Brahma-Purana 193

व्यास उवाच: राजमार्गे ततः कृष्णः सानुलेपनभाजनाम् । ददर्श कुब्जाम् आयान्तीं नवयौवनगोचराम्

vyāsa uvāca: rājamārge tataḥ kṛṣṇaḥ sānulepanabhājanām / dadarśa kubjām āyāntīṃ navayauvanagocarām

Sanskrit only: no published translation is held for this verse.

ताम् आह ललितं कृष्णः कस्येदम् अनुलेपनम् । भवत्या नीयते सत्यं वदेन्दीवरलोचने

tām āha lalitaṃ kṛṣṇaḥ kasyedam anulepanam / bhavatyā nīyate satyaṃ vadendīvaralocane

Sanskrit only: no published translation is held for this verse.

सकामेनैव सा प्रोक्ता सानुरागा हरिं प्रति । प्राह सा ललितं कुब्जा ददर्श च बलात् ततः

sakāmenaiva sā proktā sānurāgā hariṃ prati / prāha sā lalitaṃ kubjā dadarśa ca balāt tataḥ

Sanskrit only: no published translation is held for this verse.

कुब्जोवाच: कान्त कस्मान् न जानासि कंसेनापि नियोजिता । नैकवक्रेति विख्याताम् अनुलेपनकर्मणि

kubjovāca: kānta kasmān na jānāsi kaṃsenāpi niyojitā / naikavakreti vikhyātām anulepanakarmaṇi

Sanskrit only: no published translation is held for this verse.

नान्यपिष्टं हि कंसस्य प्रीतये ह्य् अनुलेपनम् । भवत्य् अहम् अतीवास्य प्रसादधनभाजनम्

nānyapiṣṭaṃ hi kaṃsasya prītaye hy anulepanam / bhavaty aham atīvāsya prasādadhanabhājanam

Sanskrit only: no published translation is held for this verse.

श्रीकृष्ण उवाच: सुगन्धम् एतद् राजार्हं रुचिरं रुचिरानने । आवयोर् गात्रसदृशं दीयताम् अनुलेपनम्

śrīkṛṣṇa uvāca: sugandham etad rājārhaṃ ruciraṃ rucirānane / āvayor gātrasadṛśaṃ dīyatām anulepanam

Sanskrit only: no published translation is held for this verse.

व्यास उवाच: श्रुत्वा तम् आह सा कृष्णं गृह्यताम् इति सादरम् । अनुलेपं च प्रददौ गात्रयोग्यम् अथोभयोः

vyāsa uvāca: śrutvā tam āha sā kṛṣṇaṃ gṛhyatām iti sādaram / anulepaṃ ca pradadau gātrayogyam athobhayoḥ

Sanskrit only: no published translation is held for this verse.

भक्तिच्छेदानुलिप्ताङ्गौ ततस् तौ पुरुषर्षभौ । सेन्द्रचापौ विराजन्तौ सितकृष्णाव् इवाम्बुदौ

bhakticchedānuliptāṅgau tatas tau puruṣarṣabhau / sendracāpau virājantau sitakṛṣṇāv ivāmbudau

Sanskrit only: no published translation is held for this verse.

ततस् तां चिबुके शौरिर् उल्लापनविधानवित् । उल्लाप्य तोलयाम् आस द्व्यङ्गुलेनाग्रपाणिना

tatas tāṃ cibuke śaurir ullāpanavidhānavit / ullāpya tolayām āsa dvyaṅgulenāgrapāṇinā

Sanskrit only: no published translation is held for this verse.

चकर्ष पद्भ्यां च तदा ऋजुत्वं केशवो ऽनयत् । ततः सा ऋजुतां प्राप्ता योषिताम् अभवद् वरा

cakarṣa padbhyāṃ ca tadā ṛjutvaṃ keśavo 'nayat / tataḥ sā ṛjutāṃ prāptā yoṣitām abhavad varā

Sanskrit only: no published translation is held for this verse.

विलासललितं प्राह प्रेमगर्भभरालसम् । वस्त्रे प्रगृह्य गोविन्दं व्रज गेहं ममेति वै

vilāsalalitaṃ prāha premagarbhabharālasam / vastre pragṛhya govindaṃ vraja gehaṃ mameti vai

Sanskrit only: no published translation is held for this verse.

