Brahma-Purana 162

ब्रह्मोवाच: मन्युतीर्थम् इति ख्यातं सर्वपापप्रणाशनम् । सर्वकामप्रदं नॄणां स्मरणाद् अघनाशनम्

brahmovāca: manyutīrtham iti khyātaṃ sarvapāpapraṇāśanam / sarvakāmapradaṃ nṝṇāṃ smaraṇād aghanāśanam

Sanskrit only: no published translation is held for this verse.

तस्य प्रभावं वक्ष्यामि शृणुष्वावहितो मुने । देवानां दानवानां च संगरो ऽभून् मिथः पुरा

tasya prabhāvaṃ vakṣyāmi śṛṇuṣvāvahito mune / devānāṃ dānavānāṃ ca saṃgaro 'bhūn mithaḥ purā

Sanskrit only: no published translation is held for this verse.

तत्राजयन् नैव सुरा दानवा जयिनो ऽभवन् । पराङ्मुखाः सुरगणाः संगराद् गतचेतसः

tatrājayan naiva surā dānavā jayino 'bhavan / parāṅmukhāḥ suragaṇāḥ saṃgarād gatacetasaḥ

Sanskrit only: no published translation is held for this verse.

माम् अभ्येत्य समूचुस् ते देहि नो ऽभयकारणम् । तान् अहं प्रत्यवोचं वै गङ्गां गच्छत सर्वशः

mām abhyetya samūcus te dehi no 'bhayakāraṇam / tān ahaṃ pratyavocaṃ vai gaṅgāṃ gacchata sarvaśaḥ

Sanskrit only: no published translation is held for this verse.

तत्र वै गौतमीतीरे स्तुत्वा देवं महेश्वरम् । अनपायनिरायास- सहजानन्दसुन्दरम्

tatra vai gautamītīre stutvā devaṃ maheśvaram / anapāyanirāyāsa- sahajānandasundaram

Sanskrit only: no published translation is held for this verse.

लप्स्यते सर्वविबुधा जयहेतुर् महेश्वरात् । तथेत्य् उक्त्वा सुरगणाः स्तुवन्ति स्म महेश्वरम्

lapsyate sarvavibudhā jayahetur maheśvarāt / tathety uktvā suragaṇāḥ stuvanti sma maheśvaram

Sanskrit only: no published translation is held for this verse.

तपो ऽतप्यन्त केचिद् वै ननृतुश् च तथापरे । अस्नापयंश् च केचिच् च ऽपूजयंश् च तथापरे

tapo 'tapyanta kecid vai nanṛtuś ca tathāpare / asnāpayaṃś ca kecic ca 'pūjayaṃś ca tathāpare

Sanskrit only: no published translation is held for this verse.

ततः प्रसन्नो भगवाञ् शूलपाणिर् महेश्वरः । देवान् अथाब्रवीत् तुष्टो व्रियतां यद् अभीप्सितम्

tataḥ prasanno bhagavāñ śūlapāṇir maheśvaraḥ / devān athābravīt tuṣṭo vriyatāṃ yad abhīpsitam

Sanskrit only: no published translation is held for this verse.

देवा ऊचुः सुरपतिं विजयाय ददस्व नः । पुरुषं परमश्लाघ्यं रणेषु पुरतः स्थितम्

devā ūcuḥ surapatiṃ vijayāya dadasva naḥ / puruṣaṃ paramaślāghyaṃ raṇeṣu purataḥ sthitam

Sanskrit only: no published translation is held for this verse.

यद्बाहुबलम् आश्रित्य भवामः सुखिनो वयम् । तथेत्य् उवाच भगवान् देवान् प्रति महेश्वरः

yadbāhubalam āśritya bhavāmaḥ sukhino vayam / tathety uvāca bhagavān devān prati maheśvaraḥ

Sanskrit only: no published translation is held for this verse.

आत्मनस् तेजसा कश्चिन् निर्मितः परमेष्ठिना । मन्युनामानम् अत्युग्रं देवसैन्यपुरोगमम्

ātmanas tejasā kaścin nirmitaḥ parameṣṭhinā / manyunāmānam atyugraṃ devasainyapurogamam

Sanskrit only: no published translation is held for this verse.

