Brahma-Purana 145

स्नानदानादिभिः पुण्यं यत् तद् वक्तुं न शक्यते ॥* ब्र्प् १४४।२७ ॥ ब्रह्मोवाच: मार्कण्डेयं नाम तीर्थं सर्वपापविमोचनम् । सर्वक्रतुफलं पुण्यम् अघौघविनिवारणम्

snānadānādibhiḥ puṇyaṃ yat tad vaktuṃ na śakyate //* BrP 144.27 // brahmovāca: mārkaṇḍeyaṃ nāma tīrthaṃ sarvapāpavimocanam / sarvakratuphalaṃ puṇyam aghaughavinivāraṇam

Sanskrit only: no published translation is held for this verse.

तस्य प्रभावं वक्ष्यामि शृणु नारद यत्नतः । मार्कण्डेयो भरद्वाजो वसिष्ठो ऽत्रिश् च गौतमः

tasya prabhāvaṃ vakṣyāmi śṛṇu nārada yatnataḥ / mārkaṇḍeyo bharadvājo vasiṣṭho 'triś ca gautamaḥ

Sanskrit only: no published translation is held for this verse.

याज्ञवल्क्यश् च जाबालिर् मुनयो ऽन्ये ऽपि नारद । एते शास्त्रप्रणेतारो वेदवेदाङ्गपारगाः

yājñavalkyaś ca jābālir munayo 'nye 'pi nārada / ete śāstrapraṇetāro vedavedāṅgapāragāḥ

Sanskrit only: no published translation is held for this verse.

पुराणन्यायमीमांसा- कथासु परिनिष्ठिताः । मिथः समूचुर् विद्वांसो मुक्तिं प्रति यथामति

purāṇanyāyamīmāṃsā- kathāsu pariniṣṭhitāḥ / mithaḥ samūcur vidvāṃso muktiṃ prati yathāmati

Sanskrit only: no published translation is held for this verse.

केचिज् ज्ञानं प्रशंसन्ति केचित् कर्म तथोभयम् । एवं विवदमानास् ते माम् ऊचुर् उभयं मतम्

kecij jñānaṃ praśaṃsanti kecit karma tathobhayam / evaṃ vivadamānās te mām ūcur ubhayaṃ matam

Sanskrit only: no published translation is held for this verse.

मदीयं तु मतं ज्ञात्वा ययुश् चक्रगदाधरम् । तस्य चापि मतं ज्ञात्वा ऋषयस् ते महौजसः

madīyaṃ tu mataṃ jñātvā yayuś cakragadādharam / tasya cāpi mataṃ jñātvā ṛṣayas te mahaujasaḥ

Sanskrit only: no published translation is held for this verse.

पुनर् विवदमानास् ते शंकरं प्रष्टुम् उद्यताः । गङ्गायां च भवं पूज्य तम् एवार्थं शशंसिरे

punar vivadamānās te śaṃkaraṃ praṣṭum udyatāḥ / gaṅgāyāṃ ca bhavaṃ pūjya tam evārthaṃ śaśaṃsire

Sanskrit only: no published translation is held for this verse.

कर्मणस् तु प्रधानत्वम् उवाच त्रिपुरान्तकः । क्रियारूपं च तज् ज्ञानं क्रिया सैव तद् उच्यते

karmaṇas tu pradhānatvam uvāca tripurāntakaḥ / kriyārūpaṃ ca taj jñānaṃ kriyā saiva tad ucyate

Sanskrit only: no published translation is held for this verse.

तस्मात् सर्वाणि भूतानि कर्मणा सिद्धिम् आप्नुयुः । कर्मैव विश्वतोव्यापि तदृते नास्ति किंचन

tasmāt sarvāṇi bhūtāni karmaṇā siddhim āpnuyuḥ / karmaiva viśvatovyāpi tadṛte nāsti kiṃcana

Sanskrit only: no published translation is held for this verse.

विद्याभ्यासो यज्ञकृतिर् योगाभ्यासः शिवार्चनम् । सर्वं कर्मैव नाकर्मी प्राणी क्वाप्य् अत्र विद्यते

vidyābhyāso yajñakṛtir yogābhyāsaḥ śivārcanam / sarvaṃ karmaiva nākarmī prāṇī kvāpy atra vidyate

Sanskrit only: no published translation is held for this verse.

कर्मैव कारणं तस्माद् अन्यद् उन्मत्तचेष्टितम् । ऋषीणां यत्र संवादो यत्र देवो महेश्वरः

karmaiva kāraṇaṃ tasmād anyad unmattaceṣṭitam / ṛṣīṇāṃ yatra saṃvādo yatra devo maheśvaraḥ

Sanskrit only: no published translation is held for this verse.

चकार निर्णयं सर्वं कर्मणावाप्यते नृभिः । मार्कण्डं मुख्यतः कृत्वा ततो मार्कण्डम् उच्यते

cakāra nirṇayaṃ sarvaṃ karmaṇāvāpyate nṛbhiḥ / mārkaṇḍaṃ mukhyataḥ kṛtvā tato mārkaṇḍam ucyate

Sanskrit only: no published translation is held for this verse.

तीर्थम् ऋषिगणाकीर्णं गङ्गाया उत्तरे तटे । पितॄणां पावनं पुण्यं स्मरणाद् अपि सर्वदा

tīrtham ṛṣigaṇākīrṇaṃ gaṅgāyā uttare taṭe / pitṝṇāṃ pāvanaṃ puṇyaṃ smaraṇād api sarvadā

Sanskrit only: no published translation is held for this verse.

तत्राष्टौ नवतिस् तात तीर्थान्य् आह जगन्मयः । वेदेन चापि तत् प्रोक्तम् ऋषयो मेनिरे च तत्

tatrāṣṭau navatis tāta tīrthāny āha jaganmayaḥ / vedena cāpi tat proktam ṛṣayo menire ca tat

Sanskrit only: no published translation is held for this verse.