Brahma-Purana 218

मुनय ऊचुः: अधर्मस्य गतिर् ब्रह्मन् कथिता नस् त्वयानघ । धर्मस्य च गतिं श्रोतुम् इच्छामो वदतां वर

munaya ūcuḥ: adharmasya gatir brahman kathitā nas tvayānagha / dharmasya ca gatiṃ śrotum icchāmo vadatāṃ vara

Sanskrit only: no published translation is held for this verse.

कृत्वा पापानि कर्माणि कथं यान्त्य् अशुभां गतिम् । कर्मणा च कृतेनेह केन यान्ति शुभां गतिम्

kṛtvā pāpāni karmāṇi kathaṃ yānty aśubhāṃ gatim / karmaṇā ca kṛteneha kena yānti śubhāṃ gatim

Sanskrit only: no published translation is held for this verse.

व्यास उवाच: कृत्वा पापानि कर्माणि त्व् अधर्मवशम् आगतः । मनसा विपरीतेन निरयं प्रतिपद्यते

vyāsa uvāca: kṛtvā pāpāni karmāṇi tv adharmavaśam āgataḥ / manasā viparītena nirayaṃ pratipadyate

Sanskrit only: no published translation is held for this verse.

मोहाद् अधर्मं यः कृत्वा पुनः समनुतप्यते । मनःसमाधिसंयुक्तो न स सेवेत दुष्कृतम्

mohād adharmaṃ yaḥ kṛtvā punaḥ samanutapyate / manaḥsamādhisaṃyukto na sa seveta duṣkṛtam

Sanskrit only: no published translation is held for this verse.

यदि विप्राः कथयते विप्राणां धर्मवादिनाम् । ततो ऽधर्मकृतात् क्षिप्रम् अपराधात् प्रमुच्यते

yadi viprāḥ kathayate viprāṇāṃ dharmavādinām / tato 'dharmakṛtāt kṣipram aparādhāt pramucyate

Sanskrit only: no published translation is held for this verse.

यथा यथा नरः सम्यग् अधर्मम् अनुभाषते । समाहितेन मनसा विमुञ्चति तथा तथा

yathā yathā naraḥ samyag adharmam anubhāṣate / samāhitena manasā vimuñcati tathā tathā

Sanskrit only: no published translation is held for this verse.

यथा यथा मनस् तस्य दुष्कृतं कर्म गर्हते । तथा तथा शरीरं तु तेनाधर्मेण मुच्यते

yathā yathā manas tasya duṣkṛtaṃ karma garhate / tathā tathā śarīraṃ tu tenādharmeṇa mucyate

Sanskrit only: no published translation is held for this verse.

भुजंग इव निर्मोकान् पूर्वभुक्ताञ् जहाति तान् । दत्त्वा विप्रस्य दानानि विविधानि समाहितः

bhujaṃga iva nirmokān pūrvabhuktāñ jahāti tān / dattvā viprasya dānāni vividhāni samāhitaḥ

Sanskrit only: no published translation is held for this verse.

मनःसमाधिसंयुक्तः स्वर्गतिं प्रतिपद्यते । दानानि तु प्रवक्ष्यामि यानि दत्त्वा द्विजोत्तमाः

manaḥsamādhisaṃyuktaḥ svargatiṃ pratipadyate / dānāni tu pravakṣyāmi yāni dattvā dvijottamāḥ

Sanskrit only: no published translation is held for this verse.

नरः कृत्वाप्य् अकार्याणि ततो धर्मेण युज्यते । सर्वेषाम् एव दानानाम् अन्नं श्रेष्ठम् उदाहृतम्

naraḥ kṛtvāpy akāryāṇi tato dharmeṇa yujyate / sarveṣām eva dānānām annaṃ śreṣṭham udāhṛtam

Sanskrit only: no published translation is held for this verse.

सर्वम् अन्नं प्रदातव्यम् ऋजुना धर्मम् इच्छता । प्राणा ह्य् अन्नं मनुष्याणां तस्माज् जन्तुः प्रजायते

sarvam annaṃ pradātavyam ṛjunā dharmam icchatā / prāṇā hy annaṃ manuṣyāṇāṃ tasmāj jantuḥ prajāyate

Sanskrit only: no published translation is held for this verse.

