Brahma-Purana 3

एकैकं सप्तधा चक्रे वज्रेणैवारिकर्षणः । मरुतो नाम ते देवा बभूवुर् द्विजसत्तमाः

ekaikaṃ saptadhā cakre vajreṇaivārikarṣaṇaḥ / maruto nāma te devā babhūvur dvijasattamāḥ

Sanskrit only: no published translation is held for this verse.

यथोक्तं वै मघवता तथैव मरुतो ऽभवन् । देवाश् चैकोनपञ्चाशत् सहाया वज्रपाणिनः

yathoktaṃ vai maghavatā tathaiva maruto 'bhavan / devāś caikonapañcāśat sahāyā vajrapāṇinaḥ

Sanskrit only: no published translation is held for this verse.

तेषाम् एवं प्रवृत्तानां भूतानां द्विजसत्तमाः । रोचयन् वै गणश्रेष्ठान् देवानाम् अमितौजसाम्

teṣām evaṃ pravṛttānāṃ bhūtānāṃ dvijasattamāḥ / rocayan vai gaṇaśreṣṭhān devānām amitaujasām

Sanskrit only: no published translation is held for this verse.

निकायेषु निकायेषु हरिः प्रादात् प्रजापतीन् । क्रमशस् तानि राज्यानि पृथुपूर्वाणि भो द्विजाः

nikāyeṣu nikāyeṣu hariḥ prādāt prajāpatīn / kramaśas tāni rājyāni pṛthupūrvāṇi bho dvijāḥ

Sanskrit only: no published translation is held for this verse.

स हरिः पुरुषो वीरः कृष्णो जिष्णुः प्रजापतिः । पर्जन्यस् तपनो ऽनन्तस् तस्य सर्वम् इदं जगत्

sa hariḥ puruṣo vīraḥ kṛṣṇo jiṣṇuḥ prajāpatiḥ / parjanyas tapano 'nantas tasya sarvam idaṃ jagat

Sanskrit only: no published translation is held for this verse.

भूतसर्गम् इमं सम्यग् जानतो द्विजसत्तमाः । नावृत्तिभयम् अस्तीह परलोकभयं कुतः

bhūtasargam imaṃ samyag jānato dvijasattamāḥ / nāvṛttibhayam astīha paralokabhayaṃ kutaḥ

Sanskrit only: no published translation is held for this verse.