Brahma-Purana 147

ब्रह्मोवाच: अप्सरोयुगम् आख्यातम् अप्सरासंगमं ततः । तीरे च दक्षिणे पुण्यं स्मरणात् सुभगो भवेत्

brahmovāca: apsaroyugam ākhyātam apsarāsaṃgamaṃ tataḥ / tīre ca dakṣiṇe puṇyaṃ smaraṇāt subhago bhavet

Sanskrit only: no published translation is held for this verse.

मुक्तो भवत्य् असंदेहं तत्र स्नानादिना नरः । स्त्री सती संगमे तस्मिन्न् ऋतुस्नाता च नारद

mukto bhavaty asaṃdehaṃ tatra snānādinā naraḥ / strī satī saṃgame tasminn ṛtusnātā ca nārada

Sanskrit only: no published translation is held for this verse.

वन्ध्यापि जनयेत् पुत्रं त्रिमासात् पतिना सह । स्नानदानेन वर्तन्ती नान्यथा मद्वचो भवेत्

vandhyāpi janayet putraṃ trimāsāt patinā saha / snānadānena vartantī nānyathā madvaco bhavet

Sanskrit only: no published translation is held for this verse.

अप्सरोयुगम् आख्यातं तीर्थं येन च हेतुना । तत्रेदं कारणं वक्ष्ये शृणु नारद यत्नतः

apsaroyugam ākhyātaṃ tīrthaṃ yena ca hetunā / tatredaṃ kāraṇaṃ vakṣye śṛṇu nārada yatnataḥ

Sanskrit only: no published translation is held for this verse.

स्पर्धासीन् महती ब्रह्मन् विश्वामित्रवसिष्ठयोः । तपस्यन्तं गाधिसुतं ब्राह्मण्यार्थे यतव्रतम्

spardhāsīn mahatī brahman viśvāmitravasiṣṭhayoḥ / tapasyantaṃ gādhisutaṃ brāhmaṇyārthe yatavratam

Sanskrit only: no published translation is held for this verse.

गङ्गाद्वारे समासीनं प्रेरितेन्द्रेण मेनका । तं गत्वा तपसो भ्रष्टं कुरु भद्रे ममाज्ञया

gaṅgādvāre samāsīnaṃ preritendreṇa menakā / taṃ gatvā tapaso bhraṣṭaṃ kuru bhadre mamājñayā

Sanskrit only: no published translation is held for this verse.

तदोक्तेन्द्रेण सा मेना विश्वामित्रं तपश्च्युतम् । कृत्वा कन्यां तथा दत्त्वा जगामेन्द्रपुरं पुनः

tadoktendreṇa sā menā viśvāmitraṃ tapaścyutam / kṛtvā kanyāṃ tathā dattvā jagāmendrapuraṃ punaḥ

Sanskrit only: no published translation is held for this verse.

तस्यां गतायां सस्मार गाधिपुत्रो ऽखिलं कृतम् । तं तु देशं परित्यज्य तीर्थं तु सुरवल्लभम्

tasyāṃ gatāyāṃ sasmāra gādhiputro 'khilaṃ kṛtam / taṃ tu deśaṃ parityajya tīrthaṃ tu suravallabham

Sanskrit only: no published translation is held for this verse.

जगाम दक्षिणां गङ्गां यत्र कालञ्जरो हरः । तपस्यन्तं तदोवाच पुनर् इन्द्रः सहस्रदृक्

jagāma dakṣiṇāṃ gaṅgāṃ yatra kālañjaro haraḥ / tapasyantaṃ tadovāca punar indraḥ sahasradṛk

Sanskrit only: no published translation is held for this verse.

उर्वशीं च ततो मेनां रम्भां चापि तिलोत्तमाम् । नैवेत्य् ऊचुर् भयत्रस्ताः पुनर् आह शचीपतिः

urvaśīṃ ca tato menāṃ rambhāṃ cāpi tilottamām / naivety ūcur bhayatrastāḥ punar āha śacīpatiḥ

Sanskrit only: no published translation is held for this verse.

गम्भीरां चातिगम्भीराम् उभे ये गर्विते तदा । ते ऊचतुर् उभे देवं सहस्राक्षं पुरंदरम्

gambhīrāṃ cātigambhīrām ubhe ye garvite tadā / te ūcatur ubhe devaṃ sahasrākṣaṃ puraṃdaram

Sanskrit only: no published translation is held for this verse.

