Library·Brahma-Purana·226
व्यास उवाच: श्रुत्वैवं सा जगन्माता भर्तुर् वचनम् आदितः । हृष्टा बभूव सुप्रीता विस्मिता च तदा द्विजाः
vyāsa uvāca: śrutvaivaṃ sā jaganmātā bhartur vacanam āditaḥ / hṛṣṭā babhūva suprītā vismitā ca tadā dvijāḥ
Sanskrit only: no published translation is held for this verse.
ये तत्रासन् मुनिवरास् त्रिपुरारेः समीपतः । तीर्थयात्राप्रसङ्गेन गतास् तस्मिन् गिरौ द्विजाः
ye tatrāsan munivarās tripurāreḥ samīpataḥ / tīrthayātrāprasaṅgena gatās tasmin girau dvijāḥ
Sanskrit only: no published translation is held for this verse.
ते ऽपि संपूज्य तं देवं शूलपाणिं प्रणम्य च । पप्रच्छुः संशयं चैव लोकानां हितकाम्यया
te 'pi saṃpūjya taṃ devaṃ śūlapāṇiṃ praṇamya ca / papracchuḥ saṃśayaṃ caiva lokānāṃ hitakāmyayā
Sanskrit only: no published translation is held for this verse.
मुनय ऊचुः: त्रिलोचन नमस् ते ऽस्तु दक्षक्रतुविनाशन । पृच्छामस् त्वां जगन्नाथ संशयं हृदि संस्थितम्
munaya ūcuḥ: trilocana namas te 'stu dakṣakratuvināśana / pṛcchāmas tvāṃ jagannātha saṃśayaṃ hṛdi saṃsthitam
Sanskrit only: no published translation is held for this verse.
संसारे ऽस्मिन् महाघोरे भैरवे लोमहर्षणे । भ्रमन्ति सुचिरं कालं पुरुषाश् चाल्पमेधसः
saṃsāre 'smin mahāghore bhairave lomaharṣaṇe / bhramanti suciraṃ kālaṃ puruṣāś cālpamedhasaḥ
Sanskrit only: no published translation is held for this verse.
येनोपायेन मुच्यन्ते जन्मसंसारबन्धनात् । ब्रूहि तच् छ्रोतुम् इच्छामः परं कौतूहलं हि नः
yenopāyena mucyante janmasaṃsārabandhanāt / brūhi tac chrotum icchāmaḥ paraṃ kautūhalaṃ hi naḥ
Sanskrit only: no published translation is held for this verse.
महेश्वर उवाच: कर्मपाशनिबद्धानां नराणां दुःखभागिनाम् । नान्योपायं प्रपश्यामि वासुदेवात् परं द्विजाः
maheśvara uvāca: karmapāśanibaddhānāṃ narāṇāṃ duḥkhabhāginām / nānyopāyaṃ prapaśyāmi vāsudevāt paraṃ dvijāḥ
Sanskrit only: no published translation is held for this verse.
ये पूजयन्ति तं देवं शङ्खचक्रगदाधरम् । वाङ्मनःकर्मभिः सम्यक् ते यान्ति परमां गतिम्
ye pūjayanti taṃ devaṃ śaṅkhacakragadādharam / vāṅmanaḥkarmabhiḥ samyak te yānti paramāṃ gatim
Sanskrit only: no published translation is held for this verse.
किं तेषां जीवितेनेह पशुवच् चेष्टितेन च । येषां न प्रवणं चित्तं वासुदेवे जगन्मये
kiṃ teṣāṃ jīviteneha paśuvac ceṣṭitena ca / yeṣāṃ na pravaṇaṃ cittaṃ vāsudeve jaganmaye
Sanskrit only: no published translation is held for this verse.
ऋषय ऊचुः: पिनाकिन् भगनेत्रघ्न सर्वलोकनमस्कृत । माहात्म्यं वासुदेवस्य श्रोतुम् इच्छाम शंकर
ṛṣaya ūcuḥ: pinākin bhaganetraghna sarvalokanamaskṛta / māhātmyaṃ vāsudevasya śrotum icchāma śaṃkara
Sanskrit only: no published translation is held for this verse.
