Brahma-Purana 202

व्यास उवाच: द्वारवत्यां ततः शौरिं शक्रस् त्रिभुवनेश्वरः । आजगामाथ मुनयो मत्तैरावतपृष्ठगः

vyāsa uvāca: dvāravatyāṃ tataḥ śauriṃ śakras tribhuvaneśvaraḥ / ājagāmātha munayo mattairāvatapṛṣṭhagaḥ

Sanskrit only: no published translation is held for this verse.

प्रविश्य द्वारकां सो ऽथ समीपे च हरेस् तदा । कथयाम् आस दैत्यस्य नरकस्य विचेष्टितम्

praviśya dvārakāṃ so 'tha samīpe ca hares tadā / kathayām āsa daityasya narakasya viceṣṭitam

Sanskrit only: no published translation is held for this verse.

इन्द्र उवाच: त्वया नाथेन देवानां मनुष्यत्वे ऽपि तिष्ठता । प्रशमं सर्वदुःखानि नीतानि मधुसूदन

indra uvāca: tvayā nāthena devānāṃ manuṣyatve 'pi tiṣṭhatā / praśamaṃ sarvaduḥkhāni nītāni madhusūdana

Sanskrit only: no published translation is held for this verse.

तपस्विजनरक्षायै सो ऽरिष्टो धेनुकस् तथा । प्रलम्बाद्यास् तथा केशी ते सर्वे निहतास् त्वया

tapasvijanarakṣāyai so 'riṣṭo dhenukas tathā / pralambādyās tathā keśī te sarve nihatās tvayā

Sanskrit only: no published translation is held for this verse.

कंसः कुवलयापीडः पूतना बालघातिनी । नाशं नीतास् त्वया सर्वे ये ऽन्ये जगदुपद्रवाः

kaṃsaḥ kuvalayāpīḍaḥ pūtanā bālaghātinī / nāśaṃ nītās tvayā sarve ye 'nye jagadupadravāḥ

Sanskrit only: no published translation is held for this verse.

युष्मद्दोर्दण्डसंबुद्धि- परित्राते जगत्त्रये । यज्ञे यज्ञहविः प्राश्य तृप्तिं यान्ति दिवौकसः

yuṣmaddordaṇḍasaṃbuddhi- paritrāte jagattraye / yajñe yajñahaviḥ prāśya tṛptiṃ yānti divaukasaḥ

Sanskrit only: no published translation is held for this verse.

सो ऽहं सांप्रतम् आयातो यन्निमित्तं जनार्दन । तच् छ्रुत्वा तत्प्रतीकार- प्रयत्नं कर्तुम् अर्हसि

so 'haṃ sāṃpratam āyāto yannimittaṃ janārdana / tac chrutvā tatpratīkāra- prayatnaṃ kartum arhasi

Sanskrit only: no published translation is held for this verse.

भौमो ऽयं नरको नाम प्राग्ज्योतिषपुरेश्वरः । करोति सर्वभूतानाम् अपघातम् अरिंदम

bhaumo 'yaṃ narako nāma prāgjyotiṣapureśvaraḥ / karoti sarvabhūtānām apaghātam ariṃdama

Sanskrit only: no published translation is held for this verse.

देवसिद्धसुरादीनां नृपाणां च जनार्दन । हत्वा तु सो ऽसुरः कन्या रुरोध निजमन्दिरे

devasiddhasurādīnāṃ nṛpāṇāṃ ca janārdana / hatvā tu so 'suraḥ kanyā rurodha nijamandire

Sanskrit only: no published translation is held for this verse.

छत्त्रं यत् सलिलस्रावि तज् जहार प्रचेतसः । मन्दरस्य तथा शृङ्गं हृतवान् मणिपर्वतम्

chattraṃ yat salilasrāvi taj jahāra pracetasaḥ / mandarasya tathā śṛṅgaṃ hṛtavān maṇiparvatam

Sanskrit only: no published translation is held for this verse.

अमृतस्राविणी दिव्ये मातुर् मे ऽमृतकुण्डले । जहार सो ऽसुरो ऽदित्या वाञ्छत्य् ऐरावतं द्विपम्

amṛtasrāviṇī divye mātur me 'mṛtakuṇḍale / jahāra so 'suro 'dityā vāñchaty airāvataṃ dvipam

Sanskrit only: no published translation is held for this verse.

दुर्नीतम् एतद् गोविन्द मया तस्य तवोदितम् । यद् अत्र प्रतिकर्तव्यं तत् स्वयं परिमृश्यताम्

durnītam etad govinda mayā tasya tavoditam / yad atra pratikartavyaṃ tat svayaṃ parimṛśyatām

Sanskrit only: no published translation is held for this verse.

