ब्रह्मोवाच: शृणुध्वं मुनयः सर्वे यद् वो वक्ष्यामि सांप्रतम् । पुराणं वेदसंबद्धं भुक्तिमुक्तिप्रदं शुभम्
brahmovāca: śṛṇudhvaṃ munayaḥ sarve yad vo vakṣyāmi sāṃpratam / purāṇaṃ vedasaṃbaddhaṃ bhuktimuktipradaṃ śubham
Sanskrit only: no published translation is held for this verse.
पृथिव्यां भारतं वर्षं कर्मभूमिर् उदाहृता । कर्मणः फलभूमिश् च स्वर्गं च नरकं तथा
pṛthivyāṃ bhārataṃ varṣaṃ karmabhūmir udāhṛtā / karmaṇaḥ phalabhūmiś ca svargaṃ ca narakaṃ tathā
Sanskrit only: no published translation is held for this verse.
तस्मिन् वर्षे नरः पापं कृत्वा धर्मं च भो द्विजाः । अवश्यं फलम् आप्नोति अशुभस्य शुभस्य च
tasmin varṣe naraḥ pāpaṃ kṛtvā dharmaṃ ca bho dvijāḥ / avaśyaṃ phalam āpnoti aśubhasya śubhasya ca
Sanskrit only: no published translation is held for this verse.
ब्राह्मणाद्याः स्वकं कर्म कृत्वा सम्यक् सुसंयताः । प्राप्नुवन्ति परां सिद्धिं तस्मिन् वर्षे न संशयः
brāhmaṇādyāḥ svakaṃ karma kṛtvā samyak susaṃyatāḥ / prāpnuvanti parāṃ siddhiṃ tasmin varṣe na saṃśayaḥ
Sanskrit only: no published translation is held for this verse.
धर्मं चार्थं च कामं च मोक्षं च द्विजसत्तमाः । प्राप्नोति पुरुषः सर्वं तस्मिन् वर्षे सुसंयतः
dharmaṃ cārthaṃ ca kāmaṃ ca mokṣaṃ ca dvijasattamāḥ / prāpnoti puruṣaḥ sarvaṃ tasmin varṣe susaṃyataḥ
Sanskrit only: no published translation is held for this verse.
इन्द्राद्याश् च सुराः सर्वे तस्मिन् वर्षे द्विजोत्तमाः । कृत्वा सुशोभनं कर्म देवत्वं प्रतिपेदिरे
indrādyāś ca surāḥ sarve tasmin varṣe dvijottamāḥ / kṛtvā suśobhanaṃ karma devatvaṃ pratipedire
Sanskrit only: no published translation is held for this verse.
अन्ये ऽपि लेभिरे मोक्षं पुरुषाः संयतेन्द्रियाः । तस्मिन् वर्षे बुधाः शान्ता वीतरागा विमत्सराः
anye 'pi lebhire mokṣaṃ puruṣāḥ saṃyatendriyāḥ / tasmin varṣe budhāḥ śāntā vītarāgā vimatsarāḥ
Sanskrit only: no published translation is held for this verse.
ये चापि स्वर्गे तिष्ठन्ति विमानेन गतज्वराः । ते ऽपि कृत्वा शुभं कर्म तस्मिन् वर्षे दिवं गताः
ye cāpi svarge tiṣṭhanti vimānena gatajvarāḥ / te 'pi kṛtvā śubhaṃ karma tasmin varṣe divaṃ gatāḥ
Sanskrit only: no published translation is held for this verse.
निवासं भारते वर्ष आकाङ्क्षन्ति सदा सुराः । स्वर्गापवर्गफलदे तत् पश्यामः कदा वयम्
nivāsaṃ bhārate varṣa ākāṅkṣanti sadā surāḥ / svargāpavargaphalade tat paśyāmaḥ kadā vayam
Sanskrit only: no published translation is held for this verse.
