Brahma-Purana 211

व्यास उवाच: इत्य् उक्तो दारुकः कृष्णं प्रणिपत्य पुनः पुनः । प्रदक्षिणं च बहुशः कृत्वा प्रायाद् यथोदितम्

vyāsa uvāca: ity ukto dārukaḥ kṛṣṇaṃ praṇipatya punaḥ punaḥ / pradakṣiṇaṃ ca bahuśaḥ kṛtvā prāyād yathoditam

Sanskrit only: no published translation is held for this verse.

स च गत्वा तथा चक्रे द्वारकायां तथार्जुनम् । आनिनाय महाबुद्धिं वज्रं चक्रे तथा नृपम्

sa ca gatvā tathā cakre dvārakāyāṃ tathārjunam / ānināya mahābuddhiṃ vajraṃ cakre tathā nṛpam

Sanskrit only: no published translation is held for this verse.

भगवान् अपि गोविन्दो वासुदेवात्मकं परम् । ब्रह्मात्मनि समारोप्य सर्वभूतेष्व् अधारयत्

bhagavān api govindo vāsudevātmakaṃ param / brahmātmani samāropya sarvabhūteṣv adhārayat

Sanskrit only: no published translation is held for this verse.

स मानयन् द्विजवचो दुर्वासा यद् उवाच ह । योगयुक्तो ऽभवत् पादं कृत्वा जानुनि सत्तमाः

sa mānayan dvijavaco durvāsā yad uvāca ha / yogayukto 'bhavat pādaṃ kṛtvā jānuni sattamāḥ

Sanskrit only: no published translation is held for this verse.

संप्राप्तो वै जरा नाम तदा तत्र स लुब्धकः । मुशलशेषलोहस्य सायकं धारयन् परम्

saṃprāpto vai jarā nāma tadā tatra sa lubdhakaḥ / muśalaśeṣalohasya sāyakaṃ dhārayan param

Sanskrit only: no published translation is held for this verse.

स तत्पादं मृगाकारं समवेक्ष्य व्यवस्थितः । ततो विव्याध तेनैव तोमरेण द्विजोत्तमाः

sa tatpādaṃ mṛgākāraṃ samavekṣya vyavasthitaḥ / tato vivyādha tenaiva tomareṇa dvijottamāḥ

Sanskrit only: no published translation is held for this verse.

गतश् च ददृशे तत्र चतुर्बाहुधरं नरम् । प्रणिपत्याह चैवैनं प्रसीदेति पुनः पुनः

gataś ca dadṛśe tatra caturbāhudharaṃ naram / praṇipatyāha caivainaṃ prasīdeti punaḥ punaḥ

Sanskrit only: no published translation is held for this verse.

अजानता कृतम् इदं मया हरिणशङ्कया । क्षम्यताम् आत्मपापेन दग्धं मा दग्धुम् अर्हसि

ajānatā kṛtam idaṃ mayā hariṇaśaṅkayā / kṣamyatām ātmapāpena dagdhaṃ mā dagdhum arhasi

Sanskrit only: no published translation is held for this verse.

व्यास उवाच: ततस् तं भगवान् आह नास्ति ते भयम् अण्व् अपि । गच्छ त्वं मत्प्रसादेन लुब्ध स्वर्गेश्वरास्पदम्

vyāsa uvāca: tatas taṃ bhagavān āha nāsti te bhayam aṇv api / gaccha tvaṃ matprasādena lubdha svargeśvarāspadam

Sanskrit only: no published translation is held for this verse.

व्यास उवाच: विमानम् आगतं सद्यस् तद्वाक्यसमनन्तरम् । आरुह्य प्रययौ स्वर्गं लुब्धकस् तत्प्रसादतः

vyāsa uvāca: vimānam āgataṃ sadyas tadvākyasamanantaram / āruhya prayayau svargaṃ lubdhakas tatprasādataḥ

Sanskrit only: no published translation is held for this verse.

गते तस्मिन् स भगवान् संयोज्यात्मानम् आत्मनि । ब्रह्मभूते ऽव्यये ऽचिन्त्ये वासुदेवमये ऽमले

gate tasmin sa bhagavān saṃyojyātmānam ātmani / brahmabhūte 'vyaye 'cintye vāsudevamaye 'male

Sanskrit only: no published translation is held for this verse.

अजन्मन्य् अजरे ऽनाशिन्य् अप्रमेये ऽखिलात्मनि । त्यक्त्वा स मानुषं देहम् अवाप त्रिविधां गतिम्

ajanmany ajare 'nāśiny aprameye 'khilātmani / tyaktvā sa mānuṣaṃ deham avāpa trividhāṃ gatim

Sanskrit only: no published translation is held for this verse.