Brahma-Purana 215

छिद्यन्ते तत्र कल्पान्तं विप्रभूमिहरा नराः । नरकं चाम्बरीषाख्यं प्रलयानलदीपितम्

chidyante tatra kalpāntaṃ viprabhūmiharā narāḥ / narakaṃ cāmbarīṣākhyaṃ pralayānaladīpitam

Sanskrit only: no published translation is held for this verse.

कल्पकोटिशतं तत्र दह्यते स्वर्णहारकः । नाम्ना वज्रकुठारेति नरकं वज्रसंकुलम्

kalpakoṭiśataṃ tatra dahyate svarṇahārakaḥ / nāmnā vajrakuṭhāreti narakaṃ vajrasaṃkulam

Sanskrit only: no published translation is held for this verse.

छिद्यन्ते तत्र छेत्तारो द्रुमाणां पापकारिणः । नरकं परितापाख्यं प्रलयानलदीपितम्

chidyante tatra chettāro drumāṇāṃ pāpakāriṇaḥ / narakaṃ paritāpākhyaṃ pralayānaladīpitam

Sanskrit only: no published translation is held for this verse.

गरदो मधुहर्ता च पच्यते तत्र पापकृत् । नरकं कालसूत्रं च वज्रसूत्रविनिर्मितम्

garado madhuhartā ca pacyate tatra pāpakṛt / narakaṃ kālasūtraṃ ca vajrasūtravinirmitam

Sanskrit only: no published translation is held for this verse.

भ्रमन्तस् तत्र च्छिद्यन्ते परसस्योपलुण्ठकाः । नरकं कश्मलं नाम श्लेष्मशिङ्घाणकावृतम्

bhramantas tatra cchidyante parasasyopaluṇṭhakāḥ / narakaṃ kaśmalaṃ nāma śleṣmaśiṅghāṇakāvṛtam

Sanskrit only: no published translation is held for this verse.

तत्र संक्षिप्यते कल्पं सदा मांसरुचिर् नरः । नरकं चोग्रगन्धेति लालामूत्रपुरीषवत्

tatra saṃkṣipyate kalpaṃ sadā māṃsarucir naraḥ / narakaṃ cogragandheti lālāmūtrapurīṣavat

Sanskrit only: no published translation is held for this verse.

क्षिप्यन्ते तत्र नरके पितृपिण्डाप्रयच्छकाः । नरकं दुर्धरं नाम जलौकावृश्चिकाकुलम्

kṣipyante tatra narake pitṛpiṇḍāprayacchakāḥ / narakaṃ durdharaṃ nāma jalaukāvṛścikākulam

Sanskrit only: no published translation is held for this verse.

उत्कोचभक्षकस् तत्र तिष्ठते वर्षकायुतम् । यच् च वज्रमहापीडा नरकं वज्रनिर्मितम्

utkocabhakṣakas tatra tiṣṭhate varṣakāyutam / yac ca vajramahāpīḍā narakaṃ vajranirmitam

Sanskrit only: no published translation is held for this verse.

तत्र प्रक्षिप्य दह्यन्ते पीड्यन्ते यमकिंकरैः । धनं धान्यं हिरण्यं वा परकीयं हरन्ति ये

tatra prakṣipya dahyante pīḍyante yamakiṃkaraiḥ / dhanaṃ dhānyaṃ hiraṇyaṃ vā parakīyaṃ haranti ye

Sanskrit only: no published translation is held for this verse.

यमदूतैश् च चौरास् ते छिद्यन्ते लवशः क्षुरैः । ये हत्वा प्राणिनं मूढाः खादन्ते काकगृध्रवत्

yamadūtaiś ca caurās te chidyante lavaśaḥ kṣuraiḥ / ye hatvā prāṇinaṃ mūḍhāḥ khādante kākagṛdhravat

Sanskrit only: no published translation is held for this verse.