महेश्वर उवाच: पितामहाद् अपि वरः शाश्वतः पुरुषो हरिः । कृष्णो जाम्बूनदाभासो व्यभ्रे सूर्य इवोदितः
maheśvara uvāca: pitāmahād api varaḥ śāśvataḥ puruṣo hariḥ / kṛṣṇo jāmbūnadābhāso vyabhre sūrya ivoditaḥ
Sanskrit only: no published translation is held for this verse.
दशबाहुर् महातेजा देवतारिनिषूदनः । श्रीवत्साङ्को हृषीकेशः सर्वदैवतयूथपः
daśabāhur mahātejā devatāriniṣūdanaḥ / śrīvatsāṅko hṛṣīkeśaḥ sarvadaivatayūthapaḥ
Sanskrit only: no published translation is held for this verse.
ब्रह्मा तस्योदरभवस् तस्याहं च शिरोभवः । शिरोरुहेभ्यो ज्योतींषि रोमभ्यश् च सुरासुराः
brahmā tasyodarabhavas tasyāhaṃ ca śirobhavaḥ / śiroruhebhyo jyotīṃṣi romabhyaś ca surāsurāḥ
Sanskrit only: no published translation is held for this verse.
ऋषयो देहसंभूतास् तस्य लोकाश् च शाश्वताः । पितामहगृहं साक्षात् सर्वदेवगृहं च सः
ṛṣayo dehasaṃbhūtās tasya lokāś ca śāśvatāḥ / pitāmahagṛhaṃ sākṣāt sarvadevagṛhaṃ ca saḥ
Sanskrit only: no published translation is held for this verse.
सो ऽस्याः पृथिव्याः कृत्स्नायाः स्रष्टा त्रिभुवनेश्वरः । संहर्ता चैव भूतानां स्थावरस्य चरस्य च
so 'syāḥ pṛthivyāḥ kṛtsnāyāḥ sraṣṭā tribhuvaneśvaraḥ / saṃhartā caiva bhūtānāṃ sthāvarasya carasya ca
Sanskrit only: no published translation is held for this verse.
स हि देवदेवः साक्षाद् देवनाथः परंतपः । सर्वज्ञः सर्वसंस्रष्टा सर्वगः सर्वतोमुखः
sa hi devadevaḥ sākṣād devanāthaḥ paraṃtapaḥ / sarvajñaḥ sarvasaṃsraṣṭā sarvagaḥ sarvatomukhaḥ
Sanskrit only: no published translation is held for this verse.
न तस्मात् परमं भूतं त्रिषु लोकेषु किंचन । सनातनो महाभागो गोविन्द इति विश्रुतः
na tasmāt paramaṃ bhūtaṃ triṣu lokeṣu kiṃcana / sanātano mahābhāgo govinda iti viśrutaḥ
Sanskrit only: no published translation is held for this verse.
स सर्वान् पार्थिवान् संख्ये घातयिष्यति मानदः । सुरकार्यार्थम् उत्पन्नो मानुष्यं वपुर् आस्थितः
sa sarvān pārthivān saṃkhye ghātayiṣyati mānadaḥ / surakāryārtham utpanno mānuṣyaṃ vapur āsthitaḥ
Sanskrit only: no published translation is held for this verse.
नहि देवगणाः शक्तास् त्रिविक्रमविनाकृताः । भुवने देवकार्याणि कर्तुं नायकवर्जितः
nahi devagaṇāḥ śaktās trivikramavinākṛtāḥ / bhuvane devakāryāṇi kartuṃ nāyakavarjitaḥ
Sanskrit only: no published translation is held for this verse.
नायकः सर्वभूतानां सर्वभूतनमस्कृतः । एतस्य देवनाथस्य कार्यस्य च परस्य च
nāyakaḥ sarvabhūtānāṃ sarvabhūtanamaskṛtaḥ / etasya devanāthasya kāryasya ca parasya ca
Sanskrit only: no published translation is held for this verse.
ब्रह्मभूतस्य सततं ब्रह्मर्षिशरणस्य च । ब्रह्मा वसति नाभिस्थः शरीरे ऽहं च संस्थितः
brahmabhūtasya satataṃ brahmarṣiśaraṇasya ca / brahmā vasati nābhisthaḥ śarīre 'haṃ ca saṃsthitaḥ
Sanskrit only: no published translation is held for this verse.
सर्वाः सुखं संस्थिताश् च शरीरे तस्य देवताः । स देवः पुण्डरीकाक्षः श्रीगर्भः श्रीसहोषितः
sarvāḥ sukhaṃ saṃsthitāś ca śarīre tasya devatāḥ / sa devaḥ puṇḍarīkākṣaḥ śrīgarbhaḥ śrīsahoṣitaḥ
Sanskrit only: no published translation is held for this verse.