अन्ने प्रतिष्ठिता लोकास् तस्माद् अन्नं प्रशस्यते । अन्नम् एव प्रशंसन्ति देवर्षिपितृमानवाः

anne pratiṣṭhitā lokās tasmād annaṃ praśasyate / annam eva praśaṃsanti devarṣipitṛmānavāḥ

Sanskrit only: no published translation is held for this verse.

अन्नस्य हि प्रदानेन स्वर्गम् आप्नोति मानवः । न्यायलब्धं प्रदातव्यं द्विजातिभ्यो ऽन्नम् उत्तमम्

annasya hi pradānena svargam āpnoti mānavaḥ / nyāyalabdhaṃ pradātavyaṃ dvijātibhyo 'nnam uttamam

Sanskrit only: no published translation is held for this verse.

स्वाध्यायसमुपेतेभ्यः प्रहृष्टेनान्तरात्मना । यस्य त्व् अन्नम् उपाश्नन्ति ब्राह्मणाश् च सकृद् दश

svādhyāyasamupetebhyaḥ prahṛṣṭenāntarātmanā / yasya tv annam upāśnanti brāhmaṇāś ca sakṛd daśa

Sanskrit only: no published translation is held for this verse.

हृष्टेन मनसा दत्तं न स तिर्यग्गतिर् भवेत् । ब्राह्मणानां सहस्राणि दशाभोज्य द्विजोत्तमाः

hṛṣṭena manasā dattaṃ na sa tiryaggatir bhavet / brāhmaṇānāṃ sahasrāṇi daśābhojya dvijottamāḥ

Sanskrit only: no published translation is held for this verse.

नरो ऽधर्मात् प्रमुच्येत पापेष्व् अभिरतः सदा । भैक्षेणान्नं समाहृत्य विप्रो वेदपुरस्कृतः

naro 'dharmāt pramucyeta pāpeṣv abhirataḥ sadā / bhaikṣeṇānnaṃ samāhṛtya vipro vedapuraskṛtaḥ

Sanskrit only: no published translation is held for this verse.

स्वाध्यायनिरते विप्रे दत्त्वेह सुखम् एधते । अहिंसन् ब्राह्मणस्वानि न्यायेन परिपाल्य च

svādhyāyanirate vipre dattveha sukham edhate / ahiṃsan brāhmaṇasvāni nyāyena paripālya ca

Sanskrit only: no published translation is held for this verse.

क्षत्रियस् तरसा प्राप्तम् अन्नं यो वै प्रयच्छति । द्विजेभ्यो वेदमुख्येभ्यः प्रयतः सुसमाहितः

kṣatriyas tarasā prāptam annaṃ yo vai prayacchati / dvijebhyo vedamukhyebhyaḥ prayataḥ susamāhitaḥ

Sanskrit only: no published translation is held for this verse.

तेनापोहति धर्मात्मा दुष्कृतं कर्म भो द्विजाः । षड्भागपरिशुद्धं च कृषेर् भागम् उपार्जितम्

tenāpohati dharmātmā duṣkṛtaṃ karma bho dvijāḥ / ṣaḍbhāgapariśuddhaṃ ca kṛṣer bhāgam upārjitam

Sanskrit only: no published translation is held for this verse.

वैश्यो ददद् द्विजातिभ्यः पापेभ्यः परिमुच्यते । अवाप्य प्राणसंदेहं कार्कश्येन समार्जितम्

vaiśyo dadad dvijātibhyaḥ pāpebhyaḥ parimucyate / avāpya prāṇasaṃdehaṃ kārkaśyena samārjitam

Sanskrit only: no published translation is held for this verse.

अन्नं दत्त्वा द्विजातिभ्यः शूद्रः पापात् प्रमुच्यते । औरसेन बलेनान्नम् अर्जयित्वा विहिंसकः

annaṃ dattvā dvijātibhyaḥ śūdraḥ pāpāt pramucyate / aurasena balenānnam arjayitvā vihiṃsakaḥ

Sanskrit only: no published translation is held for this verse.