मुनय ऊचुः: यद् एतद् भवता प्रोक्तं कर्म नान्यत्र पुण्यदम् । पापाय वा सुरश्रेष्ठ वर्जयित्वा च भारतम्
munaya ūcuḥ: yad etad bhavatā proktaṃ karma nānyatra puṇyadam / pāpāya vā suraśreṣṭha varjayitvā ca bhāratam
Sanskrit only: no published translation is held for this verse.
ततः स्वर्गश् च मोक्षश् च मध्यमं तच् च गम्यते । न खल्व् अन्यत्र मर्त्यानां भूमौ कर्म विधीयते
tataḥ svargaś ca mokṣaś ca madhyamaṃ tac ca gamyate / na khalv anyatra martyānāṃ bhūmau karma vidhīyate
Sanskrit only: no published translation is held for this verse.
तस्माद् विस्तरतो ब्रह्मन्न् अस्माकं भारतं वद । यदि ते ऽस्ति दयास्मासु यथावस्थितिर् एव च
tasmād vistarato brahmann asmākaṃ bhārataṃ vada / yadi te 'sti dayāsmāsu yathāvasthitir eva ca
Sanskrit only: no published translation is held for this verse.
तस्माद् वर्षम् इदं नाथ ये वास्मिन् वर्षपर्वताः । भेदाश् च तस्य वर्षस्य ब्रूहि सर्वान् अशेषतः
tasmād varṣam idaṃ nātha ye vāsmin varṣaparvatāḥ / bhedāś ca tasya varṣasya brūhi sarvān aśeṣataḥ
Sanskrit only: no published translation is held for this verse.
ब्रह्मोवाच: शृणुध्वं भारतं वर्षं नवभेदेन भो द्विजाः । समुद्रान्तरिता ज्ञेयास् ते समाश् च परस्परम्
brahmovāca: śṛṇudhvaṃ bhārataṃ varṣaṃ navabhedena bho dvijāḥ / samudrāntaritā jñeyās te samāś ca parasparam
Sanskrit only: no published translation is held for this verse.
इन्द्रद्वीपः कशेरुश् च ताम्रवर्णो गभस्तिमान् । नागद्वीपस् तथा सौम्यो गान्धर्वो वारुणस् तथा
indradvīpaḥ kaśeruś ca tāmravarṇo gabhastimān / nāgadvīpas tathā saumyo gāndharvo vāruṇas tathā
Sanskrit only: no published translation is held for this verse.
अयं तु नवमस् तेषां द्वीपः सागरसंवृतः । योजनानां सहस्रं वै द्वीपो ऽयं दक्षिणोत्तरः
ayaṃ tu navamas teṣāṃ dvīpaḥ sāgarasaṃvṛtaḥ / yojanānāṃ sahasraṃ vai dvīpo 'yaṃ dakṣiṇottaraḥ
Sanskrit only: no published translation is held for this verse.
पूर्वे किराता यस्यासन् पश्चिमे यवनास् तथा । ब्राह्मणाः क्षत्रिया वैश्याः शूद्राश् चान्ते स्थिता द्विजाः
pūrve kirātā yasyāsan paścime yavanās tathā / brāhmaṇāḥ kṣatriyā vaiśyāḥ śūdrāś cānte sthitā dvijāḥ
Sanskrit only: no published translation is held for this verse.
इज्यायुद्धवणिज्याद्यैः कर्मभिः कृतपावनाः । तेषां संव्यवहारश् च एभिः कर्मभिर् इष्यते
ijyāyuddhavaṇijyādyaiḥ karmabhiḥ kṛtapāvanāḥ / teṣāṃ saṃvyavahāraś ca ebhiḥ karmabhir iṣyate
Sanskrit only: no published translation is held for this verse.
स्वर्गापवर्गहेतुश् च पुण्यं पापं च वै तथा । महेन्द्रो मलयः सह्यः शुक्तिमान् ऋक्षपर्वतः
svargāpavargahetuś ca puṇyaṃ pāpaṃ ca vai tathā / mahendro malayaḥ sahyaḥ śuktimān ṛkṣaparvataḥ
Sanskrit only: no published translation is held for this verse.
