मुनय ऊचुः: तस्मिन् क्षेत्रवरे पुण्ये वैष्णवे पुरुषोत्तमे । किं तत्र प्रतिमा पूर्वं न स्थिता वैष्णवी प्रभो
munaya ūcuḥ: tasmin kṣetravare puṇye vaiṣṇave puruṣottame / kiṃ tatra pratimā pūrvaṃ na sthitā vaiṣṇavī prabho
Sanskrit only: no published translation is held for this verse.
येनासौ नृपतिस् तत्र गत्वा सबलवाहनः । स्थापयाम् आस कृष्णं च रामं भद्रां शुभप्रदाम्
yenāsau nṛpatis tatra gatvā sabalavāhanaḥ / sthāpayām āsa kṛṣṇaṃ ca rāmaṃ bhadrāṃ śubhapradām
Sanskrit only: no published translation is held for this verse.
संशयो नो महान् अत्र विस्मयश् च जगत्पते । श्रोतुम् इच्छामहे सर्वं ब्रूहि तत्कारणं च नः
saṃśayo no mahān atra vismayaś ca jagatpate / śrotum icchāmahe sarvaṃ brūhi tatkāraṇaṃ ca naḥ
Sanskrit only: no published translation is held for this verse.
ब्रह्मोवाच: शृणुध्वं पूर्वसंवृत्तां कथां पापप्रणाशिनीम् । प्रवक्ष्यामि समासेन श्रिया पृष्टः पुरा हरिः
brahmovāca: śṛṇudhvaṃ pūrvasaṃvṛttāṃ kathāṃ pāpapraṇāśinīm / pravakṣyāmi samāsena śriyā pṛṣṭaḥ purā hariḥ
Sanskrit only: no published translation is held for this verse.
सुमेरोः काञ्चने शृङ्गे सर्वाश्चर्यसमन्विते । सिद्धविद्याधरैर् यक्षैः किंनरैर् उपशोभिते
sumeroḥ kāñcane śṛṅge sarvāścaryasamanvite / siddhavidyādharair yakṣaiḥ kiṃnarair upaśobhite
Sanskrit only: no published translation is held for this verse.
देवदानवगन्धर्वैर् नागैर् अप्सरसां गणैः । मुनिभिर् गुह्यकैः सिद्धैः सौपर्णैः समरुद्गणैः
devadānavagandharvair nāgair apsarasāṃ gaṇaiḥ / munibhir guhyakaiḥ siddhaiḥ sauparṇaiḥ samarudgaṇaiḥ
Sanskrit only: no published translation is held for this verse.
अन्यैर् देवालयैः साध्यैः कश्यपाद्यैः प्रजेश्वरैः । वालखिल्यादिभिश् चैव शोभिते सुमनोहरे
anyair devālayaiḥ sādhyaiḥ kaśyapādyaiḥ prajeśvaraiḥ / vālakhilyādibhiś caiva śobhite sumanohare
Sanskrit only: no published translation is held for this verse.
कर्णिकारवनैर् दिव्यैः सर्वर्तुकुसुमोत्करैः । जातरूपप्रतीकाशैर् भूषिते सूर्यसंनिभैः
karṇikāravanair divyaiḥ sarvartukusumotkaraiḥ / jātarūpapratīkāśair bhūṣite sūryasaṃnibhaiḥ
Sanskrit only: no published translation is held for this verse.
अन्यैश् च बहुभिर् वृक्षैः शालतालादिभिर् वनैः । पुंनागाशोकसरल- न्यग्रोधाम्रातकार्जुनैः
anyaiś ca bahubhir vṛkṣaiḥ śālatālādibhir vanaiḥ / puṃnāgāśokasarala- nyagrodhāmrātakārjunaiḥ
Sanskrit only: no published translation is held for this verse.
पारिजाताम्रखदिर- नीपबिल्वकदम्बकैः । धवखादिरपालाश- शीर्षामलकतिन्दुकैः
pārijātāmrakhadira- nīpabilvakadambakaiḥ / dhavakhādirapālāśa- śīrṣāmalakatindukaiḥ
Sanskrit only: no published translation is held for this verse.
