लोमहर्षण उवाच: क्रोष्टोर् अथाभवत् पुत्रो वृजिनीवान् महायशाः । वार्जिनीवतम् इच्छन्ति स्वाहिं स्वाहाकृतां वरम्
lomaharṣaṇa uvāca: kroṣṭor athābhavat putro vṛjinīvān mahāyaśāḥ / vārjinīvatam icchanti svāhiṃ svāhākṛtāṃ varam
Sanskrit only: no published translation is held for this verse.
स्वाहिपुत्रो ऽभवद् राजा उषद्गुर् वदतां वरः । महाक्रतुभिर् ईजे यो विविधैर् भूरिदक्षिणैः
svāhiputro 'bhavad rājā uṣadgur vadatāṃ varaḥ / mahākratubhir īje yo vividhair bhūridakṣiṇaiḥ
Sanskrit only: no published translation is held for this verse.
ततः प्रसूतिम् इच्छन् वै उषद्गुः सो ऽग्र्यम् आत्मजम् । जज्ञे चित्ररथस् तस्य पुत्रः कर्मभिर् अन्वितः
tataḥ prasūtim icchan vai uṣadguḥ so 'gryam ātmajam / jajñe citrarathas tasya putraḥ karmabhir anvitaḥ
Sanskrit only: no published translation is held for this verse.
आसीच् चैत्ररथिर् वीरो यज्वा विपुलदक्षिणः । शशबिन्दुः परं वृत्तं राजर्षीणाम् अनुष्ठितः
āsīc caitrarathir vīro yajvā vipuladakṣiṇaḥ / śaśabinduḥ paraṃ vṛttaṃ rājarṣīṇām anuṣṭhitaḥ
Sanskrit only: no published translation is held for this verse.
पृथुश्रवाः पृथुयशा राजासीच् छाशिबिन्दवः । शंसन्ति च पुराणज्ञाः पार्थश्रवसम् अन्तरम्
pṛthuśravāḥ pṛthuyaśā rājāsīc chāśibindavaḥ / śaṃsanti ca purāṇajñāḥ pārthaśravasam antaram
Sanskrit only: no published translation is held for this verse.
अन्तरस्य सुयज्ञस् तु सुयज्ञतनयो ऽभवत् । उषतो यज्ञम् अखिलं स्वधर्मे च कृतादरः
antarasya suyajñas tu suyajñatanayo 'bhavat / uṣato yajñam akhilaṃ svadharme ca kṛtādaraḥ
Sanskrit only: no published translation is held for this verse.
शिनेयुर् अभवत् पुत्र उषतः शत्रुतापनः । मरुतस् तस्य तनयो राजर्षिर् अभवन् नृपः
śineyur abhavat putra uṣataḥ śatrutāpanaḥ / marutas tasya tanayo rājarṣir abhavan nṛpaḥ
Sanskrit only: no published translation is held for this verse.
मरुतो ऽलभत ज्येष्ठं सुतं कम्बलबर्हिषम् । चचार विपुलं धर्मम् अमर्षात् प्रत्यभाग् अपि
maruto 'labhata jyeṣṭhaṃ sutaṃ kambalabarhiṣam / cacāra vipulaṃ dharmam amarṣāt pratyabhāg api
Sanskrit only: no published translation is held for this verse.
स सत्प्रसूतिम् इच्छन् वै सुतं कम्बलबर्हिषः । बभूव रुक्मकवचः शतप्रसवतः सुतः
sa satprasūtim icchan vai sutaṃ kambalabarhiṣaḥ / babhūva rukmakavacaḥ śataprasavataḥ sutaḥ
Sanskrit only: no published translation is held for this verse.
निहत्य रुक्मकवचः शतं कवचिनां रणे । धन्विनां निशितैर् बाणैर् अवाप श्रियम् उत्तमाम्
nihatya rukmakavacaḥ śataṃ kavacināṃ raṇe / dhanvināṃ niśitair bāṇair avāpa śriyam uttamām
Sanskrit only: no published translation is held for this verse.
