Brahma-Purana 220

संपूज्य स्वागतेनैतान् सदने ऽभ्यागतान् द्विजान् । पवित्रपाणिर् आचान्तान् आसनेषूपवेशयेत्

saṃpūjya svāgatenaitān sadane 'bhyāgatān dvijān / pavitrapāṇir ācāntān āsaneṣūpaveśayet

Sanskrit only: no published translation is held for this verse.

श्राद्धं कृत्वा विधानेन संभोज्य च द्विजोत्तमान् । विसर्जयेत् प्रियाण्य् उक्त्वा प्रणिपत्य च भक्तितः

śrāddhaṃ kṛtvā vidhānena saṃbhojya ca dvijottamān / visarjayet priyāṇy uktvā praṇipatya ca bhaktitaḥ

Sanskrit only: no published translation is held for this verse.

आद्वारम् अनुगच्छेच् च आगच्छेद् अनुमोदितः । ततो नित्यक्रियां कुर्याद् भोजयेच् च तथातिथीन्

ādvāram anugacchec ca āgacched anumoditaḥ / tato nityakriyāṃ kuryād bhojayec ca tathātithīn

Sanskrit only: no published translation is held for this verse.

नित्यक्रियां पितॄणां च केचिद् इच्छन्ति सत्तमाः । न पितॄणां तथैवान्ये शेषं पूर्ववद् आचरेत्

nityakriyāṃ pitṝṇāṃ ca kecid icchanti sattamāḥ / na pitṝṇāṃ tathaivānye śeṣaṃ pūrvavad ācaret

Sanskrit only: no published translation is held for this verse.

पृथक्त्वेन वदन्त्य् अन्ये केचित् पूर्वं च पूर्ववत् । ततस् तद् अन्नं भुञ्जीत सह भृत्यादिभिर् नरः

pṛthaktvena vadanty anye kecit pūrvaṃ ca pūrvavat / tatas tad annaṃ bhuñjīta saha bhṛtyādibhir naraḥ

Sanskrit only: no published translation is held for this verse.

एवं कुर्वीत धर्मज्ञः श्राद्धं पित्र्यं समाहितः । यथा च विप्रमुख्यानां परितोषो ऽभिजायते

evaṃ kurvīta dharmajñaḥ śrāddhaṃ pitryaṃ samāhitaḥ / yathā ca vipramukhyānāṃ paritoṣo 'bhijāyate

Sanskrit only: no published translation is held for this verse.

इदानीं संप्रवक्ष्यामि वर्जनीयान् द्विजाधमान् । मित्रध्रुक् कुनखी क्लीबः क्षयी शुक्ली वणिक्पथः

idānīṃ saṃpravakṣyāmi varjanīyān dvijādhamān / mitradhruk kunakhī klībaḥ kṣayī śuklī vaṇikpathaḥ

Sanskrit only: no published translation is held for this verse.

श्यावदन्तो ऽथ खल्वाटः काणो ऽन्धो बधिरो जडः । मूकः पङ्गुः कुणिः षण्ढो दुश्चर्मा व्यङ्गकेकरौ

śyāvadanto 'tha khalvāṭaḥ kāṇo 'ndho badhiro jaḍaḥ / mūkaḥ paṅguḥ kuṇiḥ ṣaṇḍho duścarmā vyaṅgakekarau

Sanskrit only: no published translation is held for this verse.

कुष्ठी रक्तेक्षणः कुब्जो वामनो विकटो ऽलसः । मित्रशत्रुर् दुष्कुलीनः पशुपालो निराकृतिः

kuṣṭhī raktekṣaṇaḥ kubjo vāmano vikaṭo 'lasaḥ / mitraśatrur duṣkulīnaḥ paśupālo nirākṛtiḥ

Sanskrit only: no published translation is held for this verse.

परिवित्तिः परिवेत्ता परिवेदनिकासुतः । वृषलीपतिस् तत्सुतश् च न भवेच् छ्राद्धभुग् द्विजः

parivittiḥ parivettā parivedanikāsutaḥ / vṛṣalīpatis tatsutaś ca na bhavec chrāddhabhug dvijaḥ

Sanskrit only: no published translation is held for this verse.

वृषलीपुत्रसंस्कर्ता अनूढो दिधिषूपतिः । भृतकाध्यापको यस् तु भृतकाध्यापितश् च यः

vṛṣalīputrasaṃskartā anūḍho didhiṣūpatiḥ / bhṛtakādhyāpako yas tu bhṛtakādhyāpitaś ca yaḥ

Sanskrit only: no published translation is held for this verse.