नारिङ्गकोलबकुल- लोध्रदाडिमदारुकैः । सर्जैश् च कर्णैस् तगरैः शिशिभूर्जवनिम्बकैः
nāriṅgakolabakula- lodhradāḍimadārukaiḥ / sarjaiś ca karṇais tagaraiḥ śiśibhūrjavanimbakaiḥ
Sanskrit only: no published translation is held for this verse.
अन्यैश् च काञ्चनैश् चैव फलभारैश् च नामितैः । नानाकुसुमगन्धाढ्यैर् भूषिते पुष्पपादपैः
anyaiś ca kāñcanaiś caiva phalabhāraiś ca nāmitaiḥ / nānākusumagandhāḍhyair bhūṣite puṣpapādapaiḥ
Sanskrit only: no published translation is held for this verse.
मालतीयूथिकामल्ली- कुन्दबाणकुरुण्टकैः । पाटलागस्त्यकुटज- मन्दारकुसुमादिभिः
mālatīyūthikāmallī- kundabāṇakuruṇṭakaiḥ / pāṭalāgastyakuṭaja- mandārakusumādibhiḥ
Sanskrit only: no published translation is held for this verse.
अन्यैश् च विविधैः पुष्पैर् मनसः प्रीतिदायकैः । नानाविहगसंघैश् च कूजद्भिर् मधुरस्वरैः
anyaiś ca vividhaiḥ puṣpair manasaḥ prītidāyakaiḥ / nānāvihagasaṃghaiś ca kūjadbhir madhurasvaraiḥ
Sanskrit only: no published translation is held for this verse.
पुंस्कोकिलरुतैर् दिव्यैर् मत्तबर्हिणनादितैः । एवं नानाविधैर् वृक्षैः पुष्पैर् नानाविधैस् तथा
puṃskokilarutair divyair mattabarhiṇanāditaiḥ / evaṃ nānāvidhair vṛkṣaiḥ puṣpair nānāvidhais tathā
Sanskrit only: no published translation is held for this verse.
खगैर् नानाविधैश् चैव शोभिते सुरसेविते । तत्र स्थितं जगन्नाथं जगत्स्रष्टारम् अव्ययम्
khagair nānāvidhaiś caiva śobhite surasevite / tatra sthitaṃ jagannāthaṃ jagatsraṣṭāram avyayam
Sanskrit only: no published translation is held for this verse.
सर्वलोकविधातारं वासुदेवाख्यम् अव्ययम् । प्रणम्य शिरसा देवी लोकानां हितकाम्यया । पप्रच्छेमं महाप्रश्नं पद्मजा तम् अनुत्तमम्
sarvalokavidhātāraṃ vāsudevākhyam avyayam / praṇamya śirasā devī lokānāṃ hitakāmyayā / papracchemaṃ mahāpraśnaṃ padmajā tam anuttamam
Sanskrit only: no published translation is held for this verse.
श्रीर् उवाच: ब्रूहि त्वं सर्वलोकेश संशयं मे हृदि स्थितम् । मर्त्यलोके महाश्चर्ये कर्मभूमौ सुदुर्लभे
śrīr uvāca: brūhi tvaṃ sarvalokeśa saṃśayaṃ me hṛdi sthitam / martyaloke mahāścarye karmabhūmau sudurlabhe
Sanskrit only: no published translation is held for this verse.
लोभमोहग्रहग्रस्ते कामक्रोधमहार्णवे । येन मुच्येत देवेश अस्मात् संसारसागरात्
lobhamohagrahagraste kāmakrodhamahārṇave / yena mucyeta deveśa asmāt saṃsārasāgarāt
Sanskrit only: no published translation is held for this verse.