शार्ङ्गचक्रायुधः खड्गी सर्वनागरिपुध्वजः । उत्तमेन सुशीलेन शौचेन च दमेन च
śārṅgacakrāyudhaḥ khaḍgī sarvanāgaripudhvajaḥ / uttamena suśīlena śaucena ca damena ca
Sanskrit only: no published translation is held for this verse.
पराक्रमेण वीर्येण वपुषा दर्शनेन च । आरोहणप्रमाणेन वीर्येणार्जवसंपदा
parākrameṇa vīryeṇa vapuṣā darśanena ca / ārohaṇapramāṇena vīryeṇārjavasaṃpadā
Sanskrit only: no published translation is held for this verse.
आनृशंस्येन रूपेण बलेन च समन्वितः । अस्त्रैः समुदितः सर्वैर् दिव्यैर् अद्भुतदर्शनैः
ānṛśaṃsyena rūpeṇa balena ca samanvitaḥ / astraiḥ samuditaḥ sarvair divyair adbhutadarśanaiḥ
Sanskrit only: no published translation is held for this verse.
योगमायासहस्राक्षो विरूपाक्षो महामनाः । वाचा मित्रजनश्लाघी ज्ञातिबन्धुजनप्रियः
yogamāyāsahasrākṣo virūpākṣo mahāmanāḥ / vācā mitrajanaślāghī jñātibandhujanapriyaḥ
Sanskrit only: no published translation is held for this verse.
क्षमावांश् चानहंवादी स देवो ब्रह्मदायकः । भयहर्ता भयार्तानां मित्रानन्दविवर्धनः
kṣamāvāṃś cānahaṃvādī sa devo brahmadāyakaḥ / bhayahartā bhayārtānāṃ mitrānandavivardhanaḥ
Sanskrit only: no published translation is held for this verse.
शरण्यः सर्वभूतानां दीनानां पालने रतः । श्रुतवान् अथ संपन्नः सर्वभूतनमस्कृतः
śaraṇyaḥ sarvabhūtānāṃ dīnānāṃ pālane rataḥ / śrutavān atha saṃpannaḥ sarvabhūtanamaskṛtaḥ
Sanskrit only: no published translation is held for this verse.
समाश्रितानाम् उपकृच् छत्रूणां भयकृत् तथा । नीतिज्ञो नीतिसंपन्नो ब्रह्मवादी जितेन्द्रियः
samāśritānām upakṛc chatrūṇāṃ bhayakṛt tathā / nītijño nītisaṃpanno brahmavādī jitendriyaḥ
Sanskrit only: no published translation is held for this verse.
भवार्थम् एव देवानां बुद्ध्या परमया युतः । प्राजापत्ये शुभे मार्गे मानवे धर्मसंस्कृते
bhavārtham eva devānāṃ buddhyā paramayā yutaḥ / prājāpatye śubhe mārge mānave dharmasaṃskṛte
Sanskrit only: no published translation is held for this verse.
समुत्पत्स्यति गोविन्दो मनोर् वंशे महात्मनः । अंशो नाम मनोः पुत्रो ह्य् अन्तर्धामा ततः परम्
samutpatsyati govindo manor vaṃśe mahātmanaḥ / aṃśo nāma manoḥ putro hy antardhāmā tataḥ param
Sanskrit only: no published translation is held for this verse.
अन्तर्धाम्नो हविर्धामा प्रजापतिर् अनिन्दितः । प्राचीनबर्हिर् भविता हविर्धाम्नः सुतो द्विजाः
antardhāmno havirdhāmā prajāpatir aninditaḥ / prācīnabarhir bhavitā havirdhāmnaḥ suto dvijāḥ
Sanskrit only: no published translation is held for this verse.
तस्य प्रचेतःप्रमुखा भविष्यन्ति दशात्मजाः । प्राचेतसस् तथा दक्षो भवितेह प्रजापतिः
tasya pracetaḥpramukhā bhaviṣyanti daśātmajāḥ / prācetasas tathā dakṣo bhaviteha prajāpatiḥ
Sanskrit only: no published translation is held for this verse.
