यश् चेदं सततं शृणोति मनुजः स्वर्गापवर्गप्रदं ब्र्प् २४६।३४अ विष्णुं लोकगुरुं प्रणम्य वरदं भक्त्येकचित्तः शुचिः ब्र्प् २४६।३४ब् भुक्त्वा चात्र सुखं विमुक्तकलुषः स्वर्गे च दिव्यं सुखं ब्र्प् २४६।३४च् पश्चाद् याति हरेः पदं सुविमलं मुक्तो गुणैः प्राकृतैः ब्र्प् २४६।३४द् तस्माद् विप्रवरैः स्वधर्मनिरतैर् मुक्त्येकमार्गेप्सुभिस् ब्र्प् २४६।३५अ तद्वत् क्षत्रियपुंगवैस् तु नियतैः श्रेयोर्थिभिः सर्वदा ब्र्प् २४६।३५ब् वैश्यैश् चानुदिनं विशुद्धकुलजैः शूद्रैस् तथा धार्मिकैः ब्र्प् २४६।३५च् श्रोतव्यं त्व् इदम् उत्तमं बहुफलं धर्मार्थमोक्षप्रदम् ब्र्प् २४६।३५द् धर्मे मतिर् भवतु वः पुरुषोत्तमानां ब्र्प् २४६।३६अ स ह्य् एक एव परलोकगतस्य बन्धुः ब्र्प् २४६।३६ब् अर्थाः स्त्रियश् च निपुणैर् अपि सेव्यमाना ब्र्प् २४६।३६च् नैव प्रभावम् उपयान्ति न च स्थिरत्वम् ब्र्प् २४६।३६द् धर्मेण राज्यं लभते मनुष्यः ब्र्प् २४६।३७अ स्वर्गं च धर्मेण नरः प्रयाति ब्र्प् २४६।३७ब् आयुश् च कीर्तिं च तपश् च धर्मं ब्र्प् २४६।३७च् धर्मेण मोक्षं लभते मनुष्यः ब्र्प् २४६।३७द् धर्मो ऽत्र मातापितरौ नरस्य ब्र्प् २४६।३८अ धर्मः सखा चात्र परे च लोके ब्र्प् २४६।३८ब् त्राता च धर्मस् त्व् इह मोक्षदश् च ब्र्प् २४६।३८च् धर्माद् ऋते नास्ति तु किंचिद् एव ब्र्प् २४६।३८द् इदं रहस्यं श्रेष्ठं च पुराणं वेदसंमितम् । न देयं दुष्टमतये नास्तिकाय विशेषतः
yaś cedaṃ satataṃ śṛṇoti manujaḥ svargāpavargapradaṃ BrP 246.34a viṣṇuṃ lokaguruṃ praṇamya varadaṃ bhaktyekacittaḥ śuciḥ BrP 246.34b bhuktvā cātra sukhaṃ vimuktakaluṣaḥ svarge ca divyaṃ sukhaṃ BrP 246.34c paścād yāti hareḥ padaṃ suvimalaṃ mukto guṇaiḥ prākṛtaiḥ BrP 246.34d tasmād vipravaraiḥ svadharmaniratair muktyekamārgepsubhis BrP 246.35a tadvat kṣatriyapuṃgavais tu niyataiḥ śreyorthibhiḥ sarvadā BrP 246.35b vaiśyaiś cānudinaṃ viśuddhakulajaiḥ śūdrais tathā dhārmikaiḥ BrP 246.35c śrotavyaṃ tv idam uttamaṃ bahuphalaṃ dharmārthamokṣapradam BrP 246.35d dharme matir bhavatu vaḥ puruṣottamānāṃ BrP 246.36a sa hy eka eva paralokagatasya bandhuḥ BrP 246.36b arthāḥ striyaś ca nipuṇair api sevyamānā BrP 246.36c naiva prabhāvam upayānti na ca sthiratvam BrP 246.36d dharmeṇa rājyaṃ labhate manuṣyaḥ BrP 246.37a svargaṃ ca dharmeṇa naraḥ prayāti BrP 246.37b āyuś ca kīrtiṃ ca tapaś ca dharmaṃ BrP 246.37c dharmeṇa mokṣaṃ labhate manuṣyaḥ BrP 246.37d dharmo 'tra mātāpitarau narasya BrP 246.38a dharmaḥ sakhā cātra pare ca loke BrP 246.38b trātā ca dharmas tv iha mokṣadaś ca BrP 246.38c dharmād ṛte nāsti tu kiṃcid eva BrP 246.38d idaṃ rahasyaṃ śreṣṭhaṃ ca purāṇaṃ vedasaṃmitam / na deyaṃ duṣṭamataye nāstikāya viśeṣataḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.