यथा सर्वेषु देवेषु वरिष्ठो भगवान् भवः । तथा स्तवो वरिष्ठो ऽयं स्तवानां दक्षनिर्मितः
yathā sarveṣu deveṣu variṣṭho bhagavān bhavaḥ / tathā stavo variṣṭho 'yaṃ stavānāṃ dakṣanirmitaḥ
Sanskrit only: no published translation is held for this verse.
Brahma-Purana 40
यशःस्वर्गसुरैश्वर्य- वित्तादिजयकाङ्क्षिभिः । स्तोतव्यो भक्तिम् आस्थाय विद्याकामैश् च यत्नतः
yaśaḥsvargasuraiśvarya- vittādijayakāṅkṣibhiḥ / stotavyo bhaktim āsthāya vidyākāmaiś ca yatnataḥ
Sanskrit only: no published translation is held for this verse.
व्याधितो दुःखितो दीनो नरो ग्रस्तो भयादिभिः । राजकार्यनियुक्तो वा मुच्यते महतो भयात्
vyādhito duḥkhito dīno naro grasto bhayādibhiḥ / rājakāryaniyukto vā mucyate mahato bhayāt
Sanskrit only: no published translation is held for this verse.
अनेनैव च देहेन गणानां च महेश्वरात् । इह लोके सुखं प्राप्य गणराड् उपजायते
anenaiva ca dehena gaṇānāṃ ca maheśvarāt / iha loke sukhaṃ prāpya gaṇarāḍ upajāyate
Sanskrit only: no published translation is held for this verse.
न यक्षा न पिशाचा वा न नागा न विनायकाः । कुर्युर् विघ्नं गृहे तस्य यत्र संस्तूयते भवः
na yakṣā na piśācā vā na nāgā na vināyakāḥ / kuryur vighnaṃ gṛhe tasya yatra saṃstūyate bhavaḥ
Sanskrit only: no published translation is held for this verse.
शृणुयाद् वा इदं नारी भक्त्याथ भवभाविता । पितृपक्षे भर्तृपक्षे पूज्या भवति चैव ह
śṛṇuyād vā idaṃ nārī bhaktyātha bhavabhāvitā / pitṛpakṣe bhartṛpakṣe pūjyā bhavati caiva ha
Sanskrit only: no published translation is held for this verse.
शृणुयाद् वा इदं सर्वं कीर्तयेद् वाप्य् अभीक्ष्णशः । तस्य सर्वाणि कार्याणि सिद्धिं गच्छन्त्य् अविघ्नतः
śṛṇuyād vā idaṃ sarvaṃ kīrtayed vāpy abhīkṣṇaśaḥ / tasya sarvāṇi kāryāṇi siddhiṃ gacchanty avighnataḥ
Sanskrit only: no published translation is held for this verse.
मनसा चिन्तितं यच् च यच् च वाचाप्य् उदाहृतम् । सर्वं संपद्यते तस्य स्तवस्यास्यानुकीर्तनात्
manasā cintitaṃ yac ca yac ca vācāpy udāhṛtam / sarvaṃ saṃpadyate tasya stavasyāsyānukīrtanāt
Sanskrit only: no published translation is held for this verse.
देवस्य सगुहस्याथ देव्या नन्दीश्वरस्य च । बलिं विभजतः कृत्वा दमेन नियमेन च
devasya saguhasyātha devyā nandīśvarasya ca / baliṃ vibhajataḥ kṛtvā damena niyamena ca
Sanskrit only: no published translation is held for this verse.
ततः प्रयुक्तो गृह्णीयान् नामान्य् आशु यथाक्रमम् । ईप्सितांल् लभते ऽप्य् अर्थान् कामान् भोगांश् च मानवः
tataḥ prayukto gṛhṇīyān nāmāny āśu yathākramam / īpsitāṃl labhate 'py arthān kāmān bhogāṃś ca mānavaḥ
Sanskrit only: no published translation is held for this verse.
मृतश् च स्वर्गम् आप्नोति स्त्रीसहस्रसमावृतः । सर्वकामसुयुक्तो वा युक्तो वा सर्वपातकैः
mṛtaś ca svargam āpnoti strīsahasrasamāvṛtaḥ / sarvakāmasuyukto vā yukto vā sarvapātakaiḥ
Sanskrit only: no published translation is held for this verse.
पठन् दक्षकृतं स्तोत्रं सर्वपापैः प्रमुच्यते । मृतश् च गणसायुज्यं पूज्यमानः सुरासुरैः
paṭhan dakṣakṛtaṃ stotraṃ sarvapāpaiḥ pramucyate / mṛtaś ca gaṇasāyujyaṃ pūjyamānaḥ surāsuraiḥ
Sanskrit only: no published translation is held for this verse.
वृषेण विनियुक्तेन विमानेन विराजते । आभूतसंप्लवस्थायी रुद्रस्यानुचरो भवेत्
vṛṣeṇa viniyuktena vimānena virājate / ābhūtasaṃplavasthāyī rudrasyānucaro bhavet
Sanskrit only: no published translation is held for this verse.
इत्य् आह भगवान् व्यासः पराशरसुतः प्रभुः । नैतद् वेदयते कश्चिन् नैतच् छ्राव्यं च कस्यचित्
ity āha bhagavān vyāsaḥ parāśarasutaḥ prabhuḥ / naitad vedayate kaścin naitac chrāvyaṃ ca kasyacit
Sanskrit only: no published translation is held for this verse.
श्रुत्वेमं परमं गुह्यं ये ऽपि स्युः पापयोनयः । वैश्याः स्त्रियश् च शूद्राश् च रुद्रलोकम् अवाप्नुयुः
śrutvemaṃ paramaṃ guhyaṃ ye 'pi syuḥ pāpayonayaḥ / vaiśyāḥ striyaś ca śūdrāś ca rudralokam avāpnuyuḥ
Sanskrit only: no published translation is held for this verse.
श्रावयेद् यश् च विप्रेभ्यः सदा पर्वसु पर्वसु । रुद्रलोकम् अवाप्नोति द्विजो वै नात्र संशयः
śrāvayed yaś ca viprebhyaḥ sadā parvasu parvasu / rudralokam avāpnoti dvijo vai nātra saṃśayaḥ
Sanskrit only: no published translation is held for this verse.