वेद मिथ्याभिशापास् तं न स्पृशन्ति कदाचन ॥* ब्र्प् १६।५९ ॥ लोमहर्षण उवाच: यत् तु सत्राजिते कृष्णो मणिरत्नं स्यमन्तकम् । ददाव् अहारयद् बभ्रुर् भोजेन शतधन्वना
veda mithyābhiśāpās taṃ na spṛśanti kadācana //* BrP 16.59 // lomaharṣaṇa uvāca: yat tu satrājite kṛṣṇo maṇiratnaṃ syamantakam / dadāv ahārayad babhrur bhojena śatadhanvanā
Sanskrit only: no published translation is held for this verse.
सदा हि प्रार्थयाम् आस सत्यभामाम् अनिन्दिताम् । अक्रूरो ऽन्तरम् अन्विष्यन् मणिं चैव स्यमन्तकम्
sadā hi prārthayām āsa satyabhāmām aninditām / akrūro 'ntaram anviṣyan maṇiṃ caiva syamantakam
Sanskrit only: no published translation is held for this verse.
सत्राजितं ततो हत्वा शतधन्वा महाबलः । रात्रौ तं मणिम् आदाय ततो ऽक्रूराय दत्तवान्
satrājitaṃ tato hatvā śatadhanvā mahābalaḥ / rātrau taṃ maṇim ādāya tato 'krūrāya dattavān
Sanskrit only: no published translation is held for this verse.
अक्रूरस् तु तदा विप्रा रत्नम् आदाय चोत्तमम् । समयं कारयां चक्रे नावेद्यो ऽहं त्वयेत्य् उत
akrūras tu tadā viprā ratnam ādāya cottamam / samayaṃ kārayāṃ cakre nāvedyo 'haṃ tvayety uta
Sanskrit only: no published translation is held for this verse.
वयम् अभ्युत्प्रपत्स्यामः कृष्णेन त्वां प्रधर्षितम् । ममाद्य द्वारका सर्वा वशे तिष्ठत्य् असंशयम्
vayam abhyutprapatsyāmaḥ kṛṣṇena tvāṃ pradharṣitam / mamādya dvārakā sarvā vaśe tiṣṭhaty asaṃśayam
Sanskrit only: no published translation is held for this verse.
हते पितरि दुःखार्ता सत्यभामा मनस्विनी । प्रययौ रथम् आरुह्य नगरं वारणावतम्
hate pitari duḥkhārtā satyabhāmā manasvinī / prayayau ratham āruhya nagaraṃ vāraṇāvatam
Sanskrit only: no published translation is held for this verse.
सत्यभामा तु तद् वृत्तं भोजस्य शतधन्वनः । भर्तुर् निवेद्य दुःखार्ता पार्श्वस्थाश्रूण्य् अवर्तयत्
satyabhāmā tu tad vṛttaṃ bhojasya śatadhanvanaḥ / bhartur nivedya duḥkhārtā pārśvasthāśrūṇy avartayat
Sanskrit only: no published translation is held for this verse.
पाण्डवानां च दग्धानां हरिः कृत्वोदकक्रियाम् । कुल्यार्थे चापि पाण्डूनां न्ययोजयत सात्यकिम्
pāṇḍavānāṃ ca dagdhānāṃ hariḥ kṛtvodakakriyām / kulyārthe cāpi pāṇḍūnāṃ nyayojayata sātyakim
Sanskrit only: no published translation is held for this verse.
ततस् त्वरितम् आगम्य द्वारकां मधुसूदनः । पूर्वजं हलिनं श्रीमान् इदं वचनम् अब्रवीत्
tatas tvaritam āgamya dvārakāṃ madhusūdanaḥ / pūrvajaṃ halinaṃ śrīmān idaṃ vacanam abravīt
Sanskrit only: no published translation is held for this verse.
श्रीकृष्ण उवाच: हतः प्रसेनः सिंहेन सत्राजिच् छतधन्वना । स्यमन्तकस् तु मद्नामी तस्य प्रभुर् अहं विभो
śrīkṛṣṇa uvāca: hataḥ prasenaḥ siṃhena satrājic chatadhanvanā / syamantakas tu madnāmī tasya prabhur ahaṃ vibho
Sanskrit only: no published translation is held for this verse.
