Brahma-Purana 148

तत्र स्नात्वा तु तं दृष्ट्वा मुच्यते सर्वबन्धनात् ॥* ब्र्प् १४७।२३ ॥ ब्रह्मोवाच: कोटितीर्थम् इति ख्यातं गङ्गाया दक्षिणे तटे । यस्यानुस्मरणाद् एव सर्वपापैः प्रमुच्यते

tatra snātvā tu taṃ dṛṣṭvā mucyate sarvabandhanāt //* BrP 147.23 // brahmovāca: koṭitīrtham iti khyātaṃ gaṅgāyā dakṣiṇe taṭe / yasyānusmaraṇād eva sarvapāpaiḥ pramucyate

Sanskrit only: no published translation is held for this verse.

यत्र कोटीश्वरो देवः सर्वं कोटिगुणं भवेत् । कोटिद्वयं तत्र पूर्णं तीर्थानां शुभदायिनाम्

yatra koṭīśvaro devaḥ sarvaṃ koṭiguṇaṃ bhavet / koṭidvayaṃ tatra pūrṇaṃ tīrthānāṃ śubhadāyinām

Sanskrit only: no published translation is held for this verse.

तत्र व्युष्टिं प्रवक्ष्यामि शृणु नारद तन्मनाः । कण्वस्य तु सुतो ज्येष्ठो बाह्लीक इति विश्रुतः

tatra vyuṣṭiṃ pravakṣyāmi śṛṇu nārada tanmanāḥ / kaṇvasya tu suto jyeṣṭho bāhlīka iti viśrutaḥ

Sanskrit only: no published translation is held for this verse.

काण्वश् चेति जनैः ख्यातो वेदवेदाङ्गपारगः । इष्टीः पार्वायणानीर् याः सभार्यो वेदपारगः

kāṇvaś ceti janaiḥ khyāto vedavedāṅgapāragaḥ / iṣṭīḥ pārvāyaṇānīr yāḥ sabhāryo vedapāragaḥ

Sanskrit only: no published translation is held for this verse.

कुर्वन्न् आस्ते स गौतम्यास् तीरस्थो लोकपूजितः । प्रातःकाले सभार्यो ऽसौ जुह्वद् अग्नौ समाहितः

kurvann āste sa gautamyās tīrastho lokapūjitaḥ / prātaḥkāle sabhāryo 'sau juhvad agnau samāhitaḥ

Sanskrit only: no published translation is held for this verse.

सर्वदास्ते कदाचित् तु हवनाय समुद्यतः । एकाहुतिं स हुत्वा तु समिद्धे हव्यवाहने

sarvadāste kadācit tu havanāya samudyataḥ / ekāhutiṃ sa hutvā tu samiddhe havyavāhane

Sanskrit only: no published translation is held for this verse.

आहुत्यन्तरदानाय हविर् द्रव्यं करे ऽग्रहीत् । एतस्मिन्न् अन्तरे वह्निर् उपशान्तो ऽभवत् तदा

āhutyantaradānāya havir dravyaṃ kare 'grahīt / etasminn antare vahnir upaśānto 'bhavat tadā

Sanskrit only: no published translation is held for this verse.

ततश् चिन्तापरः काण्वः कर्तव्यं किं भवेद् इति । अन्तर् विचारयाम् आस विषादं परमं गतः

tataś cintāparaḥ kāṇvaḥ kartavyaṃ kiṃ bhaved iti / antar vicārayām āsa viṣādaṃ paramaṃ gataḥ

Sanskrit only: no published translation is held for this verse.

आहुत्योश् च द्वयोर् मध्य उपशान्तो हुताशनः । अग्न्यन्तरम् उपादेयं वैदिकं लौकिकं तथा

āhutyoś ca dvayor madhya upaśānto hutāśanaḥ / agnyantaram upādeyaṃ vaidikaṃ laukikaṃ tathā

Sanskrit only: no published translation is held for this verse.

क्व होष्यं स्याद् द्वितीयं तु आहुत्यन्तरम् एव च । एवं मीमांसमाने तु दैवी वाग् अब्रवीत् तदा

kva hoṣyaṃ syād dvitīyaṃ tu āhutyantaram eva ca / evaṃ mīmāṃsamāne tu daivī vāg abravīt tadā

Sanskrit only: no published translation is held for this verse.

अग्न्यन्तरं नैव ते ऽत्र उपादेयं भविष्यति । यानि तत्र भविष्यन्ति शकलानि समीपतः

agnyantaraṃ naiva te 'tra upādeyaṃ bhaviṣyati / yāni tatra bhaviṣyanti śakalāni samīpataḥ

Sanskrit only: no published translation is held for this verse.

अर्धदग्धेषु काष्ठेषु विप्रराज प्रहूयताम् । नेत्य् उवाच तदा काण्वः सैव वाग् अब्रवीत् पुनः

ardhadagdheṣu kāṣṭheṣu viprarāja prahūyatām / nety uvāca tadā kāṇvaḥ saiva vāg abravīt punaḥ

Sanskrit only: no published translation is held for this verse.

अग्नेः पुत्रो हिरण्यस् तु पिता पुत्रः स एव तु । पुत्रे दत्तं प्रियायैव पितुः प्रीत्यै भविष्यति

agneḥ putro hiraṇyas tu pitā putraḥ sa eva tu / putre dattaṃ priyāyaiva pituḥ prītyai bhaviṣyati

Sanskrit only: no published translation is held for this verse.

