Brahma-Purana 143

ब्रह्मोवाच: सिद्धतीर्थम् इति ख्यातं यत्र सिद्धेश्वरो हरः । तस्य प्रभावं वक्ष्यामि सर्वसिद्धिकरं नृणाम्

brahmovāca: siddhatīrtham iti khyātaṃ yatra siddheśvaro haraḥ / tasya prabhāvaṃ vakṣyāmi sarvasiddhikaraṃ nṛṇām

Sanskrit only: no published translation is held for this verse.

पुलस्त्यवंशसंभूतो रावणो लोकरावणः । दिशो विजित्य सर्वाश् च सोमलोकम् अजीगमत्

pulastyavaṃśasaṃbhūto rāvaṇo lokarāvaṇaḥ / diśo vijitya sarvāś ca somalokam ajīgamat

Sanskrit only: no published translation is held for this verse.

सोमेन सह योत्स्यन्तं दशास्यम् अहम् अब्रवम् । मन्त्रं दास्ये निवर्तस्व सोमयुद्धाद् दशानन

somena saha yotsyantaṃ daśāsyam aham abravam / mantraṃ dāsye nivartasva somayuddhād daśānana

Sanskrit only: no published translation is held for this verse.

इत्य् उक्त्वाष्टोत्तरं मन्त्रं शतनामभिर् अन्वितम् । शिवस्य राक्षसेन्द्राय प्रादां नारद शान्तये

ity uktvāṣṭottaraṃ mantraṃ śatanāmabhir anvitam / śivasya rākṣasendrāya prādāṃ nārada śāntaye

Sanskrit only: no published translation is held for this verse.

निःश्रीकाणां विपन्नानां नानाक्लेशजुषां नृणाम् । शरणं शिव एवात्र संसारे ऽन्यो न कश्चन

niḥśrīkāṇāṃ vipannānāṃ nānākleśajuṣāṃ nṛṇām / śaraṇaṃ śiva evātra saṃsāre 'nyo na kaścana

Sanskrit only: no published translation is held for this verse.