विन्ध्यश् च पारियात्रश् च सप्तैवात्र कुलाचलाः । तेषां सहस्रशश् चान्ये भूधरा ये समीपगाः
vindhyaś ca pāriyātraś ca saptaivātra kulācalāḥ / teṣāṃ sahasraśaś cānye bhūdharā ye samīpagāḥ
Sanskrit only: no published translation is held for this verse.
विस्तारोच्छ्रयिणो रम्या विपुलाश् चित्रसानवः । कोलाहलः स वैभ्राजो मन्दरो दर्दलाचलः
vistārocchrayiṇo ramyā vipulāś citrasānavaḥ / kolāhalaḥ sa vaibhrājo mandaro dardalācalaḥ
Sanskrit only: no published translation is held for this verse.
वातंधयो वैद्युतश् च मैनाकः सुरसस् तथा । तुङ्गप्रस्थो नागगिरिर् गोधनः पाण्डराचलः
vātaṃdhayo vaidyutaś ca mainākaḥ surasas tathā / tuṅgaprastho nāgagirir godhanaḥ pāṇḍarācalaḥ
Sanskrit only: no published translation is held for this verse.
पुष्पगिरिर् वैजयन्तो रैवतो ऽर्बुद एव च । ऋष्यमूकः स गोमन्थः कृतशैलः कृताचलः
puṣpagirir vaijayanto raivato 'rbuda eva ca / ṛṣyamūkaḥ sa gomanthaḥ kṛtaśailaḥ kṛtācalaḥ
Sanskrit only: no published translation is held for this verse.
श्रीपार्वतश् चकोरश् च शतशो ऽन्ये च पर्वताः । तैर् विमिश्रा जनपदा म्लेच्छाद्याश् चैव भागशः
śrīpārvataś cakoraś ca śataśo 'nye ca parvatāḥ / tair vimiśrā janapadā mlecchādyāś caiva bhāgaśaḥ
Sanskrit only: no published translation is held for this verse.
तैः पीयन्ते सरिच्छ्रेष्ठास् ता बुध्यध्वं द्विजोत्तमाः । गङ्गा सरस्वती सिन्धुश् चन्द्रभागा तथापरा
taiḥ pīyante saricchreṣṭhās tā budhyadhvaṃ dvijottamāḥ / gaṅgā sarasvatī sindhuś candrabhāgā tathāparā
Sanskrit only: no published translation is held for this verse.
यमुना शतद्रुर् विपाशा वितस्तैरावती कुहूः । गोमती धूतपापा च बाहुदा च दृषद्वती
yamunā śatadrur vipāśā vitastairāvatī kuhūḥ / gomatī dhūtapāpā ca bāhudā ca dṛṣadvatī
Sanskrit only: no published translation is held for this verse.
विपाशा देविका चक्षुर् निष्ठीवा गण्डकी तथा । कौशिकी चापगा चैव हिमवत्पादनिःसृताः
vipāśā devikā cakṣur niṣṭhīvā gaṇḍakī tathā / kauśikī cāpagā caiva himavatpādaniḥsṛtāḥ
Sanskrit only: no published translation is held for this verse.
देवस्मृतिर् देववती वातघ्नी सिन्धुर् एव च । वेण्या तु चन्दना चैव सदानीरा मही तथा
devasmṛtir devavatī vātaghnī sindhur eva ca / veṇyā tu candanā caiva sadānīrā mahī tathā
Sanskrit only: no published translation is held for this verse.
चर्मण्वती वृषी चैव विदिशा वेदवत्य् अपि । सिप्रा ह्य् अवन्ती च तथा पारियात्रानुगाः स्मृताः
carmaṇvatī vṛṣī caiva vidiśā vedavaty api / siprā hy avantī ca tathā pāriyātrānugāḥ smṛtāḥ
Sanskrit only: no published translation is held for this verse.
