Brahma-Purana 213

चरमाणस् तपो घोरं जामदग्न्यः पुनः प्रभुः । आस्ते वै देववच् छ्रीमान् महेन्द्रे पर्वतोत्तमे

caramāṇas tapo ghoraṃ jāmadagnyaḥ punaḥ prabhuḥ / āste vai devavac chrīmān mahendre parvatottame

Sanskrit only: no published translation is held for this verse.

एष विष्णोः सुरेशस्य शाश्वतस्याव्ययस्य च । जामदग्न्य इति ख्यातः प्रादुर्भावो महात्मनः

eṣa viṣṇoḥ sureśasya śāśvatasyāvyayasya ca / jāmadagnya iti khyātaḥ prādurbhāvo mahātmanaḥ

Sanskrit only: no published translation is held for this verse.

चतुर्विंशे युगे वापि विश्वामित्रपुरःसरः । जज्ञे दशरथस्याथ पुत्रः पद्मायतेक्षणः

caturviṃśe yuge vāpi viśvāmitrapuraḥsaraḥ / jajñe daśarathasyātha putraḥ padmāyatekṣaṇaḥ

Sanskrit only: no published translation is held for this verse.

कृत्वात्मानं महाबाहुश् चतुर्धा प्रभुर् ईश्वरः । लोके राम इति ख्यातस् तेजसा भास्करोपमः

kṛtvātmānaṃ mahābāhuś caturdhā prabhur īśvaraḥ / loke rāma iti khyātas tejasā bhāskaropamaḥ

Sanskrit only: no published translation is held for this verse.

प्रसादनार्थं लोकस्य रक्षसां निग्रहाय च । धर्मस्य च विवृद्ध्यर्थं जज्ञे तत्र महायशाः

prasādanārthaṃ lokasya rakṣasāṃ nigrahāya ca / dharmasya ca vivṛddhyarthaṃ jajñe tatra mahāyaśāḥ

Sanskrit only: no published translation is held for this verse.

तम् अप्य् आहुर् मनुष्येन्द्रं सर्वभूतहिते रतम् । यः समाः सर्वधर्मज्ञश् चतुर्दश वने ऽवसत्

tam apy āhur manuṣyendraṃ sarvabhūtahite ratam / yaḥ samāḥ sarvadharmajñaś caturdaśa vane 'vasat

Sanskrit only: no published translation is held for this verse.

लक्ष्मणानुचरो रामः सर्वभूतहिते रतः । चतुर्दश वने तप्त्वा तपो वर्षाणि राघवः

lakṣmaṇānucaro rāmaḥ sarvabhūtahite rataḥ / caturdaśa vane taptvā tapo varṣāṇi rāghavaḥ

Sanskrit only: no published translation is held for this verse.

रूपिणी तस्य पार्श्वस्था सीतेति प्रथिता जने । पूर्वोदिता तु या लक्ष्मीर् भर्तारम् अनुगच्छति

rūpiṇī tasya pārśvasthā sīteti prathitā jane / pūrvoditā tu yā lakṣmīr bhartāram anugacchati

Sanskrit only: no published translation is held for this verse.

जनस्थाने वसन् कार्यं त्रिदशानां चकार सः । तस्यापकारिणं क्रूरं पौलस्त्यं मनुजर्षभः

janasthāne vasan kāryaṃ tridaśānāṃ cakāra saḥ / tasyāpakāriṇaṃ krūraṃ paulastyaṃ manujarṣabhaḥ

Sanskrit only: no published translation is held for this verse.

सीतायाः पदम् अन्विच्छन् निजघान महायशाः । देवासुरगणानां च यक्षराक्षसभोगिनाम्

sītāyāḥ padam anvicchan nijaghāna mahāyaśāḥ / devāsuragaṇānāṃ ca yakṣarākṣasabhoginām

Sanskrit only: no published translation is held for this verse.

