Brahma-Purana 214

श्वानमार्जारगृध्रैश् च सज्वालकवलैर् मुखैः । प्रवेशस् तेन वै नित्यं सर्वेषाम् अपकारिणाम्

śvānamārjāragṛdhraiś ca sajvālakavalair mukhaiḥ / praveśas tena vai nityaṃ sarveṣām apakāriṇām

Sanskrit only: no published translation is held for this verse.

ये घातयन्ति विप्रान् गा बालं वृद्धं तथातुरम् । शरणागतं विश्वस्तं स्त्रियं मित्रं निरायुधम्

ye ghātayanti viprān gā bālaṃ vṛddhaṃ tathāturam / śaraṇāgataṃ viśvastaṃ striyaṃ mitraṃ nirāyudham

Sanskrit only: no published translation is held for this verse.

ये ऽगम्यागामिनो मूढाः परद्रव्यापहारिणः । निक्षेपस्यापहर्तारो विषवह्निप्रदाश् च ये

ye 'gamyāgāmino mūḍhāḥ paradravyāpahāriṇaḥ / nikṣepasyāpahartāro viṣavahnipradāś ca ye

Sanskrit only: no published translation is held for this verse.

परभूमिं गृहं शय्यां वस्त्रालंकारहारिणः । पररन्ध्रेषु ये क्रूरा ये सदानृतवादिनः

parabhūmiṃ gṛhaṃ śayyāṃ vastrālaṃkārahāriṇaḥ / pararandhreṣu ye krūrā ye sadānṛtavādinaḥ

Sanskrit only: no published translation is held for this verse.

ग्रामराष्ट्रपुरस्थाने महादुःखप्रदा हि ये । कूटसाक्षिप्रदातारः कन्याविक्रयकारकाः

grāmarāṣṭrapurasthāne mahāduḥkhapradā hi ye / kūṭasākṣipradātāraḥ kanyāvikrayakārakāḥ

Sanskrit only: no published translation is held for this verse.

अभक्ष्यभक्षणरता ये गच्छन्ति सुतां स्नुषाम् । मातरं पितरं चैव ये वदन्ति च पौरुषम्

abhakṣyabhakṣaṇaratā ye gacchanti sutāṃ snuṣām / mātaraṃ pitaraṃ caiva ye vadanti ca pauruṣam

Sanskrit only: no published translation is held for this verse.

अन्ये ये चैव निर्दिष्टा महापातककारिणः । दक्षिणेन तु ते सर्वे द्वारेण प्रविशन्ति वै

anye ye caiva nirdiṣṭā mahāpātakakāriṇaḥ / dakṣiṇena tu te sarve dvāreṇa praviśanti vai

Sanskrit only: no published translation is held for this verse.