जज्ञे च रुक्मकवचात् परजित् परवीरहा । जज्ञिरे पञ्च पुत्रास् तु महावीर्याः पराजिताः
jajñe ca rukmakavacāt parajit paravīrahā / jajñire pañca putrās tu mahāvīryāḥ parājitāḥ
Sanskrit only: no published translation is held for this verse.
रुक्मेषुः पृथुरुक्मश् च ज्यामघः पालितो हरिः । पालितं च हरिं चैव विदेहेभ्यः पिता ददौ
rukmeṣuḥ pṛthurukmaś ca jyāmaghaḥ pālito hariḥ / pālitaṃ ca hariṃ caiva videhebhyaḥ pitā dadau
Sanskrit only: no published translation is held for this verse.
रुक्मेषुर् अभवद् राजा पृथुरुक्मस्य संश्रयात् । ताभ्यां प्रव्राजितो राजा ज्यामघो ऽवसद् आश्रमे
rukmeṣur abhavad rājā pṛthurukmasya saṃśrayāt / tābhyāṃ pravrājito rājā jyāmagho 'vasad āśrame
Sanskrit only: no published translation is held for this verse.
प्रशान्तश् च तदा राजा ब्राह्मणैश् चावबोधितः । जगाम धनुर् आदाय देशम् अन्यं ध्वजी रथी
praśāntaś ca tadā rājā brāhmaṇaiś cāvabodhitaḥ / jagāma dhanur ādāya deśam anyaṃ dhvajī rathī
Sanskrit only: no published translation is held for this verse.
नर्मदाकूलम् एकाकीम् एकलां मृत्तिकावतीम् । ऋक्षवन्तं गिरिं जित्वा शुक्तिमत्याम् उवास सः
narmadākūlam ekākīm ekalāṃ mṛttikāvatīm / ṛkṣavantaṃ giriṃ jitvā śuktimatyām uvāsa saḥ
Sanskrit only: no published translation is held for this verse.
ज्यामघस्याभवद् भार्या शैब्या बलवती सती । अपुत्रो ऽपि स राजा वै नान्यां भार्याम् अविन्दत
jyāmaghasyābhavad bhāryā śaibyā balavatī satī / aputro 'pi sa rājā vai nānyāṃ bhāryām avindata
Sanskrit only: no published translation is held for this verse.
तस्यासीद् विजयो युद्धे तत्र कन्याम् अवाप सः । भार्याम् उवाच संत्रस्तः स्नुषेति स जनेश्वरः
tasyāsīd vijayo yuddhe tatra kanyām avāpa saḥ / bhāryām uvāca saṃtrastaḥ snuṣeti sa janeśvaraḥ
Sanskrit only: no published translation is held for this verse.
एतच् छ्रुत्वाब्रवीद् देवी कस्य देव स्नुषेति वै । अब्रवीत् तद् उपश्रुत्य ज्यामघो राजसत्तमः
etac chrutvābravīd devī kasya deva snuṣeti vai / abravīt tad upaśrutya jyāmagho rājasattamaḥ
Sanskrit only: no published translation is held for this verse.
राजोवाच: यस् ते जनिष्यते पुत्रस् तस्य भार्योपपादिता ॥* ब्र्प् १५।१९ ॥ लोमहर्षण उवाच: उग्रेण तपसा तस्याः कन्यायाः सा व्यजायत । पुत्रं विदर्भं सुभागा शैब्या परिणता सती
rājovāca: yas te janiṣyate putras tasya bhāryopapāditā //* BrP 15.19 // lomaharṣaṇa uvāca: ugreṇa tapasā tasyāḥ kanyāyāḥ sā vyajāyata / putraṃ vidarbhaṃ subhāgā śaibyā pariṇatā satī
Sanskrit only: no published translation is held for this verse.