तद् आरोह रथं शीघ्रं भोजं हत्वा महारथम् । स्यमन्तको महाबाहो अस्माकं स भविष्यति
tad āroha rathaṃ śīghraṃ bhojaṃ hatvā mahāratham / syamantako mahābāho asmākaṃ sa bhaviṣyati
Sanskrit only: no published translation is held for this verse.
लोमहर्षण उवाच: ततः प्रववृते युद्धं तुमुलं भोजकृष्णयोः । शतधन्वा ततो ऽक्रूरं सर्वतोदिशम् ऐक्षत
lomaharṣaṇa uvāca: tataḥ pravavṛte yuddhaṃ tumulaṃ bhojakṛṣṇayoḥ / śatadhanvā tato 'krūraṃ sarvatodiśam aikṣata
Sanskrit only: no published translation is held for this verse.
संरब्धौ ताव् उभौ तत्र दृष्ट्वा भोजजनार्दनौ । शक्तो ऽपि शापाद् धार्दिक्यम् अक्रूरो नान्वपद्यत
saṃrabdhau tāv ubhau tatra dṛṣṭvā bhojajanārdanau / śakto 'pi śāpād dhārdikyam akrūro nānvapadyata
Sanskrit only: no published translation is held for this verse.
अपयाने ततो बुद्धिं भोजश् चक्रे भयार्दितः । योजनानां शतं साग्रं हृदया प्रत्यपद्यत
apayāne tato buddhiṃ bhojaś cakre bhayārditaḥ / yojanānāṃ śataṃ sāgraṃ hṛdayā pratyapadyata
Sanskrit only: no published translation is held for this verse.
विख्याता हृदया नाम शतयोजनगामिनी । भोजस्य वडवा विप्रा यया कृष्णम् अयोधयत्
vikhyātā hṛdayā nāma śatayojanagāminī / bhojasya vaḍavā viprā yayā kṛṣṇam ayodhayat
Sanskrit only: no published translation is held for this verse.
क्षीणां जवेन हृदयाम् अध्वनः शतयोजने । दृष्ट्वा रथस्य स्वां वृद्धिं शतधन्वानम् अर्दयत्
kṣīṇāṃ javena hṛdayām adhvanaḥ śatayojane / dṛṣṭvā rathasya svāṃ vṛddhiṃ śatadhanvānam ardayat
Sanskrit only: no published translation is held for this verse.
ततस् तस्या हतायास् तु श्रमात् खेदाच् च भो द्विजाः । खम् उत्पेतुर् अथ प्राणाः कृष्णो रामम् अथाब्रवीत्
tatas tasyā hatāyās tu śramāt khedāc ca bho dvijāḥ / kham utpetur atha prāṇāḥ kṛṣṇo rāmam athābravīt
Sanskrit only: no published translation is held for this verse.
श्रीकृष्ण उवाच: तिष्ठेह त्वं महाबाहो दृष्टदोषा हया मया । पद्भ्यां गत्वा हरिष्यामि मणिरत्नं स्यमन्तकम्
śrīkṛṣṇa uvāca: tiṣṭheha tvaṃ mahābāho dṛṣṭadoṣā hayā mayā / padbhyāṃ gatvā hariṣyāmi maṇiratnaṃ syamantakam
Sanskrit only: no published translation is held for this verse.
पद्भ्याम् एव ततो गत्वा शतधन्वानम् अच्युतः । मिथिलाम् अभितो विप्रा जघान परमास्त्रवित्
padbhyām eva tato gatvā śatadhanvānam acyutaḥ / mithilām abhito viprā jaghāna paramāstravit
Sanskrit only: no published translation is held for this verse.
स्यमन्तकं च नापश्यद् धत्वा भोजं महाबलम् । निवृत्तं चाब्रवीत् कृष्णं मणिं देहीति लाङ्गली
syamantakaṃ ca nāpaśyad dhatvā bhojaṃ mahābalam / nivṛttaṃ cābravīt kṛṣṇaṃ maṇiṃ dehīti lāṅgalī
Sanskrit only: no published translation is held for this verse.