आयास्ये भवतीगेहम् इति तां प्राह केशवः । विससर्ज जहासोच्चै रामस्यालोक्य चाननम्

āyāsye bhavatīgeham iti tāṃ prāha keśavaḥ / visasarja jahāsoccai rāmasyālokya cānanam

Sanskrit only: no published translation is held for this verse.

भक्तिच्छेदानुलिप्ताङ्गौ नीलपीताम्बराव् उभौ । धनुःशालां ततो यातौ चित्रमाल्योपशोभितौ

bhakticchedānuliptāṅgau nīlapītāmbarāv ubhau / dhanuḥśālāṃ tato yātau citramālyopaśobhitau

Sanskrit only: no published translation is held for this verse.

अध्यास्य च धनूरत्नं ताभ्यां पृष्टैस् तु रक्षिभिः । आख्यातं सहसा कृष्णो गृहीत्वापूरयद् धनुः

adhyāsya ca dhanūratnaṃ tābhyāṃ pṛṣṭais tu rakṣibhiḥ / ākhyātaṃ sahasā kṛṣṇo gṛhītvāpūrayad dhanuḥ

Sanskrit only: no published translation is held for this verse.

ततः पूरयता तेन भज्यमानं बलाद् धनुः । चकारातिमहाशब्दं मथुरा तेन पूरिता

tataḥ pūrayatā tena bhajyamānaṃ balād dhanuḥ / cakārātimahāśabdaṃ mathurā tena pūritā

Sanskrit only: no published translation is held for this verse.

अनुयुक्तौ ततस् तौ च भग्ने धनुषि रक्षिभिः । रक्षिसैन्यं निकृत्योभौ निष्क्रान्तौ कार्मुकालयात्

anuyuktau tatas tau ca bhagne dhanuṣi rakṣibhiḥ / rakṣisainyaṃ nikṛtyobhau niṣkrāntau kārmukālayāt

Sanskrit only: no published translation is held for this verse.

अक्रूरागमवृत्तान्तम् उपलभ्य तथा धनुः । भग्नं श्रुत्वाथ कंसो ऽपि प्राह चाणूरमुष्टिकौ

akrūrāgamavṛttāntam upalabhya tathā dhanuḥ / bhagnaṃ śrutvātha kaṃso 'pi prāha cāṇūramuṣṭikau

Sanskrit only: no published translation is held for this verse.

कंस उवाच: गोपालदारकौ प्राप्तौ भवद्भ्यां तौ ममाग्रतः । मल्लयुद्धेन हन्तव्यौ मम प्राणहरौ हि तौ

kaṃsa uvāca: gopāladārakau prāptau bhavadbhyāṃ tau mamāgrataḥ / mallayuddhena hantavyau mama prāṇaharau hi tau

Sanskrit only: no published translation is held for this verse.

नियुद्धे तद्विनाशेन भवद्भ्यां तोषितो ह्य् अहम् । दास्याम्य् अभिमतान् कामान् नान्यथैतन् महाबलौ

niyuddhe tadvināśena bhavadbhyāṃ toṣito hy aham / dāsyāmy abhimatān kāmān nānyathaitan mahābalau

Sanskrit only: no published translation is held for this verse.

न्यायतो ऽन्यायतो वापि भवद्भ्यां तौ ममाहितौ । हन्तव्यौ तद्वधाद् राज्यं सामान्यं वो भविष्यति

nyāyato 'nyāyato vāpi bhavadbhyāṃ tau mamāhitau / hantavyau tadvadhād rājyaṃ sāmānyaṃ vo bhaviṣyati

Sanskrit only: no published translation is held for this verse.

व्यास उवाच: इत्य् आदिश्य स तौ मल्लौ ततश् चाहूय हस्तिपम् । प्रोवाचोच्चैस् त्वया मत्तः समाजद्वारि कुञ्जरः

vyāsa uvāca: ity ādiśya sa tau mallau tataś cāhūya hastipam / provācoccais tvayā mattaḥ samājadvāri kuñjaraḥ

Sanskrit only: no published translation is held for this verse.