यत्रावध्यं राक्षसेन्द्रं रावणं युधि दुर्जयम् । युक्तं राक्षसकोटीभिर् नीलाञ्जनचयोपमम्

yatrāvadhyaṃ rākṣasendraṃ rāvaṇaṃ yudhi durjayam / yuktaṃ rākṣasakoṭībhir nīlāñjanacayopamam

Sanskrit only: no published translation is held for this verse.

त्रैलोक्यद्रावणं क्रूरं रावणं राक्षसेश्वरम् । दुर्जयं दुर्धरं दृप्तं शार्दूलसमविक्रमम्

trailokyadrāvaṇaṃ krūraṃ rāvaṇaṃ rākṣaseśvaram / durjayaṃ durdharaṃ dṛptaṃ śārdūlasamavikramam

Sanskrit only: no published translation is held for this verse.

दुर्निरीक्ष्यं सुरगणैर् वरदानेन दर्पितम् । जघान सचिवैः सार्धं ससैन्यं रावणं युधि

durnirīkṣyaṃ suragaṇair varadānena darpitam / jaghāna sacivaiḥ sārdhaṃ sasainyaṃ rāvaṇaṃ yudhi

Sanskrit only: no published translation is held for this verse.

महाभ्रगणसंकाशं महाकायं महाबलम् । रावणं निजघानाशु रामो भूतपतिः पुरा

mahābhragaṇasaṃkāśaṃ mahākāyaṃ mahābalam / rāvaṇaṃ nijaghānāśu rāmo bhūtapatiḥ purā

Sanskrit only: no published translation is held for this verse.

सुग्रीवस्य कृते येन वानरेन्द्रो महाबलः । वाली विनिहतः संख्ये सुग्रीवश् चाभिषेचितः

sugrīvasya kṛte yena vānarendro mahābalaḥ / vālī vinihataḥ saṃkhye sugrīvaś cābhiṣecitaḥ

Sanskrit only: no published translation is held for this verse.

मधोश् च तनयो दृप्तो लवणो नाम दानवः । हतो मधुवने वीरो वरमत्तो महासुरः

madhoś ca tanayo dṛpto lavaṇo nāma dānavaḥ / hato madhuvane vīro varamatto mahāsuraḥ

Sanskrit only: no published translation is held for this verse.

यज्ञविघ्नकरौ येन मुनीनां भावितात्मनाम् । मारीचश् च सुबाहुश् च बलेन बलिनां वरौ

yajñavighnakarau yena munīnāṃ bhāvitātmanām / mārīcaś ca subāhuś ca balena balināṃ varau

Sanskrit only: no published translation is held for this verse.

निहतौ च निराशौ च कृतौ तेन महात्मना । समरे युद्धशौण्डेन तथान्ये चापि राक्षसाः

nihatau ca nirāśau ca kṛtau tena mahātmanā / samare yuddhaśauṇḍena tathānye cāpi rākṣasāḥ

Sanskrit only: no published translation is held for this verse.

विराधश् च कबन्धश् च राक्षसौ भीमविक्रमौ । जघान पुरुषव्याघ्रो गन्धर्वौ शापमोहितौ

virādhaś ca kabandhaś ca rākṣasau bhīmavikramau / jaghāna puruṣavyāghro gandharvau śāpamohitau

Sanskrit only: no published translation is held for this verse.

हुताशनार्कांशुतडिद्गुणाभैः ब्र्प् २१३।१४१अ प्रतप्तजाम्बूनदचित्रपुङ्खैः ब्र्प् २१३।१४१ब् महेन्द्रवज्राशनितुल्यसारै ब्र्प् २१३।१४१च् रिपून् स रामः समरे निजघ्ने ब्र्प् २१३।१४१द् तस्मै दत्तानि शस्त्राणि विश्वामित्रेण धीमता । वधार्थं देवशत्रूणां दुर्धर्षाणां सुरैर् अपि

hutāśanārkāṃśutaḍidguṇābhaiḥ BrP 213.141a prataptajāmbūnadacitrapuṅkhaiḥ BrP 213.141b mahendravajrāśanitulyasārai BrP 213.141c ripūn sa rāmaḥ samare nijaghne BrP 213.141d tasmai dattāni śastrāṇi viśvāmitreṇa dhīmatā / vadhārthaṃ devaśatrūṇāṃ durdharṣāṇāṃ surair api

Sanskrit only: no published translation is held for this verse.

