Brahma-Purana 190

व्यास उवाच: ककुद्मिनि हते ऽरिष्टे धेनुके च निपातिते । प्रलम्बे निधनं नीते धृते गोवर्धनाचले

vyāsa uvāca: kakudmini hate 'riṣṭe dhenuke ca nipātite / pralambe nidhanaṃ nīte dhṛte govardhanācale

Sanskrit only: no published translation is held for this verse.

दमिते कालिये नागे भग्ने तुङ्गद्रुमद्वये । हतायां पूतनायां च शकटे परिवर्तिते

damite kāliye nāge bhagne tuṅgadrumadvaye / hatāyāṃ pūtanāyāṃ ca śakaṭe parivartite

Sanskrit only: no published translation is held for this verse.

कंसाय नारदः प्राह यथावृत्तम् अनुक्रमात् । यशोदादेवकीगर्भ- परिवर्ताद्य् अशेषतः

kaṃsāya nāradaḥ prāha yathāvṛttam anukramāt / yaśodādevakīgarbha- parivartādy aśeṣataḥ

Sanskrit only: no published translation is held for this verse.

श्रुत्वा तत् सकलं कंसो नारदाद् देवदर्शनात् । वसुदेवं प्रति तदा कोपं चक्रे स दुर्मतिः

śrutvā tat sakalaṃ kaṃso nāradād devadarśanāt / vasudevaṃ prati tadā kopaṃ cakre sa durmatiḥ

Sanskrit only: no published translation is held for this verse.

सो ऽतिकोपाद् उपालभ्य सर्वयादवसंसदि । जगर्हे यादवांश् चापि कार्यं चैतद् अचिन्तयत्

so 'tikopād upālabhya sarvayādavasaṃsadi / jagarhe yādavāṃś cāpi kāryaṃ caitad acintayat

Sanskrit only: no published translation is held for this verse.

यावन् न बलम् आरूढौ बलकृष्णौ सुबालकौ । तावद् एव मया वध्याव् असाध्यौ रूढयौवनौ

yāvan na balam ārūḍhau balakṛṣṇau subālakau / tāvad eva mayā vadhyāv asādhyau rūḍhayauvanau

Sanskrit only: no published translation is held for this verse.

चाणूरो ऽत्र महावीर्यो मुष्टिकश् च महाबलः । एताभ्यां मल्लयुद्धे तौ घातयिष्यामि दुर्मदौ

cāṇūro 'tra mahāvīryo muṣṭikaś ca mahābalaḥ / etābhyāṃ mallayuddhe tau ghātayiṣyāmi durmadau

Sanskrit only: no published translation is held for this verse.

धनुर्महमहायाग- व्याजेनानीय तौ व्रजात् । तथा तथा करिष्यामि यास्यतः संक्षयं यथा

dhanurmahamahāyāga- vyājenānīya tau vrajāt / tathā tathā kariṣyāmi yāsyataḥ saṃkṣayaṃ yathā

Sanskrit only: no published translation is held for this verse.

व्यास उवाच: इत्य् आलोच्य स दुष्टात्मा कंसो रामजनार्दनौ । हन्तुं कृतमतिर् वीरम् अक्रूरं वाक्यम् अब्रवीत्

vyāsa uvāca: ity ālocya sa duṣṭātmā kaṃso rāmajanārdanau / hantuṃ kṛtamatir vīram akrūraṃ vākyam abravīt

Sanskrit only: no published translation is held for this verse.

कंस उवाच: भो भो दानपते वाक्यं क्रियतां प्रीतये मम । इतः स्यन्दनम् आरुह्य गम्यतां नन्दगोकुलम्

kaṃsa uvāca: bho bho dānapate vākyaṃ kriyatāṃ prītaye mama / itaḥ syandanam āruhya gamyatāṃ nandagokulam

Sanskrit only: no published translation is held for this verse.

वसुदेवसुतौ तत्र विष्णोर् अंशसमुद्भवौ । नाशाय किल संभूतौ मम दुष्टौ प्रवर्धतः

vasudevasutau tatra viṣṇor aṃśasamudbhavau / nāśāya kila saṃbhūtau mama duṣṭau pravardhataḥ

Sanskrit only: no published translation is held for this verse.

धनुर्महमहायागश् चतुर्दश्यां भविष्यति । आनेयौ भवता तौ तु मल्लयुद्धाय तत्र वै

dhanurmahamahāyāgaś caturdaśyāṃ bhaviṣyati / āneyau bhavatā tau tu mallayuddhāya tatra vai

Sanskrit only: no published translation is held for this verse.