स्थाप्यः कुवलयापीडस् तेन तौ गोपदारकौ । घातनीयौ नियुद्धाय रङ्गद्वारम् उपागतौ

sthāpyaḥ kuvalayāpīḍas tena tau gopadārakau / ghātanīyau niyuddhāya raṅgadvāram upāgatau

Sanskrit only: no published translation is held for this verse.

तम् आज्ञाप्याथ दृष्ट्वा च मञ्चान् सर्वान् उपाहृतान् । आसन्नमरणः कंसः सूर्योदयम् उदैक्षत

tam ājñāpyātha dṛṣṭvā ca mañcān sarvān upāhṛtān / āsannamaraṇaḥ kaṃsaḥ sūryodayam udaikṣata

Sanskrit only: no published translation is held for this verse.

ततः समस्तमञ्चेषु नागरः स तदा जनः । राजमञ्चेषु चारूढाः सह भृत्यैर् महीभृतः

tataḥ samastamañceṣu nāgaraḥ sa tadā janaḥ / rājamañceṣu cārūḍhāḥ saha bhṛtyair mahībhṛtaḥ

Sanskrit only: no published translation is held for this verse.

मल्लप्राश्निकवर्गश् च रङ्गमध्ये समीपगः । कृतः कंसेन कंसो ऽपि तुङ्गमञ्चे व्यवस्थितः

mallaprāśnikavargaś ca raṅgamadhye samīpagaḥ / kṛtaḥ kaṃsena kaṃso 'pi tuṅgamañce vyavasthitaḥ

Sanskrit only: no published translation is held for this verse.

अन्तःपुराणां मञ्चाश् च यथान्ये परिकल्पिताः । अन्ये च वारमुख्यानाम् अन्ये नगरयोषिताम्

antaḥpurāṇāṃ mañcāś ca yathānye parikalpitāḥ / anye ca vāramukhyānām anye nagarayoṣitām

Sanskrit only: no published translation is held for this verse.

नन्दगोपादयो गोपा मञ्चेष्व् अन्येष्व् अवस्थिताः । अक्रूरवसुदेवौ च मञ्चप्रान्ते व्यवस्थितौ

nandagopādayo gopā mañceṣv anyeṣv avasthitāḥ / akrūravasudevau ca mañcaprānte vyavasthitau

Sanskrit only: no published translation is held for this verse.

नगरीयोषितां मध्ये देवकी पुत्रगर्धिनी । अन्तकाले ऽपि पुत्रस्य द्रक्ष्यामीति मुखं स्थिता

nagarīyoṣitāṃ madhye devakī putragardhinī / antakāle 'pi putrasya drakṣyāmīti mukhaṃ sthitā

Sanskrit only: no published translation is held for this verse.

वाद्यमानेषु तूर्येषु चाणूरे चातिवल्गति । हाहाकारपरे लोक आस्फोटयति मुष्टिके

vādyamāneṣu tūryeṣu cāṇūre cātivalgati / hāhākārapare loka āsphoṭayati muṣṭike

Sanskrit only: no published translation is held for this verse.

हत्वा कुवलयापीडं हस्त्यारोहप्रचोदितम् । मदासृगनुलिप्ताङ्गौ गजदन्तवरायुधौ

hatvā kuvalayāpīḍaṃ hastyārohapracoditam / madāsṛganuliptāṅgau gajadantavarāyudhau

Sanskrit only: no published translation is held for this verse.

मृगमध्ये यथा सिंहौ गर्वलीलावलोकिनौ । प्रविष्टौ सुमहारङ्गं बलदेवजनार्दनौ

mṛgamadhye yathā siṃhau garvalīlāvalokinau / praviṣṭau sumahāraṅgaṃ baladevajanārdanau

Sanskrit only: no published translation is held for this verse.

हाहाकारो महाञ् जज्ञे सर्वरङ्गेष्व् अनन्तरम् । कृष्णो ऽयं बलभद्रो ऽयम् इति लोकस्य विस्मयात्

hāhākāro mahāñ jajñe sarvaraṅgeṣv anantaram / kṛṣṇo 'yaṃ balabhadro 'yam iti lokasya vismayāt

Sanskrit only: no published translation is held for this verse.