सूतकान्नोपजीवी च मृगयुः सोमविक्रयी । अभिशस्तस् तथा स्तेनः पतितो वार्द्धुषिः शठः

sūtakānnopajīvī ca mṛgayuḥ somavikrayī / abhiśastas tathā stenaḥ patito vārddhuṣiḥ śaṭhaḥ

Sanskrit only: no published translation is held for this verse.

पिशुनो वेदसंत्यागी दानाग्नित्यागनिष्ठुरः । राज्ञः पुरोहितो भृत्यो विद्याहीनो ऽथ मत्सरी

piśuno vedasaṃtyāgī dānāgnityāganiṣṭhuraḥ / rājñaḥ purohito bhṛtyo vidyāhīno 'tha matsarī

Sanskrit only: no published translation is held for this verse.

वृद्धद्विड् दुर्धरः क्रूरो मूढो देवलकस् तथा । नक्षत्रसूचकश् चैव पर्वकारश् च गर्हितः

vṛddhadviḍ durdharaḥ krūro mūḍho devalakas tathā / nakṣatrasūcakaś caiva parvakāraś ca garhitaḥ

Sanskrit only: no published translation is held for this verse.

अयाज्ययाजकः षण्ढो गर्हिता ये च ये ऽधमाः । न ते श्राद्धे नियोक्तव्या दृष्ट्वामी पङ्क्तिदूषकाः

ayājyayājakaḥ ṣaṇḍho garhitā ye ca ye 'dhamāḥ / na te śrāddhe niyoktavyā dṛṣṭvāmī paṅktidūṣakāḥ

Sanskrit only: no published translation is held for this verse.

असतां प्रग्रहो यत्र सतां चैवावमानना । दण्डो देवकृतस् तत्र सद्यः पतति दारुणः

asatāṃ pragraho yatra satāṃ caivāvamānanā / daṇḍo devakṛtas tatra sadyaḥ patati dāruṇaḥ

Sanskrit only: no published translation is held for this verse.

हित्वागमं सुविहितं बालिशं यस् तु भोजयेत् । आदिधर्मं समुत्सृज्य दाता तत्र विनश्यति

hitvāgamaṃ suvihitaṃ bāliśaṃ yas tu bhojayet / ādidharmaṃ samutsṛjya dātā tatra vinaśyati

Sanskrit only: no published translation is held for this verse.

यस् त्व् आश्रितं द्विजं त्यक्त्वा अन्यम् आनीय भोजयेत् । तन्निःश्वासाग्निनिर्दग्धस् तत्र दाता विनश्यति

yas tv āśritaṃ dvijaṃ tyaktvā anyam ānīya bhojayet / tanniḥśvāsāgninirdagdhas tatra dātā vinaśyati

Sanskrit only: no published translation is held for this verse.

वस्त्राभावे क्रिया नास्ति यज्ञा वेदास् तपांसि च । तस्माद् वासांसि देयानि श्राद्धकाले विशेषतः

vastrābhāve kriyā nāsti yajñā vedās tapāṃsi ca / tasmād vāsāṃsi deyāni śrāddhakāle viśeṣataḥ

Sanskrit only: no published translation is held for this verse.

कौशेयं क्षौमकार्पासं दुकूलम् अहतं तथा । श्राद्धे त्व् एतानि यो दद्यात् कामान् आप्नोति चोत्तमान्

kauśeyaṃ kṣaumakārpāsaṃ dukūlam ahataṃ tathā / śrāddhe tv etāni yo dadyāt kāmān āpnoti cottamān

Sanskrit only: no published translation is held for this verse.

यथा गोषु प्रभूतासु वत्सो विन्दति मातरम् । तथान्नं तत्र विप्राणां जन्तुर् यत्रावतिष्ठते

yathā goṣu prabhūtāsu vatso vindati mātaram / tathānnaṃ tatra viprāṇāṃ jantur yatrāvatiṣṭhate

Sanskrit only: no published translation is held for this verse.

नामगोत्रं च मन्त्रांश् च दत्तम् अन्नं न यन्ति ते । अपि ये निधनं प्राप्तास् तृप्तिस् तान् उपतिष्ठते

nāmagotraṃ ca mantrāṃś ca dattam annaṃ na yanti te / api ye nidhanaṃ prāptās tṛptis tān upatiṣṭhate

Sanskrit only: no published translation is held for this verse.

देवताभ्यः पितृभ्यश् च महायोगिभ्य एव च । नमः स्वाहायै स्वधायै नित्यम् एव भवन्त्व् इति

devatābhyaḥ pitṛbhyaś ca mahāyogibhya eva ca / namaḥ svāhāyai svadhāyai nityam eva bhavantv iti

Sanskrit only: no published translation is held for this verse.

