Brahma-Purana 153

ब्रह्मोवाच: भावतीर्थम् इति प्रोक्तं यत्र साक्षाद् भवः स्थितः । अशेषजगदन्तस्थो भूतात्मा सच्चिदाकृतिः

brahmovāca: bhāvatīrtham iti proktaṃ yatra sākṣād bhavaḥ sthitaḥ / aśeṣajagadantastho bhūtātmā saccidākṛtiḥ

Sanskrit only: no published translation is held for this verse.

तत्रेमां शृणु वक्ष्यामि कथां पुण्यतमां शुभाम् । सूर्यवंशकरः श्रीमान् क्षत्रियाणां धुरंधरः

tatremāṃ śṛṇu vakṣyāmi kathāṃ puṇyatamāṃ śubhām / sūryavaṃśakaraḥ śrīmān kṣatriyāṇāṃ dhuraṃdharaḥ

Sanskrit only: no published translation is held for this verse.

प्राचीनबर्हिर् आख्यातः सर्वधर्मेषु पारगः । तिस्रः कोट्यो ऽर्धकोटिश् च वर्षाणां राज्य आस्थितः

prācīnabarhir ākhyātaḥ sarvadharmeṣu pāragaḥ / tisraḥ koṭyo 'rdhakoṭiś ca varṣāṇāṃ rājya āsthitaḥ

Sanskrit only: no published translation is held for this verse.

तस्येदृशं व्रतं चासीद् यद् अहं यौवनच्युतः । भवेयं प्रियया वापि पुत्रैर् वा प्रियवस्तुभिः

tasyedṛśaṃ vrataṃ cāsīd yad ahaṃ yauvanacyutaḥ / bhaveyaṃ priyayā vāpi putrair vā priyavastubhiḥ

Sanskrit only: no published translation is held for this verse.

वियुज्येयं ततो राज्यं त्यक्ष्ये ऽहं नात्र संशयः । विवेकिनां कुलीनानाम् इदम् एवोचितं नृणाम्

viyujyeyaṃ tato rājyaṃ tyakṣye 'haṃ nātra saṃśayaḥ / vivekināṃ kulīnānām idam evocitaṃ nṛṇām

Sanskrit only: no published translation is held for this verse.

स्थीयते विजने क्वापि विरक्तैर् विभवक्षये । तस्मिन् प्रशासति महीं न वियोगः प्रियैः क्वचित्

sthīyate vijane kvāpi viraktair vibhavakṣaye / tasmin praśāsati mahīṃ na viyogaḥ priyaiḥ kvacit

Sanskrit only: no published translation is held for this verse.

नाधिव्याधी न दुर्भिक्षं न बन्धुकलहो नृणाम् । तस्मिञ् शासति राज्यं तु न च कश्चिद् वियुज्यते

nādhivyādhī na durbhikṣaṃ na bandhukalaho nṛṇām / tasmiñ śāsati rājyaṃ tu na ca kaścid viyujyate

Sanskrit only: no published translation is held for this verse.

ततः पुत्रार्थम् अकरोद् यज्ञं राजा महामतिः । ततः प्रसन्नो भगवान् वरं प्रादाद् यथेप्सितम्

tataḥ putrārtham akarod yajñaṃ rājā mahāmatiḥ / tataḥ prasanno bhagavān varaṃ prādād yathepsitam

Sanskrit only: no published translation is held for this verse.

गौतमीतीरसंस्थाय राज्ञे देवो महेश्वरः । पुत्रं देहीति राजा वै भवं प्राह स भार्यया

gautamītīrasaṃsthāya rājñe devo maheśvaraḥ / putraṃ dehīti rājā vai bhavaṃ prāha sa bhāryayā

Sanskrit only: no published translation is held for this verse.

भवः प्राह नृपं प्रीत्या पश्य नेत्रं तृतीयकम् । ततः पश्यति राजेन्द्रे भवस्याक्षि तु मानद

bhavaḥ prāha nṛpaṃ prītyā paśya netraṃ tṛtīyakam / tataḥ paśyati rājendre bhavasyākṣi tu mānada

Sanskrit only: no published translation is held for this verse.

चक्षुर्दीप्त्याभवत् पुत्रो महिमा नाम विश्रुतः । येनाकारि स्तुतिः पुण्या महिम्न इति विश्रुता

cakṣurdīptyābhavat putro mahimā nāma viśrutaḥ / yenākāri stutiḥ puṇyā mahimna iti viśrutā

Sanskrit only: no published translation is held for this verse.

किम् अलभ्यं भगवति प्रसन्ने त्रिपुरान्तके । यं नित्यम् अनुवर्तन्ते हरिब्रह्मादयः सुराः

kim alabhyaṃ bhagavati prasanne tripurāntake / yaṃ nityam anuvartante haribrahmādayaḥ surāḥ

Sanskrit only: no published translation is held for this verse.

प्राप्तपुत्रश् च नृपतिस् तीर्थश्रैष्ठ्यम् अयाचत । महापापमहारोग- महाव्यसनिनां नृणाम्

prāptaputraś ca nṛpatis tīrthaśraiṣṭhyam ayācata / mahāpāpamahāroga- mahāvyasanināṃ nṛṇām

Sanskrit only: no published translation is held for this verse.

नानाविपद्गणार्तानां सर्वाभिमतलब्धये । प्रादाज् ज्यैष्ठ्यं भवश् चापि भावतीर्थं तद् उच्यते

nānāvipadgaṇārtānāṃ sarvābhimatalabdhaye / prādāj jyaiṣṭhyaṃ bhavaś cāpi bhāvatīrthaṃ tad ucyate

Sanskrit only: no published translation is held for this verse.

तत्र स्नानेन दानेन सर्वान् कामान् अवाप्नुयात् । भवप्रसादाद् अभवत् सुतः प्राचीनबर्हिषः

tatra snānena dānena sarvān kāmān avāpnuyāt / bhavaprasādād abhavat sutaḥ prācīnabarhiṣaḥ

Sanskrit only: no published translation is held for this verse.

महिमा गौतमीतीरे भावतीर्थं तद् उच्यते । तत्र सप्तति तीर्थानि पुण्यान्य् अखिलदानि च

mahimā gautamītīre bhāvatīrthaṃ tad ucyate / tatra saptati tīrthāni puṇyāny akhiladāni ca

Sanskrit only: no published translation is held for this verse.