Brahma-Purana 205

व्यास उवाच: प्रद्युम्नाद्या हरेः पुत्रा रुक्मिण्यां कथिता द्विजाः । भान्वादिकांश् च वै पुत्रान् सत्यभामा व्यजायत

vyāsa uvāca: pradyumnādyā hareḥ putrā rukmiṇyāṃ kathitā dvijāḥ / bhānvādikāṃś ca vai putrān satyabhāmā vyajāyata

Sanskrit only: no published translation is held for this verse.

दीप्तिमन्तः प्रपक्षाद्या रोहिण्यास् तनया हरेः । बभूवुर् जाम्बवत्याश् च साम्बाद्या बाहुशालिनः

dīptimantaḥ prapakṣādyā rohiṇyās tanayā hareḥ / babhūvur jāmbavatyāś ca sāmbādyā bāhuśālinaḥ

Sanskrit only: no published translation is held for this verse.

तनया भद्रविन्दाद्या नाग्नजित्यां महाबलाः । संग्रामजित्प्रधानास् तु शैब्यायां चाभवन् सुताः

tanayā bhadravindādyā nāgnajityāṃ mahābalāḥ / saṃgrāmajitpradhānās tu śaibyāyāṃ cābhavan sutāḥ

Sanskrit only: no published translation is held for this verse.

वृकाद्यास् तु सुता माद्री गात्रवत्प्रमुखान् सुतान् । अवाप लक्ष्मणा पुत्रान् कालिन्द्याश् च श्रुतादयः

vṛkādyās tu sutā mādrī gātravatpramukhān sutān / avāpa lakṣmaṇā putrān kālindyāś ca śrutādayaḥ

Sanskrit only: no published translation is held for this verse.

अन्यासां चैव भार्याणां समुत्पन्नानि चक्रिणः । अष्टायुतानि पुत्राणां सहस्राणि शतं तथा

anyāsāṃ caiva bhāryāṇāṃ samutpannāni cakriṇaḥ / aṣṭāyutāni putrāṇāṃ sahasrāṇi śataṃ tathā

Sanskrit only: no published translation is held for this verse.

प्रद्युम्नः प्रमुखस् तेषां रुक्मिण्यास् तु सुतस् ततः । प्रद्युम्नाद् अनिरुद्धो ऽभूद् वज्रस् तस्माद् अजायत

pradyumnaḥ pramukhas teṣāṃ rukmiṇyās tu sutas tataḥ / pradyumnād aniruddho 'bhūd vajras tasmād ajāyata

Sanskrit only: no published translation is held for this verse.

अनिरुद्धो रणे रुद्धो बलेः पौत्रीं महाबलः । बाणस्य तनयाम् ऊषाम् उपयेमे द्विजोत्तमाः

aniruddho raṇe ruddho baleḥ pautrīṃ mahābalaḥ / bāṇasya tanayām ūṣām upayeme dvijottamāḥ

Sanskrit only: no published translation is held for this verse.

यत्र युद्धम् अभूद् घोरं हरिशंकरयोर् महत् । छिन्नं सहस्रं बाहूनां यत्र बाणस्य चक्रिणा

yatra yuddham abhūd ghoraṃ hariśaṃkarayor mahat / chinnaṃ sahasraṃ bāhūnāṃ yatra bāṇasya cakriṇā

Sanskrit only: no published translation is held for this verse.

मुनय ऊचुः: कथं युद्धम् अभूद् ब्रह्मन्न् उषार्थे हरकृष्णयोः । कथं क्षयं च बाणस्य बाहूनां कृतवान् हरिः

munaya ūcuḥ: kathaṃ yuddham abhūd brahmann uṣārthe harakṛṣṇayoḥ / kathaṃ kṣayaṃ ca bāṇasya bāhūnāṃ kṛtavān hariḥ

Sanskrit only: no published translation is held for this verse.

एतत् सर्वं महाभाग वक्तुम् अर्हसि नो ऽखिलम् । महत् कौतूहलं जातं श्रोतुम् एतां कथां शुभाम्

etat sarvaṃ mahābhāga vaktum arhasi no 'khilam / mahat kautūhalaṃ jātaṃ śrotum etāṃ kathāṃ śubhām

Sanskrit only: no published translation is held for this verse.

व्यास उवाच: उषा बाणसुता विप्राः पार्वतीं शंभुना सह । क्रीडन्तीम् उपलक्ष्योच्चैः स्पृहां चक्रे तदा स्वयम् । ततः सकलचित्तज्ञा गौरी ताम् आह भामिनीम्

vyāsa uvāca: uṣā bāṇasutā viprāḥ pārvatīṃ śaṃbhunā saha / krīḍantīm upalakṣyoccaiḥ spṛhāṃ cakre tadā svayam / tataḥ sakalacittajñā gaurī tām āha bhāminīm

Sanskrit only: no published translation is held for this verse.