तं नत्वा त्रिदशाः सर्वे शिवं नत्वा स्वम् आलयम् । मन्युना सह चाभ्येत्य पुनर् युद्धाय तस्थिरे

taṃ natvā tridaśāḥ sarve śivaṃ natvā svam ālayam / manyunā saha cābhyetya punar yuddhāya tasthire

Sanskrit only: no published translation is held for this verse.

युद्धे स्थित्वा तु दनुजैर् दैतेयैश् च महाबलैः । विबुधा जातसंनद्धा मन्युम् ऊचुः पुरः स्थिताः

yuddhe sthitvā tu danujair daiteyaiś ca mahābalaiḥ / vibudhā jātasaṃnaddhā manyum ūcuḥ puraḥ sthitāḥ

Sanskrit only: no published translation is held for this verse.

देवा ऊचुः: सामर्थ्यं तव पश्यामः पश्चाद् योत्स्यामहे परैः । तस्माद् दर्शय चात्मानं मन्यो ऽस्माकं युयुत्सताम्

devā ūcuḥ: sāmarthyaṃ tava paśyāmaḥ paścād yotsyāmahe paraiḥ / tasmād darśaya cātmānaṃ manyo 'smākaṃ yuyutsatām

Sanskrit only: no published translation is held for this verse.

ब्रह्मोवाच: तद् देववचनं श्रुत्वा मन्युर् आह स्मयन्न् इव ॥* ब्र्प् १६२।१५ ॥ मन्युर् उवाच: जनिता मम देवेशः सर्वज्ञः सर्वदृक् प्रभुः । यः सर्वं वेत्ति सर्वेषां धामनाम मनःस्थितम्

brahmovāca: tad devavacanaṃ śrutvā manyur āha smayann iva //* BrP 162.15 // manyur uvāca: janitā mama deveśaḥ sarvajñaḥ sarvadṛk prabhuḥ / yaḥ sarvaṃ vetti sarveṣāṃ dhāmanāma manaḥsthitam

Sanskrit only: no published translation is held for this verse.

नैव कश्चिच् च तं वेत्ति यः सर्वं वेत्ति सर्वदा । अमूर्तं मूर्तम् अप्य् एतद् वेत्ति कर्ता जगन्मयः

naiva kaścic ca taṃ vetti yaḥ sarvaṃ vetti sarvadā / amūrtaṃ mūrtam apy etad vetti kartā jaganmayaḥ

Sanskrit only: no published translation is held for this verse.

परो ऽसौ भगवान् साक्षात् तथा दिव्य् अन्तरिक्षगः । कस् तस्य रूपं यो वेद कस्य कर्ता जगन्मयः

paro 'sau bhagavān sākṣāt tathā divy antarikṣagaḥ / kas tasya rūpaṃ yo veda kasya kartā jaganmayaḥ

Sanskrit only: no published translation is held for this verse.

एवंविधाद् अहं जातो मां कथं वेत्तुम् अर्हथ । अथवा द्रष्टुकामा वै भवन्तो मानुपश्यत

evaṃvidhād ahaṃ jāto māṃ kathaṃ vettum arhatha / athavā draṣṭukāmā vai bhavanto mānupaśyata

Sanskrit only: no published translation is held for this verse.

ब्रह्मोवाच: इत्य् उक्त्वा दर्शयाम् आस मन्यू रूपं स्वकं महत् । तार्तीयचक्षुषोद्भूतं भवस्य परमेष्ठिनः

brahmovāca: ity uktvā darśayām āsa manyū rūpaṃ svakaṃ mahat / tārtīyacakṣuṣodbhūtaṃ bhavasya parameṣṭhinaḥ

Sanskrit only: no published translation is held for this verse.

तेजसा संभृतं रूपं यतः सर्वं तद् उच्यते । पौरुषं पुरुषेष्व् एव अहंकारश् च जन्तुषु

tejasā saṃbhṛtaṃ rūpaṃ yataḥ sarvaṃ tad ucyate / pauruṣaṃ puruṣeṣv eva ahaṃkāraś ca jantuṣu

Sanskrit only: no published translation is held for this verse.

क्रोधः सर्वस्य यो भीम उपसंहारकृद् भवेत् । तं शंकरप्रतिनिधिं ज्वलन्तं निजतेजसा

krodhaḥ sarvasya yo bhīma upasaṃhārakṛd bhavet / taṃ śaṃkarapratinidhiṃ jvalantaṃ nijatejasā

Sanskrit only: no published translation is held for this verse.