यः प्रयच्छति विप्रेभ्यो न स दुर्गाणि सेवते । न्यायेनावाप्तम् अन्नं तु नरो हर्षसमन्वितः

yaḥ prayacchati viprebhyo na sa durgāṇi sevate / nyāyenāvāptam annaṃ tu naro harṣasamanvitaḥ

Sanskrit only: no published translation is held for this verse.

द्विजेभ्यो वेदवृद्धेभ्यो दत्त्वा पापात् प्रमुच्यते । अन्नम् ऊर्जस्करं लोके दत्त्वोर्जस्वी भवेन् नरः

dvijebhyo vedavṛddhebhyo dattvā pāpāt pramucyate / annam ūrjaskaraṃ loke dattvorjasvī bhaven naraḥ

Sanskrit only: no published translation is held for this verse.

सतां पन्थानम् आवृत्य सर्वपापैः प्रमुच्यते । दानविद्भिः कृतः पन्था येन यान्ति मनीषिणः

satāṃ panthānam āvṛtya sarvapāpaiḥ pramucyate / dānavidbhiḥ kṛtaḥ panthā yena yānti manīṣiṇaḥ

Sanskrit only: no published translation is held for this verse.

तेष्व् अप्य् अन्नस्य दातारस् तेभ्यो धर्मः सनातनः । सर्वावस्थं मनुष्येण न्यायेनान्नम् उपार्जितम्

teṣv apy annasya dātāras tebhyo dharmaḥ sanātanaḥ / sarvāvasthaṃ manuṣyeṇa nyāyenānnam upārjitam

Sanskrit only: no published translation is held for this verse.

कार्यान् न्यायागतं नित्यम् अन्नं हि परमा गतिः । अन्नस्य हि प्रदानेन नरो याति परां गतिम्

kāryān nyāyāgataṃ nityam annaṃ hi paramā gatiḥ / annasya hi pradānena naro yāti parāṃ gatim

Sanskrit only: no published translation is held for this verse.

सर्वकामसमायुक्तः प्रेत्य चाप्य् अश्नुते सुखम् । एवं पुण्यसमायुक्तो नरः पापैः प्रमुच्यते

sarvakāmasamāyuktaḥ pretya cāpy aśnute sukham / evaṃ puṇyasamāyukto naraḥ pāpaiḥ pramucyate

Sanskrit only: no published translation is held for this verse.

तस्माद् अन्नं प्रदातव्यम् अन्यायपरिवर्जितम् । यस् तु प्राणाहुतीपूर्वम् अन्नं भुङ्क्ते गृही सदा

tasmād annaṃ pradātavyam anyāyaparivarjitam / yas tu prāṇāhutīpūrvam annaṃ bhuṅkte gṛhī sadā

Sanskrit only: no published translation is held for this verse.

अवन्ध्यं दिवसं कुर्याद् अन्नदानेन मानवः । भोजयित्वा शतं नित्यं नरो वेदविदां वरम्

avandhyaṃ divasaṃ kuryād annadānena mānavaḥ / bhojayitvā śataṃ nityaṃ naro vedavidāṃ varam

Sanskrit only: no published translation is held for this verse.

न्यायविद्धर्मविदुषाम् इतिहासविदां तथा । न याति नरकं घोरं संसारं न च सेवते

nyāyaviddharmaviduṣām itihāsavidāṃ tathā / na yāti narakaṃ ghoraṃ saṃsāraṃ na ca sevate

Sanskrit only: no published translation is held for this verse.

सर्वकामसमायुक्तः प्रेत्य चाप्य् अश्नुते सुखम् । एवं कर्मसमायुक्तो रमते विगतज्वरः

sarvakāmasamāyuktaḥ pretya cāpy aśnute sukham / evaṃ karmasamāyukto ramate vigatajvaraḥ

Sanskrit only: no published translation is held for this verse.

रूपवान् कीर्तिमांश् चैव धनवांश् चोपजायते । एतद् वः सर्वम् आख्यातम् अन्नदानफलं महत् । मूलम् एतत् तु धर्माणां प्रदानानां च भो द्विजाः

rūpavān kīrtimāṃś caiva dhanavāṃś copajāyate / etad vaḥ sarvam ākhyātam annadānaphalaṃ mahat / mūlam etat tu dharmāṇāṃ pradānānāṃ ca bho dvijāḥ

Sanskrit only: no published translation is held for this verse.