नास्तीति कृष्णश् चोवाच ततो रामो रुषान्वितः । धिक्शब्दपूर्वम् असकृत् प्रत्युवाच जनार्दनम्
nāstīti kṛṣṇaś covāca tato rāmo ruṣānvitaḥ / dhikśabdapūrvam asakṛt pratyuvāca janārdanam
Sanskrit only: no published translation is held for this verse.
बलराम उवाच: भ्रातृत्वान् मर्षयाम्य् एष स्वस्ति ते ऽस्तु व्रजाम्य् अहम् । कृत्यं न मे द्वारकया न त्वया न च वृष्णिभिः
balarāma uvāca: bhrātṛtvān marṣayāmy eṣa svasti te 'stu vrajāmy aham / kṛtyaṃ na me dvārakayā na tvayā na ca vṛṣṇibhiḥ
Sanskrit only: no published translation is held for this verse.
प्रविवेश ततो रामो मिथिलाम् अरिमर्दनः । सर्वकामैर् उपहृतैर् मिथिलेनाभिपूजितः
praviveśa tato rāmo mithilām arimardanaḥ / sarvakāmair upahṛtair mithilenābhipūjitaḥ
Sanskrit only: no published translation is held for this verse.
एतस्मिन्न् एव काले तु बभ्रुर् मतिमतां वरः । नानारूपान् क्रतून् सर्वान् आजहार निरर्गलान्
etasminn eva kāle tu babhrur matimatāṃ varaḥ / nānārūpān kratūn sarvān ājahāra nirargalān
Sanskrit only: no published translation is held for this verse.
दीक्षामयं स कवचं रक्षार्थं प्रविवेश ह । स्यमन्तककृते प्राज्ञो गान्दीपुत्रो महायशाः
dīkṣāmayaṃ sa kavacaṃ rakṣārthaṃ praviveśa ha / syamantakakṛte prājño gāndīputro mahāyaśāḥ
Sanskrit only: no published translation is held for this verse.
अथ रत्नानि चान्यानि धनानि विविधानि च । षष्टिं वर्षाणि धर्मात्मा यज्ञेष्व् एव न्ययोजयत्
atha ratnāni cānyāni dhanāni vividhāni ca / ṣaṣṭiṃ varṣāṇi dharmātmā yajñeṣv eva nyayojayat
Sanskrit only: no published translation is held for this verse.
अक्रूरयज्ञा इति ते ख्यातास् तस्य महात्मनः । बह्वन्नदक्षिणाः सर्वे सर्वकामप्रदायिनः
akrūrayajñā iti te khyātās tasya mahātmanaḥ / bahvannadakṣiṇāḥ sarve sarvakāmapradāyinaḥ
Sanskrit only: no published translation is held for this verse.
अथ दुर्योधनो राजा गत्वा स मिथिलां प्रभुः । गदाशिक्षां ततो दिव्यां बलदेवाद् अवाप्तवान्
atha duryodhano rājā gatvā sa mithilāṃ prabhuḥ / gadāśikṣāṃ tato divyāṃ baladevād avāptavān
Sanskrit only: no published translation is held for this verse.
संप्रसाद्य ततो रामो वृष्ण्यन्धकमहारथैः । आनीतो द्वारकाम् एव कृष्णेन च महात्मना
saṃprasādya tato rāmo vṛṣṇyandhakamahārathaiḥ / ānīto dvārakām eva kṛṣṇena ca mahātmanā
Sanskrit only: no published translation is held for this verse.
अक्रूरश् चान्धकैः सार्धम् आयातः पुरुषर्षभः । हत्वा सत्राजितं सुप्तं सहबन्धुं महाबलः
akrūraś cāndhakaiḥ sārdham āyātaḥ puruṣarṣabhaḥ / hatvā satrājitaṃ suptaṃ sahabandhuṃ mahābalaḥ
Sanskrit only: no published translation is held for this verse.