शोणा महानदी चैव नर्मदा सुरथा क्रिया । मन्दाकिनी दशार्णा च चित्रकूटा तथापरा
śoṇā mahānadī caiva narmadā surathā kriyā / mandākinī daśārṇā ca citrakūṭā tathāparā
Sanskrit only: no published translation is held for this verse.
चित्रोत्पला वेत्रवती करमोदा पिशाचिका । तथान्यातिलघुश्रोणी विपाप्मा शैवला नदी
citrotpalā vetravatī karamodā piśācikā / tathānyātilaghuśroṇī vipāpmā śaivalā nadī
Sanskrit only: no published translation is held for this verse.
सधेरुजा शक्तिमती शकुनी त्रिदिवा क्रमुः । ऋक्षपादप्रसूता वै तथान्या वेगवाहिनी
sadherujā śaktimatī śakunī tridivā kramuḥ / ṛkṣapādaprasūtā vai tathānyā vegavāhinī
Sanskrit only: no published translation is held for this verse.
सिप्रा पयोष्णी निर्विन्ध्या तापी चैव सरिद्वरा । वेणा वैतरणी चैव सिनीवाली कुमुद्वती
siprā payoṣṇī nirvindhyā tāpī caiva saridvarā / veṇā vaitaraṇī caiva sinīvālī kumudvatī
Sanskrit only: no published translation is held for this verse.
तोया चैव महागौरी दुर्गा चान्तःशिला तथा । विन्ध्यपादप्रसूतास् ता नद्यः पुण्यजलाः शुभाः
toyā caiva mahāgaurī durgā cāntaḥśilā tathā / vindhyapādaprasūtās tā nadyaḥ puṇyajalāḥ śubhāḥ
Sanskrit only: no published translation is held for this verse.
गोदावरी भीमरथी कृष्णवेणा तथापगा । तुङ्गभद्रा सुप्रयोगा तथान्या पापनाशिनी
godāvarī bhīmarathī kṛṣṇaveṇā tathāpagā / tuṅgabhadrā suprayogā tathānyā pāpanāśinī
Sanskrit only: no published translation is held for this verse.
सह्यपादविनिष्क्रान्ता इत्य् एताः सरितां वराः । कृतमाला ताम्रपर्णी पुष्यजा प्रत्यलावती
sahyapādaviniṣkrāntā ity etāḥ saritāṃ varāḥ / kṛtamālā tāmraparṇī puṣyajā pratyalāvatī
Sanskrit only: no published translation is held for this verse.
मलयाद्रिसमुद्भूताः पुण्याः शीतजलास् त्व् इमाः । पितृसोमर्षिकुल्या च वञ्जुला त्रिदिवा च या
malayādrisamudbhūtāḥ puṇyāḥ śītajalās tv imāḥ / pitṛsomarṣikulyā ca vañjulā tridivā ca yā
Sanskrit only: no published translation is held for this verse.
लाङ्गुलिनी वंशकरा महेन्द्रप्रभवाः स्मृताः । सुविकाला कुमारी च मनूगा मन्दगामिनी
lāṅgulinī vaṃśakarā mahendraprabhavāḥ smṛtāḥ / suvikālā kumārī ca manūgā mandagāminī
Sanskrit only: no published translation is held for this verse.
क्षयापलासिनी चैव शुक्तिमत्प्रभवाः स्मृताः । सर्वाः पुण्याः सरस्वत्यः सर्वा गङ्गाः समुद्रगाः
kṣayāpalāsinī caiva śuktimatprabhavāḥ smṛtāḥ / sarvāḥ puṇyāḥ sarasvatyaḥ sarvā gaṅgāḥ samudragāḥ
Sanskrit only: no published translation is held for this verse.
विश्वस्य मातरः सर्वाः सर्वाः पापहराः स्मृताः । अन्याः सहस्रशः प्रोक्ताः क्षुद्रनद्यो द्विजोत्तमाः
viśvasya mātaraḥ sarvāḥ sarvāḥ pāpaharāḥ smṛtāḥ / anyāḥ sahasraśaḥ proktāḥ kṣudranadyo dvijottamāḥ
Sanskrit only: no published translation is held for this verse.