राजपुत्र्यां तु विद्वांसौ स्नुषायां क्रथकैशिकौ । पश्चाद् विदर्भो ऽजनयच् छूरौ रणविशारदौ
rājaputryāṃ tu vidvāṃsau snuṣāyāṃ krathakaiśikau / paścād vidarbho 'janayac chūrau raṇaviśāradau
Sanskrit only: no published translation is held for this verse.
भीमो विदर्भस्य सुतः कुन्तिस् तस्यात्मजो ऽभवत् । कुन्तेर् धृष्टः सुतो जज्ञे रणधृष्टः प्रतापवान्
bhīmo vidarbhasya sutaḥ kuntis tasyātmajo 'bhavat / kunter dhṛṣṭaḥ suto jajñe raṇadhṛṣṭaḥ pratāpavān
Sanskrit only: no published translation is held for this verse.
धृष्टस्य जज्ञिरे शूरास् त्रयः परमधार्मिकाः । आवन्तश् च दशार्हश् च बली विषहरश् च सः
dhṛṣṭasya jajñire śūrās trayaḥ paramadhārmikāḥ / āvantaś ca daśārhaś ca balī viṣaharaś ca saḥ
Sanskrit only: no published translation is held for this verse.
दशार्हस्य सुतो व्योमा व्योम्नो जीमूत उच्यते । जीमूतपुत्रो विकृतिस् तस्य भीमरथः स्मृतः
daśārhasya suto vyomā vyomno jīmūta ucyate / jīmūtaputro vikṛtis tasya bhīmarathaḥ smṛtaḥ
Sanskrit only: no published translation is held for this verse.
अथ भीमरथस्यासीत् पुत्रो नवरथस् तथा । तस्य चासीद् दशरथः शकुनिस् तस्य चात्मजः
atha bhīmarathasyāsīt putro navarathas tathā / tasya cāsīd daśarathaḥ śakunis tasya cātmajaḥ
Sanskrit only: no published translation is held for this verse.
तस्मात् करम्भः कारम्भिर् देवरातो ऽभवन् नृपः । देवक्षत्रो ऽभवत् तस्य वृद्धक्षत्रो महायशाः
tasmāt karambhaḥ kārambhir devarāto 'bhavan nṛpaḥ / devakṣatro 'bhavat tasya vṛddhakṣatro mahāyaśāḥ
Sanskrit only: no published translation is held for this verse.
देवगर्भसमो जज्ञे देवक्षत्रस्य नन्दनः । मधूनां वंशकृद् राजा मधुर् मधुरवाग् अपि
devagarbhasamo jajñe devakṣatrasya nandanaḥ / madhūnāṃ vaṃśakṛd rājā madhur madhuravāg api
Sanskrit only: no published translation is held for this verse.
मधोर् जज्ञे ऽथ वैदर्भ्यां पुरुद्वान् पुरुषोत्तमः । ऐक्ष्वाकी चाभवद् भार्या मधोस् तस्यां व्यजायत
madhor jajñe 'tha vaidarbhyāṃ purudvān puruṣottamaḥ / aikṣvākī cābhavad bhāryā madhos tasyāṃ vyajāyata
Sanskrit only: no published translation is held for this verse.
सत्वान् सर्वगुणोपेतः सात्वता कीर्तिवर्धनः । इमां विसृष्टिं विज्ञाय ज्यामघस्य महात्मनः । युज्यते परमप्रीत्या प्रजावांश् च भवेत् सदा
satvān sarvaguṇopetaḥ sātvatā kīrtivardhanaḥ / imāṃ visṛṣṭiṃ vijñāya jyāmaghasya mahātmanaḥ / yujyate paramaprītyā prajāvāṃś ca bhavet sadā
Sanskrit only: no published translation is held for this verse.
लोमहर्षण उवाच: सत्वतः सत्त्वसंपन्नान् कौशल्या सुषुवे सुतान् । भागिनं भजमानं च दिव्यं देवावृधं नृपम्
lomaharṣaṇa uvāca: satvataḥ sattvasaṃpannān kauśalyā suṣuve sutān / bhāginaṃ bhajamānaṃ ca divyaṃ devāvṛdhaṃ nṛpam
Sanskrit only: no published translation is held for this verse.