सो ऽयं येन हता घोरा पूतना सा निशाचरी । प्रक्षिप्तं शकटं येन भग्नौ च यमलार्जुनौ

so 'yaṃ yena hatā ghorā pūtanā sā niśācarī / prakṣiptaṃ śakaṭaṃ yena bhagnau ca yamalārjunau

Sanskrit only: no published translation is held for this verse.

सो ऽयं यः कालियं नागं ननर्तारुह्य बालकः । धृतो गोवर्धनो येन सप्तरात्रं महागिरिः

so 'yaṃ yaḥ kāliyaṃ nāgaṃ nanartāruhya bālakaḥ / dhṛto govardhano yena saptarātraṃ mahāgiriḥ

Sanskrit only: no published translation is held for this verse.

अरिष्टो धेनुकः केशी लीलयैव महात्मना । हतो येन च दुर्वृत्तो दृश्यते सो ऽयम् अच्युतः

ariṣṭo dhenukaḥ keśī līlayaiva mahātmanā / hato yena ca durvṛtto dṛśyate so 'yam acyutaḥ

Sanskrit only: no published translation is held for this verse.

अयं चास्य महाबाहुर् बलदेवो ऽग्रजो ऽग्रतः । प्रयाति लीलया योषिन्- मनोनयननन्दनः

ayaṃ cāsya mahābāhur baladevo 'grajo 'grataḥ / prayāti līlayā yoṣin- manonayananandanaḥ

Sanskrit only: no published translation is held for this verse.

अयं स कथ्यते प्राज्ञैः पुराणार्थावलोकिभिः । गोपालो यादवं वंशं मग्नम् अभ्युद्धरिष्यति

ayaṃ sa kathyate prājñaiḥ purāṇārthāvalokibhiḥ / gopālo yādavaṃ vaṃśaṃ magnam abhyuddhariṣyati

Sanskrit only: no published translation is held for this verse.

अयं स सर्वभूतस्य विष्णोर् अखिलजन्मनः । अवतीर्णो महीम् अंशो नूनं भारहरो भुवः

ayaṃ sa sarvabhūtasya viṣṇor akhilajanmanaḥ / avatīrṇo mahīm aṃśo nūnaṃ bhāraharo bhuvaḥ

Sanskrit only: no published translation is held for this verse.

इत्य् एवं वर्णिते पौरै रामे कृष्णे च तत्क्षणात् । उरस् तताप देवक्याः स्नेहस्नुतपयोधरम्

ity evaṃ varṇite paurai rāme kṛṣṇe ca tatkṣaṇāt / uras tatāpa devakyāḥ snehasnutapayodharam

Sanskrit only: no published translation is held for this verse.

महोत्सवम् इवालोक्य पुत्राव् एव विलोकयन् । युवेव वसुदेवो ऽभूद् विहायाभ्यागतां जराम्

mahotsavam ivālokya putrāv eva vilokayan / yuveva vasudevo 'bhūd vihāyābhyāgatāṃ jarām

Sanskrit only: no published translation is held for this verse.

विस्तारिताक्षियुगला राजान्तःपुरयोषितः । नागरस्त्रीसमूहश् च द्रष्टुं न विरराम तौ

vistāritākṣiyugalā rājāntaḥpurayoṣitaḥ / nāgarastrīsamūhaś ca draṣṭuṃ na virarāma tau

Sanskrit only: no published translation is held for this verse.

स्त्रिय ऊचुः: सख्यः पश्यत कृष्णस्य मुखम् अप्य् अम्बुजेक्षणम् । गजयुद्धकृतायास- स्वेदाम्बुकणिकाञ्चितम्

striya ūcuḥ: sakhyaḥ paśyata kṛṣṇasya mukham apy ambujekṣaṇam / gajayuddhakṛtāyāsa- svedāmbukaṇikāñcitam

Sanskrit only: no published translation is held for this verse.

विकासीव सरोम्भोजम् अवश्यायजलोक्षितम् । परिभूताक्षरं जन्म सफलं क्रियतां दृशः

vikāsīva sarombhojam avaśyāyajalokṣitam / paribhūtākṣaraṃ janma saphalaṃ kriyatāṃ dṛśaḥ

Sanskrit only: no published translation is held for this verse.

