Brahma-Purana 157

पापक्षयप्रतिनिधिर् नैतेभ्यो ऽस्त्य् अपरः क्वचित् ॥* ब्र्प् १५६।११ ॥ ब्रह्मोवाच: किष्किन्धातीर्थम् आख्यातं सर्वकामप्रदं नृणाम् । सर्वपापप्रशमनं यत्र संनिहितो भवः

pāpakṣayapratinidhir naitebhyo 'sty aparaḥ kvacit //* BrP 156.11 // brahmovāca: kiṣkindhātīrtham ākhyātaṃ sarvakāmapradaṃ nṛṇām / sarvapāpapraśamanaṃ yatra saṃnihito bhavaḥ

Sanskrit only: no published translation is held for this verse.

तस्य स्वरूपं वक्ष्यामि यत्नेन शृणु नारद । पुरा दाशरथी रामो रावणं लोकरावणम्

tasya svarūpaṃ vakṣyāmi yatnena śṛṇu nārada / purā dāśarathī rāmo rāvaṇaṃ lokarāvaṇam

Sanskrit only: no published translation is held for this verse.

किष्किन्धावासिभिः सार्धं जघान रणमूर्धनि । सपुत्रं सबलं हत्वा सीताम् आदाय शत्रुहा

kiṣkindhāvāsibhiḥ sārdhaṃ jaghāna raṇamūrdhani / saputraṃ sabalaṃ hatvā sītām ādāya śatruhā

Sanskrit only: no published translation is held for this verse.

भ्रात्रा सौमित्रिणा सार्धं वानरैश् च महाबलैः । विभीषणेन बलिना देवैः प्रत्यागतो नृपः

bhrātrā saumitriṇā sārdhaṃ vānaraiś ca mahābalaiḥ / vibhīṣaṇena balinā devaiḥ pratyāgato nṛpaḥ

Sanskrit only: no published translation is held for this verse.

कृतस्वस्त्ययनः श्रीमान् पुष्पकेण विराजितः । यद् आसीद् धनराजस्य कामगेनाशुगामिना

kṛtasvastyayanaḥ śrīmān puṣpakeṇa virājitaḥ / yad āsīd dhanarājasya kāmagenāśugāminā

Sanskrit only: no published translation is held for this verse.

अयोध्याम् अगमन् सर्वे गच्छन् गङ्गाम् अपश्यत । रामो विरामः शत्रूणां शरण्यः शरणार्थिनाम्

ayodhyām agaman sarve gacchan gaṅgām apaśyata / rāmo virāmaḥ śatrūṇāṃ śaraṇyaḥ śaraṇārthinām

Sanskrit only: no published translation is held for this verse.

गौतमीं तु जगत्पुण्यां सर्वकामप्रदायिनीम् । मनोनयनसंताप- निवारणपरायणाम्

gautamīṃ tu jagatpuṇyāṃ sarvakāmapradāyinīm / manonayanasaṃtāpa- nivāraṇaparāyaṇām

Sanskrit only: no published translation is held for this verse.

तां दृष्ट्वा नृपतिः श्रीमान् गङ्गातीरम् अथाविशत् । तां दृष्ट्वा प्राह नृपतिर् हर्षगद्गदया गिरा । हरीन् सर्वान् अथामन्त्र्य हनुमत्प्रमुखान् मुने

tāṃ dṛṣṭvā nṛpatiḥ śrīmān gaṅgātīram athāviśat / tāṃ dṛṣṭvā prāha nṛpatir harṣagadgadayā girā / harīn sarvān athāmantrya hanumatpramukhān mune

Sanskrit only: no published translation is held for this verse.

राम उवाच: अस्याः प्रभावाद् धरयो यो ऽसौ मम पिता प्रभुः । सर्वपापविनिर्मुक्तस् ततो यातस् त्रिविष्टपम्

rāma uvāca: asyāḥ prabhāvād dharayo yo 'sau mama pitā prabhuḥ / sarvapāpavinirmuktas tato yātas triviṣṭapam

Sanskrit only: no published translation is held for this verse.