अन्धकं च महाबाहुं वृष्णिं च यदुनन्दनम् । तेषां विसर्गाश् चत्वारो विस्तरेणेह कीर्तिताः
andhakaṃ ca mahābāhuṃ vṛṣṇiṃ ca yadunandanam / teṣāṃ visargāś catvāro vistareṇeha kīrtitāḥ
Sanskrit only: no published translation is held for this verse.
भजमानस्य सृञ्जय्यौ बाह्यकाथोपबाह्यका । आस्तां भार्ये तयोस् तस्माज् जज्ञिरे बहवः सुताः
bhajamānasya sṛñjayyau bāhyakāthopabāhyakā / āstāṃ bhārye tayos tasmāj jajñire bahavaḥ sutāḥ
Sanskrit only: no published translation is held for this verse.
क्रिमिश् च क्रमणश् चैव धृष्टः शूरः पुरंजयः । एते बाह्यकसृञ्जय्यां भजमानाद् विजज्ञिरे
krimiś ca kramaṇaś caiva dhṛṣṭaḥ śūraḥ puraṃjayaḥ / ete bāhyakasṛñjayyāṃ bhajamānād vijajñire
Sanskrit only: no published translation is held for this verse.
आयुताजित् सहस्राजिच् छताजित् त्व् अथ दासकः । उपबाह्यकसृञ्जय्यां भजमानाद् विजज्ञिरे
āyutājit sahasrājic chatājit tv atha dāsakaḥ / upabāhyakasṛñjayyāṃ bhajamānād vijajñire
Sanskrit only: no published translation is held for this verse.
यज्वा देवावृधो राजा चचार विपुलं तपः । पुत्रः सर्वगुणोपेतो मम स्याद् इति निश्चितः
yajvā devāvṛdho rājā cacāra vipulaṃ tapaḥ / putraḥ sarvaguṇopeto mama syād iti niścitaḥ
Sanskrit only: no published translation is held for this verse.
संयुज्यमानस् तपसा पर्णाशाया जलं स्पृशन् । सदोपस्पृशतस् तस्य चकार प्रियम् आपगा
saṃyujyamānas tapasā parṇāśāyā jalaṃ spṛśan / sadopaspṛśatas tasya cakāra priyam āpagā
Sanskrit only: no published translation is held for this verse.
चिन्तयाभिपरीता सा न जगामैव निश्चयम् । कल्याणत्वान् नरपतेस् तस्य सा निम्नगोत्तमा
cintayābhiparītā sā na jagāmaiva niścayam / kalyāṇatvān narapates tasya sā nimnagottamā
Sanskrit only: no published translation is held for this verse.
नाध्यगच्छत् तु तां नारीं यस्याम् एवंविधः सुतः । भवेत् तस्मात् स्वयं गत्वा भवाम्य् अस्य सहानुगा
nādhyagacchat tu tāṃ nārīṃ yasyām evaṃvidhaḥ sutaḥ / bhavet tasmāt svayaṃ gatvā bhavāmy asya sahānugā
Sanskrit only: no published translation is held for this verse.
अथ भूत्वा कुमारी सा बिभ्रती परमं वपुः । वरयाम् आस नृपतिं ताम् इयेष च स प्रभुः
atha bhūtvā kumārī sā bibhratī paramaṃ vapuḥ / varayām āsa nṛpatiṃ tām iyeṣa ca sa prabhuḥ
Sanskrit only: no published translation is held for this verse.
तस्याम् आधत्त गर्भं स तेजस्विनम् उदारधीः । अथ सा दशमे मासि सुषुवे सरितां वरा
tasyām ādhatta garbhaṃ sa tejasvinam udāradhīḥ / atha sā daśame māsi suṣuve saritāṃ varā
Sanskrit only: no published translation is held for this verse.