वर्तमाने मखे येन जनकस्य महात्मनः । भग्नं माहेश्वरं चापं क्रीडता लीलया पुरा

vartamāne makhe yena janakasya mahātmanaḥ / bhagnaṃ māheśvaraṃ cāpaṃ krīḍatā līlayā purā

Sanskrit only: no published translation is held for this verse.

एतानि कृत्वा कर्माणि रामो धर्मभृतां वरः । दशाश्वमेधाञ् जारूथ्यान् आजहार निरर्गलान्

etāni kṛtvā karmāṇi rāmo dharmabhṛtāṃ varaḥ / daśāśvamedhāñ jārūthyān ājahāra nirargalān

Sanskrit only: no published translation is held for this verse.

नाश्रूयन्ताशुभा वाचो नाकुलं मारुतो ववौ । न वित्तहरणं चासीद् रामे राज्यं प्रशासति

nāśrūyantāśubhā vāco nākulaṃ māruto vavau / na vittaharaṇaṃ cāsīd rāme rājyaṃ praśāsati

Sanskrit only: no published translation is held for this verse.

परिदेवन्ति विधवा नानर्थाश् च कदाचन । सर्वम् आसीच् छुभं तत्र रामे राज्यं प्रशासति

paridevanti vidhavā nānarthāś ca kadācana / sarvam āsīc chubhaṃ tatra rāme rājyaṃ praśāsati

Sanskrit only: no published translation is held for this verse.

न प्राणिनां भयं चासीज् जलाग्न्यनिलघातजम् । न चापि वृद्धा बालानां प्रेतकार्याणि चक्रिरे

na prāṇināṃ bhayaṃ cāsīj jalāgnyanilaghātajam / na cāpi vṛddhā bālānāṃ pretakāryāṇi cakrire

Sanskrit only: no published translation is held for this verse.

ब्रह्मचर्यपरं क्षत्रं विशस् तु क्षत्रिये रताः । शूद्राश् चैव हि वर्णांस् त्रीञ् शुश्रूषन्त्य् अनहंकृताः

brahmacaryaparaṃ kṣatraṃ viśas tu kṣatriye ratāḥ / śūdrāś caiva hi varṇāṃs trīñ śuśrūṣanty anahaṃkṛtāḥ

Sanskrit only: no published translation is held for this verse.

नार्यो नात्यचरन् भर्तॄन् भार्यां नात्यचरत् पतिः । सर्वम् आसीज् जगद् दान्तं निर्दस्युर् अभवन् मही

nāryo nātyacaran bhartṝn bhāryāṃ nātyacarat patiḥ / sarvam āsīj jagad dāntaṃ nirdasyur abhavan mahī

Sanskrit only: no published translation is held for this verse.

राम एको ऽभवद् भर्ता रामः पालयिताभवत् । आसन् वर्षसहस्राणि तथा पुत्रसहस्रिणः

rāma eko 'bhavad bhartā rāmaḥ pālayitābhavat / āsan varṣasahasrāṇi tathā putrasahasriṇaḥ

Sanskrit only: no published translation is held for this verse.

अरोगाः प्राणिनश् चासन् रामे राज्यं प्रशासति । देवतानाम् ऋषीणां च मनुष्याणां च सर्वशः

arogāḥ prāṇinaś cāsan rāme rājyaṃ praśāsati / devatānām ṛṣīṇāṃ ca manuṣyāṇāṃ ca sarvaśaḥ

Sanskrit only: no published translation is held for this verse.

