Brahma-Purana 228

स्थितं मासं नदीतीरे निराहारं सुराङ्गना । तं दृष्ट्वा निश्चययुतं भूत्वा वृद्धवपुस् ततः

sthitaṃ māsaṃ nadītīre nirāhāraṃ surāṅganā / taṃ dṛṣṭvā niścayayutaṃ bhūtvā vṛddhavapus tataḥ

Sanskrit only: no published translation is held for this verse.

सा चकार नदीतीरे शकटं शर्करावृतम् । घृतेन मधुना चैव नदीं मत्स्योदरीं गता

sā cakāra nadītīre śakaṭaṃ śarkarāvṛtam / ghṛtena madhunā caiva nadīṃ matsyodarīṃ gatā

Sanskrit only: no published translation is held for this verse.

स्नात्वाथ भूमौ वसन्ती शकटं च यथार्थतः । तं ब्राह्मणं समाहूय वाक्यम् आह सुलोचना

snātvātha bhūmau vasantī śakaṭaṃ ca yathārthataḥ / taṃ brāhmaṇaṃ samāhūya vākyam āha sulocanā

Sanskrit only: no published translation is held for this verse.

उर्वश्य् उवाच: मया तीव्रं व्रतं विप्र चीर्णं सौभाग्यकारणात् । व्रतान्ते निष्कृतिं दद्यां प्रतिगृह्णीष्व भो द्विज

urvaśy uvāca: mayā tīvraṃ vrataṃ vipra cīrṇaṃ saubhāgyakāraṇāt / vratānte niṣkṛtiṃ dadyāṃ pratigṛhṇīṣva bho dvija

Sanskrit only: no published translation is held for this verse.

व्यास उवाच: स प्राह किम् इदं लोके दीयते शर्करावृतम् । क्षुत्क्षामकण्ठः पृच्छामि साधु भद्रे समीरय

vyāsa uvāca: sa prāha kim idaṃ loke dīyate śarkarāvṛtam / kṣutkṣāmakaṇṭhaḥ pṛcchāmi sādhu bhadre samīraya

Sanskrit only: no published translation is held for this verse.

सा प्राह शकटो विप्र शर्करापिष्टसंयुतः । इमं त्वं समुपादाय प्राणं तर्पय मा चिरम्

sā prāha śakaṭo vipra śarkarāpiṣṭasaṃyutaḥ / imaṃ tvaṃ samupādāya prāṇaṃ tarpaya mā ciram

Sanskrit only: no published translation is held for this verse.

स तच् छ्रुत्वाथ संस्मृत्य क्षुधया पीडितो ऽपि सन् । प्राह भद्रे न गृह्णामि नियमो हि कृतो मया

sa tac chrutvātha saṃsmṛtya kṣudhayā pīḍito 'pi san / prāha bhadre na gṛhṇāmi niyamo hi kṛto mayā

Sanskrit only: no published translation is held for this verse.

पुरतः सिद्धवर्गस्य न भोक्ष्ये शकटं त्व् इति । परिज्ञानार्थम् उर्वश्या ददस्वान्यस्य कस्यचित्

purataḥ siddhavargasya na bhokṣye śakaṭaṃ tv iti / parijñānārtham urvaśyā dadasvānyasya kasyacit

Sanskrit only: no published translation is held for this verse.

साब्रवीन् नियमो भद्र कृतः काष्ठमये त्वया । नासौ काष्ठमयो भुङ्क्ष्व क्षुधया चातिपीडितः

sābravīn niyamo bhadra kṛtaḥ kāṣṭhamaye tvayā / nāsau kāṣṭhamayo bhuṅkṣva kṣudhayā cātipīḍitaḥ

Sanskrit only: no published translation is held for this verse.

तां ब्राह्मणः प्रत्युवाच न मया तद् विशेषणम् । कृतं भद्रे ऽथ नियमः सामान्येनैव मे कृतः

tāṃ brāhmaṇaḥ pratyuvāca na mayā tad viśeṣaṇam / kṛtaṃ bhadre 'tha niyamaḥ sāmānyenaiva me kṛtaḥ

Sanskrit only: no published translation is held for this verse.

तं भूयः प्राह सा तन्वी न चेद् भोक्ष्यसि ब्राह्मण । गृहं गृहीत्वा गच्छस्व कुटुम्बं तव भोक्ष्यति

taṃ bhūyaḥ prāha sā tanvī na ced bhokṣyasi brāhmaṇa / gṛhaṃ gṛhītvā gacchasva kuṭumbaṃ tava bhokṣyati

Sanskrit only: no published translation is held for this verse.

स ताम् उवाच सुदति न तावद् यामि मन्दिरम् । इहायाता वरारोहा त्रैलोक्ये ऽप्य् अधिका गुणैः

sa tām uvāca sudati na tāvad yāmi mandiram / ihāyātā varārohā trailokye 'py adhikā guṇaiḥ

Sanskrit only: no published translation is held for this verse.