आद्यावसाने श्राद्धस्य त्रिर् आवृत्त्या जपेत् तदा । पिण्डनिर्वपणे वापि जपेद् एवं समाहितः

ādyāvasāne śrāddhasya trir āvṛttyā japet tadā / piṇḍanirvapaṇe vāpi japed evaṃ samāhitaḥ

Sanskrit only: no published translation is held for this verse.

क्षिप्रम् आयान्ति पितरो राक्षसाः प्रद्रवन्ति च । प्रीयन्ते त्रिषु लोकेषु मन्त्रो ऽयं तारयत्य् उत

kṣipram āyānti pitaro rākṣasāḥ pradravanti ca / prīyante triṣu lokeṣu mantro 'yaṃ tārayaty uta

Sanskrit only: no published translation is held for this verse.

क्षौमसूत्रं नवं दद्याच् छाणं कार्पासिकं तथा । पत्त्रोर्णं पट्टसूत्रं च कौशेयं च विवर्जयेत्

kṣaumasūtraṃ navaṃ dadyāc chāṇaṃ kārpāsikaṃ tathā / pattrorṇaṃ paṭṭasūtraṃ ca kauśeyaṃ ca vivarjayet

Sanskrit only: no published translation is held for this verse.

वर्जयेच् चादशं प्राज्ञो यद्यप्य् अव्याहतं भवेत् । न प्रीणयन्त्य् अथैतानि दातुश् चाप्य् अनयो भवेत्

varjayec cādaśaṃ prājño yadyapy avyāhataṃ bhavet / na prīṇayanty athaitāni dātuś cāpy anayo bhavet

Sanskrit only: no published translation is held for this verse.

न निवेद्यो भवेत् पिण्डः पितॄणां यस् तु जीवति । इष्टेनान्नेन भक्ष्येण भोजयेत् तं यथाविधि

na nivedyo bhavet piṇḍaḥ pitṝṇāṃ yas tu jīvati / iṣṭenānnena bhakṣyeṇa bhojayet taṃ yathāvidhi

Sanskrit only: no published translation is held for this verse.

पिण्डम् अग्नौ सदा दद्याद् भोगार्थी सततं नरः । पत्न्यै दद्यात् प्रजार्थी च मध्यमं मन्त्रपूर्वकम्

piṇḍam agnau sadā dadyād bhogārthī satataṃ naraḥ / patnyai dadyāt prajārthī ca madhyamaṃ mantrapūrvakam

Sanskrit only: no published translation is held for this verse.

उत्तमां द्युतिम् अन्विच्छन् पिण्डं गोषु प्रयच्छति । प्रज्ञां चैव यशः कीर्तिम् अप्सु चैव निवेदयेत्

uttamāṃ dyutim anvicchan piṇḍaṃ goṣu prayacchati / prajñāṃ caiva yaśaḥ kīrtim apsu caiva nivedayet

Sanskrit only: no published translation is held for this verse.

प्रार्थयन् दीर्घम् आयुश् च वायसेभ्यः प्रयच्छति । कुमारशालाम् अन्विच्छन् कुक्कुटेभ्यः प्रयच्छति

prārthayan dīrgham āyuś ca vāyasebhyaḥ prayacchati / kumāraśālām anvicchan kukkuṭebhyaḥ prayacchati

Sanskrit only: no published translation is held for this verse.

एके विप्राः पुनः प्राहुः पिण्डोद्धरणम् अग्रतः । अनुज्ञातस् तु विप्रैस् तैः कामम् उद्ध्रियताम् इति

eke viprāḥ punaḥ prāhuḥ piṇḍoddharaṇam agrataḥ / anujñātas tu viprais taiḥ kāmam uddhriyatām iti

Sanskrit only: no published translation is held for this verse.

तस्माच् छ्राद्धं तथा कार्यं यथोक्तम् ऋषिभिः पुरा । अन्यथा तु भवेद् दोषः पितॄणां नोपतिष्ठति

tasmāc chrāddhaṃ tathā kāryaṃ yathoktam ṛṣibhiḥ purā / anyathā tu bhaved doṣaḥ pitṝṇāṃ nopatiṣṭhati

Sanskrit only: no published translation is held for this verse.

यवैर् व्रीहितिलैर् माषैर् गोधूमैश् चणकैस् तथा । संतर्पयेत् पितॄन् मुद्गैः श्यामाकैः सर्षपद्रवैः

yavair vrīhitilair māṣair godhūmaiś caṇakais tathā / saṃtarpayet pitṝn mudgaiḥ śyāmākaiḥ sarṣapadravaiḥ

Sanskrit only: no published translation is held for this verse.