व्यास उवाच: इति श्रुत्वा स्मितं कृत्वा भगवान् देवकीसुतः । गृहीत्वा वासवं हस्ते समुत्तस्थौ वरासनात्

vyāsa uvāca: iti śrutvā smitaṃ kṛtvā bhagavān devakīsutaḥ / gṛhītvā vāsavaṃ haste samuttasthau varāsanāt

Sanskrit only: no published translation is held for this verse.

संचिन्तितम् उपारुह्य गरुडं गगनेचरम् । सत्यभामां समारोप्य ययौ प्राग्ज्योतिषं पुरम्

saṃcintitam upāruhya garuḍaṃ gaganecaram / satyabhāmāṃ samāropya yayau prāgjyotiṣaṃ puram

Sanskrit only: no published translation is held for this verse.

आरुह्यैरावतं नागं शक्रो ऽपि त्रिदशालयम् । ततो जगाम सुमनाः पश्यतां द्वारकौकसाम्

āruhyairāvataṃ nāgaṃ śakro 'pi tridaśālayam / tato jagāma sumanāḥ paśyatāṃ dvārakaukasām

Sanskrit only: no published translation is held for this verse.

प्राग्ज्योतिषपुरस्यास्य समन्ताच् छतयोजनम् । आचितं भैरवैः पाशैः परसैन्यनिवारणे

prāgjyotiṣapurasyāsya samantāc chatayojanam / ācitaṃ bhairavaiḥ pāśaiḥ parasainyanivāraṇe

Sanskrit only: no published translation is held for this verse.

तांश् चिच्छेद हरिः पाशान् क्षिप्त्वा चक्रं सुदर्शनम् । ततो मुरः समुत्तस्थौ तं जघान च केशवः

tāṃś ciccheda hariḥ pāśān kṣiptvā cakraṃ sudarśanam / tato muraḥ samuttasthau taṃ jaghāna ca keśavaḥ

Sanskrit only: no published translation is held for this verse.

मुरोस् तु तनयान् सप्त सहस्रास् तांस् ततो हरिः । चक्रधाराग्निनिर्दग्धांश् चकार शलभान् इव

muros tu tanayān sapta sahasrās tāṃs tato hariḥ / cakradhārāgninirdagdhāṃś cakāra śalabhān iva

Sanskrit only: no published translation is held for this verse.

हत्वा मुरं हयग्रीवं तथा पञ्चजनं द्विजाः । प्राग्ज्योतिषपुरं धीमांस् त्वरावान् समुपाद्रवत्

hatvā muraṃ hayagrīvaṃ tathā pañcajanaṃ dvijāḥ / prāgjyotiṣapuraṃ dhīmāṃs tvarāvān samupādravat

Sanskrit only: no published translation is held for this verse.

नरकेनास्य तत्राभून् महासैन्येन संयुगः । कृष्णस्य यत्र गोविन्दो जघ्ने दैत्यान् सहस्रशः

narakenāsya tatrābhūn mahāsainyena saṃyugaḥ / kṛṣṇasya yatra govindo jaghne daityān sahasraśaḥ

Sanskrit only: no published translation is held for this verse.

शस्त्रास्त्रवर्षं मुञ्चन्तं स भौमं नरकं बली । क्षिप्त्वा चक्रं द्विधा चक्रे चक्री दैतेयचक्रहा

śastrāstravarṣaṃ muñcantaṃ sa bhaumaṃ narakaṃ balī / kṣiptvā cakraṃ dvidhā cakre cakrī daiteyacakrahā

Sanskrit only: no published translation is held for this verse.

हते तु नरके भूमिर् गृहीत्वादितिकुण्डले । उपतस्थे जगन्नाथं वाक्यं चेदम् अथाब्रवीत्

hate tu narake bhūmir gṛhītvāditikuṇḍale / upatasthe jagannāthaṃ vākyaṃ cedam athābravīt

Sanskrit only: no published translation is held for this verse.

धरण्य् उवाच: यदाहम् उद्धृता नाथ त्वया शूकरमूर्तिना । त्वत्संस्पर्शभवः पुत्रस् तदायं मय्य् अजायत

dharaṇy uvāca: yadāham uddhṛtā nātha tvayā śūkaramūrtinā / tvatsaṃsparśabhavaḥ putras tadāyaṃ mayy ajāyata

Sanskrit only: no published translation is held for this verse.