प्रावृट्कालवहाः सन्ति सदाकालवहाश् च याः । मत्स्या मुकुटकुल्याश् च कुन्तलाः काशिकोशलाः
prāvṛṭkālavahāḥ santi sadākālavahāś ca yāḥ / matsyā mukuṭakulyāś ca kuntalāḥ kāśikośalāḥ
Sanskrit only: no published translation is held for this verse.
अन्ध्रकाश् च कलिङ्गाश् च शमकाश् च वृकैः सह । मध्यदेशा जनपदाः प्रायशो ऽमी प्रकीर्तिताः
andhrakāś ca kaliṅgāś ca śamakāś ca vṛkaiḥ saha / madhyadeśā janapadāḥ prāyaśo 'mī prakīrtitāḥ
Sanskrit only: no published translation is held for this verse.
सह्यस्य चोत्तरे यस् तु यत्र गोदावरी नदी । पृथिव्याम् अपि कृत्स्नायां स प्रदेशो मनोरमः
sahyasya cottare yas tu yatra godāvarī nadī / pṛthivyām api kṛtsnāyāṃ sa pradeśo manoramaḥ
Sanskrit only: no published translation is held for this verse.
गोवर्धनपुरं रम्यं भार्गवस्य महात्मनः । वाहीकराटधानाश् च सुतीराः कालतोयदाः
govardhanapuraṃ ramyaṃ bhārgavasya mahātmanaḥ / vāhīkarāṭadhānāś ca sutīrāḥ kālatoyadāḥ
Sanskrit only: no published translation is held for this verse.
अपरान्ताश् च शूद्राश् च वाह्लिकाश् च सकेरलाः । गान्धारा यवनाश् चैव सिन्धुसौवीरमद्रकाः
aparāntāś ca śūdrāś ca vāhlikāś ca sakeralāḥ / gāndhārā yavanāś caiva sindhusauvīramadrakāḥ
Sanskrit only: no published translation is held for this verse.
शतद्रुहाः कलिङ्गाश् च पारदा हारभूषिकाः । माठराश् चैव कनकाः कैकेया दम्भमालिकाः
śatadruhāḥ kaliṅgāś ca pāradā hārabhūṣikāḥ / māṭharāś caiva kanakāḥ kaikeyā dambhamālikāḥ
Sanskrit only: no published translation is held for this verse.
क्षत्रियोपमदेशाश् च वैश्यशूद्रकुलानि च । काम्बोजाश् चैव विप्रेन्द्रा बर्बराश् च सलौकिकाः
kṣatriyopamadeśāś ca vaiśyaśūdrakulāni ca / kāmbojāś caiva viprendrā barbarāś ca salaukikāḥ
Sanskrit only: no published translation is held for this verse.
वीराश् चैव तुषाराश् च पह्लवाधायता नराः । आत्रेयाश् च भरद्वाजाः पुष्कलाश् च दशेरकाः
vīrāś caiva tuṣārāś ca pahlavādhāyatā narāḥ / ātreyāś ca bharadvājāḥ puṣkalāś ca daśerakāḥ
Sanskrit only: no published translation is held for this verse.
लम्पकाः शुनशोकाश् च कुलिका जाङ्गलैः सह । औषध्यश् चलचन्द्रा च किरातानां च जातयः
lampakāḥ śunaśokāś ca kulikā jāṅgalaiḥ saha / auṣadhyaś calacandrā ca kirātānāṃ ca jātayaḥ
Sanskrit only: no published translation is held for this verse.
तोमरा हंसमार्गाश् च काश्मीराः करुणास् तथा । शूलिकाः कुहकाश् चैव मागधाश् च तथैव च
tomarā haṃsamārgāś ca kāśmīrāḥ karuṇās tathā / śūlikāḥ kuhakāś caiva māgadhāś ca tathaiva ca
Sanskrit only: no published translation is held for this verse.
