Brahma-Purana 142

ब्रह्मोवाच: देवस्थानम् इति ख्यातं तीर्थं त्रैलोक्यविश्रुतम् । तस्य प्रभावं वक्ष्यामि शृणु यत्नेन नारद

brahmovāca: devasthānam iti khyātaṃ tīrthaṃ trailokyaviśrutam / tasya prabhāvaṃ vakṣyāmi śṛṇu yatnena nārada

Sanskrit only: no published translation is held for this verse.

पुरा कृतयुगस्यादौ देवदानवसंगरे । प्रवृत्ते वा सिंहिकेति विख्याता दैत्यसुन्दरी

purā kṛtayugasyādau devadānavasaṃgare / pravṛtte vā siṃhiketi vikhyātā daityasundarī

Sanskrit only: no published translation is held for this verse.

तस्याः पुत्रो महादैत्यो राहुर् नाम महाबलः । अमृते तु समुत्पन्ने सैंहिकेये च भेदिते

tasyāḥ putro mahādaityo rāhur nāma mahābalaḥ / amṛte tu samutpanne saiṃhikeye ca bhedite

Sanskrit only: no published translation is held for this verse.

तस्य पुत्रो महादैत्यो मेघहास इति श्रुतः । पितरं घातितं श्रुत्वा तपस् तेपे ऽतिदुःखितः

tasya putro mahādaityo meghahāsa iti śrutaḥ / pitaraṃ ghātitaṃ śrutvā tapas tepe 'tiduḥkhitaḥ

Sanskrit only: no published translation is held for this verse.

तपस्यन्तं राहुसुतं गौतमीतीरम् आश्रितम् । देवाश् च ऋषयः सर्वे तम् ऊचुर् अतिभीतवत्

tapasyantaṃ rāhusutaṃ gautamītīram āśritam / devāś ca ṛṣayaḥ sarve tam ūcur atibhītavat

Sanskrit only: no published translation is held for this verse.

देवर्षय ऊचुः: तपो जहि महाबाहो यत् ते मनसि संस्थितम् । सर्वं भवतु नामेदं शिवगङ्गाप्रसादतः । शिवगङ्गाप्रसादेन किं नामास्त्य् अत्र दुर्लभम्

devarṣaya ūcuḥ: tapo jahi mahābāho yat te manasi saṃsthitam / sarvaṃ bhavatu nāmedaṃ śivagaṅgāprasādataḥ / śivagaṅgāprasādena kiṃ nāmāsty atra durlabham

Sanskrit only: no published translation is held for this verse.

मेघहास उवाच: परिभूतः पिता पूज्यो युष्माभिर् मम दैवतम् । तस्यापि मम चात्यन्तं प्रीतिश् च क्रियते यदि

meghahāsa uvāca: paribhūtaḥ pitā pūjyo yuṣmābhir mama daivatam / tasyāpi mama cātyantaṃ prītiś ca kriyate yadi

Sanskrit only: no published translation is held for this verse.

भवद्भिस् तपसो ऽस्माच् च अहं वैरान् निवर्तये । वैरनिर्यातनं कार्यं पुत्रेण पितुर् आदरात् । प्रार्थयन्ते भवन्तश् चेत् पूर्णास् तन् मे मनोरथाः

bhavadbhis tapaso 'smāc ca ahaṃ vairān nivartaye / vairaniryātanaṃ kāryaṃ putreṇa pitur ādarāt / prārthayante bhavantaś cet pūrṇās tan me manorathāḥ

Sanskrit only: no published translation is held for this verse.

ब्रह्मोवाच: ततः सुरगणाः सर्वे राहुं चक्रुर् ग्रहानुगम् । तं चापि मेघहासं ते चक्रू राक्षसपुंगवम्

brahmovāca: tataḥ suragaṇāḥ sarve rāhuṃ cakrur grahānugam / taṃ cāpi meghahāsaṃ te cakrū rākṣasapuṃgavam

Sanskrit only: no published translation is held for this verse.

ततो ऽभवद् राहुसुतो नैरृताधिपतिः प्रभुः । पुनश् चाह सुरान् दैत्यो मम ख्यातिर् यथा भवेत्

tato 'bhavad rāhusuto nairṛtādhipatiḥ prabhuḥ / punaś cāha surān daityo mama khyātir yathā bhavet

Sanskrit only: no published translation is held for this verse.

तीर्थस्यास्य प्रभावश् च दातव्य इति मे मतिः । तथेत्य् उक्त्वा ददुर् देवाः सर्वम् एव मनोगतम्

tīrthasyāsya prabhāvaś ca dātavya iti me matiḥ / tathety uktvā dadur devāḥ sarvam eva manogatam

Sanskrit only: no published translation is held for this verse.

दैत्येश्वरस्य देवर्षे तन्नाम्ना तीर्थम् उच्यते । देवा यतो ऽभवन् सर्वे तत्र स्थाने महामते

daityeśvarasya devarṣe tannāmnā tīrtham ucyate / devā yato 'bhavan sarve tatra sthāne mahāmate

Sanskrit only: no published translation is held for this verse.

देवस्थानं तु तत् तीर्थं देवानाम् अपि दुर्लभम् । यत्र देवेश्वरो देवो देवतीर्थं ततः स्मृतम्

devasthānaṃ tu tat tīrthaṃ devānām api durlabham / yatra deveśvaro devo devatīrthaṃ tataḥ smṛtam

Sanskrit only: no published translation is held for this verse.

तत्राष्टादश तीर्थानि दैत्यपूज्यानि नारद । तेषु स्नानं च दानं च महापातकनाशनम्

tatrāṣṭādaśa tīrthāni daityapūjyāni nārada / teṣu snānaṃ ca dānaṃ ca mahāpātakanāśanam

Sanskrit only: no published translation is held for this verse.