आचक्ष्व सर्वदेवेश प्रणतां यदि मन्यसे । त्वदृते नास्ति लोके ऽस्मिन् वक्ता संशयनिर्णये
ācakṣva sarvadeveśa praṇatāṃ yadi manyase / tvadṛte nāsti loke 'smin vaktā saṃśayanirṇaye
Sanskrit only: no published translation is held for this verse.
ब्रह्मोवाच: श्रुत्वैवं वचनं तस्या देवदेवो जनार्दनः । प्रोवाच परया प्रीत्या परं सारामृतोपमम्
brahmovāca: śrutvaivaṃ vacanaṃ tasyā devadevo janārdanaḥ / provāca parayā prītyā paraṃ sārāmṛtopamam
Sanskrit only: no published translation is held for this verse.
श्रीभगवान् उवाच: सुखोपास्यः सुसाध्यश् च ऽभिरामश् च सुसत्फलः । आस्ते तीर्थवरे देवि विख्यातः पुरुषोत्तमः
śrībhagavān uvāca: sukhopāsyaḥ susādhyaś ca 'bhirāmaś ca susatphalaḥ / āste tīrthavare devi vikhyātaḥ puruṣottamaḥ
Sanskrit only: no published translation is held for this verse.
न तेन सदृशः कश्चित् त्रिषु लोकेषु विद्यते । कीर्तनाद् यस्य देवेशि मुच्यते सर्वपातकैः
na tena sadṛśaḥ kaścit triṣu lokeṣu vidyate / kīrtanād yasya deveśi mucyate sarvapātakaiḥ
Sanskrit only: no published translation is held for this verse.
न विज्ञातो ऽमरैः सर्वैर् न दैत्यैर् न च दानवैः । मरीच्याद्यैर् मुनिवरैर् गोपितं मे वरानने
na vijñāto 'maraiḥ sarvair na daityair na ca dānavaiḥ / marīcyādyair munivarair gopitaṃ me varānane
Sanskrit only: no published translation is held for this verse.
तत् ते ऽहं संप्रवक्ष्यामि तीर्थराजं च सांप्रतम् । भावेनैकेन सुश्रोणि शृणुष्व वरवर्णिनि
tat te 'haṃ saṃpravakṣyāmi tīrtharājaṃ ca sāṃpratam / bhāvenaikena suśroṇi śṛṇuṣva varavarṇini
Sanskrit only: no published translation is held for this verse.
आसीत् कल्पे समुत्पन्ने नष्टे स्थावरजङ्गमे । प्रलीना देवगन्धर्व- दैत्यविद्याधरोरगाः
āsīt kalpe samutpanne naṣṭe sthāvarajaṅgame / pralīnā devagandharva- daityavidyādharoragāḥ
Sanskrit only: no published translation is held for this verse.
तमोभूतम् इदं सर्वं न प्राज्ञायत किंचन । तस्मिञ् जागर्ति भूतात्मा परमात्मा जगद्गुरुः
tamobhūtam idaṃ sarvaṃ na prājñāyata kiṃcana / tasmiñ jāgarti bhūtātmā paramātmā jagadguruḥ
Sanskrit only: no published translation is held for this verse.
श्रीमांस् त्रिमूर्तिकृद् देवो जगत्कर्ता महेश्वरः । वासुदेवेति विख्यातो योगात्मा हरिर् ईश्वरः
śrīmāṃs trimūrtikṛd devo jagatkartā maheśvaraḥ / vāsudeveti vikhyāto yogātmā harir īśvaraḥ
Sanskrit only: no published translation is held for this verse.
सो ऽसृजद् योगनिद्रान्ते नाभ्यम्भोरुहमध्यगम् । पद्मकेशरसंकाशं ब्रह्माणं भूतम् अव्ययम्
so 'sṛjad yoganidrānte nābhyambhoruhamadhyagam / padmakeśarasaṃkāśaṃ brahmāṇaṃ bhūtam avyayam
Sanskrit only: no published translation is held for this verse.