नीवारैर् हस्तिश्यामाकैः प्रियङ्गुभिस् तथार्घयेत् । प्रसातिकां सतूलिकां दद्याच् छ्राद्धे विचक्षणः

nīvārair hastiśyāmākaiḥ priyaṅgubhis tathārghayet / prasātikāṃ satūlikāṃ dadyāc chrāddhe vicakṣaṇaḥ

Sanskrit only: no published translation is held for this verse.

आम्रम् आम्रातकं बिल्वं दाडिमं बीजपूरकम् । प्राचीनामलकं क्षीरं नारिकेलं परूषकम्

āmram āmrātakaṃ bilvaṃ dāḍimaṃ bījapūrakam / prācīnāmalakaṃ kṣīraṃ nārikelaṃ parūṣakam

Sanskrit only: no published translation is held for this verse.

नारङ्गं च सखर्जूरं द्राक्षानीलकपित्थकम् । पटोलं च प्रियालं च कर्कन्धूबदराणि च

nāraṅgaṃ ca sakharjūraṃ drākṣānīlakapitthakam / paṭolaṃ ca priyālaṃ ca karkandhūbadarāṇi ca

Sanskrit only: no published translation is held for this verse.

विकङ्कतं वत्सकं च कस्त्वारुर् वारकान् अपि । एतानि फलजातानि श्राद्धे देयानि यत्नतः

vikaṅkataṃ vatsakaṃ ca kastvārur vārakān api / etāni phalajātāni śrāddhe deyāni yatnataḥ

Sanskrit only: no published translation is held for this verse.

गुडशर्करमत्स्यण्डी देयं फाणितमूर्मुरम् । गव्यं पयो दधि घृतं तैलं च तिलसंभवम्

guḍaśarkaramatsyaṇḍī deyaṃ phāṇitamūrmuram / gavyaṃ payo dadhi ghṛtaṃ tailaṃ ca tilasaṃbhavam

Sanskrit only: no published translation is held for this verse.

सैन्धवं सागरोत्थं च लवणं सारसं तथा । निवेदयेच् छुचीन् गन्धांश् चन्दनागुरुकुङ्कुमान्

saindhavaṃ sāgarotthaṃ ca lavaṇaṃ sārasaṃ tathā / nivedayec chucīn gandhāṃś candanāgurukuṅkumān

Sanskrit only: no published translation is held for this verse.

कालशाकं तन्दुलीयं वास्तुकं मूलकं तथा । शाकम् आरण्यकं चापि दद्यात् पुष्पाण्य् अमूनि च

kālaśākaṃ tandulīyaṃ vāstukaṃ mūlakaṃ tathā / śākam āraṇyakaṃ cāpi dadyāt puṣpāṇy amūni ca

Sanskrit only: no published translation is held for this verse.

जातिचम्पकलोध्राश् च मल्लिकाबाणबर्बरी । वृन्ताशोकाटरूषं च तुलसी तिलकं तथा

jāticampakalodhrāś ca mallikābāṇabarbarī / vṛntāśokāṭarūṣaṃ ca tulasī tilakaṃ tathā

Sanskrit only: no published translation is held for this verse.

पावन्तीं शतपत्त्रां च गन्धशेफालिकाम् अपि । कुब्जकं तगरं चैव मृगम् आरण्यकेतकीम्

pāvantīṃ śatapattrāṃ ca gandhaśephālikām api / kubjakaṃ tagaraṃ caiva mṛgam āraṇyaketakīm

Sanskrit only: no published translation is held for this verse.

यूथिकाम् अतिमुक्तं च श्राद्धयोग्यानि भो द्विजाः । कमलं कुमुदं पद्मं पुण्डरीकं च यत्नतः

yūthikām atimuktaṃ ca śrāddhayogyāni bho dvijāḥ / kamalaṃ kumudaṃ padmaṃ puṇḍarīkaṃ ca yatnataḥ

Sanskrit only: no published translation is held for this verse.

इन्दीवरं कोकनदं कह्लारं च नियोजयेत् । कुष्ठं मांसी वालकं च कुक्कुटी जातिपत्त्रकम्

indīvaraṃ kokanadaṃ kahlāraṃ ca niyojayet / kuṣṭhaṃ māṃsī vālakaṃ ca kukkuṭī jātipattrakam

Sanskrit only: no published translation is held for this verse.

नलिकोशीरमुस्तं च ग्रन्थिपर्णी च सुन्दरी । पुनर् अप्य् एवमादीनि गन्धयोग्यानि चक्षते

nalikośīramustaṃ ca granthiparṇī ca sundarī / punar apy evamādīni gandhayogyāni cakṣate

Sanskrit only: no published translation is held for this verse.