भोज्यन्ते च स्वमांसं ते कल्पान्तं यमकिंकरैः । आसनं शयनं वस्त्रं परकीयं हरन्ति ये

bhojyante ca svamāṃsaṃ te kalpāntaṃ yamakiṃkaraiḥ / āsanaṃ śayanaṃ vastraṃ parakīyaṃ haranti ye

Sanskrit only: no published translation is held for this verse.

यमदूतैश् च ते मूढा भिद्यन्ते शक्तितोमरैः । फलं पत्त्रं नृणां वापि हृतं यैस् तु कुबुद्धिभिः

yamadūtaiś ca te mūḍhā bhidyante śaktitomaraiḥ / phalaṃ pattraṃ nṛṇāṃ vāpi hṛtaṃ yais tu kubuddhibhiḥ

Sanskrit only: no published translation is held for this verse.

यमदूतैश् च ते क्रुद्धैर् दह्यन्ते तृणवह्निभिः । परद्रव्ये कलत्रे च यः सदा दुष्टधीर् नरः

yamadūtaiś ca te kruddhair dahyante tṛṇavahnibhiḥ / paradravye kalatre ca yaḥ sadā duṣṭadhīr naraḥ

Sanskrit only: no published translation is held for this verse.

यमदूतैर् ज्वलत् तस्य हृदि शूलं निखन्यते । कर्मणा मनसा वाचा ये धर्मविमुखा नराः

yamadūtair jvalat tasya hṛdi śūlaṃ nikhanyate / karmaṇā manasā vācā ye dharmavimukhā narāḥ

Sanskrit only: no published translation is held for this verse.

यमलोके तु ते घोरा लभन्ते परियातनाः । एवं शतसहस्राणि लक्षकोटिशतानि च

yamaloke tu te ghorā labhante pariyātanāḥ / evaṃ śatasahasrāṇi lakṣakoṭiśatāni ca

Sanskrit only: no published translation is held for this verse.

नरकाणि नरैस् तत्र भुज्यन्ते पापकारिभिः । इह कृत्वा स्वल्पम् अपि नरः कर्माशुभात्मकम्

narakāṇi narais tatra bhujyante pāpakāribhiḥ / iha kṛtvā svalpam api naraḥ karmāśubhātmakam

Sanskrit only: no published translation is held for this verse.

प्राप्नोति नरके घोरे यमलोकेषु यातनाम् । न शृण्वन्ति नरा मूढा धर्मोक्तं साधु भाषितम्

prāpnoti narake ghore yamalokeṣu yātanām / na śṛṇvanti narā mūḍhā dharmoktaṃ sādhu bhāṣitam

Sanskrit only: no published translation is held for this verse.

दृष्टं केनेति प्रत्यक्षं प्रत्युक्त्यैवं वदन्ति ते । दिवा रात्रौ प्रयत्नेन पापं कुर्वन्ति ये नराः

dṛṣṭaṃ keneti pratyakṣaṃ pratyuktyaivaṃ vadanti te / divā rātrau prayatnena pāpaṃ kurvanti ye narāḥ

Sanskrit only: no published translation is held for this verse.

नाचरन्ति हि ते धर्मं प्रमादेनापि मोहिताः । इहैव फलभोक्तारः परत्र विमुखाश् च ये

nācaranti hi te dharmaṃ pramādenāpi mohitāḥ / ihaiva phalabhoktāraḥ paratra vimukhāś ca ye

Sanskrit only: no published translation is held for this verse.

ते पतन्ति सुघोरेषु नरकेषु नराधमाः । दारुणो नरके वासः स्वर्गवासः सुखप्रदः । नरैः संप्राप्यते तत्र कर्म कृत्वा शुभाशुभम्

te patanti sughoreṣu narakeṣu narādhamāḥ / dāruṇo narake vāsaḥ svargavāsaḥ sukhapradaḥ / naraiḥ saṃprāpyate tatra karma kṛtvā śubhāśubham

Sanskrit only: no published translation is held for this verse.