Brahma-Purana 155

ब्रह्मोवाच: कपिलतीर्थम् आख्यातं तद् एवाङ्गिरसं स्मृतम् । तद् एवादित्यम् आख्यातं सैंहिकेयं तद् उच्यते

brahmovāca: kapilatīrtham ākhyātaṃ tad evāṅgirasaṃ smṛtam / tad evādityam ākhyātaṃ saiṃhikeyaṃ tad ucyate

Sanskrit only: no published translation is held for this verse.

गौतम्या दक्षिणे पारे आदित्यान् मुनिसत्तम । अयाजयन्न् अङ्गिरसो दक्षिणां ते भुवं ददुः

gautamyā dakṣiṇe pāre ādityān munisattama / ayājayann aṅgiraso dakṣiṇāṃ te bhuvaṃ daduḥ

Sanskrit only: no published translation is held for this verse.

अङ्गिरोभ्यस् तदादित्यास् तपसे ऽङ्गिरसो ययुः । सा भूमिः सैंहिकी भूत्वा जनान् सर्वान् अभक्षयत्

aṅgirobhyas tadādityās tapase 'ṅgiraso yayuḥ / sā bhūmiḥ saiṃhikī bhūtvā janān sarvān abhakṣayat

Sanskrit only: no published translation is held for this verse.

तत्रसुस् ते जनाः सर्वे अङ्गिरोभ्यो न्यवेदयन् । विभीता ज्ञानतो ज्ञात्वा भुवं तां सैंहिकीम् इति

tatrasus te janāḥ sarve aṅgirobhyo nyavedayan / vibhītā jñānato jñātvā bhuvaṃ tāṃ saiṃhikīm iti

Sanskrit only: no published translation is held for this verse.

आदित्यान् अनुगत्वाथ वाचम् अङ्गिरसो ऽब्रुवन् । भुवं गृह्णन्तु या दत्ता नेत्य् आदित्यास् तदाब्रुवन्

ādityān anugatvātha vācam aṅgiraso 'bruvan / bhuvaṃ gṛhṇantu yā dattā nety ādityās tadābruvan

Sanskrit only: no published translation is held for this verse.

निवृत्तां दक्षिणां नैव प्रतिगृह्णन्ति सूरयः । स्वदत्तां परदत्तां वा यो हरेत वसुंधराम्

nivṛttāṃ dakṣiṇāṃ naiva pratigṛhṇanti sūrayaḥ / svadattāṃ paradattāṃ vā yo hareta vasuṃdharām

Sanskrit only: no published translation is held for this verse.

षष्टिर् वर्षसहस्राणि विष्ठायां जायते कृमिः । भूमेः स्वपरदत्ताया हरणान् नाधिकं क्वचित्

ṣaṣṭir varṣasahasrāṇi viṣṭhāyāṃ jāyate kṛmiḥ / bhūmeḥ svaparadattāyā haraṇān nādhikaṃ kvacit

Sanskrit only: no published translation is held for this verse.

पापम् अस्ति महारौद्रं न स्वीकुर्मः पुनस् तु ताम् । एवं यदा स्वदत्ताया हरणे किं तदा भवेत्

pāpam asti mahāraudraṃ na svīkurmaḥ punas tu tām / evaṃ yadā svadattāyā haraṇe kiṃ tadā bhavet

Sanskrit only: no published translation is held for this verse.

तथापि क्रयरूपेण गृह्णीमो दक्षिणां भुवम् । तथेत्य् उक्ते तु ते देवाः कपिलां शुभलक्षणाम्

tathāpi krayarūpeṇa gṛhṇīmo dakṣiṇāṃ bhuvam / tathety ukte tu te devāḥ kapilāṃ śubhalakṣaṇām

Sanskrit only: no published translation is held for this verse.

गङ्गाया दक्षिणे पारे भुवः स्थाने तु तां ददुः । भुक्तिमुक्तिप्रदः साक्षाद् विष्णुस् तिष्ठति मूर्तिमान्

gaṅgāyā dakṣiṇe pāre bhuvaḥ sthāne tu tāṃ daduḥ / bhuktimuktipradaḥ sākṣād viṣṇus tiṣṭhati mūrtimān

Sanskrit only: no published translation is held for this verse.

कपिलासंगमं तच् च सर्वाघौघविनाशनम् । तत्राभवद् दानतोयाद् आपगा कपिलाभिधा

kapilāsaṃgamaṃ tac ca sarvāghaughavināśanam / tatrābhavad dānatoyād āpagā kapilābhidhā

Sanskrit only: no published translation is held for this verse.

सस्यवत्या अपि भुवो दानाद् गोदानम् उत्तमम् । लोकरक्षां चकारासौ कृत्वा विनिमयं मुनिः

sasyavatyā api bhuvo dānād godānam uttamam / lokarakṣāṃ cakārāsau kṛtvā vinimayaṃ muniḥ

Sanskrit only: no published translation is held for this verse.

यत्र तीर्थे च तद् वृत्तं गोतीर्थं तद् उदाहृतम् । पुण्यदं तत्र तीर्थानां शतम् उक्तं मनीषिभिः

yatra tīrthe ca tad vṛttaṃ gotīrthaṃ tad udāhṛtam / puṇyadaṃ tatra tīrthānāṃ śatam uktaṃ manīṣibhiḥ

Sanskrit only: no published translation is held for this verse.

तत्र स्नानेन दानेन भूमिदानफलं लभेत् । संगता गङ्गया तच् च कपिलासंगमं विदुः

tatra snānena dānena bhūmidānaphalaṃ labhet / saṃgatā gaṅgayā tac ca kapilāsaṃgamaṃ viduḥ

Sanskrit only: no published translation is held for this verse.