Brahma-Purana 166

ब्रह्मोवाच: पतत्रितीर्थम् आख्यातं रोगघ्नं पापनाशनम् । तस्य श्रवणमात्रेण कृतकृत्यो भवेन् नरः

brahmovāca: patatritīrtham ākhyātaṃ rogaghnaṃ pāpanāśanam / tasya śravaṇamātreṇa kṛtakṛtyo bhaven naraḥ

Sanskrit only: no published translation is held for this verse.

बभूवतुः कश्यपस्य सुताव् अरुणाव् ईश्वरौ । संपातिश् च जटायुश् च संभवेतां तदन्वये

babhūvatuḥ kaśyapasya sutāv aruṇāv īśvarau / saṃpātiś ca jaṭāyuś ca saṃbhavetāṃ tadanvaye

Sanskrit only: no published translation is held for this verse.

तार्क्ष्यप्रजापतेः पुत्राव् अरुणो गरुडस् तथा । तदन्वये संभूतः च संपातिः पतगोत्तमः

tārkṣyaprajāpateḥ putrāv aruṇo garuḍas tathā / tadanvaye saṃbhūtaḥ ca saṃpātiḥ patagottamaḥ

Sanskrit only: no published translation is held for this verse.

जटायुर् इति विख्यातो ह्य् अपरः सोदरो ऽनुजः । अन्योन्यस्पर्धया युक्ताव् उन्मत्तौ स्वबलेन तौ

jaṭāyur iti vikhyāto hy aparaḥ sodaro 'nujaḥ / anyonyaspardhayā yuktāv unmattau svabalena tau

Sanskrit only: no published translation is held for this verse.

संजग्मतुर् दिनकरं नमस्कर्तुं विहायसि । यावत् सूर्यस्य सामीप्यं प्राप्तौ तौ विहगोत्तमौ

saṃjagmatur dinakaraṃ namaskartuṃ vihāyasi / yāvat sūryasya sāmīpyaṃ prāptau tau vihagottamau

Sanskrit only: no published translation is held for this verse.

दग्धपक्षाव् उभौ श्रान्तौ पतितौ गिरिमूर्धनि । बान्धवौ पतितौ दृष्ट्वा निश्चेष्टौ गतचेतसौ

dagdhapakṣāv ubhau śrāntau patitau girimūrdhani / bāndhavau patitau dṛṣṭvā niśceṣṭau gatacetasau

Sanskrit only: no published translation is held for this verse.

तावद् दुःखाभिभूतो ऽसाव् अरुणः प्राह भास्करम् । तौ दृष्ट्वा त्व् अरुणः सूर्यम् प्राहेदं पतितौ भुवि । आश्वासयैतौ तिग्मांशो यावन् नैतौ मरिष्यतः

tāvad duḥkhābhibhūto 'sāv aruṇaḥ prāha bhāskaram / tau dṛṣṭvā tv aruṇaḥ sūry.am prāhedaṃ patitau bhuvi / āśvāsayaitau tigmāṃśo yāvan naitau mariṣyataḥ

Sanskrit only: no published translation is held for this verse.

ब्रह्मोवाच: तथेत्य् उक्त्वा दिनकरो जीवयाम् आस तौ खगौ । गरुडो ऽपि तयोः श्रुत्वा अवस्थां सह विष्णुना

brahmovāca: tathety uktvā dinakaro jīvayām āsa tau khagau / garuḍo 'pi tayoḥ śrutvā avasthāṃ saha viṣṇunā

Sanskrit only: no published translation is held for this verse.

आगत्याश्वासयाम् आस सुखं चक्रे च नारद । सर्व एव तदा जग्मुर् गङ्गां तापापनुत्तये

āgatyāśvāsayām āsa sukhaṃ cakre ca nārada / sarva eva tadā jagmur gaṅgāṃ tāpāpanuttaye

Sanskrit only: no published translation is held for this verse.

जटायुश् चारुणश् चैव संपातिर् गरुडस् तथा । सूर्यो विष्णुस् तत् प्रययौ तत् तीर्थं बहुपुण्यदम्

jaṭāyuś cāruṇaś caiva saṃpātir garuḍas tathā / sūryo viṣṇus tat prayayau tat tīrthaṃ bahupuṇyadam

Sanskrit only: no published translation is held for this verse.

पतत्रितीर्थम् आख्यातं विषघ्नं सर्वकामदम् । स्वयं सूर्यस् तथा विष्णुः सुपर्णेनारुणेन च

patatritīrtham ākhyātaṃ viṣaghnaṃ sarvakāmadam / svayaṃ sūryas tathā viṣṇuḥ suparṇenāruṇena ca

Sanskrit only: no published translation is held for this verse.

आसते गौतमीतीरे तथैव वृषभध्वजः । त्रयाणाम् अपि देवानां स्थितेस् तत् तीर्थम् उत्तमम्

āsate gautamītīre tathaiva vṛṣabhadhvajaḥ / trayāṇām api devānāṃ sthites tat tīrtham uttamam

Sanskrit only: no published translation is held for this verse.

तत्र स्नात्वा शुचिर् भूत्वा नमस्कुर्यात् सुरान् इमान् । आधिव्याधिविनिर्मुक्तः स परं सौख्यम् आप्नुयात्

tatra snātvā śucir bhūtvā namaskuryāt surān imān / ādhivyādhivinirmuktaḥ sa paraṃ saukhyam āpnuyāt

Sanskrit only: no published translation is held for this verse.