Brahma-Purana 191

व्यास उवाच: अक्रूरो ऽपि विनिष्क्रम्य स्यन्दनेनाशुगामिना । कृष्णसंदर्शनासक्तः प्रययौ नन्दगोकुले

vyāsa uvāca: akrūro 'pi viniṣkramya syandanenāśugāminā / kṛṣṇasaṃdarśanāsaktaḥ prayayau nandagokule

Sanskrit only: no published translation is held for this verse.

चिन्तयाम् आस चाक्रूरो नास्ति धन्यतरो मया । यो ऽहम् अंशावतीर्णस्य मुखं द्रक्ष्यामि चक्रिणः

cintayām āsa cākrūro nāsti dhanyataro mayā / yo 'ham aṃśāvatīrṇasya mukhaṃ drakṣyāmi cakriṇaḥ

Sanskrit only: no published translation is held for this verse.

अद्य मे सफलं जन्म सुप्रभाता च मे निशा । यद् उन्निद्राब्जपत्त्राक्षं विष्णोर् द्रक्ष्याम्य् अहम् मुखम्

adya me saphalaṃ janma suprabhātā ca me niśā / yad unnidrābjapattrākṣaṃ viṣṇor drakṣyāmy aham mukham

Sanskrit only: no published translation is held for this verse.

पापं हरति यत् पुंसां स्मृतं संकल्पनामयम् । तत् पुण्डरीकनयनं विष्णोर् द्रक्ष्याम्य् अहं मुखम्

pāpaṃ harati yat puṃsāṃ smṛtaṃ saṃkalpanāmayam / tat puṇḍarīkanayanaṃ viṣṇor drakṣyāmy ahaṃ mukham

Sanskrit only: no published translation is held for this verse.

निर्जग्मुश् च यतो वेदा वेदाङ्गान्य् अखिलानि च । द्रक्ष्यामि यत् परं धाम देवानां भगवन्मुखम्

nirjagmuś ca yato vedā vedāṅgāny akhilāni ca / drakṣyāmi yat paraṃ dhāma devānāṃ bhagavanmukham

Sanskrit only: no published translation is held for this verse.

यज्ञेषु यज्ञपुरुषः पुरुषैः पुरुषोत्तमः । इज्यते यो ऽखिलाधारस् तं द्रक्ष्यामि जगत्पतिम्

yajñeṣu yajñapuruṣaḥ puruṣaiḥ puruṣottamaḥ / ijyate yo 'khilādhāras taṃ drakṣyāmi jagatpatim

Sanskrit only: no published translation is held for this verse.

इष्ट्वा यम् इन्द्रो यज्ञानां शतेनामरराजताम् । अवाप तम् अनन्तादिम् अहं द्रक्ष्यामि केशवम्

iṣṭvā yam indro yajñānāṃ śatenāmararājatām / avāpa tam anantādim ahaṃ drakṣyāmi keśavam

Sanskrit only: no published translation is held for this verse.

न ब्रह्मा नेन्द्ररुद्राश्वि- वस्वादित्यमरुद्गणाः । यस्य स्वरूपं जानन्ति स्पृशत्य् अद्य स मे हरिः

na brahmā nendrarudrāśvi- vasvādityamarudgaṇāḥ / yasya svarūpaṃ jānanti spṛśaty adya sa me hariḥ

Sanskrit only: no published translation is held for this verse.

सर्वात्मा सर्वगः सर्वः सर्वभूतेषु संस्थितः । यो भवत्य् अव्ययो व्यापी स वीक्ष्यते मयाद्य ह

sarvātmā sarvagaḥ sarvaḥ sarvabhūteṣu saṃsthitaḥ / yo bhavaty avyayo vyāpī sa vīkṣyate mayādya ha

Sanskrit only: no published translation is held for this verse.

मत्स्यकूर्मवराहाद्यैः सिंहरूपादिभिः स्थितम् । चकार योगतो योगं स माम् आलापयिष्यति

matsyakūrmavarāhādyaiḥ siṃharūpādibhiḥ sthitam / cakāra yogato yogaṃ sa mām ālāpayiṣyati

Sanskrit only: no published translation is held for this verse.

सांप्रतं च जगत्स्वामी कार्यजाते व्रजे स्थितिम् । कर्तुं मनुष्यतां प्राप्तः स्वेच्छादेहधृग् अव्ययः

sāṃprataṃ ca jagatsvāmī kāryajāte vraje sthitim / kartuṃ manuṣyatāṃ prāptaḥ svecchādehadhṛg avyayaḥ

Sanskrit only: no published translation is held for this verse.

यो ऽनन्तः पृथिवीं धत्ते शिखरस्थितिसंस्थिताम् । सो ऽवतीर्णो जगत्यर्थे माम् अक्रूरेति वक्ष्यति

yo 'nantaḥ pṛthivīṃ dhatte śikharasthitisaṃsthitām / so 'vatīrṇo jagatyarthe mām akrūreti vakṣyati

Sanskrit only: no published translation is held for this verse.

पितृबन्धुसुहृद्भ्रातृ- मातृबन्धुमयीम् इमाम् । यन्मायां नालम् उद्धर्तुं जगत् तस्मै नमो नमः

pitṛbandhusuhṛdbhrātṛ- mātṛbandhumayīm imām / yanmāyāṃ nālam uddhartuṃ jagat tasmai namo namaḥ

Sanskrit only: no published translation is held for this verse.