सा मया मदनार्तेन प्रार्थिताश्वासितस् तया । स्थीयतां क्षणम् इत्य् एवं स्थास्यामीति मयोदितम्

sā mayā madanārtena prārthitāśvāsitas tayā / sthīyatāṃ kṣaṇam ity evaṃ sthāsyāmīti mayoditam

Sanskrit only: no published translation is held for this verse.

मासमात्रं गतायास् तु तस्या भद्रे स्थितस्य च । मम सत्यानुरक्तस्य संगमाय धृतव्रते

māsamātraṃ gatāyās tu tasyā bhadre sthitasya ca / mama satyānuraktasya saṃgamāya dhṛtavrate

Sanskrit only: no published translation is held for this verse.

तस्य सा वचनं श्रुत्वा कृत्वा स्वं रूपम् उत्तमम् । विहस्य भावगम्भीरम् उर्वशी प्राह तं द्विजम्

tasya sā vacanaṃ śrutvā kṛtvā svaṃ rūpam uttamam / vihasya bhāvagambhīram urvaśī prāha taṃ dvijam

Sanskrit only: no published translation is held for this verse.

उर्वश्य् उवाच: साधु सत्यं त्वया विप्र व्रतं निष्ठितचेतसा । निष्पादितं हठाद् एव मम दर्शनम् इच्छता

urvaśy uvāca: sādhu satyaṃ tvayā vipra vrataṃ niṣṭhitacetasā / niṣpāditaṃ haṭhād eva mama darśanam icchatā

Sanskrit only: no published translation is held for this verse.

अहम् एवोर्वशी विप्र त्वां जिज्ञासार्थम् आगता । परीक्षितो निश्चितवान् भवान् सत्यतपा ऋषिः

aham evorvaśī vipra tvāṃ jijñāsārtham āgatā / parīkṣito niścitavān bhavān satyatapā ṛṣiḥ

Sanskrit only: no published translation is held for this verse.

गच्छ शूकरवोद्देशं रूपतीर्थेति विश्रुतम् । सिद्धिं यास्यसि विप्रेन्द्र ततस् त्वं माम् अवाप्स्यसि

gaccha śūkaravoddeśaṃ rūpatīrtheti viśrutam / siddhiṃ yāsyasi viprendra tatas tvaṃ mām avāpsyasi

Sanskrit only: no published translation is held for this verse.

व्यास उवाच: इत्य् उक्त्वा दिवम् उत्पत्य सा जगामोर्वशी द्विजाः । स च सत्यतपा विप्रो रूपतीर्थं जगाम ह

vyāsa uvāca: ity uktvā divam utpatya sā jagāmorvaśī dvijāḥ / sa ca satyatapā vipro rūpatīrthaṃ jagāma ha

Sanskrit only: no published translation is held for this verse.

तत्र शान्तिपरो भूत्वा नियमव्रतधृक् शुचिः । देहोत्सर्गे जगामासौ गान्धर्वं लोकम् उत्तमम्

tatra śāntiparo bhūtvā niyamavratadhṛk śuciḥ / dehotsarge jagāmāsau gāndharvaṃ lokam uttamam

Sanskrit only: no published translation is held for this verse.

तत्र मन्वन्तरशतं भोगान् भुक्त्वा यथार्थतः । बभूव सुकुले राजा प्रजारञ्जनतत्परः

tatra manvantaraśataṃ bhogān bhuktvā yathārthataḥ / babhūva sukule rājā prajārañjanatatparaḥ

Sanskrit only: no published translation is held for this verse.

स यज्वा विविधैर् यज्ञैः समाप्तवरदक्षिणैः । पुत्रेषु राज्यं निक्षिप्य ययौ शौकरवं पुनः

sa yajvā vividhair yajñaiḥ samāptavaradakṣiṇaiḥ / putreṣu rājyaṃ nikṣipya yayau śaukaravaṃ punaḥ

Sanskrit only: no published translation is held for this verse.

रूपतीर्थे मृतो भूयः शक्रलोकम् उपागतः । तत्र मन्वन्तरशतं भोगान् भुक्त्वा ततश् च्युतः

rūpatīrthe mṛto bhūyaḥ śakralokam upāgataḥ / tatra manvantaraśataṃ bhogān bhuktvā tataś cyutaḥ

Sanskrit only: no published translation is held for this verse.

प्रतिष्ठाने पुरवरे बुधपुत्रः पुरूरवाः । बभूव तत्र चोर्वश्याः संगमाय तपोधनाः

pratiṣṭhāne puravare budhaputraḥ purūravāḥ / babhūva tatra corvaśyāḥ saṃgamāya tapodhanāḥ

Sanskrit only: no published translation is held for this verse.