Library·Brahma-Purana·209
व्यास उवाच: शृणुध्वं मुनयः सर्वे बलस्य बलशालिनः । कृतं यद् अन्यद् एवाभूत् तद् अपि श्रूयतां द्विजाः
vyāsa uvāca: śṛṇudhvaṃ munayaḥ sarve balasya balaśālinaḥ / kṛtaṃ yad anyad evābhūt tad api śrūyatāṃ dvijāḥ
Sanskrit only: no published translation is held for this verse.
नरकस्यासुरेन्द्रस्य देवपक्षविरोधिनः । सखाभवन् महावीर्यो द्विविदो नाम वानरः
narakasyāsurendrasya devapakṣavirodhinaḥ / sakhābhavan mahāvīryo dvivido nāma vānaraḥ
Sanskrit only: no published translation is held for this verse.
वैरानुबन्धं बलवान् स चकार सुरान् प्रति ॥* ब्र्प् २०९।३ ॥ द्विविद उवाच: नरकं हतवान् कृष्णो बलदर्पसमन्वितम् । करिष्ये सर्वदेवानां तस्माद् एष प्रतिक्रियाम्
vairānubandhaṃ balavān sa cakāra surān prati //* BrP 209.3 // dvivida uvāca: narakaṃ hatavān kṛṣṇo baladarpasamanvitam / kariṣye sarvadevānāṃ tasmād eṣa pratikriyām
Sanskrit only: no published translation is held for this verse.
व्यास उवाच: यज्ञविध्वंसनं कुर्वन् मर्त्यलोकक्षयं तथा । ततो विध्वंसयाम् आस यज्ञान् अज्ञानमोहितः
vyāsa uvāca: yajñavidhvaṃsanaṃ kurvan martyalokakṣayaṃ tathā / tato vidhvaṃsayām āsa yajñān ajñānamohitaḥ
Sanskrit only: no published translation is held for this verse.
बिभेद साधुमर्यादां क्षयं चक्रे च देहिनाम् । ददाह चपलो देशं पुरग्रामान्तराणि च
bibheda sādhumaryādāṃ kṣayaṃ cakre ca dehinām / dadāha capalo deśaṃ puragrāmāntarāṇi ca
Sanskrit only: no published translation is held for this verse.
क्वचिच् च पर्वतक्षेपाद् ग्रामादीन् समचूर्णयत् । शैलान् उत्पाट्य तोयेषु मुमोचाम्बुनिधौ तथा
kvacic ca parvatakṣepād grāmādīn samacūrṇayat / śailān utpāṭya toyeṣu mumocāmbunidhau tathā
Sanskrit only: no published translation is held for this verse.
पुनश् चार्णवमध्यस्थः क्षोभयाम् आस सागरम् । तेनातिक्षोभितश् चाब्धिर् उद्वेलो जायते द्विजाः
punaś cārṇavamadhyasthaḥ kṣobhayām āsa sāgaram / tenātikṣobhitaś cābdhir udvelo jāyate dvijāḥ
Sanskrit only: no published translation is held for this verse.
प्लावयंस् तीरजान् ग्रामान् पुरादीन् अतिवेगवान् । कामरूपं महारूपं कृत्वा सस्यान्य् अनेकशः
plāvayaṃs tīrajān grāmān purādīn ativegavān / kāmarūpaṃ mahārūpaṃ kṛtvā sasyāny anekaśaḥ
Sanskrit only: no published translation is held for this verse.
लुठन् भ्रमणसंमर्दैः संचूर्णयति वानरः । तेन विप्रकृतं सर्वं जगद् एतद् दुरात्मना
luṭhan bhramaṇasaṃmardaiḥ saṃcūrṇayati vānaraḥ / tena viprakṛtaṃ sarvaṃ jagad etad durātmanā
Sanskrit only: no published translation is held for this verse.
निःस्वाध्यायवषट्कारं द्विजाश् चासीत् सुदुःखितम् । कदाचिद् रैवतोद्याने पपौ पानं हलायुधः
niḥsvādhyāyavaṣaṭkāraṃ dvijāś cāsīt suduḥkhitam / kadācid raivatodyāne papau pānaṃ halāyudhaḥ
Sanskrit only: no published translation is held for this verse.
रेवती च महाभागा तथैवान्या वरस्त्रियः । उद्गीयमानो विलसल्- ललनामौलिमध्यगः
revatī ca mahābhāgā tathaivānyā varastriyaḥ / udgīyamāno vilasal- lalanāmaulimadhyagaḥ
Sanskrit only: no published translation is held for this verse.