तादृग्भूतस् ततो ब्रह्मा सर्वलोकमहेश्वरः । पञ्चभूतसमायुक्तं सृजते च शनैः शनैः
tādṛgbhūtas tato brahmā sarvalokamaheśvaraḥ / pañcabhūtasamāyuktaṃ sṛjate ca śanaiḥ śanaiḥ
Sanskrit only: no published translation is held for this verse.
मात्रायोनीनि भूतानि स्थूलसूक्ष्माणि यानि च । चतुर्विधानि सर्वाणि स्थावराणि चराणि च
mātrāyonīni bhūtāni sthūlasūkṣmāṇi yāni ca / caturvidhāni sarvāṇi sthāvarāṇi carāṇi ca
Sanskrit only: no published translation is held for this verse.
ततः प्रजापतिर् ब्रह्मा चक्रे सर्वं चराचरम् । संचिन्त्य मनसात्मानं ससर्ज विविधाः प्रजाः
tataḥ prajāpatir brahmā cakre sarvaṃ carācaram / saṃcintya manasātmānaṃ sasarja vividhāḥ prajāḥ
Sanskrit only: no published translation is held for this verse.
मरीच्यादीन् मुनीन् सर्वान् देवासुरपितॄन् अपि । यक्षविद्याधरांश् चान्यान् गङ्गाद्याः सरितस् तथा
marīcyādīn munīn sarvān devāsurapitṝn api / yakṣavidyādharāṃś cānyān gaṅgādyāḥ saritas tathā
Sanskrit only: no published translation is held for this verse.
नरवानरसिंहांश् च विविधांश् च विहंगमान् । जरायून् अण्डजान् देवि स्वेदजोद्भेदजांस् तथा
naravānarasiṃhāṃś ca vividhāṃś ca vihaṃgamān / jarāyūn aṇḍajān devi svedajodbhedajāṃs tathā
Sanskrit only: no published translation is held for this verse.
ब्रह्म क्षत्रं तथा वैश्यं शूद्रं चैव चतुष्टयम् । अन्त्यजातांश् च म्लेच्छांश् च ससर्ज विविधान् पृथक्
brahma kṣatraṃ tathā vaiśyaṃ śūdraṃ caiva catuṣṭayam / antyajātāṃś ca mlecchāṃś ca sasarja vividhān pṛthak
Sanskrit only: no published translation is held for this verse.
यत् किंचिज् जीवसंज्ञं तु तृणगुल्मपिपीलिकम् । ब्रह्मा भूत्वा जगत् सर्वं निर्ममे स चराचरम्
yat kiṃcij jīvasaṃjñaṃ tu tṛṇagulmapipīlikam / brahmā bhūtvā jagat sarvaṃ nirmame sa carācaram
Sanskrit only: no published translation is held for this verse.
दक्षिणाङ्गे तथात्मानं संचिन्त्य पुरुषं स्वयम् । वामे चैव तु नारीं स द्विधा भूतम् अकल्पयत्
dakṣiṇāṅge tathātmānaṃ saṃcintya puruṣaṃ svayam / vāme caiva tu nārīṃ sa dvidhā bhūtam akalpayat
Sanskrit only: no published translation is held for this verse.
ततः प्रभृति लोके ऽस्मिन् प्रजा मैथुनसंभवाः । अधमोत्तममध्याश् च मम क्षेत्राणि यानि च
tataḥ prabhṛti loke 'smin prajā maithunasaṃbhavāḥ / adhamottamamadhyāś ca mama kṣetrāṇi yāni ca
Sanskrit only: no published translation is held for this verse.
एवं संचिन्त्य देवो ऽसौ पुरा सलिलयोनिजः । जगाम ध्यानम् आस्थाय वासुदेवात्मिकां तनुम्
evaṃ saṃcintya devo 'sau purā salilayonijaḥ / jagāma dhyānam āsthāya vāsudevātmikāṃ tanum
Sanskrit only: no published translation is held for this verse.
ध्यानमात्रेण देवेन स्वयम् एव जनार्दनः । तस्मिन् क्षणे समुत्पन्नः सहस्राक्षः सहस्रपात्
dhyānamātreṇa devena svayam eva janārdanaḥ / tasmin kṣaṇe samutpannaḥ sahasrākṣaḥ sahasrapāt
Sanskrit only: no published translation is held for this verse.