श्रीवत्साङ्कं जगद्धाम बालस्यैतद् विलोक्यताम् । विपक्षक्षपणं वक्षो भुजयुग्मं च भामिनि

śrīvatsāṅkaṃ jagaddhāma bālasyaitad vilokyatām / vipakṣakṣapaṇaṃ vakṣo bhujayugmaṃ ca bhāmini

Sanskrit only: no published translation is held for this verse.

वल्गता मुष्टिकेनैव चाणूरेण तथा परैः । क्रियते बलभद्रस्य हास्यम् ईषद् विलोक्यताम्

valgatā muṣṭikenaiva cāṇūreṇa tathā paraiḥ / kriyate balabhadrasya hāsyam īṣad vilokyatām

Sanskrit only: no published translation is held for this verse.

सख्यः पश्यत चाणूरं नियुद्धार्थम् अयं हरिः । समुपैति न सन्त्य् अत्र किं वृद्धा युक्तकारिणः

sakhyaḥ paśyata cāṇūraṃ niyuddhārtham ayaṃ hariḥ / samupaiti na santy atra kiṃ vṛddhā yuktakāriṇaḥ

Sanskrit only: no published translation is held for this verse.

क्व यौवनोन्मुखीभूतः सुकुमारतनुर् हरिः । क्व वज्रकठिनाभोग- शरीरो ऽयं महासुरः

kva yauvanonmukhībhūtaḥ sukumāratanur hariḥ / kva vajrakaṭhinābhoga- śarīro 'yaṃ mahāsuraḥ

Sanskrit only: no published translation is held for this verse.

इमौ सुललितौ रङ्गे वर्तेते नवयौवनौ । दैतेयमल्लाश् चाणूर- प्रमुखास् त्व् अतिदारुणाः

imau sulalitau raṅge vartete navayauvanau / daiteyamallāś cāṇūra- pramukhās tv atidāruṇāḥ

Sanskrit only: no published translation is held for this verse.

नियुद्धप्राश्निकानां तु महान् एष व्यतिक्रमः । यद् बालबलिनोर् युद्धं मध्यस्थैः समुपेक्ष्यते

niyuddhaprāśnikānāṃ tu mahān eṣa vyatikramaḥ / yad bālabalinor yuddhaṃ madhyasthaiḥ samupekṣyate

Sanskrit only: no published translation is held for this verse.

व्यास उवाच: इत्थं पुरस्त्रीलोकस्य वदतश् चालयन् भुवम् । ववर्ष हर्षोत्कर्षं च जनस्य भगवान् हरिः

vyāsa uvāca: itthaṃ purastrīlokasya vadataś cālayan bhuvam / vavarṣa harṣotkarṣaṃ ca janasya bhagavān hariḥ

Sanskrit only: no published translation is held for this verse.

बलभद्रो ऽपि चास्फोट्य ववल्ग ललितं यदा । पदे पदे तदा भूमिर् न शीर्णा यत् तद् अद्भुतम्

balabhadro 'pi cāsphoṭya vavalga lalitaṃ yadā / pade pade tadā bhūmir na śīrṇā yat tad adbhutam

Sanskrit only: no published translation is held for this verse.

चाणूरेण ततः कृष्णो युयुधे ऽमितविक्रमः । नियुद्धकुशलो दैत्यो बलदेवेन मुष्टिकः

cāṇūreṇa tataḥ kṛṣṇo yuyudhe 'mitavikramaḥ / niyuddhakuśalo daityo baladevena muṣṭikaḥ

Sanskrit only: no published translation is held for this verse.

संनिपातावधूतैश् च चाणूरेण समं हरिः । क्षेपणैर् मुष्टिभिश् चैव कीलावज्रनिपातनैः

saṃnipātāvadhūtaiś ca cāṇūreṇa samaṃ hariḥ / kṣepaṇair muṣṭibhiś caiva kīlāvajranipātanaiḥ

Sanskrit only: no published translation is held for this verse.

पादोद्भूतैः प्रमृष्टाभिस् तयोर् युद्धम् अभून् महत् । अशस्त्रम् अतिघोरं तत् तयोर् युद्धं सुदारुणम्

pādodbhūtaiḥ pramṛṣṭābhis tayor yuddham abhūn mahat / aśastram atighoraṃ tat tayor yuddhaṃ sudāruṇam

Sanskrit only: no published translation is held for this verse.