गौर्य् उवाच: अलम् इत्य् अनुतापेन भर्त्रा त्वम् अपि रंस्यसे ॥* ब्र्प् २०५।१२ ॥ व्यास उवाच: इत्य् उक्ता सा तदा चक्रे कदेति मतिम् आत्मनः । को वा भर्ता ममेत्य् एनां पुनर् अप्य् आह पार्वती

gaury uvāca: alam ity anutāpena bhartrā tvam api raṃsyase //* BrP 205.12 // vyāsa uvāca: ity uktā sā tadā cakre kadeti matim ātmanaḥ / ko vā bhartā mamety enāṃ punar apy āha pārvatī

Sanskrit only: no published translation is held for this verse.

पार्वत्य् उवाच: वैशाखे शुक्लद्वादश्यां स्वप्ने यो ऽभिभवं तव । करिष्यति स ते भर्ता राजपुत्रि भविष्यति

pārvaty uvāca: vaiśākhe śukladvādaśyāṃ svapne yo 'bhibhavaṃ tava / kariṣyati sa te bhartā rājaputri bhaviṣyati

Sanskrit only: no published translation is held for this verse.

व्यास उवाच: तस्यां तिथौ पुमान् स्वप्ने यथा देव्या उदीरितः । तथैवाभिभवं चक्रे रागं चक्रे च तत्र सा । ततः प्रबुद्धा पुरुषम् अपश्यन्ती तम् उत्सुका

vyāsa uvāca: tasyāṃ tithau pumān svapne yathā devyā udīritaḥ / tathaivābhibhavaṃ cakre rāgaṃ cakre ca tatra sā / tataḥ prabuddhā puruṣam apaśyantī tam utsukā

Sanskrit only: no published translation is held for this verse.

उषोवाच: क्व गतो ऽसीति निर्लज्जा द्विजाश् चोक्तवती सखीम् । बाणस्य मन्त्री कुम्भाण्डश् चित्रलेखा तु तत्सुता

uṣovāca: kva gato 'sīti nirlajjā dvijāś coktavatī sakhīm / bāṇasya mantrī kumbhāṇḍaś citralekhā tu tatsutā

Sanskrit only: no published translation is held for this verse.

तस्याः सख्य् अभवत् सा च प्राह को ऽयं त्वयोच्यते । यदा लज्जाकुला नास्य कथयाम् आस सा सखी

tasyāḥ sakhy abhavat sā ca prāha ko 'yaṃ tvayocyate / yadā lajjākulā nāsya kathayām āsa sā sakhī

Sanskrit only: no published translation is held for this verse.

तदा विश्वासम् आनीय सर्वम् एवान्ववेदयत् । विदितायां तु ताम् आह पुनर् ऊषा यथोदितम् । देव्या तथैव तत्प्राप्तौ यो ऽभ्युपायः कुरुष्व तम्

tadā viśvāsam ānīya sarvam evānvavedayat / viditāyāṃ tu tām āha punar ūṣā yathoditam / devyā tathaiva tatprāptau yo 'bhyupāyaḥ kuruṣva tam

Sanskrit only: no published translation is held for this verse.

व्यास उवाच: ततः पटे सुरान् दैत्यान् गन्धर्वांश् च प्रधानतः । मनुष्यांश् चाभिलिख्यासौ चित्रलेखाप्य् अदर्शयत्

vyāsa uvāca: tataḥ paṭe surān daityān gandharvāṃś ca pradhānataḥ / manuṣyāṃś cābhilikhyāsau citralekhāpy adarśayat

Sanskrit only: no published translation is held for this verse.

अपास्य सा तु गन्धर्वांस् तथोरगसुरासुरान् । मनुष्येषु ददौ दृष्टिं तेष्व् अप्य् अन्धकवृष्णिषु

apāsya sā tu gandharvāṃs tathoragasurāsurān / manuṣyeṣu dadau dṛṣṭiṃ teṣv apy andhakavṛṣṇiṣu

Sanskrit only: no published translation is held for this verse.

कृष्णरामौ विलोक्यासीत् सुभ्रूर् लज्जायतेक्षणा । प्रद्युम्नदर्शने व्रीडा- दृष्टिं निन्ये ततो द्विजाः

kṛṣṇarāmau vilokyāsīt subhrūr lajjāyatekṣaṇā / pradyumnadarśane vrīḍā- dṛṣṭiṃ ninye tato dvijāḥ

Sanskrit only: no published translation is held for this verse.

दृष्ट्वानिरुद्धं च ततो लज्जा क्वापि निराकृता । सो ऽयं सो ऽयं ममेत्य् उक्ते तया सा योगगामिनी । ययौ द्वारवतीम् ऊषां समाश्वास्य ततः सखी

dṛṣṭvāniruddhaṃ ca tato lajjā kvāpi nirākṛtā / so 'yaṃ so 'yaṃ mamety ukte tayā sā yogagāminī / yayau dvāravatīm ūṣāṃ samāśvāsya tataḥ sakhī

Sanskrit only: no published translation is held for this verse.