Brahma-Purana 156

ब्रह्मोवाच: शङ्खह्रदं नाम तीर्थं यत्र शङ्खगदाधरः । तत्र स्नात्वा च तं दृष्ट्वा मुच्यते भवबन्धनात्

brahmovāca: śaṅkhahradaṃ nāma tīrthaṃ yatra śaṅkhagadādharaḥ / tatra snātvā ca taṃ dṛṣṭvā mucyate bhavabandhanāt

Sanskrit only: no published translation is held for this verse.

तत्रेदं वृत्तम् आख्यास्ये भुक्तिमुक्तिप्रदायकम् । पुरा कृतयुगस्यादौ ब्रह्मणः सामगायिनः

tatredaṃ vṛttam ākhyāsye bhuktimuktipradāyakam / purā kṛtayugasyādau brahmaṇaḥ sāmagāyinaḥ

Sanskrit only: no published translation is held for this verse.

ब्रह्माण्डागारसंभूता राक्षसा बहुरूपिणः । ब्रह्माणं खादितुं प्राप्ता बलोन्मत्ता धृतायुधाः

brahmāṇḍāgārasaṃbhūtā rākṣasā bahurūpiṇaḥ / brahmāṇaṃ khādituṃ prāptā balonmattā dhṛtāyudhāḥ

Sanskrit only: no published translation is held for this verse.

तदाहम् अब्रवं विष्णुं रक्षणाय जगद्गुरुम् । स विष्णुस् तानि रक्षांसि हन्तुं चक्रेण चोद्यतः

tadāham abravaṃ viṣṇuṃ rakṣaṇāya jagadgurum / sa viṣṇus tāni rakṣāṃsi hantuṃ cakreṇa codyataḥ

Sanskrit only: no published translation is held for this verse.

छित्त्वा चक्रेण रक्षांसि शङ्खम् आपूरयत् तदा । निष्कण्टकं तलं कृत्वा स्वर्गं निर्वैरम् एव च

chittvā cakreṇa rakṣāṃsi śaṅkham āpūrayat tadā / niṣkaṇṭakaṃ talaṃ kṛtvā svargaṃ nirvairam eva ca

Sanskrit only: no published translation is held for this verse.

ततो हर्षप्रकर्षेण शङ्खम् आपूरयद् धरिः । ततो रक्षांसि सर्वाणि ह्य् अनीनशुर् अशेषतः

tato harṣaprakarṣeṇa śaṅkham āpūrayad dhariḥ / tato rakṣāṃsi sarvāṇi hy anīnaśur aśeṣataḥ

Sanskrit only: no published translation is held for this verse.

यत्रैतद् वृत्तम् अखिलं विष्णुशङ्खप्रभावतः । शङ्खतीर्थं तु तत् प्रोक्तं सर्वक्षेमकरं नृणाम्

yatraitad vṛttam akhilaṃ viṣṇuśaṅkhaprabhāvataḥ / śaṅkhatīrthaṃ tu tat proktaṃ sarvakṣemakaraṃ nṛṇām

Sanskrit only: no published translation is held for this verse.

सर्वाभीष्टप्रदं पुण्यं स्मरणान् मङ्गलप्रदम् । आयुरारोग्यजननं लक्ष्मीपुत्रप्रवर्धनम्

sarvābhīṣṭapradaṃ puṇyaṃ smaraṇān maṅgalapradam / āyurārogyajananaṃ lakṣmīputrapravardhanam

Sanskrit only: no published translation is held for this verse.

स्मरणात् पठनाद् वापि सर्वकामान् अवाप्नुयात् । तीर्थानाम् अयुतं तत्र सर्वपापनुदं मुने

smaraṇāt paṭhanād vāpi sarvakāmān avāpnuyāt / tīrthānām ayutaṃ tatra sarvapāpanudaṃ mune

Sanskrit only: no published translation is held for this verse.

तीर्थान्य् अयुतसंख्यानि सर्वपापहराणि च । येषां प्रभावं जानाति वक्तुं देवो महेश्वरः

tīrthāny ayutasaṃkhyāni sarvapāpaharāṇi ca / yeṣāṃ prabhāvaṃ jānāti vaktuṃ devo maheśvaraḥ

Sanskrit only: no published translation is held for this verse.