Brahma-Purana 186

व्यास उवाच: गाः पालयन्तौ च पुनः सहितौ रामकेशवौ । भ्रममाणौ वने तत्र रम्यं तालवनं गतौ

vyāsa uvāca: gāḥ pālayantau ca punaḥ sahitau rāmakeśavau / bhramamāṇau vane tatra ramyaṃ tālavanaṃ gatau

Sanskrit only: no published translation is held for this verse.

तच् च तालवनं नित्यं धेनुको नाम दानवः । नृगोमांसकृताहारः सदाध्यास्ते खराकृतिः

tac ca tālavanaṃ nityaṃ dhenuko nāma dānavaḥ / nṛgomāṃsakṛtāhāraḥ sadādhyāste kharākṛtiḥ

Sanskrit only: no published translation is held for this verse.

तत्र तालवनं रम्यं फलसंपत्समन्वितम् । दृष्ट्वा स्पृहान्विता गोपाः फलादाने ऽब्रुवन् वचः

tatra tālavanaṃ ramyaṃ phalasaṃpatsamanvitam / dṛṣṭvā spṛhānvitā gopāḥ phalādāne 'bruvan vacaḥ

Sanskrit only: no published translation is held for this verse.

गोपा ऊचुः: हे राम हे कृष्ण सदा धेनुकेनैव रक्ष्यते । भूप्रदेशो यतस् तस्मात् त्यक्तानीमानि सन्ति वै

gopā ūcuḥ: he rāma he kṛṣṇa sadā dhenukenaiva rakṣyate / bhūpradeśo yatas tasmāt tyaktānīmāni santi vai

Sanskrit only: no published translation is held for this verse.

फलानि पश्य तालानां गन्धमोदयुतानि वै । वयम् एतान्य् अभीप्सामः पात्यन्तां यदि रोचते

phalāni paśya tālānāṃ gandhamodayutāni vai / vayam etāny abhīpsāmaḥ pātyantāṃ yadi rocate

Sanskrit only: no published translation is held for this verse.

इति गोपकुमाराणां श्रुत्वा संकर्षणो वचः । कृष्णश् च पातयाम् आस भुवि तालफलानि वै

iti gopakumārāṇāṃ śrutvā saṃkarṣaṇo vacaḥ / kṛṣṇaś ca pātayām āsa bhuvi tālaphalāni vai

Sanskrit only: no published translation is held for this verse.

तालानां पततां शब्दम् आकर्ण्यासुरराट् ततः । आजगाम स दुष्टात्मा कोपाद् दैतेयगर्दभः

tālānāṃ patatāṃ śabdam ākarṇyāsurarāṭ tataḥ / ājagāma sa duṣṭātmā kopād daiteyagardabhaḥ

Sanskrit only: no published translation is held for this verse.

पद्भ्याम् उभाभ्यां स तदा पश्चिमाभ्यां च तं बली । जघानोरसि ताभ्यां च स च तेनाप्य् अगृह्यत

padbhyām ubhābhyāṃ sa tadā paścimābhyāṃ ca taṃ balī / jaghānorasi tābhyāṃ ca sa ca tenāpy agṛhyata

Sanskrit only: no published translation is held for this verse.

गृहीत्वा भ्रामणेनैव चाम्बरे गतजीवितम् । तस्मिन्न् एव प्रचिक्षेप वेगेन तृणराजनि

gṛhītvā bhrāmaṇenaiva cāmbare gatajīvitam / tasminn eva pracikṣepa vegena tṛṇarājani

Sanskrit only: no published translation is held for this verse.

ततः फलान्य् अनेकानि तालाग्रान् निपतन् खरः । पृथिव्यां पातयाम् आस महावातो ऽम्बुदान् इव

tataḥ phalāny anekāni tālāgrān nipatan kharaḥ / pṛthivyāṃ pātayām āsa mahāvāto 'mbudān iva

Sanskrit only: no published translation is held for this verse.

अन्यान् अप्य् अस्य वै ज्ञातीन् आगतान् दैत्यगर्दभान् । कृष्णश् चिक्षेप तालाग्रे बलभद्रश् च लीलया

anyān apy asya vai jñātīn āgatān daityagardabhān / kṛṣṇaś cikṣepa tālāgre balabhadraś ca līlayā

Sanskrit only: no published translation is held for this verse.

क्षणेनालंकृता पृथ्वी पक्वैस् तालफलैस् तदा । दैत्यगर्दभदेहैश् च मुनयः शुशुभे ऽधिकम्

kṣaṇenālaṃkṛtā pṛthvī pakvais tālaphalais tadā / daityagardabhadehaiś ca munayaḥ śuśubhe 'dhikam

Sanskrit only: no published translation is held for this verse.

ततो गावो निराबाधास् तस्मिंस् तालवने द्विजाः । नवशष्पं सुखं चेरुर् यत्र भुक्तम् अभूत् पुरा

tato gāvo nirābādhās tasmiṃs tālavane dvijāḥ / navaśaṣpaṃ sukhaṃ cerur yatra bhuktam abhūt purā

Sanskrit only: no published translation is held for this verse.