गुग्गुलुं चन्दनं चैव श्रीवासम् अगुरुं तथा । धूपानि पितृयोग्यानि ऋषिगुग्गुलम् एव च

gugguluṃ candanaṃ caiva śrīvāsam aguruṃ tathā / dhūpāni pitṛyogyāni ṛṣiguggulam eva ca

Sanskrit only: no published translation is held for this verse.

राजमाषांश् च चणकान् मसूरान् कोरदूषकान् । विप्रुषान् मर्कटांश् चैव कोद्रवांश् चैव वर्जयेत्

rājamāṣāṃś ca caṇakān masūrān koradūṣakān / vipruṣān markaṭāṃś caiva kodravāṃś caiva varjayet

Sanskrit only: no published translation is held for this verse.

माहिषं चामरं मार्गम् आविकैकशफोद्भवम् । स्त्रैणम् औष्ट्रम् आविकं च दधि क्षीरं घृतं त्यजेत्

māhiṣaṃ cāmaraṃ mārgam āvikaikaśaphodbhavam / straiṇam auṣṭram āvikaṃ ca dadhi kṣīraṃ ghṛtaṃ tyajet

Sanskrit only: no published translation is held for this verse.

तालं वरुणकाकोलौ बहुपत्त्रार्जुनीफलम् । जम्बीरं रक्तबिल्वं च शालस्यापि फलं त्यजेत्

tālaṃ varuṇakākolau bahupattrārjunīphalam / jambīraṃ raktabilvaṃ ca śālasyāpi phalaṃ tyajet

Sanskrit only: no published translation is held for this verse.

मत्स्यसूकरकूर्माश् च गावो वर्ज्या विशेषतः । पूतिकं मृगनाभिं च रोचनां पद्मचन्दनम्

matsyasūkarakūrmāś ca gāvo varjyā viśeṣataḥ / pūtikaṃ mṛganābhiṃ ca rocanāṃ padmacandanam

Sanskrit only: no published translation is held for this verse.

कालेयकं तूग्रगन्धं तुरुष्कं चापि वर्जयेत् । पालङ्कं च कुमारीं च किरातं पिण्डमूलकम्

kāleyakaṃ tūgragandhaṃ turuṣkaṃ cāpi varjayet / pālaṅkaṃ ca kumārīṃ ca kirātaṃ piṇḍamūlakam

Sanskrit only: no published translation is held for this verse.

गृञ्जनं चुक्रिकां चुक्रं वरुमां चनपत्त्रिकाम् । जीवं च शतपुष्पां च नालिकां गन्धशूकरम्

gṛñjanaṃ cukrikāṃ cukraṃ varumāṃ canapattrikām / jīvaṃ ca śatapuṣpāṃ ca nālikāṃ gandhaśūkaram

Sanskrit only: no published translation is held for this verse.

हलभृत्यं सर्षपं च पलाण्डुं लशुनं त्यजेत् । मानकन्दं विषकन्दं वज्रकन्दं गदास्थिकम्

halabhṛtyaṃ sarṣapaṃ ca palāṇḍuṃ laśunaṃ tyajet / mānakandaṃ viṣakandaṃ vajrakandaṃ gadāsthikam

Sanskrit only: no published translation is held for this verse.

पुरुषाल्वं सपिण्डालुं श्राद्धकर्मणि वर्जयेत् । अलाबुं तिक्तपर्णां च कूष्माण्डं कटुकत्रयम्

puruṣālvaṃ sapiṇḍāluṃ śrāddhakarmaṇi varjayet / alābuṃ tiktaparṇāṃ ca kūṣmāṇḍaṃ kaṭukatrayam

Sanskrit only: no published translation is held for this verse.

वार्ताकं शिवजातं च लोमशानि वटानि च । कालीयं रक्तवाणां च बलाका लकुचं तथा

vārtākaṃ śivajātaṃ ca lomaśāni vaṭāni ca / kālīyaṃ raktavāṇāṃ ca balākā lakucaṃ tathā

Sanskrit only: no published translation is held for this verse.

श्राद्धकर्मणि वर्ज्यानि विभीतकफलं तथा । आरनालं च शुक्तं च शीर्णं पर्युषितं तथा

śrāddhakarmaṇi varjyāni vibhītakaphalaṃ tathā / āranālaṃ ca śuktaṃ ca śīrṇaṃ paryuṣitaṃ tathā

Sanskrit only: no published translation is held for this verse.