सहस्रशीर्षा पुरुषः पुण्डरीकनिभेक्षणः । सलिलध्वान्तमेघाभः श्रीमाञ् श्रीवत्सलक्षणः
sahasraśīrṣā puruṣaḥ puṇḍarīkanibhekṣaṇaḥ / saliladhvāntameghābhaḥ śrīmāñ śrīvatsalakṣaṇaḥ
Sanskrit only: no published translation is held for this verse.
अपश्यत् सहसा तं तु ब्रह्मा लोकपितामहः । आसनैर् अर्घ्यपाद्यैश् च अक्षतैर् अभिनन्द्य च
apaśyat sahasā taṃ tu brahmā lokapitāmahaḥ / āsanair arghyapādyaiś ca akṣatair abhinandya ca
Sanskrit only: no published translation is held for this verse.
तुष्टाव परमैः स्तोत्रैर् विरिञ्चिः सुसमाहितः । ततो ऽहम् उक्तवान् देवं ब्रह्माणं कमलोद्भवम् । कारणं वद मां तात मम ध्यानस्य सांप्रतम्
tuṣṭāva paramaiḥ stotrair viriñciḥ susamāhitaḥ / tato 'ham uktavān devaṃ brahmāṇaṃ kamalodbhavam / kāraṇaṃ vada māṃ tāta mama dhyānasya sāṃpratam
Sanskrit only: no published translation is held for this verse.
ब्रह्मोवाच: जगद्धिताय देवेश मर्त्यलोकैश् च दुर्लभम् । स्वर्गद्वारस्य मार्गाणि यज्ञदानव्रतानि च
brahmovāca: jagaddhitāya deveśa martyalokaiś ca durlabham / svargadvārasya mārgāṇi yajñadānavratāni ca
Sanskrit only: no published translation is held for this verse.
योगः सत्यं तपः श्रद्धा तीर्थानि विविधानि च । विहाय सर्वम् एतेषां सुखं तत्साधनं वद
yogaḥ satyaṃ tapaḥ śraddhā tīrthāni vividhāni ca / vihāya sarvam eteṣāṃ sukhaṃ tatsādhanaṃ vada
Sanskrit only: no published translation is held for this verse.
स्थानं जगत्पते मह्याम् उत्कृष्टं च यद् उच्यते । सर्वेषाम् उत्तमं स्थानं ब्रूहि मे पुरुषोत्तम
sthānaṃ jagatpate mahyām utkṛṣṭaṃ ca yad ucyate / sarveṣām uttamaṃ sthānaṃ brūhi me puruṣottama
Sanskrit only: no published translation is held for this verse.
विधातुर् वचनं श्रुत्वा ततो ऽहं प्रोक्तवान् प्रिये । शृणु ब्रह्मन् प्रवक्ष्यामि निर्मलं भुवि दुर्लभम्
vidhātur vacanaṃ śrutvā tato 'haṃ proktavān priye / śṛṇu brahman pravakṣyāmi nirmalaṃ bhuvi durlabham
Sanskrit only: no published translation is held for this verse.
उत्तमं सर्वक्षेत्राणां धन्यं संसारतारणम् । गोब्राह्मणहितं पुण्यं चातुर्वर्ण्यसुखोदयम्
uttamaṃ sarvakṣetrāṇāṃ dhanyaṃ saṃsāratāraṇam / gobrāhmaṇahitaṃ puṇyaṃ cāturvarṇyasukhodayam
Sanskrit only: no published translation is held for this verse.
भुक्तिमुक्तिप्रदं नॄणां क्षेत्रं परमदुर्लभम् । महापुण्यं तु सर्वेषां सिद्धिदं वै पितामहे
bhuktimuktipradaṃ nṝṇāṃ kṣetraṃ paramadurlabham / mahāpuṇyaṃ tu sarveṣāṃ siddhidaṃ vai pitāmahe
Sanskrit only: no published translation is held for this verse.