एते देशा उदीच्यास् तु प्राच्यान् देशान् निबोधत । अन्धा वामङ्कुराकाश् च वल्लकाश् च मखान्तकाः
ete deśā udīcyās tu prācyān deśān nibodhata / andhā vāmaṅkurākāś ca vallakāś ca makhāntakāḥ
Sanskrit only: no published translation is held for this verse.
तथापरे ऽङ्गा वङ्गाश् च मलदा मालवर्तिकाः । भद्रतुङ्गाः प्रतिजया भार्याङ्गाश् चापमर्दकाः
tathāpare 'ṅgā vaṅgāś ca maladā mālavartikāḥ / bhadratuṅgāḥ pratijayā bhāryāṅgāś cāpamardakāḥ
Sanskrit only: no published translation is held for this verse.
प्राग्ज्योतिषाश् च मद्राश् च विदेहास् ताम्रलिप्तकाः । मल्ला मगधका नन्दाः प्राच्या जनपदास् तथा
prāgjyotiṣāś ca madrāś ca videhās tāmraliptakāḥ / mallā magadhakā nandāḥ prācyā janapadās tathā
Sanskrit only: no published translation is held for this verse.
अथापरे जनपदा दक्षिणापथवासिनः । पूर्णाश् च केवलाश् चैव गोलाङ्गूलास् तथैव च
athāpare janapadā dakṣiṇāpathavāsinaḥ / pūrṇāś ca kevalāś caiva golāṅgūlās tathaiva ca
Sanskrit only: no published translation is held for this verse.
ऋषिका मुषिकाश् चैव कुमारा रामठाः शकाः । महाराष्ट्रा माहिषकाः कलिङ्गाश् चैव सर्वशः
ṛṣikā muṣikāś caiva kumārā rāmaṭhāḥ śakāḥ / mahārāṣṭrā māhiṣakāḥ kaliṅgāś caiva sarvaśaḥ
Sanskrit only: no published translation is held for this verse.
आभीराः सह वैशिक्या अटव्याः सरवाश् च ये । पुलिन्दाश् चैव मौलेया वैदर्भा दण्डकैः सह
ābhīrāḥ saha vaiśikyā aṭavyāḥ saravāś ca ye / pulindāś caiva mauleyā vaidarbhā daṇḍakaiḥ saha
Sanskrit only: no published translation is held for this verse.
पौलिका मौलिकाश् चैव अश्मका भोजवर्धनाः । कौलिकाः कुन्तलाश् चैव दम्भका नीलकालकाः
paulikā maulikāś caiva aśmakā bhojavardhanāḥ / kaulikāḥ kuntalāś caiva dambhakā nīlakālakāḥ
Sanskrit only: no published translation is held for this verse.
दाक्षिणात्यास् त्व् अमी देशा अपरान्तान् निबोधत । शूर्पारकाः कालिधना लोलास् तालकटैः सह
dākṣiṇātyās tv amī deśā aparāntān nibodhata / śūrpārakāḥ kālidhanā lolās tālakaṭaiḥ saha
Sanskrit only: no published translation is held for this verse.
इत्य् एते ह्य् अपरान्ताश् च शृणुध्वं विन्ध्यवासिनः । मलजाः कर्कशाश् चैव मेलकाश् चोलकैः सह
ity ete hy aparāntāś ca śṛṇudhvaṃ vindhyavāsinaḥ / malajāḥ karkaśāś caiva melakāś colakaiḥ saha
Sanskrit only: no published translation is held for this verse.
उत्तमार्णा दशार्णाश् च भोजाः किष्किन्धकैः सह । तोषलाः कोशलाश् चैव त्रैपुरा वैदिशास् तथा
uttamārṇā daśārṇāś ca bhojāḥ kiṣkindhakaiḥ saha / toṣalāḥ kośalāś caiva traipurā vaidiśās tathā
Sanskrit only: no published translation is held for this verse.