पित्रे देयं सुते दद्यात् कोटिप्रीतिगुणं भवेत् । दैवी वाग् अब्रवीद् एवं ततः सर्वे महर्षयः

pitre deyaṃ sute dadyāt koṭiprītiguṇaṃ bhavet / daivī vāg abravīd evaṃ tataḥ sarve maharṣayaḥ

Sanskrit only: no published translation is held for this verse.

निश्चित्य धर्मसर्वस्वं तथा चक्रुर् यथोदितम् । एतज् ज्ञात्वा जगत्य् अत्र पुत्रे दत्तं पितुर् भवेत्

niścitya dharmasarvasvaṃ tathā cakrur yathoditam / etaj jñātvā jagaty atra putre dattaṃ pitur bhavet

Sanskrit only: no published translation is held for this verse.

अपत्याद्युपकारेण पित्रोः प्रीतिर् यथा भवेत् । तथा नान्येन केनापि जगत्य् एतद् धि विश्रुतम्

apatyādyupakāreṇa pitroḥ prītir yathā bhavet / tathā nānyena kenāpi jagaty etad dhi viśrutam

Sanskrit only: no published translation is held for this verse.

सुप्रसिद्धं जगत्य् एतत् सर्वलोकेषु पूजितम् । तस्मिन् दत्ते भवेत् पुण्यं सर्वं कोटिगुणं सुत

suprasiddhaṃ jagaty etat sarvalokeṣu pūjitam / tasmin datte bhavet puṇyaṃ sarvaṃ koṭiguṇaṃ suta

Sanskrit only: no published translation is held for this verse.

मनोग्लानिनिवृत्तिश् च जायते च महत् सुखम् । पुनर् अप्य् आह सा वाणी काण्वे ऽस्मिंस् तीर्थ उत्तमे

manoglāninivṛttiś ca jāyate ca mahat sukham / punar apy āha sā vāṇī kāṇve 'smiṃs tīrtha uttame

Sanskrit only: no published translation is held for this verse.

अभवत् तन् महत् तीर्थं काण्व पुण्यप्रभावतः । लोकत्रयाश्रयाशेष- तीर्थेभ्यो ऽपि महाफलम्

abhavat tan mahat tīrthaṃ kāṇva puṇyaprabhāvataḥ / lokatrayāśrayāśeṣa- tīrthebhyo 'pi mahāphalam

Sanskrit only: no published translation is held for this verse.

स्नानदानादिकं किंचिद् भक्त्या कुर्वन् समाहितः । फलं प्राप्स्यस्य् अशेषेण सर्वं कोटिगुणं मुने

snānadānādikaṃ kiṃcid bhaktyā kurvan samāhitaḥ / phalaṃ prāpsyasy aśeṣeṇa sarvaṃ koṭiguṇaṃ mune

Sanskrit only: no published translation is held for this verse.

यत् किंचित् क्रियते चात्र स्नानदानादिकं नरैः । सर्वं कोटिगुणं विद्यात् कोटितीर्थं ततो विदुः

yat kiṃcit kriyate cātra snānadānādikaṃ naraiḥ / sarvaṃ koṭiguṇaṃ vidyāt koṭitīrthaṃ tato viduḥ

Sanskrit only: no published translation is held for this verse.

यत्रैतद् वृत्तम् आग्नेयं काण्वं पौत्रं हिरण्यकम् । वाणीसंज्ञं कोटितीर्थं कोटितीर्थफलं यतः

yatraitad vṛttam āgneyaṃ kāṇvaṃ pautraṃ hiraṇyakam / vāṇīsaṃjñaṃ koṭitīrthaṃ koṭitīrthaphalaṃ yataḥ

Sanskrit only: no published translation is held for this verse.

कोटितीर्थस्य माहात्म्यम् अत्र वक्तुं न शक्यते । वाचस्पतिप्रभृतिभिर् अथवान्यैः सुरैर् अपि

koṭitīrthasya māhātmyam atra vaktuṃ na śakyate / vācaspatiprabhṛtibhir athavānyaiḥ surair api

Sanskrit only: no published translation is held for this verse.

यत्रानुष्ठीयमानं हि सर्वं कर्म यथा तथा । गोदावर्याः प्रसादेन सर्वं कोटिगुणं भवेत्

yatrānuṣṭhīyamānaṃ hi sarvaṃ karma yathā tathā / godāvaryāḥ prasādena sarvaṃ koṭiguṇaṃ bhavet

Sanskrit only: no published translation is held for this verse.

कोटितीर्थे द्विजाग्र्याय गाम् एकां यः प्रयच्छति । तस्य तीर्थस्य माहात्म्याद् गोकोटिफलम् अश्नुते

koṭitīrthe dvijāgryāya gām ekāṃ yaḥ prayacchati / tasya tīrthasya māhātmyād gokoṭiphalam aśnute

Sanskrit only: no published translation is held for this verse.

तस्मिंस् तीर्थे शुचिर् भूत्वा भूमिदानं करोति यः । श्रद्धायुक्तेन मनसा स्यात् तत्कोटिगुणोत्तरम्

tasmiṃs tīrthe śucir bhūtvā bhūmidānaṃ karoti yaḥ / śraddhāyuktena manasā syāt tatkoṭiguṇottaram

Sanskrit only: no published translation is held for this verse.

सर्वत्र गौतमीतीरे पितॄणां दानम् उत्तमम् । विशेषतः कोटितीर्थे तद् अनन्तफलप्रदम् । अत्रैकन्यूनपञ्चाशत् तीर्थानि मुनयो विदुः

sarvatra gautamītīre pitṝṇāṃ dānam uttamam / viśeṣataḥ koṭitīrthe tad anantaphalapradam / atraikanyūnapañcāśat tīrthāni munayo viduḥ

Sanskrit only: no published translation is held for this verse.