तस्माद् आसीत् समुत्पन्नं तीर्थराजं सनातनम् । विख्यातं परमं क्षेत्रं चतुर्युगनिषेवितम्
tasmād āsīt samutpannaṃ tīrtharājaṃ sanātanam / vikhyātaṃ paramaṃ kṣetraṃ caturyuganiṣevitam
Sanskrit only: no published translation is held for this verse.
सर्वेषाम् एव देवानाम् ऋषीणां ब्रह्मचारिणाम् । दैत्यदानवसिद्धानां गन्धर्वोरगरक्षसाम्
sarveṣām eva devānām ṛṣīṇāṃ brahmacāriṇām / daityadānavasiddhānāṃ gandharvoragarakṣasām
Sanskrit only: no published translation is held for this verse.
नागविद्याधराणां च स्थावरस्य चरस्य च । उत्तमः पुरुषो यस्मात् तस्मात् स पुरुषोत्तमः
nāgavidyādharāṇāṃ ca sthāvarasya carasya ca / uttamaḥ puruṣo yasmāt tasmāt sa puruṣottamaḥ
Sanskrit only: no published translation is held for this verse.
दक्षिणस्योदधेस् तीरे न्यग्रोधो यत्र तिष्ठति । दशयोजनविस्तीर्णं क्षेत्रं परमदुर्लभम्
dakṣiṇasyodadhes tīre nyagrodho yatra tiṣṭhati / daśayojanavistīrṇaṃ kṣetraṃ paramadurlabham
Sanskrit only: no published translation is held for this verse.
यस् तु कल्पे समुत्पन्ने महदुल्कानिबर्हणे । विनाशं नैवम् अभ्येति स्वयं तत्रैवम् आस्थितः
yas tu kalpe samutpanne mahadulkānibarhaṇe / vināśaṃ naivam abhyeti svayaṃ tatraivam āsthitaḥ
Sanskrit only: no published translation is held for this verse.
दृष्टमात्रे वटे तस्मिंश् छायाम् आक्रम्य चासकृत् । ब्रह्महत्यात् प्रमुच्येत पापेष्व् अन्येषु का कथा
dṛṣṭamātre vaṭe tasmiṃś chāyām ākramya cāsakṛt / brahmahatyāt pramucyeta pāpeṣv anyeṣu kā kathā
Sanskrit only: no published translation is held for this verse.
प्रदक्षिणा कृता यैस् तु नमस्कारश् च जन्तुभिः । सर्वे विधूतपाप्मानस् ते गताः केशवालयम्
pradakṣiṇā kṛtā yais tu namaskāraś ca jantubhiḥ / sarve vidhūtapāpmānas te gatāḥ keśavālayam
Sanskrit only: no published translation is held for this verse.
न्यग्रोधस्योत्तरे किंचिद् दक्षिणे केशवस्य तु । प्रासादस् तत्र तिष्ठेत् तु पदं धर्ममयं हि तत्
nyagrodhasyottare kiṃcid dakṣiṇe keśavasya tu / prāsādas tatra tiṣṭhet tu padaṃ dharmamayaṃ hi tat
Sanskrit only: no published translation is held for this verse.
प्रतिमां तत्र वै दृष्ट्वा स्वयं देवेन निर्मिताम् । अनायासेन वै यान्ति भुवनं मे ततो नराः
pratimāṃ tatra vai dṛṣṭvā svayaṃ devena nirmitām / anāyāsena vai yānti bhuvanaṃ me tato narāḥ
Sanskrit only: no published translation is held for this verse.
गच्छमानांस् तु तान् प्रेक्ष्य एकदा धर्मराट् प्रिये । मदन्तिकम् अनुप्राप्य प्रणम्य शिरसाब्रवीत्
gacchamānāṃs tu tān prekṣya ekadā dharmarāṭ priye / madantikam anuprāpya praṇamya śirasābravīt
Sanskrit only: no published translation is held for this verse.
