Brahma-Purana 160

ब्रह्मोवाच: देवागमं नाम तीर्थं सर्वकामप्रदं शिवम् । भुक्तिमुक्तिप्रदं नॄणां पितॄणां तृप्तिकारकम्

brahmovāca: devāgamaṃ nāma tīrthaṃ sarvakāmapradaṃ śivam / bhuktimuktipradaṃ nṝṇāṃ pitṝṇāṃ tṛptikārakam

Sanskrit only: no published translation is held for this verse.

तत्र वृत्तं समाख्यास्ये तव यत्नेन नारद । देवानाम् असुराणां च स्पर्धाभूद् धनहेतवे

tatra vṛttaṃ samākhyāsye tava yatnena nārada / devānām asurāṇāṃ ca spardhābhūd dhanahetave

Sanskrit only: no published translation is held for this verse.

स्वर्गः सुराणाम् अभवद् असुराणाम् इलाभवत् । कर्मभूमिम् अवष्टभ्य असुराः सर्वतो ऽभवन्

svargaḥ surāṇām abhavad asurāṇām ilābhavat / karmabhūmim avaṣṭabhya asurāḥ sarvato 'bhavan

Sanskrit only: no published translation is held for this verse.

देवानां यज्ञभागांश् च दातॄन् घ्नन्त्य् असुरास् ततः । ततः सुरगणाः सर्वे यज्ञभागैर् विना कृताः

devānāṃ yajñabhāgāṃś ca dātṝn ghnanty asurās tataḥ / tataḥ suragaṇāḥ sarve yajñabhāgair vinā kṛtāḥ

Sanskrit only: no published translation is held for this verse.

व्यथिता माम् उपाजग्मुः किं कृत्यम् इति चाब्रुवन् । मया चोक्ताः सुरगणा युद्धे जित्वासुरान् बलात्

vyathitā mām upājagmuḥ kiṃ kṛtyam iti cābruvan / mayā coktāḥ suragaṇā yuddhe jitvāsurān balāt

Sanskrit only: no published translation is held for this verse.

भुवं प्राप्स्यथ कर्माणि हवींषि च यशांसि च । तथेत्य् उक्त्वा गता देवा भूमिं ते समरार्थिनः

bhuvaṃ prāpsyatha karmāṇi havīṃṣi ca yaśāṃsi ca / tathety uktvā gatā devā bhūmiṃ te samarārthinaḥ

Sanskrit only: no published translation is held for this verse.

दैत्याश् च दानवाश् चैव राक्षसा बलदर्पिताः । एकीभूत्वा ययुस् ते ऽपि जयिनो युद्धकाङ्क्षिणः

daityāś ca dānavāś caiva rākṣasā baladarpitāḥ / ekībhūtvā yayus te 'pi jayino yuddhakāṅkṣiṇaḥ

Sanskrit only: no published translation is held for this verse.

अहिर् वृत्रो बलिस् त्वाष्ट्रिर् नमुचिः शम्बरो मयः । एते चान्ये च बहवो योद्धारो बलदर्पिताः

ahir vṛtro balis tvāṣṭrir namuciḥ śambaro mayaḥ / ete cānye ca bahavo yoddhāro baladarpitāḥ

Sanskrit only: no published translation is held for this verse.

अग्निर् इन्द्रो ऽथ वरुणस् त्वष्टा पूषा तथाश्विनौ । मरुतो लोकपालाश् च नानायुद्धविशारदाः

agnir indro 'tha varuṇas tvaṣṭā pūṣā tathāśvinau / maruto lokapālāś ca nānāyuddhaviśāradāḥ

Sanskrit only: no published translation is held for this verse.

ते दानवाः सर्व एव याम्यां वै दिशि संगरे । अकुर्वन्त महायत्नं दक्षिणार्णवसंस्थिताः

te dānavāḥ sarva eva yāmyāṃ vai diśi saṃgare / akurvanta mahāyatnaṃ dakṣiṇārṇavasaṃsthitāḥ

Sanskrit only: no published translation is held for this verse.

त्रिकूटः पर्वतश्रेष्ठो राक्षसानां पुराभवत् । तद्वनेन ययुः सर्वे तैः सार्धं दक्षिणार्णवम्

trikūṭaḥ parvataśreṣṭho rākṣasānāṃ purābhavat / tadvanena yayuḥ sarve taiḥ sārdhaṃ dakṣiṇārṇavam

Sanskrit only: no published translation is held for this verse.