तुम्बुरास् तु चराश् चैव यवनाः पवनैः सह । अभया रुण्डिकेराश् च चर्चरा होत्रधर्तयः
tumburās tu carāś caiva yavanāḥ pavanaiḥ saha / abhayā ruṇḍikerāś ca carcarā hotradhartayaḥ
Sanskrit only: no published translation is held for this verse.
एते जनपदाः सर्वे तत्र विन्ध्यनिवासिनः । अतो देशान् प्रवक्ष्यामि पर्वताश्रयिणश् च ये
ete janapadāḥ sarve tatra vindhyanivāsinaḥ / ato deśān pravakṣyāmi parvatāśrayiṇaś ca ye
Sanskrit only: no published translation is held for this verse.
नीहारास् तुषमार्गाश् च कुरवस् तुङ्गणाः खसाः । कर्णप्रावरणाश् चैव ऊर्णा दर्घाः सकुन्तकाः
nīhārās tuṣamārgāś ca kuravas tuṅgaṇāḥ khasāḥ / karṇaprāvaraṇāś caiva ūrṇā darghāḥ sakuntakāḥ
Sanskrit only: no published translation is held for this verse.
चित्रमार्गा मालवाश् च किरातास् तोमरैः सह । कृतत्रेतादिकश् चात्र चतुर्युगकृतो विधिः
citramārgā mālavāś ca kirātās tomaraiḥ saha / kṛtatretādikaś cātra caturyugakṛto vidhiḥ
Sanskrit only: no published translation is held for this verse.
एवं तु भारतं वर्षं नवसंस्थानसंस्थितम् । दक्षिणे परतो यस्य पूर्वे चैव महोदधिः
evaṃ tu bhārataṃ varṣaṃ navasaṃsthānasaṃsthitam / dakṣiṇe parato yasya pūrve caiva mahodadhiḥ
Sanskrit only: no published translation is held for this verse.
हिमवान् उत्तरेणास्य कार्मुकस्य यथा गुणः । तद् एतद् भारतं वर्षं सर्वबीजं द्विजोत्तमाः
himavān uttareṇāsya kārmukasya yathā guṇaḥ / tad etad bhārataṃ varṣaṃ sarvabījaṃ dvijottamāḥ
Sanskrit only: no published translation is held for this verse.
ब्रह्मत्वम् अमरेशत्वं देवत्वं मरुतां तथा । मृगयक्षाप्सरोयोनिं तद्वत् सर्पसरीसृपाः
brahmatvam amareśatvaṃ devatvaṃ marutāṃ tathā / mṛgayakṣāpsaroyoniṃ tadvat sarpasarīsṛpāḥ
Sanskrit only: no published translation is held for this verse.
स्थावराणां च सर्वेषां मितो विप्राः शुभाशुभैः । प्रयान्ति कर्मभूर् विप्रा नान्या लोकेषु विद्यते
sthāvarāṇāṃ ca sarveṣāṃ mito viprāḥ śubhāśubhaiḥ / prayānti karmabhūr viprā nānyā lokeṣu vidyate
Sanskrit only: no published translation is held for this verse.
देवानाम् अपि भो विप्राः सदैवैष मनोरथः । अपि मानुष्यम् आप्स्यामो देवत्वात् प्रच्युताः क्षितौ
devānām api bho viprāḥ sadaivaiṣa manorathaḥ / api mānuṣyam āpsyāmo devatvāt pracyutāḥ kṣitau
Sanskrit only: no published translation is held for this verse.
मनुष्यः कुरुते यत् तु तन् न शक्यं सुरासुरैः । तत्कर्मनिगडग्रस्तैस् तत्कर्मक्षपणोन्मुखैः
manuṣyaḥ kurute yat tu tan na śakyaṃ surāsuraiḥ / tatkarmanigaḍagrastais tatkarmakṣapaṇonmukhaiḥ
Sanskrit only: no published translation is held for this verse.