रेमे यदुवरश्रेष्ठः कुबेर इव मन्दरे । ततः स वानरो ऽभ्येत्य गृहीत्वा सीरिणो हलम्
reme yaduvaraśreṣṭhaḥ kubera iva mandare / tataḥ sa vānaro 'bhyetya gṛhītvā sīriṇo halam
Sanskrit only: no published translation is held for this verse.
मुशलं च चकारास्य संमुखः स विडम्बनाम् । तथैव योषितां तासां जहासाभिमुखं कपिः
muśalaṃ ca cakārāsya saṃmukhaḥ sa viḍambanām / tathaiva yoṣitāṃ tāsāṃ jahāsābhimukhaṃ kapiḥ
Sanskrit only: no published translation is held for this verse.
पानपूर्णांश् च करकांश् चिक्षेपाहत्य वै तदा । ततः कोपपरीतात्मा भर्त्सयाम् आस तं बलम्
pānapūrṇāṃś ca karakāṃś cikṣepāhatya vai tadā / tataḥ kopaparītātmā bhartsayām āsa taṃ balam
Sanskrit only: no published translation is held for this verse.
तथापि तम् अवज्ञाय चक्रे किलकिलाध्वनिम् । ततः समुत्थाय बलो जगृहे मुशलं रुषा
tathāpi tam avajñāya cakre kilakilādhvanim / tataḥ samutthāya balo jagṛhe muśalaṃ ruṣā
Sanskrit only: no published translation is held for this verse.
सो ऽपि शैलशिलां भीमां जग्राह प्लवगोत्तमः । चिक्षेप च स तां क्षिप्तां मुशलेन सहस्रधा
so 'pi śailaśilāṃ bhīmāṃ jagrāha plavagottamaḥ / cikṣepa ca sa tāṃ kṣiptāṃ muśalena sahasradhā
Sanskrit only: no published translation is held for this verse.
बिभेद यादवश्रेष्ठः सा पपात महीतले । अपतन् मुशलं चासौ समुल्लङ्घ्य प्लवंगमः
bibheda yādavaśreṣṭhaḥ sā papāta mahītale / apatan muśalaṃ cāsau samullaṅghya plavaṃgamaḥ
Sanskrit only: no published translation is held for this verse.
वेगेनायम्य रोषेण बलेनोरस्य् अताडयत् । ततो बलेन कोपेन मुष्टिना मूर्ध्नि ताडितः
vegenāyamya roṣeṇa balenorasy atāḍayat / tato balena kopena muṣṭinā mūrdhni tāḍitaḥ
Sanskrit only: no published translation is held for this verse.
पपात रुधिरोद्गारी द्विविदः क्षीणजीवितः । पतता तच्छरीरेण गिरेः शृङ्गम् अशीर्यत
papāta rudhirodgārī dvividaḥ kṣīṇajīvitaḥ / patatā taccharīreṇa gireḥ śṛṅgam aśīryata
Sanskrit only: no published translation is held for this verse.
मुनयः शतधा वज्रि- वज्रेणेव हि ताडितम् । पुष्पवृष्टिं ततो देवा रामस्योपरि चिक्षिपुः
munayaḥ śatadhā vajri- vajreṇeva hi tāḍitam / puṣpavṛṣṭiṃ tato devā rāmasyopari cikṣipuḥ
Sanskrit only: no published translation is held for this verse.
प्रशशंसुस् तदाभ्येत्य साध्व् एतत् ते महत् कृतम् । अनेन दुष्टकपिना दैत्यपक्षोपकारिणा । जगन् निराकृतं वीर दिष्ट्या स क्षयम् आगतः
praśaśaṃsus tadābhyetya sādhv etat te mahat kṛtam / anena duṣṭakapinā daityapakṣopakāriṇā / jagan nirākṛtaṃ vīra diṣṭyā sa kṣayam āgataḥ
Sanskrit only: no published translation is held for this verse.
व्यास उवाच: एवंविधान्य् अनेकानि बलदेवस्य धीमतः । कर्माण्य् अपरिमेयानि शेषस्य धरणीभृतः
vyāsa uvāca: evaṃvidhāny anekāni baladevasya dhīmataḥ / karmāṇy aparimeyāni śeṣasya dharaṇībhṛtaḥ
Sanskrit only: no published translation is held for this verse.