स्वबलप्राणनिष्पाद्यं समाजोत्सवसंनिधौ । यावद् यावच् च चाणूरो युयुधे हरिणा सह

svabalaprāṇaniṣpādyaṃ samājotsavasaṃnidhau / yāvad yāvac ca cāṇūro yuyudhe hariṇā saha

Sanskrit only: no published translation is held for this verse.

प्राणहानिम् अवापाग्र्यां तावत् तावन् न बान्धवम् । कृष्णो ऽपि युयुधे तेन लीलयैव जगन्मयः

prāṇahānim avāpāgryāṃ tāvat tāvan na bāndhavam / kṛṣṇo 'pi yuyudhe tena līlayaiva jaganmayaḥ

Sanskrit only: no published translation is held for this verse.

खेदाच् चालयता कोपान् निजशेषकरे करम् । बलक्षयं विवृद्धिं च दृष्ट्वा चाणूरकृष्णयोः

khedāc cālayatā kopān nijaśeṣakare karam / balakṣayaṃ vivṛddhiṃ ca dṛṣṭvā cāṇūrakṛṣṇayoḥ

Sanskrit only: no published translation is held for this verse.

वारयाम् आस तूर्याणि कंसः कोपपरायणः । मृदङ्गादिषु वाद्येषु प्रतिषिद्धेषु तत्क्षणात्

vārayām āsa tūryāṇi kaṃsaḥ kopaparāyaṇaḥ / mṛdaṅgādiṣu vādyeṣu pratiṣiddheṣu tatkṣaṇāt

Sanskrit only: no published translation is held for this verse.

खसंगतान्य् अवाद्यन्त दैवतूर्याण्य् अनेकशः । जय गोविन्द चाणूरं जहि केशव दानवम्

khasaṃgatāny avādyanta daivatūryāṇy anekaśaḥ / jaya govinda cāṇūraṃ jahi keśava dānavam

Sanskrit only: no published translation is held for this verse.

इत्य् अन्तर्धिगता देवास् तुष्टुवुस् ते प्रहर्षिताः । चाणूरेण चिरं कालं क्रीडित्वा मधुसूदनः

ity antardhigatā devās tuṣṭuvus te praharṣitāḥ / cāṇūreṇa ciraṃ kālaṃ krīḍitvā madhusūdanaḥ

Sanskrit only: no published translation is held for this verse.

उत्पाट्य भ्रामयाम् आस तद्वधाय कृतोद्यमः । भ्रामयित्वा शतगुणं दैत्यमल्लम् अमित्रजित्

utpāṭya bhrāmayām āsa tadvadhāya kṛtodyamaḥ / bhrāmayitvā śataguṇaṃ daityamallam amitrajit

Sanskrit only: no published translation is held for this verse.

भूमाव् आस्फोटयाम् आस गगने गतजीवितम् । भूमाव् आस्फोटितस् तेन चाणूरः शतधा भवन्

bhūmāv āsphoṭayām āsa gagane gatajīvitam / bhūmāv āsphoṭitas tena cāṇūraḥ śatadhā bhavan

Sanskrit only: no published translation is held for this verse.

रक्तस्रावमहापङ्कां चकार स तदा भुवम् । बलदेवस् तु तत्कालं मुष्टिकेन महाबलः

raktasrāvamahāpaṅkāṃ cakāra sa tadā bhuvam / baladevas tu tatkālaṃ muṣṭikena mahābalaḥ

Sanskrit only: no published translation is held for this verse.

युयुधे दैत्यमल्लेन चाणूरेण यथा हरिः । सो ऽप्य् एनं मुष्टिना मूर्ध्नि वक्षस्य् आहत्य जानुना

yuyudhe daityamallena cāṇūreṇa yathā hariḥ / so 'py enaṃ muṣṭinā mūrdhni vakṣasy āhatya jānunā

Sanskrit only: no published translation is held for this verse.

पातयित्वा धरापृष्ठे निष्पिपेष गतायुषम् । कृष्णस् तोशलकं भूयो मल्लराजं महाबलम्

pātayitvā dharāpṛṣṭhe niṣpipeṣa gatāyuṣam / kṛṣṇas tośalakaṃ bhūyo mallarājaṃ mahābalam

Sanskrit only: no published translation is held for this verse.