दाक्षायण्यस् तथादित्यो मनुर् आदित्यतस् ततः । मनोश् च वंशज इला सुद्युम्नश् च भविष्यति
dākṣāyaṇyas tathādityo manur ādityatas tataḥ / manoś ca vaṃśaja ilā sudyumnaś ca bhaviṣyati
Sanskrit only: no published translation is held for this verse.
बुधात् पुरूरवाश् चापि तस्माद् आयुर् भविष्यति । नहुषो भविता तस्माद् ययातिस् तस्य चात्मजः
budhāt purūravāś cāpi tasmād āyur bhaviṣyati / nahuṣo bhavitā tasmād yayātis tasya cātmajaḥ
Sanskrit only: no published translation is held for this verse.
यदुस् तस्मान् महासत्त्वः क्रोष्टा तस्माद् भविष्यति । क्रोष्टुश् चैव महान् पुत्रो वृजिनीवान् भविष्यति
yadus tasmān mahāsattvaḥ kroṣṭā tasmād bhaviṣyati / kroṣṭuś caiva mahān putro vṛjinīvān bhaviṣyati
Sanskrit only: no published translation is held for this verse.
वृजिनीवतश् च भविता उषङ्गुर् अपराजितः । उषङ्गोर् भविता पुत्रः शूरश् चित्ररथस् तथा
vṛjinīvataś ca bhavitā uṣaṅgur aparājitaḥ / uṣaṅgor bhavitā putraḥ śūraś citrarathas tathā
Sanskrit only: no published translation is held for this verse.
तस्य त्व् अवरजः पुत्रः शूरो नाम भविष्यति । तेषां विख्यातवीर्याणां चारित्रगुणशालिनाम्
tasya tv avarajaḥ putraḥ śūro nāma bhaviṣyati / teṣāṃ vikhyātavīryāṇāṃ cāritraguṇaśālinām
Sanskrit only: no published translation is held for this verse.
यज्विनां च विशुद्धानां वंशे ब्राह्मणसत्तमाः । स शूरः क्षत्रियश्रेष्ठो महावीर्यो महायशाः
yajvināṃ ca viśuddhānāṃ vaṃśe brāhmaṇasattamāḥ / sa śūraḥ kṣatriyaśreṣṭho mahāvīryo mahāyaśāḥ
Sanskrit only: no published translation is held for this verse.
स्ववंशविस्तारकरं जनयिष्यति मानदम् । वसुदेवम् इति ख्यातं पुत्रम् आनकदुन्दुभिम्
svavaṃśavistārakaraṃ janayiṣyati mānadam / vasudevam iti khyātaṃ putram ānakadundubhim
Sanskrit only: no published translation is held for this verse.
तस्य पुत्रश् चतुर्बाहुर् वासुदेवो भविष्यति । दाता ब्राह्मणसत्कर्ता ब्रह्मभूतो द्विजप्रियः
tasya putraś caturbāhur vāsudevo bhaviṣyati / dātā brāhmaṇasatkartā brahmabhūto dvijapriyaḥ
Sanskrit only: no published translation is held for this verse.
राज्ञो बद्धान् स सर्वान् वै मोक्षयिष्यति यादवः । जरासंधं तु राजानं निर्जित्य गिरिगह्वरे
rājño baddhān sa sarvān vai mokṣayiṣyati yādavaḥ / jarāsaṃdhaṃ tu rājānaṃ nirjitya girigahvare
Sanskrit only: no published translation is held for this verse.
सर्वपार्थिवरत्नाढ्यो भविष्यति स वीर्यवान् । पृथिव्याम् अप्रतिहतो वीर्येणापि भविष्यति
sarvapārthivaratnāḍhyo bhaviṣyati sa vīryavān / pṛthivyām apratihato vīryeṇāpi bhaviṣyati
Sanskrit only: no published translation is held for this verse.
विक्रमेण च संपन्नः सर्वपार्थिवपार्थिवः । शूरः संहननो भूतो द्वारकायां वसन् प्रभुः
vikrameṇa ca saṃpannaḥ sarvapārthivapārthivaḥ / śūraḥ saṃhanano bhūto dvārakāyāṃ vasan prabhuḥ
Sanskrit only: no published translation is held for this verse.
पालयिष्यति गां देवीं विनिर्जित्य दुराशयान् । तं भवन्तः समासाद्य ब्राह्मणैर् अर्हणैर् वरैः
pālayiṣyati gāṃ devīṃ vinirjitya durāśayān / taṃ bhavantaḥ samāsādya brāhmaṇair arhaṇair varaiḥ
Sanskrit only: no published translation is held for this verse.
