Brahma-Purana 195

व्यास उवाच: जरासंधसुते कंस उपयेमे महाबलः । अस्तिः प्राप्तिश् च भो विप्रास् तयोर् भर्तृहणं हरिम्

vyāsa uvāca: jarāsaṃdhasute kaṃsa upayeme mahābalaḥ / astiḥ prāptiś ca bho viprās tayor bhartṛhaṇaṃ harim

Sanskrit only: no published translation is held for this verse.

महाबलपरीवारो मागधाधिपतिर् बली । हन्तुम् अभ्याययौ कोपाज् जरासंधः सयादवम्

mahābalaparīvāro māgadhādhipatir balī / hantum abhyāyayau kopāj jarāsaṃdhaḥ sayādavam

Sanskrit only: no published translation is held for this verse.

उपेत्य मथुरां सो ऽथ रुरोध मगधेश्वरः । अक्षौहिणीभिः सैन्यस्य त्रयोविंशतिभिर् वृतः

upetya mathurāṃ so 'tha rurodha magadheśvaraḥ / akṣauhiṇībhiḥ sainyasya trayoviṃśatibhir vṛtaḥ

Sanskrit only: no published translation is held for this verse.

निष्क्रम्याल्पपरीवाराव् उभौ रामजनार्दनौ । युयुधाते समं तस्य बलिनौ बलिसैनिकैः

niṣkramyālpaparīvārāv ubhau rāmajanārdanau / yuyudhāte samaṃ tasya balinau balisainikaiḥ

Sanskrit only: no published translation is held for this verse.

ततो बलश् च कृष्णश् च मतिं चक्रे महाबलः । आयुधानां पुराणानाम् आदाने मुनिसत्तमाः

tato balaś ca kṛṣṇaś ca matiṃ cakre mahābalaḥ / āyudhānāṃ purāṇānām ādāne munisattamāḥ

Sanskrit only: no published translation is held for this verse.

अनन्तरं चक्रशार्ङ्गे तूणौ चाप्य् अक्षयौ शरैः । आकाशाद् आगतौ वीरौ तदा कौमोदकी गदा

anantaraṃ cakraśārṅge tūṇau cāpy akṣayau śaraiḥ / ākāśād āgatau vīrau tadā kaumodakī gadā

Sanskrit only: no published translation is held for this verse.

हलं च बलभद्रस्य गगनाद् आगमत् करम् । बलस्याभिमतं विप्राः सुनन्दं मुशलं तथा

halaṃ ca balabhadrasya gaganād āgamat karam / balasyābhimataṃ viprāḥ sunandaṃ muśalaṃ tathā

Sanskrit only: no published translation is held for this verse.

ततो युद्धे पराजित्य स्वसैन्यं मगधाधिपम् । पुरीं विविशतुर् वीराव् उभौ रामजनार्दनौ

tato yuddhe parājitya svasainyaṃ magadhādhipam / purīṃ viviśatur vīrāv ubhau rāmajanārdanau

Sanskrit only: no published translation is held for this verse.

जिते तस्मिन् सुदुर्वृत्ते जरासंधे द्विजोत्तमाः । जीवमाने गते तत्र कृष्णो मेने न तं जितम्

jite tasmin sudurvṛtte jarāsaṃdhe dvijottamāḥ / jīvamāne gate tatra kṛṣṇo mene na taṃ jitam

Sanskrit only: no published translation is held for this verse.

पुनर् अप्य् आजगामाथ जरासंधो बलान्वितः । जितश् च रामकृष्णाभ्याम् अपकृत्य द्विजोत्तमाः

punar apy ājagāmātha jarāsaṃdho balānvitaḥ / jitaś ca rāmakṛṣṇābhyām apakṛtya dvijottamāḥ

Sanskrit only: no published translation is held for this verse.

दश चाष्टौ च संग्रामान् एवम् अत्यन्तदुर्मदः । यदुभिर् मागधो राजा चक्रे कृष्णपुरोगमैः

daśa cāṣṭau ca saṃgrāmān evam atyantadurmadaḥ / yadubhir māgadho rājā cakre kṛṣṇapurogamaiḥ

Sanskrit only: no published translation is held for this verse.

सर्वेष्व् एव च युद्धेषु यदुभिः स पराजितः । अपक्रान्तो जरासंधः स्वल्पसैन्यैर् बलाधिकः

sarveṣv eva ca yuddheṣu yadubhiḥ sa parājitaḥ / apakrānto jarāsaṃdhaḥ svalpasainyair balādhikaḥ

Sanskrit only: no published translation is held for this verse.

तद् बलं यादवानां वै रक्षितं यद् अनेकशः । तत् तु संनिधिमाहात्म्यं विष्णोर् अंशस्य चक्रिणः

tad balaṃ yādavānāṃ vai rakṣitaṃ yad anekaśaḥ / tat tu saṃnidhimāhātmyaṃ viṣṇor aṃśasya cakriṇaḥ

Sanskrit only: no published translation is held for this verse.

मनुष्यधर्मशीलस्य लीला सा जगतः पतेः । अस्त्राण्य् अनेकरूपाणि यद् अरातिषु मुञ्चति

manuṣyadharmaśīlasya līlā sā jagataḥ pateḥ / astrāṇy anekarūpāṇi yad arātiṣu muñcati

Sanskrit only: no published translation is held for this verse.

मनसैव जगत्सृष्टि- संहारं तु करोति यः । तस्यारिपक्षक्षपणे कियान् उद्यमविस्तरः

manasaiva jagatsṛṣṭi- saṃhāraṃ tu karoti yaḥ / tasyāripakṣakṣapaṇe kiyān udyamavistaraḥ

Sanskrit only: no published translation is held for this verse.

तथापि च मनुष्याणां धर्मस् तदनुवर्तनम् । कुर्वन् बलवता संधिं हीनैर् युद्धं करोत्य् असौ

tathāpi ca manuṣyāṇāṃ dharmas tadanuvartanam / kurvan balavatā saṃdhiṃ hīnair yuddhaṃ karoty asau

Sanskrit only: no published translation is held for this verse.

साम चोपप्रदानं च तथा भेदं च दर्शयन् । करोति दण्डपातं च क्वचिद् एव पलायनम्

sāma copapradānaṃ ca tathā bhedaṃ ca darśayan / karoti daṇḍapātaṃ ca kvacid eva palāyanam

Sanskrit only: no published translation is held for this verse.

मनुष्यदेहिनां चेष्टाम् इत्य् एवम् अनुवर्तते । लीला जगत्पतेस् तस्य च्छन्दतः संप्रवर्तते

manuṣyadehināṃ ceṣṭām ity evam anuvartate / līlā jagatpates tasya cchandataḥ saṃpravartate

Sanskrit only: no published translation is held for this verse.