यस्मिञ् जगत् सकलम् एतद् अनादिमध्ये ब्र्प् २०३।७२अ यस्माद् यतश् च न भविष्यति सर्वभूतात् ब्र्प् २०३।७२ब् तेनोद्भवप्रलयपालनकारणेन ब्र्प् २०३।७२च् व्रीडा कथं भवति देवि निराकृतस्य ब्र्प् २०३।७२द् सकलभुवनमूर्तिर् अल्पा सुसूक्ष्मा ब्र्प् २०३।७३अ विदितसकलवेदैर् ज्ञायते यस्य नान्यैः ब्र्प् २०३।७३ब् तम् अजम् अकृतम् ईशं शाश्वतं स्वेच्छयैनं ब्र्प् २०३।७३च् जगदुपकृतिम् आद्यं को विजेतुं समर्थः ब्र्प् २०३।७३द् व्यास उवाच: संस्तुतो भगवान् इत्थं देवराजेन केशवः । प्रहस्य भावगम्भीरम् उवाचेदं द्विजोत्तमाः
yasmiñ jagat sakalam etad anādimadhye BrP 203.72a yasmād yataś ca na bhaviṣyati sarvabhūtāt BrP 203.72b tenodbhavapralayapālanakāraṇena BrP 203.72c vrīḍā kathaṃ bhavati devi nirākṛtasya BrP 203.72d sakalabhuvanamūrtir alpā susūkṣmā BrP 203.73a viditasakalavedair jñāyate yasya nānyaiḥ BrP 203.73b tam ajam akṛtam īśaṃ śāśvataṃ svecchayainaṃ BrP 203.73c jagadupakṛtim ādyaṃ ko vijetuṃ samarthaḥ BrP 203.73d vyāsa uvāca: saṃstuto bhagavān itthaṃ devarājena keśavaḥ / prahasya bhāvagambhīram uvācedaṃ dvijottamāḥ
Sanskrit only: no published translation is held for this verse.
श्रीभगवान् उवाच: देवराजो भवान् इन्द्रो वयं मर्त्या जगत्पते । क्षन्तव्यं भवतैवैतद् अपराधकृतं मम
śrībhagavān uvāca: devarājo bhavān indro vayaṃ martyā jagatpate / kṣantavyaṃ bhavataivaitad aparādhakṛtaṃ mama
Sanskrit only: no published translation is held for this verse.
पारिजाततरुश् चायं नीयताम् उचितास्पदम् । गृहीतो ऽयं मया शक्र सत्यावचनकारणात्
pārijātataruś cāyaṃ nīyatām ucitāspadam / gṛhīto 'yaṃ mayā śakra satyāvacanakāraṇāt
Sanskrit only: no published translation is held for this verse.
वज्रं चेदं गृहाण त्वं यष्टव्यं प्रहितं त्वया । तवैवैतत् प्रहरणं शक्र वैरिविदारणम्
vajraṃ cedaṃ gṛhāṇa tvaṃ yaṣṭavyaṃ prahitaṃ tvayā / tavaivaitat praharaṇaṃ śakra vairividāraṇam
Sanskrit only: no published translation is held for this verse.
शक्र उवाच: विमोहयसि माम् ईश मर्त्यो ऽहम् इति किं वदन् । जानीमस् त्वां भगवतो ऽनन्तसौख्यविदो वयम्
śakra uvāca: vimohayasi mām īśa martyo 'ham iti kiṃ vadan / jānīmas tvāṃ bhagavato 'nantasaukhyavido vayam
Sanskrit only: no published translation is held for this verse.
यो ऽसि सो ऽसि जगन्नाथ प्रवृत्तौ नाथ संस्थितः । जगतः शल्यनिष्कर्षं करोष्य् असुरसूदन
yo 'si so 'si jagannātha pravṛttau nātha saṃsthitaḥ / jagataḥ śalyaniṣkarṣaṃ karoṣy asurasūdana
Sanskrit only: no published translation is held for this verse.
नीयतां पारिजातो ऽयं कृष्ण द्वारवतीं पुरीम् । मर्त्यलोके त्वया मुक्ते नायं संस्थास्यते भुवि
nīyatāṃ pārijāto 'yaṃ kṛṣṇa dvāravatīṃ purīm / martyaloke tvayā mukte nāyaṃ saṃsthāsyate bhuvi
Sanskrit only: no published translation is held for this verse.