पुत्रं सर्वगुणोपेतं बभ्रुं देवावृधं द्विजाः । अत्र वंशे पुराणज्ञा गायन्तीति परिश्रुतम्
putraṃ sarvaguṇopetaṃ babhruṃ devāvṛdhaṃ dvijāḥ / atra vaṃśe purāṇajñā gāyantīti pariśrutam
Sanskrit only: no published translation is held for this verse.
गुणान् देवावृधस्यापि कीर्तयन्तो महात्मनः । यथैवाग्रे तथा दूरात् पश्यामस् तावद् अन्तिकात्
guṇān devāvṛdhasyāpi kīrtayanto mahātmanaḥ / yathaivāgre tathā dūrāt paśyāmas tāvad antikāt
Sanskrit only: no published translation is held for this verse.
बभ्रुः श्रेष्ठो मनुष्याणां देवैर् देवावृधः समः । षष्टिश् च षट् च पुरुषाः सहस्राणि च सप्त च
babhruḥ śreṣṭho manuṣyāṇāṃ devair devāvṛdhaḥ samaḥ / ṣaṣṭiś ca ṣaṭ ca puruṣāḥ sahasrāṇi ca sapta ca
Sanskrit only: no published translation is held for this verse.
एते ऽमृतत्वं प्राप्ता वै बभ्रोर् देवावृधाद् अपि । यज्वा दानपतिर् धीमान् ब्रह्मण्यः सुदृढायुधः
ete 'mṛtatvaṃ prāptā vai babhror devāvṛdhād api / yajvā dānapatir dhīmān brahmaṇyaḥ sudṛḍhāyudhaḥ
Sanskrit only: no published translation is held for this verse.
तस्यान्ववायः सुमहान् भोजा ये सार्तिकावताः । अन्धकात् काश्यदुहिता चतुरो ऽलभतात्मजान्
tasyānvavāyaḥ sumahān bhojā ye sārtikāvatāḥ / andhakāt kāśyaduhitā caturo 'labhatātmajān
Sanskrit only: no published translation is held for this verse.
कुकुरं भजमानं च ससकं बलबर्हिषम् । कुकुरस्य सुतो वृष्टिर् वृष्टेस् तु तनयस् तथा
kukuraṃ bhajamānaṃ ca sasakaṃ balabarhiṣam / kukurasya suto vṛṣṭir vṛṣṭes tu tanayas tathā
Sanskrit only: no published translation is held for this verse.
कपोतरोमा तस्याथ तिलिरिस् तनयो ऽभवत् । जज्ञे पुनर् वसुस् तस्माद् अभिजिच् च पुनर् वसोः
kapotaromā tasyātha tiliris tanayo 'bhavat / jajñe punar vasus tasmād abhijic ca punar vasoḥ
Sanskrit only: no published translation is held for this verse.
तथा वै पुत्रमिथुनं बभूवाभिजितः किल । आहुकः श्राहुकश् चैव ख्यातौ ख्यातिमतां वरौ
tathā vai putramithunaṃ babhūvābhijitaḥ kila / āhukaḥ śrāhukaś caiva khyātau khyātimatāṃ varau
Sanskrit only: no published translation is held for this verse.
इमां चोदाहरन्त्य् अत्र गाथां प्रति तम् आहुकम् । श्वेतेन परिवारेण किशोरप्रतिमो महान्
imāṃ codāharanty atra gāthāṃ prati tam āhukam / śvetena parivāreṇa kiśorapratimo mahān
Sanskrit only: no published translation is held for this verse.
अशीतिवर्मणा युक्त आहुकः प्रथमं व्रजेत् । नापुत्रवान् नाशतदो नासहस्रशतायुषः
aśītivarmaṇā yukta āhukaḥ prathamaṃ vrajet / nāputravān nāśatado nāsahasraśatāyuṣaḥ
Sanskrit only: no published translation is held for this verse.
नाशुद्धकर्मा नायज्वा यो भोजम् अभितो व्रजेत् । पूर्वस्यां दिशि नागानां भोजस्य प्रययुः किल
nāśuddhakarmā nāyajvā yo bhojam abhito vrajet / pūrvasyāṃ diśi nāgānāṃ bhojasya prayayuḥ kila
Sanskrit only: no published translation is held for this verse.