सर्वायुधधरं दृष्ट्वा प्रणेमुः सर्वदेवताः । वित्रेसुर् दैत्यदनुजाः कृताञ्जलिपुटाः सुराः

sarvāyudhadharaṃ dṛṣṭvā praṇemuḥ sarvadevatāḥ / vitresur daityadanujāḥ kṛtāñjalipuṭāḥ surāḥ

Sanskrit only: no published translation is held for this verse.

भूत्वा मन्युम् अथोचुस् ते त्वं सेनानीः प्रभो भव । त्वया दत्तम् इदं राज्यं मन्यो भोक्ष्यामहे वयम्

bhūtvā manyum athocus te tvaṃ senānīḥ prabho bhava / tvayā dattam idaṃ rājyaṃ manyo bhokṣyāmahe vayam

Sanskrit only: no published translation is held for this verse.

तस्मात् सर्वेषु कार्येषु जेता त्वं जयवर्धनः । त्वम् इन्द्रस् त्वं च वरुणो लोकपालास् त्वम् एव च

tasmāt sarveṣu kāryeṣu jetā tvaṃ jayavardhanaḥ / tvam indras tvaṃ ca varuṇo lokapālās tvam eva ca

Sanskrit only: no published translation is held for this verse.

अस्मासु सर्वदेवेषु प्रविश त्वं जयाय वै । मन्युः प्रोवाच तान् सर्वान् विना मत्तो न किंचन

asmāsu sarvadeveṣu praviśa tvaṃ jayāya vai / manyuḥ provāca tān sarvān vinā matto na kiṃcana

Sanskrit only: no published translation is held for this verse.

सर्वेष्व् अन्तः प्रविष्टो ऽहं न मां जानाति कश्चन । स एव भगवान् मन्युस् ततो जातः पृथक् पृथक्

sarveṣv antaḥ praviṣṭo 'haṃ na māṃ jānāti kaścana / sa eva bhagavān manyus tato jātaḥ pṛthak pṛthak

Sanskrit only: no published translation is held for this verse.

स एव रुद्ररूपी स्याद् रुद्रो मन्युः शिवो ऽभवत् । स्थावरं जङ्गमं चैव सर्वं व्याप्तं हि मन्युना

sa eva rudrarūpī syād rudro manyuḥ śivo 'bhavat / sthāvaraṃ jaṅgamaṃ caiva sarvaṃ vyāptaṃ hi manyunā

Sanskrit only: no published translation is held for this verse.

तम् अवाप्य सुराः सर्वे जयम् आपुश् च संगरे । जयो मन्युश् च शौर्यं च ईशतेजःसमुद्भवम्

tam avāpya surāḥ sarve jayam āpuś ca saṃgare / jayo manyuś ca śauryaṃ ca īśatejaḥsamudbhavam

Sanskrit only: no published translation is held for this verse.

मन्युना जयम् आप्याथ कृत्वा दैत्यैश् च संगमम् । यथागतं ययुः सर्वे मन्युना परिरक्षिताः

manyunā jayam āpyātha kṛtvā daityaiś ca saṃgamam / yathāgataṃ yayuḥ sarve manyunā parirakṣitāḥ

Sanskrit only: no published translation is held for this verse.

यत्र वै गौतमीतीरे शिवम् आराध्य ते सुराः । मन्युम् आपुर् जयं चैव मन्युतीर्थं तद् उच्यते

yatra vai gautamītīre śivam ārādhya te surāḥ / manyum āpur jayaṃ caiva manyutīrthaṃ tad ucyate

Sanskrit only: no published translation is held for this verse.

उत्पत्तिं च तथा मन्योर् यो नरः प्रयतः स्मरेत् । विजयो जायते तस्य न कैश्चित् परिभूयते

utpattiṃ ca tathā manyor yo naraḥ prayataḥ smaret / vijayo jāyate tasya na kaiścit paribhūyate

Sanskrit only: no published translation is held for this verse.

न मन्युतीर्थसदृशं पावनं हि महामुने । यत्र साक्षान् मन्युरूपी सर्वदा शंकरः स्थितः । तत्र स्नानं च दानं च स्मरणं सर्वकामदम्

na manyutīrthasadṛśaṃ pāvanaṃ hi mahāmune / yatra sākṣān manyurūpī sarvadā śaṃkaraḥ sthitaḥ / tatra snānaṃ ca dānaṃ ca smaraṇaṃ sarvakāmadam

Sanskrit only: no published translation is held for this verse.