व्यास उवाच: तथेत्य् उक्त्वा तु देवेन्द्रम् आजगाम भुवं हरिः । प्रयुक्तैः सिद्धगन्धर्वैः स्तूयमानस् त्व् अथर्षिभिः
vyāsa uvāca: tathety uktvā tu devendram ājagāma bhuvaṃ hariḥ / prayuktaiḥ siddhagandharvaiḥ stūyamānas tv atharṣibhiḥ
Sanskrit only: no published translation is held for this verse.
जगाम कृष्णः सहसा गृहीत्वा पादपोत्तमम् । ततः शङ्खम् उपाध्माय द्वारकोपरि संस्थितः
jagāma kṛṣṇaḥ sahasā gṛhītvā pādapottamam / tataḥ śaṅkham upādhmāya dvārakopari saṃsthitaḥ
Sanskrit only: no published translation is held for this verse.
हर्षम् उत्पादयाम् आस द्वारकावासिनां द्विजाः । अवतीर्याथ गरुडात् सत्यभामासहायवान्
harṣam utpādayām āsa dvārakāvāsināṃ dvijāḥ / avatīryātha garuḍāt satyabhāmāsahāyavān
Sanskrit only: no published translation is held for this verse.
निष्कुटे स्थापयाम् आस पारिजातं महातरुम् । यम् अभ्येत्य जनः सर्वो जातिं स्मरति पौर्विकीम्
niṣkuṭe sthāpayām āsa pārijātaṃ mahātarum / yam abhyetya janaḥ sarvo jātiṃ smarati paurvikīm
Sanskrit only: no published translation is held for this verse.
वास्यते यस्य पुष्पाणां गन्धेनोर्वी त्रियोजनम् । ततस् ते यादवाः सर्वे देवगन्धान् अमानुषान्
vāsyate yasya puṣpāṇāṃ gandhenorvī triyojanam / tatas te yādavāḥ sarve devagandhān amānuṣān
Sanskrit only: no published translation is held for this verse.
ददृशुः पादपे तस्मिन् कुर्वतो मुखदर्शनम् । किंकरैः समुपानीतं हस्त्यश्वादि ततो धनम्
dadṛśuḥ pādape tasmin kurvato mukhadarśanam / kiṃkaraiḥ samupānītaṃ hastyaśvādi tato dhanam
Sanskrit only: no published translation is held for this verse.
स्त्रियश् च कृष्णो जग्राह नरकस्य परिग्रहात् । ततः काले शुभे प्राप्त उपयेमे जनार्दनः
striyaś ca kṛṣṇo jagrāha narakasya parigrahāt / tataḥ kāle śubhe prāpta upayeme janārdanaḥ
Sanskrit only: no published translation is held for this verse.
ताः कन्या नरकावासात् सर्वतो याः समाहृताः । एकस्मिन्न् एव गोविन्दः कालेनासां द्विजोत्तमाः
tāḥ kanyā narakāvāsāt sarvato yāḥ samāhṛtāḥ / ekasminn eva govindaḥ kālenāsāṃ dvijottamāḥ
Sanskrit only: no published translation is held for this verse.
जग्राह विधिवत् पाणीन् पृथग्देहे स्वधर्मतः । षोडश स्त्रीसहस्राणि शतम् एकं तथाधिकम्
jagrāha vidhivat pāṇīn pṛthagdehe svadharmataḥ / ṣoḍaśa strīsahasrāṇi śatam ekaṃ tathādhikam
Sanskrit only: no published translation is held for this verse.
तावन्ति चक्रे रूपाणि भगवान् मधुसूदनः । एकैकशश् च ताः कन्या मेनिरे मधुसूदनम्
tāvanti cakre rūpāṇi bhagavān madhusūdanaḥ / ekaikaśaś ca tāḥ kanyā menire madhusūdanam
Sanskrit only: no published translation is held for this verse.
ममैव पाणिग्रहणं गोविन्दः कृतवान् इति । निशासु जगतः स्रष्टा तासां गेहेषु केशवः । उवास विप्राः सर्वासां विश्वरूपधरो हरिः
mamaiva pāṇigrahaṇaṃ govindaḥ kṛtavān iti / niśāsu jagataḥ sraṣṭā tāsāṃ geheṣu keśavaḥ / uvāsa viprāḥ sarvāsāṃ viśvarūpadharo hariḥ
Sanskrit only: no published translation is held for this verse.