अर्चयन्तु यथान्यायं ब्रह्माणम् इव शाश्वतम् । यो हि मां द्रष्टुम् इच्छेत ब्रह्माणं च पितामहम्
arcayantu yathānyāyaṃ brahmāṇam iva śāśvatam / yo hi māṃ draṣṭum iccheta brahmāṇaṃ ca pitāmaham
Sanskrit only: no published translation is held for this verse.
द्रष्टव्यस् तेन भगवान् वासुदेवः प्रतापवान् । दृष्टे तस्मिन्न् अहं दृष्टो न मे ऽत्रास्ति विचारणा
draṣṭavyas tena bhagavān vāsudevaḥ pratāpavān / dṛṣṭe tasminn ahaṃ dṛṣṭo na me 'trāsti vicāraṇā
Sanskrit only: no published translation is held for this verse.
पितामहो वासुदेव इति वित्त तपोधनाः । स यस्य पुण्डरीकाक्षः प्रीतियुक्तो भविष्यति
pitāmaho vāsudeva iti vitta tapodhanāḥ / sa yasya puṇḍarīkākṣaḥ prītiyukto bhaviṣyati
Sanskrit only: no published translation is held for this verse.
तस्य देवगणः प्रीतो ब्रह्मपूर्वो भविष्यति । यस् तु तं मानवो लोके संश्रयिष्यति केशवम्
tasya devagaṇaḥ prīto brahmapūrvo bhaviṣyati / yas tu taṃ mānavo loke saṃśrayiṣyati keśavam
Sanskrit only: no published translation is held for this verse.
तस्य कीर्तिर् यशश् चैव स्वर्गश् चैव भविष्यति । धर्माणां देशिकः साक्षाद् भविष्यति स धर्मवान्
tasya kīrtir yaśaś caiva svargaś caiva bhaviṣyati / dharmāṇāṃ deśikaḥ sākṣād bhaviṣyati sa dharmavān
Sanskrit only: no published translation is held for this verse.
धर्मविद्भिः स देवेशो नमस्कार्यः सदाच्युतः । धर्म एव सदा हि स्याद् अस्मिन्न् अभ्यर्चिते विभौ
dharmavidbhiḥ sa deveśo namaskāryaḥ sadācyutaḥ / dharma eva sadā hi syād asminn abhyarcite vibhau
Sanskrit only: no published translation is held for this verse.
स हि देवो महातेजाः प्रजाहितचिकीर्षया । धर्मार्थं पुरुषव्याघ्र ऋषिकोटीः ससर्ज च
sa hi devo mahātejāḥ prajāhitacikīrṣayā / dharmārthaṃ puruṣavyāghra ṛṣikoṭīḥ sasarja ca
Sanskrit only: no published translation is held for this verse.
ताः सृष्टास् तेन विधिना पर्वते गन्धमादने । सनत्कुमारप्रमुखास् तिष्ठन्ति तपसान्विताः
tāḥ sṛṣṭās tena vidhinā parvate gandhamādane / sanatkumārapramukhās tiṣṭhanti tapasānvitāḥ
Sanskrit only: no published translation is held for this verse.
तस्मात् स वाग्मी धर्मज्ञो नमस्यो द्विजपुंगवाः । वन्दितो हि स वन्देत मानितो मानयीत च
tasmāt sa vāgmī dharmajño namasyo dvijapuṃgavāḥ / vandito hi sa vandeta mānito mānayīta ca
Sanskrit only: no published translation is held for this verse.
दृष्टः पश्येद् अहरहः संश्रितः प्रतिसंश्रयेत् । अर्चितश् चार्चयेन् नित्यं स देवो द्विजसत्तमाः
dṛṣṭaḥ paśyed aharahaḥ saṃśritaḥ pratisaṃśrayet / arcitaś cārcayen nityaṃ sa devo dvijasattamāḥ
Sanskrit only: no published translation is held for this verse.
एवं तस्यानवद्यस्य विष्णोर् वै परमं तपः । आदिदेवस्य महतः सज्जनाचरितं सदा
evaṃ tasyānavadyasya viṣṇor vai paramaṃ tapaḥ / ādidevasya mahataḥ sajjanācaritaṃ sadā
Sanskrit only: no published translation is held for this verse.