ज्ञातिभेदभयात् कृष्णस् तम् उपेक्षितवांस् तदा । अपयाते तदाक्रूरे नावर्षत् पाकशासनः
jñātibhedabhayāt kṛṣṇas tam upekṣitavāṃs tadā / apayāte tadākrūre nāvarṣat pākaśāsanaḥ
Sanskrit only: no published translation is held for this verse.
अनावृष्ट्या तदा राष्ट्रम् अभवद् बहुधा कृशम् । ततः प्रसादयाम् आसुर् अक्रूरं कुकुरान्धकाः
anāvṛṣṭyā tadā rāṣṭram abhavad bahudhā kṛśam / tataḥ prasādayām āsur akrūraṃ kukurāndhakāḥ
Sanskrit only: no published translation is held for this verse.
पुनर् द्वारवतीं प्राप्ते तस्मिन् दानपतौ ततः । प्रववर्ष सहस्राक्षः कक्षे जलनिधेस् तदा
punar dvāravatīṃ prāpte tasmin dānapatau tataḥ / pravavarṣa sahasrākṣaḥ kakṣe jalanidhes tadā
Sanskrit only: no published translation is held for this verse.
कन्यां च वासुदेवाय स्वसारं शीलसंमताम् । अक्रूरः प्रददौ धीमान् प्रीत्यर्थं मुनिसत्तमाः
kanyāṃ ca vāsudevāya svasāraṃ śīlasaṃmatām / akrūraḥ pradadau dhīmān prītyarthaṃ munisattamāḥ
Sanskrit only: no published translation is held for this verse.
अथ विज्ञाय योगेन कृष्णो बभ्रुगतं मणिम् । सभामध्यगतः प्राह तम् अक्रूरं जनार्दनः
atha vijñāya yogena kṛṣṇo babhrugataṃ maṇim / sabhāmadhyagataḥ prāha tam akrūraṃ janārdanaḥ
Sanskrit only: no published translation is held for this verse.
श्रीकृष्ण उवाच: यत् तद् रत्नं मणिवरं तव हस्तगतं विभो । तत् प्रयच्छ च मानार्ह मयि मानार्यकं कृथाः
śrīkṛṣṇa uvāca: yat tad ratnaṃ maṇivaraṃ tava hastagataṃ vibho / tat prayaccha ca mānārha mayi mānāryakaṃ kṛthāḥ
Sanskrit only: no published translation is held for this verse.
षष्टिवर्षगते काले यो रोषो ऽभून् ममानघ । स संरूढो ऽसकृत् प्राप्तस् ततः कालात्ययो महान्
ṣaṣṭivarṣagate kāle yo roṣo 'bhūn mamānagha / sa saṃrūḍho 'sakṛt prāptas tataḥ kālātyayo mahān
Sanskrit only: no published translation is held for this verse.
स ततः कृष्णवचनात् सर्वसात्वतसंसदि । प्रददौ तं मणिं बभ्रुर् अक्लेशेन महामतिः
sa tataḥ kṛṣṇavacanāt sarvasātvatasaṃsadi / pradadau taṃ maṇiṃ babhrur akleśena mahāmatiḥ
Sanskrit only: no published translation is held for this verse.
ततस् तम् आर्जवात् प्राप्तं बभ्रोर् हस्ताद् अरिंदमः । ददौ हृष्टमनाः कृष्णस् तं मणिं बभ्रवे पुनः
tatas tam ārjavāt prāptaṃ babhror hastād ariṃdamaḥ / dadau hṛṣṭamanāḥ kṛṣṇas taṃ maṇiṃ babhrave punaḥ
Sanskrit only: no published translation is held for this verse.
स कृष्णहस्तात् संप्राप्तं मणिरत्नं स्यमन्तकम् । आबध्य गान्दिनीपुत्रो विरराजांशुमान् इव
sa kṛṣṇahastāt saṃprāptaṃ maṇiratnaṃ syamantakam / ābadhya gāndinīputro virarājāṃśumān iva
Sanskrit only: no published translation is held for this verse.