तरन्त्य् अविद्यां विततां हृदि यस्मिन् निवेशिते । योगमायाम् इमां मर्त्यास् तस्मै विद्यात्मने नमः

taranty avidyāṃ vitatāṃ hṛdi yasmin niveśite / yogamāyām imāṃ martyās tasmai vidyātmane namaḥ

Sanskrit only: no published translation is held for this verse.

यज्वभिर् यज्ञपुरुषो वासुदेवश् च शाश्वतैः । वेदान्तवेदिभिर् विष्णुः प्रोच्यते यो नतो ऽस्मि तम्

yajvabhir yajñapuruṣo vāsudevaś ca śāśvataiḥ / vedāntavedibhir viṣṇuḥ procyate yo nato 'smi tam

Sanskrit only: no published translation is held for this verse.

तथा यत्र जगद् धाम्नि धार्यते च प्रतिष्ठितम् । सदसत्त्वं स सत्त्वेन मय्य् असौ यातु सौम्यताम्

tathā yatra jagad dhāmni dhāryate ca pratiṣṭhitam / sadasattvaṃ sa sattvena mayy asau yātu saumyatām

Sanskrit only: no published translation is held for this verse.

स्मृते सकलकल्याण- भाजनं यत्र जायते । पुरुषप्रवरं नित्यं व्रजामि शरणं हरिम्

smṛte sakalakalyāṇa- bhājanaṃ yatra jāyate / puruṣapravaraṃ nityaṃ vrajāmi śaraṇaṃ harim

Sanskrit only: no published translation is held for this verse.

व्यास उवाच: इत्थं स चिन्तयन् विष्णुं भक्तिनम्रात्ममानसः । अक्रूरो गोकुलं प्राप्तः किंचित् सूर्ये विराजति

vyāsa uvāca: itthaṃ sa cintayan viṣṇuṃ bhaktinamrātmamānasaḥ / akrūro gokulaṃ prāptaḥ kiṃcit sūrye virājati

Sanskrit only: no published translation is held for this verse.

स ददर्श तदा तत्र कृष्णम् आदोहने गवाम् । वत्समध्यगतं फुल्ल- नीलोत्पलदलच्छविम्

sa dadarśa tadā tatra kṛṣṇam ādohane gavām / vatsamadhyagataṃ phulla- nīlotpaladalacchavim

Sanskrit only: no published translation is held for this verse.

प्रफुल्लपद्मपत्त्राक्षं श्रीवत्साङ्कितवक्षसम् । प्रलम्बबाहुम् आयाम- तुङ्गोरस्थलम् उन्नसम्

praphullapadmapattrākṣaṃ śrīvatsāṅkitavakṣasam / pralambabāhum āyāma- tuṅgorasthalam unnasam

Sanskrit only: no published translation is held for this verse.

सविलासस्मिताधारं बिभ्राणं मुखपङ्कजम् । तुङ्गरक्तनखं पद्भ्यां धरण्यां सुप्रतिष्ठितम्

savilāsasmitādhāraṃ bibhrāṇaṃ mukhapaṅkajam / tuṅgaraktanakhaṃ padbhyāṃ dharaṇyāṃ supratiṣṭhitam

Sanskrit only: no published translation is held for this verse.

बिभ्राणं वाससी पीते वन्यपुष्पविभूषितम् । सान्द्रनीललताहस्तं सिताम्भोजावतंसकम्

bibhrāṇaṃ vāsasī pīte vanyapuṣpavibhūṣitam / sāndranīlalatāhastaṃ sitāmbhojāvataṃsakam

Sanskrit only: no published translation is held for this verse.

हंसेन्दुकुन्दधवलं नीलाम्बरधरं द्विजाः । तस्यानु बलभद्रं च ददर्श यदुनन्दनम्

haṃsendukundadhavalaṃ nīlāmbaradharaṃ dvijāḥ / tasyānu balabhadraṃ ca dadarśa yadunandanam

Sanskrit only: no published translation is held for this verse.

प्रांशुम् उत्तुङ्गबाहुं च विकाशिमुखपङ्कजम् । मेघमालापरिवृतं कैलासाद्रिम् इवापरम्

prāṃśum uttuṅgabāhuṃ ca vikāśimukhapaṅkajam / meghamālāparivṛtaṃ kailāsādrim ivāparam

Sanskrit only: no published translation is held for this verse.

तौ दृष्ट्वा विकसद्वक्त्र- सरोजः स महामतिः । पुलकाञ्चितसर्वाङ्गस् तदाक्रूरो ऽभवद् द्विजाः

tau dṛṣṭvā vikasadvaktra- sarojaḥ sa mahāmatiḥ / pulakāñcitasarvāṅgas tadākrūro 'bhavad dvijāḥ

Sanskrit only: no published translation is held for this verse.

य एतत् परमं धाम एतत् तत् परमं पदम् । अभवद् वासुदेवो ऽसौ द्विधा यो ऽयं व्यवस्थितः

ya etat paramaṃ dhāma etat tat paramaṃ padam / abhavad vāsudevo 'sau dvidhā yo 'yaṃ vyavasthitaḥ

Sanskrit only: no published translation is held for this verse.