नोग्रगन्धं च दातव्यं कोविदारकशिग्रुकौ । अत्यम्लं पिच्छिलं सूक्ष्मं यातयामं च सत्तमाः

nogragandhaṃ ca dātavyaṃ kovidārakaśigrukau / atyamlaṃ picchilaṃ sūkṣmaṃ yātayāmaṃ ca sattamāḥ

Sanskrit only: no published translation is held for this verse.

न च देयं गतरसं मद्यगन्धं च यद् भवेत् । हिङ्गूग्रगन्धं फणिशं भूनिम्बं निम्बराजिके

na ca deyaṃ gatarasaṃ madyagandhaṃ ca yad bhavet / hiṅgūgragandhaṃ phaṇiśaṃ bhūnimbaṃ nimbarājike

Sanskrit only: no published translation is held for this verse.

कुस्तुम्बुरुं कलिङ्गोत्थं वर्जयेद् अम्लवेतसम् । दाडिमं मागधीं चैव नागरार्द्रकतित्तिडीः

kustumburuṃ kaliṅgotthaṃ varjayed amlavetasam / dāḍimaṃ māgadhīṃ caiva nāgarārdrakatittiḍīḥ

Sanskrit only: no published translation is held for this verse.

आम्रातकं जीवकं च तुम्बुरुं च नियोजयेत् । पायसं शाल्मलीमुद्गान् मोदकादींश् च भक्तितः

āmrātakaṃ jīvakaṃ ca tumburuṃ ca niyojayet / pāyasaṃ śālmalīmudgān modakādīṃś ca bhaktitaḥ

Sanskrit only: no published translation is held for this verse.

पानकं च रसालं च गोक्षीरं च निवेदयेत् । यानि चाभ्यवहार्याणि स्वादुस्निग्धानि भो द्विजाः

pānakaṃ ca rasālaṃ ca gokṣīraṃ ca nivedayet / yāni cābhyavahāryāṇi svādusnigdhāni bho dvijāḥ

Sanskrit only: no published translation is held for this verse.

ईषदम्लकटून्य् एव देयानि श्राद्धकर्मणि । अत्यम्लं चातिलवणम् अतिरिक्तकटूनि च

īṣadamlakaṭūny eva deyāni śrāddhakarmaṇi / atyamlaṃ cātilavaṇam atiriktakaṭūni ca

Sanskrit only: no published translation is held for this verse.

आसुराणीह भोज्यानि तान्य् अतो दूरतस् त्यजेत् । मृष्टस्निग्धानि यानि स्युर् ईषत्कट्वम्लकानि च

āsurāṇīha bhojyāni tāny ato dūratas tyajet / mṛṣṭasnigdhāni yāni syur īṣatkaṭvamlakāni ca

Sanskrit only: no published translation is held for this verse.

स्वादूनि देवभोज्यानि तानि श्राद्धे नियोजयेत् । छागमांसं वार्तिकं च तैत्तिरं शशकामिषम्

svādūni devabhojyāni tāni śrāddhe niyojayet / chāgamāṃsaṃ vārtikaṃ ca taittiraṃ śaśakāmiṣam

Sanskrit only: no published translation is held for this verse.

शिवालावकराजीव- मांसं श्राद्धे नियोजयेत् । वाघ्रीणसं रक्तशिवं लोहं शल्कसमन्वितम्

śivālāvakarājīva- māṃsaṃ śrāddhe niyojayet / vāghrīṇasaṃ raktaśivaṃ lohaṃ śalkasamanvitam

Sanskrit only: no published translation is held for this verse.

सिंहतुण्डं च खड्गं च श्राद्धे योज्यं तथोच्यते । यद् अप्य् उक्तं हि मनुना रोहितं प्रतियोजयेत्

siṃhatuṇḍaṃ ca khaḍgaṃ ca śrāddhe yojyaṃ tathocyate / yad apy uktaṃ hi manunā rohitaṃ pratiyojayet

Sanskrit only: no published translation is held for this verse.

योक्तव्यं हव्यकव्येषु तथा न विप्रयोजयेत् । एवम् उक्तं मया विप्रा वाराहेणावलोकितम्

yoktavyaṃ havyakavyeṣu tathā na viprayojayet / evam uktaṃ mayā viprā vārāheṇāvalokitam

Sanskrit only: no published translation is held for this verse.

मया निषिद्धं भुञ्जानो रौरवं नरकं व्रजेत् । एतानि च निषिद्धानि वाराहेण तपोधनाः

mayā niṣiddhaṃ bhuñjāno rauravaṃ narakaṃ vrajet / etāni ca niṣiddhāni vārāheṇa tapodhanāḥ

Sanskrit only: no published translation is held for this verse.