चाणूरमुष्टिकौ मल्लौ नियुद्धकुशलौ मम । ताभ्यां सहानयोर् युद्धं सर्वलोको ऽत्र पश्यतु

cāṇūramuṣṭikau mallau niyuddhakuśalau mama / tābhyāṃ sahānayor yuddhaṃ sarvaloko 'tra paśyatu

Sanskrit only: no published translation is held for this verse.

नागः कुवलयापीडो महामात्रप्रचोदितः । स तौ निहंस्यते पापौ वसुदेवात्मजौ शिशू

nāgaḥ kuvalayāpīḍo mahāmātrapracoditaḥ / sa tau nihaṃsyate pāpau vasudevātmajau śiśū

Sanskrit only: no published translation is held for this verse.

तौ हत्वा वसुदेवं च नन्दगोपं च दुर्मतिम् । हनिष्ये पितरं चैव उग्रसेनं च दुर्मतिम्

tau hatvā vasudevaṃ ca nandagopaṃ ca durmatim / haniṣye pitaraṃ caiva ugrasenaṃ ca durmatim

Sanskrit only: no published translation is held for this verse.

ततः समस्तगोपानां गोधनान्य् अखिलान्य् अहम् । वित्तं चापहरिष्यामि दुष्टानां मद्वधैषिणाम्

tataḥ samastagopānāṃ godhanāny akhilāny aham / vittaṃ cāpahariṣyāmi duṣṭānāṃ madvadhaiṣiṇām

Sanskrit only: no published translation is held for this verse.

त्वाम् ऋते यादवाश् चेमे दुष्टा दानपते मम । एतेषां च वधायाहं प्रयतिष्याम्य् अनुक्रमात्

tvām ṛte yādavāś ceme duṣṭā dānapate mama / eteṣāṃ ca vadhāyāhaṃ prayatiṣyāmy anukramāt

Sanskrit only: no published translation is held for this verse.

ततो निष्कण्टकं सर्वं राज्यम् एतद् अयादवम् । प्रसाधिष्ये त्वया तस्मान् मत्प्रीत्या वीर गम्यताम्

tato niṣkaṇṭakaṃ sarvaṃ rājyam etad ayādavam / prasādhiṣye tvayā tasmān matprītyā vīra gamyatām

Sanskrit only: no published translation is held for this verse.

यथा च माहिषं सर्पिर् दधि चाप्य् उपहार्य वै । गोपाः समानयन्त्य् आशु त्वया वाच्यास् तथा तथा

yathā ca māhiṣaṃ sarpir dadhi cāpy upahārya vai / gopāḥ samānayanty āśu tvayā vācyās tathā tathā

Sanskrit only: no published translation is held for this verse.

व्यास उवाच: इत्य् आज्ञप्तस् तदाक्रूरो महाभागवतो द्विजाः । प्रीतिमान् अभवत् कृष्णं श्वो द्रक्ष्यामीति सत्वरः

vyāsa uvāca: ity ājñaptas tadākrūro mahābhāgavato dvijāḥ / prītimān abhavat kṛṣṇaṃ śvo drakṣyāmīti satvaraḥ

Sanskrit only: no published translation is held for this verse.

तथेत्य् उक्त्वा तु राजानं रथम् आरुह्य सत्वरः । निश्चक्राम तदा पुर्या मथुराया मधुप्रियः

tathety uktvā tu rājānaṃ ratham āruhya satvaraḥ / niścakrāma tadā puryā mathurāyā madhupriyaḥ

Sanskrit only: no published translation is held for this verse.

व्यास उवाच: केशी चापि बलोदग्रः कंसदूतः प्रचोदितः । कृष्णस्य निधनाकाङ्क्षी वृन्दावनम् उपागमत्

vyāsa uvāca: keśī cāpi balodagraḥ kaṃsadūtaḥ pracoditaḥ / kṛṣṇasya nidhanākāṅkṣī vṛndāvanam upāgamat

Sanskrit only: no published translation is held for this verse.

स खुरक्षतभूपृष्ठः सटाक्षेपधुताम्बुदः । पुनर् विक्रान्तचन्द्रार्क- मार्गो गोपान्तम् आगमत्

sa khurakṣatabhūpṛṣṭhaḥ saṭākṣepadhutāmbudaḥ / punar vikrāntacandrārka- mārgo gopāntam āgamat

Sanskrit only: no published translation is held for this verse.

तस्य ह्रेषितशब्देन गोपाला दैत्यवाजिनः । गोप्यश् च भयसंविग्ना गोविन्दं शरणं ययुः

tasya hreṣitaśabdena gopālā daityavājinaḥ / gopyaś ca bhayasaṃvignā govindaṃ śaraṇaṃ yayuḥ

Sanskrit only: no published translation is held for this verse.