पृथिव्यां समवायो ऽभूद् रामे राज्यं प्रशासति । गाथाम् अप्य् अत्र गायन्ति ये पुराणविदो जनाः

pṛthivyāṃ samavāyo 'bhūd rāme rājyaṃ praśāsati / gāthām apy atra gāyanti ye purāṇavido janāḥ

Sanskrit only: no published translation is held for this verse.

रामे निबद्धतत्त्वार्था माहात्म्यं तस्य धीमतः । श्यामो युवा लोहिताक्षो दीप्तास्यो मितभाषितः

rāme nibaddhatattvārthā māhātmyaṃ tasya dhīmataḥ / śyāmo yuvā lohitākṣo dīptāsyo mitabhāṣitaḥ

Sanskrit only: no published translation is held for this verse.

आजानुबाहुः सुमुखः सिंहस्कन्धो महाभुजः । दश वर्षसहस्राणि रामो राज्यम् अकारयत्

ājānubāhuḥ sumukhaḥ siṃhaskandho mahābhujaḥ / daśa varṣasahasrāṇi rāmo rājyam akārayat

Sanskrit only: no published translation is held for this verse.

ऋक्सामयजुषां घोषो ज्याघोषश् च महात्मनः । अव्युच्छिन्नो ऽभवद् राष्ट्रे दीयतां भुज्यताम् इति

ṛksāmayajuṣāṃ ghoṣo jyāghoṣaś ca mahātmanaḥ / avyucchinno 'bhavad rāṣṭre dīyatāṃ bhujyatām iti

Sanskrit only: no published translation is held for this verse.

सत्त्ववान् गुणसंपन्नो दीप्यमानः स्वतेजसा । अति चन्द्रं च सूर्यं च रामो दाशरथिर् बभौ

sattvavān guṇasaṃpanno dīpyamānaḥ svatejasā / ati candraṃ ca sūryaṃ ca rāmo dāśarathir babhau

Sanskrit only: no published translation is held for this verse.

ईजे क्रतुशतैः पुण्यैः समाप्तवरदक्षिणैः । हित्वायोध्यां दिवं यातो राघवो हि महाबलः

īje kratuśataiḥ puṇyaiḥ samāptavaradakṣiṇaiḥ / hitvāyodhyāṃ divaṃ yāto rāghavo hi mahābalaḥ

Sanskrit only: no published translation is held for this verse.

एवम् एव महाबाहुर् इक्ष्वाकुकुलनन्दनः । रावणं सगणं हत्वा दिवम् आचक्रमे विभुः

evam eva mahābāhur ikṣvākukulanandanaḥ / rāvaṇaṃ sagaṇaṃ hatvā divam ācakrame vibhuḥ

Sanskrit only: no published translation is held for this verse.

अपरः केशवस्यायं प्रादुर्भावो महात्मनः । विख्यातो माथुरे कल्पे सर्वलोकहिताय वै

aparaḥ keśavasyāyaṃ prādurbhāvo mahātmanaḥ / vikhyāto māthure kalpe sarvalokahitāya vai

Sanskrit only: no published translation is held for this verse.

यत्र शाल्वं च चैद्यं च कंसं द्विविदम् एव च । अरिष्टं वृषभं केशिं पूतनां दैत्यदारिकाम्

yatra śālvaṃ ca caidyaṃ ca kaṃsaṃ dvividam eva ca / ariṣṭaṃ vṛṣabhaṃ keśiṃ pūtanāṃ daityadārikām

Sanskrit only: no published translation is held for this verse.

नागं कुवलयापीडं चाणूरं मुष्टिकं तथा । दैत्यान् मानुषदेहेन सूदयाम् आस वीर्यवान्

nāgaṃ kuvalayāpīḍaṃ cāṇūraṃ muṣṭikaṃ tathā / daityān mānuṣadehena sūdayām āsa vīryavān

Sanskrit only: no published translation is held for this verse.