वाममुष्टिप्रहारेण पातयाम् आस भूतले । चाणूरे निहते मल्ले मुष्टिके च निपातिते

vāmamuṣṭiprahāreṇa pātayām āsa bhūtale / cāṇūre nihate malle muṣṭike ca nipātite

Sanskrit only: no published translation is held for this verse.

नीते क्षयं तोशलके सर्वे मल्लाः प्रदुद्रुवुः । ववल्गतुस् तदा रङ्गे कृष्णसंकर्षणाव् उभौ

nīte kṣayaṃ tośalake sarve mallāḥ pradudruvuḥ / vavalgatus tadā raṅge kṛṣṇasaṃkarṣaṇāv ubhau

Sanskrit only: no published translation is held for this verse.

समानवयसो गोपान् बलाद् आकृष्य हर्षितौ । कंसो ऽपि कोपरक्ताक्षः प्राहोच्चैर् व्यायतान् नरान्

samānavayaso gopān balād ākṛṣya harṣitau / kaṃso 'pi koparaktākṣaḥ prāhoccair vyāyatān narān

Sanskrit only: no published translation is held for this verse.

गोपाव् एतौ समाजौघान् निष्क्रम्येतां बलाद् इतः । नन्दो ऽपि गृह्यतां पापो निगडैर् आशु बध्यताम्

gopāv etau samājaughān niṣkramyetāṃ balād itaḥ / nando 'pi gṛhyatāṃ pāpo nigaḍair āśu badhyatām

Sanskrit only: no published translation is held for this verse.

अवृद्धार्हेण दण्डेन वसुदेवो ऽपि वध्यताम् । वल्गन्ति गोपाः कृष्णेन ये चेमे सहिताः पुनः

avṛddhārheṇa daṇḍena vasudevo 'pi vadhyatām / valganti gopāḥ kṛṣṇena ye ceme sahitāḥ punaḥ

Sanskrit only: no published translation is held for this verse.

गावो ह्रियन्ताम् एषां च यच् चास्ति वसु किंचन । एवम् आज्ञापयन्तं तं प्रहस्य मधुसूदनः

gāvo hriyantām eṣāṃ ca yac cāsti vasu kiṃcana / evam ājñāpayantaṃ taṃ prahasya madhusūdanaḥ

Sanskrit only: no published translation is held for this verse.

उत्पत्यारुह्य तन्मञ्चं कंसं जग्राह वेगितः । केशेष्व् आकृष्य विगलत्- किरीटम् अवनीतले

utpatyāruhya tanmañcaṃ kaṃsaṃ jagrāha vegitaḥ / keśeṣv ākṛṣya vigalat- kirīṭam avanītale

Sanskrit only: no published translation is held for this verse.

स कंसं पातयाम् आस तस्योपरि पपात च । निःशेषजगदाधार- गुरुणा पततोपरि

sa kaṃsaṃ pātayām āsa tasyopari papāta ca / niḥśeṣajagadādhāra- guruṇā patatopari

Sanskrit only: no published translation is held for this verse.

कृष्णेन त्याजितः प्राणान्न् उग्रसेनात्मजो नृपः । मृतस्य केशेषु तदा गृहीत्वा मधुसूदनः

kṛṣṇena tyājitaḥ prāṇānn ugrasenātmajo nṛpaḥ / mṛtasya keśeṣu tadā gṛhītvā madhusūdanaḥ

Sanskrit only: no published translation is held for this verse.

चकर्ष देहं कंसस्य रङ्गमध्ये महाबलः । गौरवेणातिमहता परिपातेन कृष्यता

cakarṣa dehaṃ kaṃsasya raṅgamadhye mahābalaḥ / gauraveṇātimahatā paripātena kṛṣyatā

Sanskrit only: no published translation is held for this verse.

कृता कंसस्य देहेन वेगितेन महात्मना । कंसे गृहीते कृष्णेन तद्भ्राताभ्यागतो रुषा

kṛtā kaṃsasya dehena vegitena mahātmanā / kaṃse gṛhīte kṛṣṇena tadbhrātābhyāgato ruṣā

Sanskrit only: no published translation is held for this verse.

