for this verse.
अगावहं महात्मानं वृकदेवी व्यजायत । कन्या त्रिगर्तराजस्य भार्या वै शिशिरायणेः
agāvahaṃ mahātmānaṃ vṛkadevī vyajāyata / kanyā trigartarājasya bhāryā vai śiśirāyaṇeḥ
Sanskrit only: no published translation is held for this verse.
जिज्ञासां पौरुषे चक्रे न चस्कन्दे च पौरुषम् । कृष्णायससमप्रख्यो वर्षे द्वादशमे तथा
jijñāsāṃ pauruṣe cakre na caskande ca pauruṣam / kṛṣṇāyasasamaprakhyo varṣe dvādaśame tathā
Sanskrit only: no published translation is held for this verse.
मिथ्याभिशस्तो गार्ग्यस् तु मन्युनातिसमीरितः । घोषकन्याम् उपादाय मैथुनायोपचक्रमे
mithyābhiśasto gārgyas tu manyunātisamīritaḥ / ghoṣakanyām upādāya maithunāyopacakrame
Sanskrit only: no published translation is held for this verse.
गोपाली चाप्सरास् तस्य गोपस्त्रीवेषधारिणी । धारयाम् आस गार्ग्यस्य गर्भं दुर्धरम् अच्युतम्
gopālī cāpsarās tasya gopastrīveṣadhāriṇī / dhārayām āsa gārgyasya garbhaṃ durdharam acyutam
Sanskrit only: no published translation is held for this verse.
मानुष्यां गर्गभार्यायां नियोगाच् छूलपाणिनः । स कालयवनो नाम जज्ञे राजा महाबलः
mānuṣyāṃ gargabhāryāyāṃ niyogāc chūlapāṇinaḥ / sa kālayavano nāma jajñe rājā mahābalaḥ
Sanskrit only: no published translation is held for this verse.
वृत्तपूर्वार्धकायस् तु सिंहसंहननो युवा । अपुत्रस्य स राज्ञस् तु ववृधे ऽन्तःपुरे शिशुः
vṛttapūrvārdhakāyas tu siṃhasaṃhanano yuvā / aputrasya sa rājñas tu vavṛdhe 'ntaḥpure śiśuḥ
Sanskrit only: no published translation is held for this verse.
यवनस्य मुनिश्रेष्ठाः स कालयवनो ऽभवत् । आयुध्यमानो नृपतिः पर्यपृच्छद् द्विजोत्तमम्
yavanasya muniśreṣṭhāḥ sa kālayavano 'bhavat / āyudhyamāno nṛpatiḥ paryapṛcchad dvijottamam
Sanskrit only: no published translation is held for this verse.
वृष्ण्यन्धककुलं तस्य नारदो ऽकथयद् विभुः । अक्षौहिण्या तु सैन्यस्य मथुराम् अभ्ययात् तदा
vṛṣṇyandhakakulaṃ tasya nārado 'kathayad vibhuḥ / akṣauhiṇyā tu sainyasya mathurām abhyayāt tadā
Sanskrit only: no published translation is held for this verse.
दूतं संप्रेषयाम् आस वृष्ण्यन्धकनिवेशनम् । ततो वृष्ण्यन्धकाः कृष्णं पुरस्कृत्य महामतिम्
dūtaṃ saṃpreṣayām āsa vṛṣṇyandhakaniveśanam / tato vṛṣṇyandhakāḥ kṛṣṇaṃ puraskṛtya mahāmatim
Sanskrit only: no published translation is held for this verse.
समेता मन्त्रयाम् आसुर् यवनस्य भयात् तदा । कृत्वा विनिश्चयं सर्वे पलायनम् अरोचयन्
sametā mantrayām āsur yavanasya bhayāt tadā / kṛtvā viniścayaṃ sarve palāyanam arocayan
Sanskrit only: no published translation is held for this verse.
विहाय मथुरां रम्यां मानयन्तः पिनाकिनम् । कुशस्थलीं द्वारवतीं निवेशयितुम् ईप्सवः
vihāya mathurāṃ ramyāṃ mānayantaḥ pinākinam / kuśasthalīṃ dvāravatīṃ niveśayitum īpsavaḥ
Sanskrit only: no published translation is held for this verse.
इति कृष्णस्य जन्मेदं यः शुचिर् नियतेन्द्रियः । पर्वसु श्रावयेद् विद्वान् अनृणः स सुखी भवेत्
iti kṛṣṇasya janmedaṃ yaḥ śucir niyatendriyaḥ / parvasu śrāvayed vidvān anṛṇaḥ sa sukhī bhavet
Sanskrit only: no published translation is held for this verse.