सर्वेषां मेलनं यत्र पर्वतो मलयस् तु सः । मलयस्यापि देशो ऽसौ देवारीणाम् अभूत् तदा

sarveṣāṃ melanaṃ yatra parvato malayas tu saḥ / malayasyāpi deśo 'sau devārīṇām abhūt tadā

Sanskrit only: no published translation is held for this verse.

देवानां गौतमीतीरे तत्र संनिहितः शिवः । इति तेषां समायोगो देवानाम् अभवत् किल

devānāṃ gautamītīre tatra saṃnihitaḥ śivaḥ / iti teṣāṃ samāyogo devānām abhavat kila

Sanskrit only: no published translation is held for this verse.

देवाः स्वरथम् आरूढास् तत्र तत्र समागमन् । गौतम्याः सरिदम्बायाः पुलिने विमलाशयाः

devāḥ svaratham ārūḍhās tatra tatra samāgaman / gautamyāḥ saridambāyāḥ puline vimalāśayāḥ

Sanskrit only: no published translation is held for this verse.

प्रसन्नाभीष्टदा या स्यात् पितॄणाम् अखिलस्य तु । ततो देवगणाः सर्वे स्तुत्वा देवं महेश्वरम् । अभयं चिन्तयाम् आसुस् ते सर्वे ऽथ परस्परम्

prasannābhīṣṭadā yā syāt pitṝṇām akhilasya tu / tato devagaṇāḥ sarve stutvā devaṃ maheśvaram / abhayaṃ cintayām āsus te sarve 'tha parasparam

Sanskrit only: no published translation is held for this verse.

देवा ऊचुः: अत्राप्य् उपायः को ऽस्माकं निर्जितानां परैर् हठात् । एकम् एवात्र नः श्रेयो विजयो वाथवा मृतिः । सपत्नैर् अभिभूतानां जीवितं धिङ् मनस्विनाम्

devā ūcuḥ: atrāpy upāyaḥ ko 'smākaṃ nirjitānāṃ parair haṭhāt / ekam evātra naḥ śreyo vijayo vāthavā mṛtiḥ / sapatnair abhibhūtānāṃ jīvitaṃ dhiṅ manasvinām

Sanskrit only: no published translation is held for this verse.

ब्रह्मोवाच: एतस्मिन्न् अन्तरे पुत्र वाग् उवाचाशरीरिणी ॥* ब्र्प् १६०।१७ ॥ आकाशवाग् उवाच: क्लेशेनालं सुरगणा गौतमीम् आशु गच्छत । भक्त्या हरिहरौ तत्र समाराधयतेश्वरौ

brahmovāca: etasminn antare putra vāg uvācāśarīriṇī //* BrP 160.17 // ākāśavāg uvāca: kleśenālaṃ suragaṇā gautamīm āśu gacchata / bhaktyā hariharau tatra samārādhayateśvarau

Sanskrit only: no published translation is held for this verse.

गोदावर्यास् तयोश् चैव प्रसादात् किं तु दुष्करम् ॥* ब्र्प् १६०।१९ ॥ ब्रह्मोवाच: प्रसन्नाभ्यां हरीशाभ्यां देवा जयम् अभीप्सितम् । अवाप्य सर्वतो जग्मुः पालयन्तो दिवौकसः

godāvaryās tayoś caiva prasādāt kiṃ tu duṣkaram //* BrP 160.19 // brahmovāca: prasannābhyāṃ harīśābhyāṃ devā jayam abhīpsitam / avāpya sarvato jagmuḥ pālayanto divaukasaḥ

Sanskrit only: no published translation is held for this verse.

यत्र देवागमो जातस् तत् तीर्थं तेन विश्रुतम् । देवागमं प्रशंसन्ति मुनयस् तत्त्वदर्शिनः

yatra devāgamo jātas tat tīrthaṃ tena viśrutam / devāgamaṃ praśaṃsanti munayas tattvadarśinaḥ

Sanskrit only: no published translation is held for this verse.

तत्राशीतिसहस्राणि शिवलिङ्गानि नारद । देवागमः पर्वतो ऽसौ प्रिय इत्य् अपि कथ्यते । ततः प्रभृति तत् तीर्थं देवप्रियम् अतो विदुः

tatrāśītisahasrāṇi śivaliṅgāni nārada / devāgamaḥ parvato 'sau priya ity api kathyate / tataḥ prabhṛti tat tīrthaṃ devapriyam ato viduḥ

Sanskrit only: no published translation is held for this verse.