यम उवाच: नमस् ते भगवन् देव लोकनाथ जगत्पते । क्षीरोदवासिनं देवं शेषभोगानुशायिनम्
yama uvāca: namas te bhagavan deva lokanātha jagatpate / kṣīrodavāsinaṃ devaṃ śeṣabhogānuśāyinam
Sanskrit only: no published translation is held for this verse.
वरं वरेण्यं वरदं कर्तारम् अकृतं प्रभुम् । विश्वेश्वरम् अजं विष्णुं सर्वज्ञम् अपराजितम्
varaṃ vareṇyaṃ varadaṃ kartāram akṛtaṃ prabhum / viśveśvaram ajaṃ viṣṇuṃ sarvajñam aparājitam
Sanskrit only: no published translation is held for this verse.
नीलोत्पलदलश्यामं पुण्डरीकनिभेक्षणम् । सर्वज्ञं निर्गुणं शान्तं जगद्धातारम् अव्ययम्
nīlotpaladalaśyāmaṃ puṇḍarīkanibhekṣaṇam / sarvajñaṃ nirguṇaṃ śāntaṃ jagaddhātāram avyayam
Sanskrit only: no published translation is held for this verse.
सर्वलोकविधातारं सर्वलोकसुखावहम् । पुराणं पुरुषं वेद्यं व्यक्ताव्यक्तं सनातनम्
sarvalokavidhātāraṃ sarvalokasukhāvaham / purāṇaṃ puruṣaṃ vedyaṃ vyaktāvyaktaṃ sanātanam
Sanskrit only: no published translation is held for this verse.
परावराणां स्रष्टारं लोकनाथं जगद्गुरुम् । श्रीवत्सोरस्कसंयुक्तं वनमालाविभूषितम्
parāvarāṇāṃ sraṣṭāraṃ lokanāthaṃ jagadgurum / śrīvatsoraskasaṃyuktaṃ vanamālāvibhūṣitam
Sanskrit only: no published translation is held for this verse.
पीतवस्त्रं चतुर्बाहुं शङ्खचक्रगदाधरम् । हारकेयूरसंयुक्तं मुकुटाङ्गदधारिणम्
pītavastraṃ caturbāhuṃ śaṅkhacakragadādharam / hārakeyūrasaṃyuktaṃ mukuṭāṅgadadhāriṇam
Sanskrit only: no published translation is held for this verse.
सर्वलक्षणसंपूर्णं सर्वेन्द्रियविवर्जितम् । कूटस्थम् अचलं सूक्ष्मं ज्योतीरूपं सनातनम्
sarvalakṣaṇasaṃpūrṇaṃ sarvendriyavivarjitam / kūṭastham acalaṃ sūkṣmaṃ jyotīrūpaṃ sanātanam
Sanskrit only: no published translation is held for this verse.
भावाभावविनिर्मुक्तं व्यापिनं प्रकृतेः परम् । नमस्यामि जगन्नाथम् ईश्वरं सुखदं प्रभुम्
bhāvābhāvavinirmuktaṃ vyāpinaṃ prakṛteḥ param / namasyāmi jagannātham īśvaraṃ sukhadaṃ prabhum
Sanskrit only: no published translation is held for this verse.
इत्य् एवं धर्मराजस् तु पुरा न्यग्रोधसंनिधौ । स्तुत्वा नानाविधैः स्तोत्रैः प्रणामम् अकरोत् तदा
ity evaṃ dharmarājas tu purā nyagrodhasaṃnidhau / stutvā nānāvidhaiḥ stotraiḥ praṇāmam akarot tadā
Sanskrit only: no published translation is held for this verse.
तं दृष्ट्वा तु महाभागे प्रणतं प्राञ्जलिस्थितम् । स्तोत्रस्य कारणं देवि पृष्टवान् अहम् अन्तकम्
taṃ dṛṣṭvā tu mahābhāge praṇataṃ prāñjalisthitam / stotrasya kāraṇaṃ devi pṛṣṭavān aham antakam
Sanskrit only: no published translation is held for this verse.