गम्भीरातिगम्भीरे ऊचतुः: आवां गत्वा तपस्यन्तं गाधिपुत्रं महाद्युतिम् । च्यावयावो नृत्यगीतै रूपयौवनसंपदा

gambhīrātigambhīre ūcatuḥ: āvāṃ gatvā tapasyantaṃ gādhiputraṃ mahādyutim / cyāvayāvo nṛtyagītai rūpayauvanasaṃpadā

Sanskrit only: no published translation is held for this verse.

यासाम् अपाङ्गे हसिते वाचि विभ्रमसंपदि । नित्यं वसति पञ्चेषुस् ताभिः को ऽत्र न जीयते

yāsām apāṅge hasite vāci vibhramasaṃpadi / nityaṃ vasati pañceṣus tābhiḥ ko 'tra na jīyate

Sanskrit only: no published translation is held for this verse.

ब्रह्मोवाच: तथेत्य् उक्ते सहस्राक्षे ते आगत्य महानदीम् । ददृशाते तपस्यन्तं विश्वामित्रं महामुनिम्

brahmovāca: tathety ukte sahasrākṣe te āgatya mahānadīm / dadṛśāte tapasyantaṃ viśvāmitraṃ mahāmunim

Sanskrit only: no published translation is held for this verse.

मृत्योर् अपि दुराधर्षं भूमिस्थम् इव धूर्जटिम् । सहस्रम् एकं वर्षाणाम् ईक्षितुं न च शक्नुतः

mṛtyor api durādharṣaṃ bhūmistham iva dhūrjaṭim / sahasram ekaṃ varṣāṇām īkṣituṃ na ca śaknutaḥ

Sanskrit only: no published translation is held for this verse.

दूरे स्थिते नृत्यगीत- चाटुकाररते तदा । विलोक्य मुनिशार्दूलस् ततः कोपाकुलो ऽभवत्

dūre sthite nṛtyagīta- cāṭukārarate tadā / vilokya muniśārdūlas tataḥ kopākulo 'bhavat

Sanskrit only: no published translation is held for this verse.

प्रतीपाचरणं दृष्ट्वा क्रोधः कस्य न जायते । निस्पृहो ऽपि महाबाहुस् तम् इन्द्रं प्रहसन्न् इव

pratīpācaraṇaṃ dṛṣṭvā krodhaḥ kasya na jāyate / nispṛho 'pi mahābāhus tam indraṃ prahasann iva

Sanskrit only: no published translation is held for this verse.

आभ्यां मुक्तः सहस्राक्षो ह्य् अप्सरोभ्यां ब्रुवन्न् इव । शशाप ते स गाधेयो द्रवरूपे भविष्यथः

ābhyāṃ muktaḥ sahasrākṣo hy apsarobhyāṃ bruvann iva / śaśāpa te sa gādheyo dravarūpe bhaviṣyathaḥ

Sanskrit only: no published translation is held for this verse.

द्रवितुं मां समायाते यतस् त्व् इह ततो लघु । ततः प्रसादितस् ताभ्यां शापमोक्षं चकार सः

dravituṃ māṃ samāyāte yatas tv iha tato laghu / tataḥ prasāditas tābhyāṃ śāpamokṣaṃ cakāra saḥ

Sanskrit only: no published translation is held for this verse.

भवेतां दिव्यरूपे वां गङ्गया संगते यदा । तच्छापात् ते नदीरूपे तत्क्षणात् संबभूवतुः

bhavetāṃ divyarūpe vāṃ gaṅgayā saṃgate yadā / tacchāpāt te nadīrūpe tatkṣaṇāt saṃbabhūvatuḥ

Sanskrit only: no published translation is held for this verse.

अप्सरोयुगम् आख्यातं नदीद्वयम् अतो ऽभवत् । ताभ्यां परस्परं चापि ताभ्यां गङ्गासुसंगमः

apsaroyugam ākhyātaṃ nadīdvayam ato 'bhavat / tābhyāṃ parasparaṃ cāpi tābhyāṃ gaṅgāsusaṃgamaḥ

Sanskrit only: no published translation is held for this verse.

सर्वलोकेषु विख्यातो भुक्तिमुक्तिप्रदः शिवः । तत्रास्ते दृष्ट एवासौ सर्वसिद्धिप्रदायकः

sarvalokeṣu vikhyāto bhuktimuktipradaḥ śivaḥ / tatrāste dṛṣṭa evāsau sarvasiddhipradāyakaḥ

Sanskrit only: no published translation is held for this verse.