त्राहि त्राहीति गोविन्दस् तेषां श्रुत्वा तु तद्वचः । सतोयजलदध्वान- गम्भीरम् इदम् उक्तवान्

trāhi trāhīti govindas teṣāṃ śrutvā tu tadvacaḥ / satoyajaladadhvāna- gambhīram idam uktavān

Sanskrit only: no published translation is held for this verse.

गोविन्द उवाच: अलं त्रासेन गोपालाः केशिनः किं भयातुरैः । भवद्भिर् गोपजातीयैर् वीरवीर्यं विलोप्यते

govinda uvāca: alaṃ trāsena gopālāḥ keśinaḥ kiṃ bhayāturaiḥ / bhavadbhir gopajātīyair vīravīryaṃ vilopyate

Sanskrit only: no published translation is held for this verse.

किम् अनेनाल्पसारेण ह्रेषितारोपकारिणा । दैतेयबलवाह्येन वल्गता दुष्टवाजिना

kim anenālpasāreṇa hreṣitāropakāriṇā / daiteyabalavāhyena valgatā duṣṭavājinā

Sanskrit only: no published translation is held for this verse.

एह्य् एहि दुष्ट कृष्णो ऽहं पूष्णस् त्व् इव पिनाकधृक् । पातयिष्यामि दशनान् वदनाद् अखिलांस् तव

ehy ehi duṣṭa kṛṣṇo 'haṃ pūṣṇas tv iva pinākadhṛk / pātayiṣyāmi daśanān vadanād akhilāṃs tava

Sanskrit only: no published translation is held for this verse.

व्यास उवाच: इत्य् उक्त्वा स तु गोविन्दः केशिनः संमुखं ययौ । विवृतास्यश् च सो ऽप्य् एनं दैतेयश् च उपाद्रवत्

vyāsa uvāca: ity uktvā sa tu govindaḥ keśinaḥ saṃmukhaṃ yayau / vivṛtāsyaś ca so 'py enaṃ daiteyaś ca upādravat

Sanskrit only: no published translation is held for this verse.

बाहुम् आभोगिनं कृत्वा मुखे तस्य जनार्दनः । प्रवेशयाम् आस तदा केशिनो दुष्टवाजिनः

bāhum ābhoginaṃ kṛtvā mukhe tasya janārdanaḥ / praveśayām āsa tadā keśino duṣṭavājinaḥ

Sanskrit only: no published translation is held for this verse.

केशिनो वदनं तेन विशता कृष्णबाहुना । शातिता दशनास् तस्य सिताभ्रावयवा इव

keśino vadanaṃ tena viśatā kṛṣṇabāhunā / śātitā daśanās tasya sitābhrāvayavā iva

Sanskrit only: no published translation is held for this verse.

कृष्णस्य ववृधे बाहुः केशिदेहगतो द्विजाः । विनाशाय यथा व्याधिर् आप्तभूतैर् उपेक्षितः

kṛṣṇasya vavṛdhe bāhuḥ keśidehagato dvijāḥ / vināśāya yathā vyādhir āptabhūtair upekṣitaḥ

Sanskrit only: no published translation is held for this verse.

विपाटितौष्ठो बहुलं सफेनं रुधिरं वमन् । सृक्कणी विवृते चक्रे विश्लिष्टे मुक्तबन्धने

vipāṭitauṣṭho bahulaṃ saphenaṃ rudhiraṃ vaman / sṛkkaṇī vivṛte cakre viśliṣṭe muktabandhane

Sanskrit only: no published translation is held for this verse.

जगाम धरणीं पादैः शकृन्मूत्रं समुत्सृजन् । स्वेदार्द्रगात्रः श्रान्तश् च निर्यत्नः सो ऽभवत् ततः

jagāma dharaṇīṃ pādaiḥ śakṛnmūtraṃ samutsṛjan / svedārdragātraḥ śrāntaś ca niryatnaḥ so 'bhavat tataḥ

Sanskrit only: no published translation is held for this verse.

व्यादितास्यो महारौद्रः सो ऽसुरः कृष्णबाहुना । निपपात द्विधाभूतो वैद्युतेन यथा द्रुमः

vyāditāsyo mahāraudraḥ so 'suraḥ kṛṣṇabāhunā / nipapāta dvidhābhūto vaidyutena yathā drumaḥ

Sanskrit only: no published translation is held for this verse.

द्विपादपृष्ठपुच्छार्ध- श्रवणैकाक्षनासिके । केशिनस् ते द्विधा भूते शकले च विरेजतुः

dvipādapṛṣṭhapucchārdha- śravaṇaikākṣanāsike / keśinas te dvidhā bhūte śakale ca virejatuḥ

Sanskrit only: no published translation is held for this verse.