अभक्ष्याणि द्विजातीनां न देयानि पितृष्व् अपि । रोहितं शूकरं कूर्मं गोधाहंसं च वर्जयेत्

abhakṣyāṇi dvijātīnāṃ na deyāni pitṛṣv api / rohitaṃ śūkaraṃ kūrmaṃ godhāhaṃsaṃ ca varjayet

Sanskrit only: no published translation is held for this verse.

चक्रवाकं च मद्गुं च शल्कहीनांश् च मत्स्यकान् । कुररं च निरस्थिं च वासहातं च कुक्कुटान्

cakravākaṃ ca madguṃ ca śalkahīnāṃś ca matsyakān / kuraraṃ ca nirasthiṃ ca vāsahātaṃ ca kukkuṭān

Sanskrit only: no published translation is held for this verse.

कलविङ्कमयूरांश् च भारद्वाजांश् च शार्ङ्गकान् । नकुलोलूकमार्जारांल् लोपान् अन्यान् सुदुर्ग्रहान्

kalaviṅkamayūrāṃś ca bhāradvājāṃś ca śārṅgakān / nakulolūkamārjārāṃl lopān anyān sudurgrahān

Sanskrit only: no published translation is held for this verse.

टिट्टिभान् सार्धजम्बूकान् व्याघ्र-ऋक्षतरक्षुकान् । एतान् अन्यांश् च संदुष्टान् यो भक्षयति दुर्मतिः

ṭiṭṭibhān sārdhajambūkān vyāghra-ṛkṣatarakṣukān / etān anyāṃś ca saṃduṣṭān yo bhakṣayati durmatiḥ

Sanskrit only: no published translation is held for this verse.

स महापापकारी तु रौरवं नरकं व्रजेत् । पितृष्व् एतांस् तु यो दद्यात् पापात्मा गर्हितामिषान्

sa mahāpāpakārī tu rauravaṃ narakaṃ vrajet / pitṛṣv etāṃs tu yo dadyāt pāpātmā garhitāmiṣān

Sanskrit only: no published translation is held for this verse.

स स्वर्गस्थान् अपि पितॄन् नरके पातयिष्यति । कुसुम्भशाकं जम्बीरं सिग्रुकं कोविदारकम्

sa svargasthān api pitṝn narake pātayiṣyati / kusumbhaśākaṃ jambīraṃ sigrukaṃ kovidārakam

Sanskrit only: no published translation is held for this verse.

पिण्याकं विप्रुषं चैव मसूरं गृञ्जनं शणम् । कोद्रवं कोकिलाक्षं च चुक्रं कम्बुकपद्मकम्

piṇyākaṃ vipruṣaṃ caiva masūraṃ gṛñjanaṃ śaṇam / kodravaṃ kokilākṣaṃ ca cukraṃ kambukapadmakam

Sanskrit only: no published translation is held for this verse.

चकोरश्येनमांसं च वर्तुलालाबुतालिनीम् । फलं तालतरूणां च भुक्त्या नरकम् ऋच्छति

cakoraśyenamāṃsaṃ ca vartulālābutālinīm / phalaṃ tālatarūṇāṃ ca bhuktyā narakam ṛcchati

Sanskrit only: no published translation is held for this verse.

दत्त्वा पितृषु तैः सार्धं व्रजेत् पूयवहं नरः । तस्मात् सर्वप्रयत्नेन नाहरेत् तु विचक्षणः

dattvā pitṛṣu taiḥ sārdhaṃ vrajet pūyavahaṃ naraḥ / tasmāt sarvaprayatnena nāharet tu vicakṣaṇaḥ

Sanskrit only: no published translation is held for this verse.

निषिद्धानि वराहेण स्वयं पित्रर्थम् आदरात् । वरम् एवात्ममांसस्य भक्षणं मुनयः कृतम्

niṣiddhāni varāheṇa svayaṃ pitrartham ādarāt / varam evātmamāṃsasya bhakṣaṇaṃ munayaḥ kṛtam

Sanskrit only: no published translation is held for this verse.

न त्व् एव हि निषिद्धानाम् आदानं पुंभिर् आदरात् । अज्ञानाद् वा प्रमादाद् वा सकृद् एतानि च द्विजाः

na tv eva hi niṣiddhānām ādānaṃ puṃbhir ādarāt / ajñānād vā pramādād vā sakṛd etāni ca dvijāḥ

Sanskrit only: no published translation is held for this verse.

भक्षितानि निषिद्धानि प्रायश्चित्तं ततश् चरेत् । फलमूलदधिक्षीर- तक्रगोमूत्रयावकैः

bhakṣitāni niṣiddhāni prāyaścittaṃ tataś caret / phalamūladadhikṣīra- takragomūtrayāvakaiḥ

Sanskrit only: no published translation is held for this verse.