न भारतसमं वर्षं पृथिव्याम् अस्ति भो द्विजाः । यत्र विप्रादयो वर्णाः प्राप्नुवन्त्य् अभिवाञ्छितम्
na bhāratasamaṃ varṣaṃ pṛthivyām asti bho dvijāḥ / yatra viprādayo varṇāḥ prāpnuvanty abhivāñchitam
Sanskrit only: no published translation is held for this verse.
धन्यास् ते भारते वर्षे जायन्ते ये नरोत्तमाः । धर्मार्थकाममोक्षाणां प्राप्नुवन्ति महाफलम्
dhanyās te bhārate varṣe jāyante ye narottamāḥ / dharmārthakāmamokṣāṇāṃ prāpnuvanti mahāphalam
Sanskrit only: no published translation is held for this verse.
प्राप्यते यत्र तपसः फलं परमदुर्लभम् । सर्वदानफलं चैव सर्वयज्ञफलं तथा
prāpyate yatra tapasaḥ phalaṃ paramadurlabham / sarvadānaphalaṃ caiva sarvayajñaphalaṃ tathā
Sanskrit only: no published translation is held for this verse.
तीर्थयात्राफलं चैव गुरुसेवाफलं तथा । देवताराधनफलं स्वाध्यायस्य फलं द्विजाः
tīrthayātrāphalaṃ caiva gurusevāphalaṃ tathā / devatārādhanaphalaṃ svādhyāyasya phalaṃ dvijāḥ
Sanskrit only: no published translation is held for this verse.
यत्र देवाः सदा हृष्टा जन्म वाञ्छन्ति शोभनम् । नानाव्रतफलं चैव नानाशास्त्रफलं तथा
yatra devāḥ sadā hṛṣṭā janma vāñchanti śobhanam / nānāvrataphalaṃ caiva nānāśāstraphalaṃ tathā
Sanskrit only: no published translation is held for this verse.
अहिंसादिफलं सम्यक् फलं सर्वाभिवाञ्छितम् । ब्रह्मचर्यफलं चैव गार्हस्थ्येन च यत् फलम्
ahiṃsādiphalaṃ samyak phalaṃ sarvābhivāñchitam / brahmacaryaphalaṃ caiva gārhasthyena ca yat phalam
Sanskrit only: no published translation is held for this verse.
यत् फलं वनवासेन संन्यासेन च यत् फलम् । इष्टापूर्तफलं चैव तथान्यच् छुभकर्मणाम्
yat phalaṃ vanavāsena saṃnyāsena ca yat phalam / iṣṭāpūrtaphalaṃ caiva tathānyac chubhakarmaṇām
Sanskrit only: no published translation is held for this verse.
प्राप्यते भारते वर्षे न चान्यत्र द्विजोत्तमाः । कः शक्नोति गुणान् वक्तुं भारतस्याखिलान् द्विजाः
prāpyate bhārate varṣe na cānyatra dvijottamāḥ / kaḥ śaknoti guṇān vaktuṃ bhāratasyākhilān dvijāḥ
Sanskrit only: no published translation is held for this verse.
एवं सम्यङ् मया प्रोक्तं भारतं वर्षम् उत्तमम् । सर्वपापहरं पुण्यं धन्यं बुद्धिविवर्धनम्
evaṃ samyaṅ mayā proktaṃ bhārataṃ varṣam uttamam / sarvapāpaharaṃ puṇyaṃ dhanyaṃ buddhivivardhanam
Sanskrit only: no published translation is held for this verse.
य इदं शृणुयान् नित्यं पठेद् वा नियतेन्द्रियः । सर्वपापैर् विनिर्मुक्तो विष्णुलोकं स गच्छति
ya idaṃ śṛṇuyān nityaṃ paṭhed vā niyatendriyaḥ / sarvapāpair vinirmukto viṣṇulokaṃ sa gacchati
Sanskrit only: no published translation is held for this verse.