सो ऽयं त्वयैव दत्तो मे त्वयैव विनिपातितः । गृहाण कुण्डले चेमे पालयास्य च संततिम्

so 'yaṃ tvayaiva datto me tvayaiva vinipātitaḥ / gṛhāṇa kuṇḍale ceme pālayāsya ca saṃtatim

Sanskrit only: no published translation is held for this verse.

भारावतरणार्थाय ममैव भगवान् इमम् । अंशेन लोकम् आयातः प्रसादसुमुख प्रभो

bhārāvataraṇārthāya mamaiva bhagavān imam / aṃśena lokam āyātaḥ prasādasumukha prabho

Sanskrit only: no published translation is held for this verse.

त्वं कर्ता च विकर्ता च संहर्ता प्रभवो ऽव्ययः । जगत्स्वरूपो यश् च त्वं स्तूयसे ऽच्युत किं मया

tvaṃ kartā ca vikartā ca saṃhartā prabhavo 'vyayaḥ / jagatsvarūpo yaś ca tvaṃ stūyase 'cyuta kiṃ mayā

Sanskrit only: no published translation is held for this verse.

व्यापी व्याप्यः क्रिया कर्ता कार्यं च भगवान् सदा । सर्वभूतात्मभूतात्मा स्तूयसे ऽच्युत किं मया

vyāpī vyāpyaḥ kriyā kartā kāryaṃ ca bhagavān sadā / sarvabhūtātmabhūtātmā stūyase 'cyuta kiṃ mayā

Sanskrit only: no published translation is held for this verse.

परमात्मा त्वम् आत्मा च भूतात्मा चाव्ययो भवान् । यदा तदा स्तुतिर् नास्ति किमर्थं ते प्रवर्तताम्

paramātmā tvam ātmā ca bhūtātmā cāvyayo bhavān / yadā tadā stutir nāsti kimarthaṃ te pravartatām

Sanskrit only: no published translation is held for this verse.

प्रसीद सर्वभूतात्मन् नरकेन कृतं च यत् । तत् क्षम्यताम् अदोषाय मत्सुतः स निपातितः

prasīda sarvabhūtātman narakena kṛtaṃ ca yat / tat kṣamyatām adoṣāya matsutaḥ sa nipātitaḥ

Sanskrit only: no published translation is held for this verse.

व्यास उवाच: तथेति चोक्त्वा धरणीं भगवान् भूतभावनः । रत्नानि नरकावासाज् जग्राह मुनिसत्तमाः

vyāsa uvāca: tatheti coktvā dharaṇīṃ bhagavān bhūtabhāvanaḥ / ratnāni narakāvāsāj jagrāha munisattamāḥ

Sanskrit only: no published translation is held for this verse.

कन्यापुरे स कन्यानां षोडशातुलविक्रमः । शताधिकानि ददृशे सहस्राणि द्विजोत्तमाः

kanyāpure sa kanyānāṃ ṣoḍaśātulavikramaḥ / śatādhikāni dadṛśe sahasrāṇi dvijottamāḥ

Sanskrit only: no published translation is held for this verse.

चतुर्दंष्ट्रान् गजांश् चोग्रान् षट् सहस्राणि दृष्टवान् । काम्बोजानां तथाश्वानां नियुतान्य् एकविंशतिम्

caturdaṃṣṭrān gajāṃś cogrān ṣaṭ sahasrāṇi dṛṣṭavān / kāmbojānāṃ tathāśvānāṃ niyutāny ekaviṃśatim

Sanskrit only: no published translation is held for this verse.

कन्यास् ताश् च तथा नागांस् तान् अश्वान् द्वारकां पुरीम् । प्रापयाम् आस गोविन्दः सद्यो नरककिंकरैः

kanyās tāś ca tathā nāgāṃs tān aśvān dvārakāṃ purīm / prāpayām āsa govindaḥ sadyo narakakiṃkaraiḥ

Sanskrit only: no published translation is held for this verse.

ददृशे वारुणं छत्त्रं तथैव मणिपर्वतम् । आरोपयाम् आस हरिर् गरुडे पतगेश्वरे

dadṛśe vāruṇaṃ chattraṃ tathaiva maṇiparvatam / āropayām āsa harir garuḍe patageśvare

Sanskrit only: no published translation is held for this verse.

आरुह्य च स्वयं कृष्णः सत्यभामासहायवान् । अदित्याः कुण्डले दातुं जगाम त्रिदशालयम्

āruhya ca svayaṃ kṛṣṇaḥ satyabhāmāsahāyavān / adityāḥ kuṇḍale dātuṃ jagāma tridaśālayam

Sanskrit only: no published translation is held for this verse.