भोज्यान्नभोज्यसंभुक्ते प्रत्येकं दिनसप्तकम् । एवं निषिद्धाचरणे कृते सकृद् अपि द्विजैः

bhojyānnabhojyasaṃbhukte pratyekaṃ dinasaptakam / evaṃ niṣiddhācaraṇe kṛte sakṛd api dvijaiḥ

Sanskrit only: no published translation is held for this verse.

शुद्धिं नेयं शरीरं तु विष्णुभक्तैर् विशेषतः । निषिद्धं वर्जयेद् द्रव्यं यथोक्तं च द्विजोत्तमाः

śuddhiṃ neyaṃ śarīraṃ tu viṣṇubhaktair viśeṣataḥ / niṣiddhaṃ varjayed dravyaṃ yathoktaṃ ca dvijottamāḥ

Sanskrit only: no published translation is held for this verse.

समाहृत्य ततः श्राद्धं कर्तव्यं निजशक्तितः । एवं विधानतः श्राद्धं कृत्वा स्वविभवोचितम् । आब्रह्मस्तम्बपर्यन्तं जगत् प्रीणाति मानवः

samāhṛtya tataḥ śrāddhaṃ kartavyaṃ nijaśaktitaḥ / evaṃ vidhānataḥ śrāddhaṃ kṛtvā svavibhavocitam / ābrahmastambaparyantaṃ jagat prīṇāti mānavaḥ

Sanskrit only: no published translation is held for this verse.

मुनय ऊचुः: पिता जीवति यस्याथ मृतौ द्वौ पितरौ पितुः । कथं श्राद्धं हि कर्तव्यम् एतद् विस्तरशो वद

munaya ūcuḥ: pitā jīvati yasyātha mṛtau dvau pitarau pituḥ / kathaṃ śrāddhaṃ hi kartavyam etad vistaraśo vada

Sanskrit only: no published translation is held for this verse.

व्यास उवाच: यस्मै दद्यात् पिता श्राद्धं तस्मै दद्यात् सुतः स्वयम् । एवं न हीयते धर्मो लौकिको वैदिकस् तथा

vyāsa uvāca: yasmai dadyāt pitā śrāddhaṃ tasmai dadyāt sutaḥ svayam / evaṃ na hīyate dharmo laukiko vaidikas tathā

Sanskrit only: no published translation is held for this verse.

मुनय ऊचुः: मृतः पिता जीवति च यस्य ब्रह्मन् पितामहः । स हि श्राद्धं कथं कुर्याद् एतत् त्वं वक्तुम् अर्हसि

munaya ūcuḥ: mṛtaḥ pitā jīvati ca yasya brahman pitāmahaḥ / sa hi śrāddhaṃ kathaṃ kuryād etat tvaṃ vaktum arhasi

Sanskrit only: no published translation is held for this verse.

व्यास उवाच: पितुः पिण्डं प्रदद्याच् च भोजयेच् च पितामहम् । प्रपितामहस्य पिण्डं वै ह्य् अयं शास्त्रेषु निर्णयः

vyāsa uvāca: pituḥ piṇḍaṃ pradadyāc ca bhojayec ca pitāmaham / prapitāmahasya piṇḍaṃ vai hy ayaṃ śāstreṣu nirṇayaḥ

Sanskrit only: no published translation is held for this verse.

मृतेषु पिण्डं दातव्यं जीवन्तं चापि भोजयेत् । सपिण्डीकरणं नास्ति न च पार्वणम् इष्यते

mṛteṣu piṇḍaṃ dātavyaṃ jīvantaṃ cāpi bhojayet / sapiṇḍīkaraṇaṃ nāsti na ca pārvaṇam iṣyate

Sanskrit only: no published translation is held for this verse.

आचारम् आचरेद् यस् तु पितृमेधाश्रितं नरः । आयुषा धनपुत्रैश् च वर्धत्य् आशु न संशयः

ācāram ācared yas tu pitṛmedhāśritaṃ naraḥ / āyuṣā dhanaputraiś ca vardhaty āśu na saṃśayaḥ

Sanskrit only: no published translation is held for this verse.

पितृमेधाध्यायम् इमं श्राद्धकालेषु यः पठेत् । तद् अन्नम् अस्य पितरो ऽश्नन्ति च त्रियुगं द्विजाः

pitṛmedhādhyāyam imaṃ śrāddhakāleṣu yaḥ paṭhet / tad annam asya pitaro 'śnanti ca triyugaṃ dvijāḥ

Sanskrit only: no published translation is held for this verse.