छिन्नं बाहुसहस्रं च बाणस्याद्भुतकर्मणः । नरकश् च हतः संख्ये यवनश् च महाबलः

chinnaṃ bāhusahasraṃ ca bāṇasyādbhutakarmaṇaḥ / narakaś ca hataḥ saṃkhye yavanaś ca mahābalaḥ

Sanskrit only: no published translation is held for this verse.

हृतानि च महीपानां सर्वरत्नानि तेजसा । दुराचाराश् च निहिताः पार्थिवा ये महीतले

hṛtāni ca mahīpānāṃ sarvaratnāni tejasā / durācārāś ca nihitāḥ pārthivā ye mahītale

Sanskrit only: no published translation is held for this verse.

एष लोकहितार्थाय प्रादुर्भावो महात्मनः । कल्की विष्णुयशा नाम शम्भलग्रामसंभवः

eṣa lokahitārthāya prādurbhāvo mahātmanaḥ / kalkī viṣṇuyaśā nāma śambhalagrāmasaṃbhavaḥ

Sanskrit only: no published translation is held for this verse.

सर्वलोकहितार्थाय भूयो देवो महायशाः । एते चान्ये च बहवो दिव्या देवगणैर् वृताः

sarvalokahitārthāya bhūyo devo mahāyaśāḥ / ete cānye ca bahavo divyā devagaṇair vṛtāḥ

Sanskrit only: no published translation is held for this verse.

प्रादुर्भावाः पुराणेषु गीयन्ते ब्रह्मवादिभिः । यत्र देवा विमुह्यन्ति प्रादुर्भावानुकीर्तने

prādurbhāvāḥ purāṇeṣu gīyante brahmavādibhiḥ / yatra devā vimuhyanti prādurbhāvānukīrtane

Sanskrit only: no published translation is held for this verse.

पुराणं वर्तते यत्र वेदश्रुतिसमाहितम् । एतद् उद्देशमात्रेण प्रादुर्भावानुकीर्तनम्

purāṇaṃ vartate yatra vedaśrutisamāhitam / etad uddeśamātreṇa prādurbhāvānukīrtanam

Sanskrit only: no published translation is held for this verse.

कीर्तितं कीर्तनीयस्य सर्वलोकगुरोर् विभोः । प्रीयन्ते पितरस् तस्य प्रादुर्भावानुकीर्तनात्

kīrtitaṃ kīrtanīyasya sarvalokaguror vibhoḥ / prīyante pitaras tasya prādurbhāvānukīrtanāt

Sanskrit only: no published translation is held for this verse.

विष्णोर् अमितवीर्यस्य यः शृणोति कृताञ्जलिः ॥* ब्र्प् २१३।१६९ ॥ एताश् च योगेश्वरयोगमायाः ब्र्प् २१३।१७०अ श्रुत्वा नरो मुच्यति सर्वपापैः ब्र्प् २१३।१७०ब् ऋद्धिं समृद्धिं विपुलांश् च भोगान् ब्र्प् २१३।१७०च् प्राप्नोति शीघ्रं भगवत्प्रसादात् ब्र्प् २१३।१७०द् एवं मया मुनिश्रेष्ठा विष्णोर् अमिततेजसः । सर्वपापहराः पुण्याः प्रादुर्भावाः प्रकीर्तिताः

viṣṇor amitavīryasya yaḥ śṛṇoti kṛtāñjaliḥ //* BrP 213.169 // etāś ca yogeśvarayogamāyāḥ BrP 213.170a śrutvā naro mucyati sarvapāpaiḥ BrP 213.170b ṛddhiṃ samṛddhiṃ vipulāṃś ca bhogān BrP 213.170c prāpnoti śīghraṃ bhagavatprasādāt BrP 213.170d evaṃ mayā muniśreṣṭhā viṣṇor amitatejasaḥ / sarvapāpaharāḥ puṇyāḥ prādurbhāvāḥ prakīrtitāḥ

Sanskrit only: no published translation is held for this verse.