भुवने ऽभ्यर्चितो नित्यं देवैर् अपि सनातनः । अभयेनानुरूपेण प्रपद्य तम् अनुव्रताः
bhuvane 'bhyarcito nityaṃ devair api sanātanaḥ / abhayenānurūpeṇa prapadya tam anuvratāḥ
Sanskrit only: no published translation is held for this verse.
कर्मणा मनसा वाचा स नमस्यो द्विजैः सदा । यत्नवद्भिर् उपस्थाय द्रष्टव्यो देवकीसुतः
karmaṇā manasā vācā sa namasyo dvijaiḥ sadā / yatnavadbhir upasthāya draṣṭavyo devakīsutaḥ
Sanskrit only: no published translation is held for this verse.
एष वै विहितो मार्गो मया वै मुनिसत्तमाः । तं दृष्ट्वा सर्वदेवेशं दृष्टाः स्युः सुरसत्तमाः
eṣa vai vihito mārgo mayā vai munisattamāḥ / taṃ dṛṣṭvā sarvadeveśaṃ dṛṣṭāḥ syuḥ surasattamāḥ
Sanskrit only: no published translation is held for this verse.
महावराहं तं देवं सर्वलोकपितामहम् । अहं चैव नमस्यामि नित्यम् एव जगत्पतिम्
mahāvarāhaṃ taṃ devaṃ sarvalokapitāmaham / ahaṃ caiva namasyāmi nityam eva jagatpatim
Sanskrit only: no published translation is held for this verse.
तत्र च त्रितयं दृष्टं भविष्यति न संशयः । समस्ता हि वयं देवास् तस्य देहे वसामहे
tatra ca tritayaṃ dṛṣṭaṃ bhaviṣyati na saṃśayaḥ / samastā hi vayaṃ devās tasya dehe vasāmahe
Sanskrit only: no published translation is held for this verse.
तस्यैव चाग्रजो भ्राता सिताद्रिनिचयप्रभः । हली बल इति ख्यातो भविष्यति धराधरः
tasyaiva cāgrajo bhrātā sitādrinicayaprabhaḥ / halī bala iti khyāto bhaviṣyati dharādharaḥ
Sanskrit only: no published translation is held for this verse.
त्रिशिरास् तस्य देवस्य दृष्टो ऽनन्त इति प्रभोः । सुपर्णो यस्य वीर्येण कश्यपस्यात्मजो बली
triśirās tasya devasya dṛṣṭo 'nanta iti prabhoḥ / suparṇo yasya vīryeṇa kaśyapasyātmajo balī
Sanskrit only: no published translation is held for this verse.
अन्तं नैवाशकद् द्रष्टुं देवस्य परमात्मनः । स च शेषो विचरते परया वै मुदा युतः
antaṃ naivāśakad draṣṭuṃ devasya paramātmanaḥ / sa ca śeṣo vicarate parayā vai mudā yutaḥ
Sanskrit only: no published translation is held for this verse.
अन्तर्वसति भोगेन परिरभ्य वसुंधराम् । य एष विष्णुः सो ऽनन्तो भगवान् वसुधाधरः
antarvasati bhogena parirabhya vasuṃdharām / ya eṣa viṣṇuḥ so 'nanto bhagavān vasudhādharaḥ
Sanskrit only: no published translation is held for this verse.
यो रामः स हृषीकेशो ऽच्युतः सर्वधराधरः । ताव् उभौ पुरुषव्याघ्रौ दिव्यौ दिव्यपराक्रमौ
yo rāmaḥ sa hṛṣīkeśo 'cyutaḥ sarvadharādharaḥ / tāv ubhau puruṣavyāghrau divyau divyaparākramau
Sanskrit only: no published translation is held for this verse.
द्रष्टव्यौ माननीयौ च चक्रलाङ्गलधारिणौ । एष वो ऽनुग्रहः प्रोक्तो मया पुण्यस् तपोधनाः । तद् भवन्तो यदुश्रेष्ठं पूजयेयुः प्रयत्नतः
draṣṭavyau mānanīyau ca cakralāṅgaladhāriṇau / eṣa vo 'nugrahaḥ prokto mayā puṇyas tapodhanāḥ / tad bhavanto yaduśreṣṭhaṃ pūjayeyuḥ prayatnataḥ
Sanskrit only: no published translation is held for this verse.