हत्वा तु केशिनं कृष्णो मुदितैर् गोपकैर् वृतः । अनायस्ततनुः स्वस्थो हसंस् तत्रैव संस्थितः

hatvā tu keśinaṃ kṛṣṇo muditair gopakair vṛtaḥ / anāyastatanuḥ svastho hasaṃs tatraiva saṃsthitaḥ

Sanskrit only: no published translation is held for this verse.

ततो गोपाश् च गोप्यश् च हते केशिनि विस्मिताः । तुष्टुवुः पुण्डरीकाक्षम् अनुरागमनोरमम्

tato gopāś ca gopyaś ca hate keśini vismitāḥ / tuṣṭuvuḥ puṇḍarīkākṣam anurāgamanoramam

Sanskrit only: no published translation is held for this verse.

आययौ त्वरितो विप्रो नारदो जलदस्थितः । केशिनं निहतं दृष्ट्वा हर्षनिर्भरमानसः

āyayau tvarito vipro nārado jaladasthitaḥ / keśinaṃ nihataṃ dṛṣṭvā harṣanirbharamānasaḥ

Sanskrit only: no published translation is held for this verse.

नारद उवाच: साधु साधु जगन्नाथ लीलयैव यद् अच्युत । निहतो ऽयं त्वया केशी क्लेशदस् त्रिदिवौकसाम्

nārada uvāca: sādhu sādhu jagannātha līlayaiva yad acyuta / nihato 'yaṃ tvayā keśī kleśadas tridivaukasām

Sanskrit only: no published translation is held for this verse.

सुकर्माण्य् अवतारे तु कृतानि मधुसूदन । यानि वै विस्मितं चेतस् तोषम् एतेन मे गतम्

sukarmāṇy avatāre tu kṛtāni madhusūdana / yāni vai vismitaṃ cetas toṣam etena me gatam

Sanskrit only: no published translation is held for this verse.

तुरगस्यास्य शक्रो ऽपि कृष्ण देवाश् च बिभ्यति । धुतकेसरजालस्य ह्रेषतो ऽभ्रावलोकिनः

turagasyāsya śakro 'pi kṛṣṇa devāś ca bibhyati / dhutakesarajālasya hreṣato 'bhrāvalokinaḥ

Sanskrit only: no published translation is held for this verse.

यस्मात् त्वयैष दुष्टात्मा हतः केशी जनार्दन । तस्मात् केशवनाम्ना त्वं लोके गेयो भविष्यसि

yasmāt tvayaiṣa duṣṭātmā hataḥ keśī janārdana / tasmāt keśavanāmnā tvaṃ loke geyo bhaviṣyasi

Sanskrit only: no published translation is held for this verse.

स्वस्त्य् अस्तु ते गमिष्यामि कंसयुद्धे ऽधुना पुनः । परश्वो ऽहं समेष्यामि त्वया केशिनिषूदन

svasty astu te gamiṣyāmi kaṃsayuddhe 'dhunā punaḥ / paraśvo 'haṃ sameṣyāmi tvayā keśiniṣūdana

Sanskrit only: no published translation is held for this verse.

उग्रसेनसुते कंसे सानुगे विनिपातिते । भारावतारकर्ता त्वं पृथिव्या धरणीधर

ugrasenasute kaṃse sānuge vinipātite / bhārāvatārakartā tvaṃ pṛthivyā dharaṇīdhara

Sanskrit only: no published translation is held for this verse.

तत्रानेकप्रकारेण युद्धानि पृथिवीक्षिताम् । द्रष्टव्यानि मया युष्मत्- प्रणीतानि जनार्दन

tatrānekaprakāreṇa yuddhāni pṛthivīkṣitām / draṣṭavyāni mayā yuṣmat- praṇītāni janārdana

Sanskrit only: no published translation is held for this verse.

सो ऽहं यास्यामि गोविन्द देवकार्यं महत् कृतम् । त्वया सभाजितश् चाहं स्वस्ति ते ऽस्तु व्रजाम्य् अहम्

so 'haṃ yāsyāmi govinda devakāryaṃ mahat kṛtam / tvayā sabhājitaś cāhaṃ svasti te 'stu vrajāmy aham

Sanskrit only: no published translation is held for this verse.

व्यास उवाच: नारदे तु गते कृष्णः सह गोपैर् अविस्मितः । विवेश गोकुलं गोपी- नेत्रपानैकभाजनम्

vyāsa uvāca: nārade tu gate kṛṣṇaḥ saha gopair avismitaḥ / viveśa gokulaṃ gopī- netrapānaikabhājanam

Sanskrit only: no published translation is held for this verse.