सोमात् सङ्गानुकर्षाणां ध्वजिनां सवरूथिनाम् । रथानां मेघघोषाणां सहस्राणि दशैव तु
somāt saṅgānukarṣāṇāṃ dhvajināṃ savarūthinām / rathānāṃ meghaghoṣāṇāṃ sahasrāṇi daśaiva tu
Sanskrit only: no published translation is held for this verse.
रौप्यकाञ्चनकक्षाणां सहस्राण्य् एकविंशतिः । तावत्य् एव सहस्राणि उत्तरस्यां तथा दिशि
raupyakāñcanakakṣāṇāṃ sahasrāṇy ekaviṃśatiḥ / tāvaty eva sahasrāṇi uttarasyāṃ tathā diśi
Sanskrit only: no published translation is held for this verse.
आभूमिपाला भोजास् तु सन्ति ज्याकिङ्किणीकिनः । आहुः किं चाप्य् अवन्तिभ्यः स्वसारं ददुर् अन्धकाः
ābhūmipālā bhojās tu santi jyākiṅkiṇīkinaḥ / āhuḥ kiṃ cāpy avantibhyaḥ svasāraṃ dadur andhakāḥ
Sanskrit only: no published translation is held for this verse.
आहुकस्य तु काश्यायां द्वौ पुत्रौ संबभूवतुः । देवकश् चोग्रसेनश् च देवगर्भसमाव् उभौ
āhukasya tu kāśyāyāṃ dvau putrau saṃbabhūvatuḥ / devakaś cograsenaś ca devagarbhasamāv ubhau
Sanskrit only: no published translation is held for this verse.
देवकस्याभवन् पुत्राश् चत्वारस् त्रिदशोपमाः । देववान् उपदेवश् च संदेवो देवरक्षितः
devakasyābhavan putrāś catvāras tridaśopamāḥ / devavān upadevaś ca saṃdevo devarakṣitaḥ
Sanskrit only: no published translation is held for this verse.
कुमार्यः सप्त चास्याथ वसुदेवाय ता ददौ । देवकी शान्तिदेवा च सुदेवा देवरक्षिता
kumāryaḥ sapta cāsyātha vasudevāya tā dadau / devakī śāntidevā ca sudevā devarakṣitā
Sanskrit only: no published translation is held for this verse.
वृकदेव्य् उपदेवी च सुनाम्नी चैव सप्तमी । नवोग्रसेनस्य सुतास् तेषां कंसस् तु पूर्वजः
vṛkadevy upadevī ca sunāmnī caiva saptamī / navograsenasya sutās teṣāṃ kaṃsas tu pūrvajaḥ
Sanskrit only: no published translation is held for this verse.
न्यग्रोधश् च सुनामा च तथा कङ्कः सुभूषणः । राष्ट्रपालो ऽथ सुतनुर् अनावृष्टिस् तु पुष्टिमान्
nyagrodhaś ca sunāmā ca tathā kaṅkaḥ subhūṣaṇaḥ / rāṣṭrapālo 'tha sutanur anāvṛṣṭis tu puṣṭimān
Sanskrit only: no published translation is held for this verse.
तेषां स्वसारः पञ्चासन् कंसा कंसवती तथा । सुतनू राष्ट्रपाली च कङ्का चैव वराङ्गना
teṣāṃ svasāraḥ pañcāsan kaṃsā kaṃsavatī tathā / sutanū rāṣṭrapālī ca kaṅkā caiva varāṅganā
Sanskrit only: no published translation is held for this verse.
उग्रसेनः सहापत्यो व्याख्यातः कुकुरोद्भवः । कुकुराणाम् इमं वंशं धारयन्न् अमितौजसाम्
ugrasenaḥ sahāpatyo vyākhyātaḥ kukurodbhavaḥ / kukurāṇām imaṃ vaṃśaṃ dhārayann amitaujasām
Sanskrit only: no published translation is held for this verse.