सुनामा बलभद्रेण लीलयैव निपातितः । ततो हाहाकृतं सर्वम् आसीत् तद् रङ्गमण्डलम्

sunāmā balabhadreṇa līlayaiva nipātitaḥ / tato hāhākṛtaṃ sarvam āsīt tad raṅgamaṇḍalam

Sanskrit only: no published translation is held for this verse.

अवज्ञया हतं दृष्ट्वा कृष्णेन मथुरेश्वरम् । कृष्णो ऽपि वसुदेवस्य पादौ जग्राह सत्वरम्

avajñayā hataṃ dṛṣṭvā kṛṣṇena mathureśvaram / kṛṣṇo 'pi vasudevasya pādau jagrāha satvaram

Sanskrit only: no published translation is held for this verse.

देवक्याश् च महाबाहुर् बलदेवसहायवान् । उत्थाप्य वसुदेवस् तु देवकी च जनार्दनम् । स्मृतजन्मोक्तवचनौ ताव् एव प्रणतौ स्थितौ

devakyāś ca mahābāhur baladevasahāyavān / utthāpya vasudevas tu devakī ca janārdanam / smṛtajanmoktavacanau tāv eva praṇatau sthitau

Sanskrit only: no published translation is held for this verse.

वसुदेव उवाच: प्रसीद देवदेवेश देवानां प्रवर प्रभो । तथावयोः प्रसादेन कृताभ्युद्धार केशव

vasudeva uvāca: prasīda devadeveśa devānāṃ pravara prabho / tathāvayoḥ prasādena kṛtābhyuddhāra keśava

Sanskrit only: no published translation is held for this verse.

आराधितो यद् भगवान् अवतीर्णो गृहे मम । दुर्वृत्तनिधनार्थाय तेन नः पावितं कुलम्

ārādhito yad bhagavān avatīrṇo gṛhe mama / durvṛttanidhanārthāya tena naḥ pāvitaṃ kulam

Sanskrit only: no published translation is held for this verse.

त्वम् अन्तः सर्वभूतानां सर्वभूतेष्व् अवस्थितः । वर्तते च समस्तात्मंस् त्वत्तो भूतभविष्यती

tvam antaḥ sarvabhūtānāṃ sarvabhūteṣv avasthitaḥ / vartate ca samastātmaṃs tvatto bhūtabhaviṣyatī

Sanskrit only: no published translation is held for this verse.

यज्ञे त्वम् इज्यसे ऽचिन्त्य सर्वदेवमयाच्युत । त्वम् एव यज्ञो यज्वा च यज्ञानां परमेश्वर

yajñe tvam ijyase 'cintya sarvadevamayācyuta / tvam eva yajño yajvā ca yajñānāṃ parameśvara

Sanskrit only: no published translation is held for this verse.

सापह्नवं मम मनो यद् एतत् त्वयि जायते । देवक्याश् चात्मज प्रीत्या तद् अत्यन्तविडम्बना

sāpahnavaṃ mama mano yad etat tvayi jāyate / devakyāś cātmaja prītyā tad atyantaviḍambanā

Sanskrit only: no published translation is held for this verse.

त्वं कर्ता सर्वभूतानाम् अनादिनिधनो भवान् । क्व च मे मानुषस्यैषा जिह्वा पुत्रेति वक्ष्यति

tvaṃ kartā sarvabhūtānām anādinidhano bhavān / kva ca me mānuṣasyaiṣā jihvā putreti vakṣyati

Sanskrit only: no published translation is held for this verse.

जगद् एतज् जगन्नाथ संभूतम् अखिलं यतः । कया युक्त्या विना मायां सो ऽस्मत्तः संभविष्यति

jagad etaj jagannātha saṃbhūtam akhilaṃ yataḥ / kayā yuktyā vinā māyāṃ so 'smattaḥ saṃbhaviṣyati

Sanskrit only: no published translation is held for this verse.

यस्मिन् प्रतिष्ठितं सर्वं जगत् स्थावरजङ्गमम् । स कोष्ठोत्सङ्गशयनो मनुष्याज् जायते कथम्

yasmin pratiṣṭhitaṃ sarvaṃ jagat sthāvarajaṅgamam / sa koṣṭhotsaṅgaśayano manuṣyāj jāyate katham

Sanskrit only: no published translation is held for this verse.