वैवस्वत महाबाहो सर्वदेवोत्तमो ह्य् असि । किमर्थं स्तुतवान् मां त्वं संक्षेपात् तद् ब्रवीहि मे
vaivasvata mahābāho sarvadevottamo hy asi / kimarthaṃ stutavān māṃ tvaṃ saṃkṣepāt tad bravīhi me
Sanskrit only: no published translation is held for this verse.
धर्मराज उवाच: अस्मिन्न् आयतने पुण्ये विख्याते पुरुषोत्तमे । इन्द्रनीलमयी श्रेष्ठा प्रतिमा सार्वकामिकी
dharmarāja uvāca: asminn āyatane puṇye vikhyāte puruṣottame / indranīlamayī śreṣṭhā pratimā sārvakāmikī
Sanskrit only: no published translation is held for this verse.
तां दृष्ट्वा पुण्डरीकाक्ष भावेनैकेन श्रद्धया । श्वेताख्यं भवनं यान्ति निष्कामाश् चैव मानवाः
tāṃ dṛṣṭvā puṇḍarīkākṣa bhāvenaikena śraddhayā / śvetākhyaṃ bhavanaṃ yānti niṣkāmāś caiva mānavāḥ
Sanskrit only: no published translation is held for this verse.
अतः कर्तुं न शक्नोमि व्यापारम् अरिसूदन । प्रसीद सुमहादेव संहर प्रतिमां विभो
ataḥ kartuṃ na śaknomi vyāpāram arisūdana / prasīda sumahādeva saṃhara pratimāṃ vibho
Sanskrit only: no published translation is held for this verse.
श्रुत्वा वैवस्वतस्यैतद् वाक्यम् एतद् उवाच ह । यम तां गोपयिष्यामि सिकताभिः समन्ततः
śrutvā vaivasvatasyaitad vākyam etad uvāca ha / yama tāṃ gopayiṣyāmi sikatābhiḥ samantataḥ
Sanskrit only: no published translation is held for this verse.
ततः सा प्रतिमा देवि वल्लिभिर् गोपिता मया । यथा तत्र न पश्यन्ति मनुजाः स्वर्गकाङ्क्षिणः
tataḥ sā pratimā devi vallibhir gopitā mayā / yathā tatra na paśyanti manujāḥ svargakāṅkṣiṇaḥ
Sanskrit only: no published translation is held for this verse.
प्रच्छाद्य वल्लिकैर् देवि जातरूपपरिच्छदैः । यमं प्रस्थापयाम् आस स्वां पुरीं दक्षिणां दिशम्
pracchādya vallikair devi jātarūpaparicchadaiḥ / yamaṃ prasthāpayām āsa svāṃ purīṃ dakṣiṇāṃ diśam
Sanskrit only: no published translation is held for this verse.
ब्रह्मोवाच: लुप्तायां प्रतिमायां तु इन्द्रनीलस्य भो द्विजाः । तस्मिन् क्षेत्रवरे पुण्ये विख्याते पुरुषोत्तमे
brahmovāca: luptāyāṃ pratimāyāṃ tu indranīlasya bho dvijāḥ / tasmin kṣetravare puṇye vikhyāte puruṣottame
Sanskrit only: no published translation is held for this verse.
यो भूतस् तत्र वृत्तान्तो देवदेवो जनार्दनः । तं सर्वं कथयाम् आस स तस्यै भगवान् पुरा
yo bhūtas tatra vṛttānto devadevo janārdanaḥ / taṃ sarvaṃ kathayām āsa sa tasyai bhagavān purā
Sanskrit only: no published translation is held for this verse.
इन्द्रद्युम्नस्य गमनं क्षेत्रसंदर्शनं तथा । क्षेत्रस्य वर्णनं चैव प्रासादकरणं तथा
indradyumnasya gamanaṃ kṣetrasaṃdarśanaṃ tathā / kṣetrasya varṇanaṃ caiva prāsādakaraṇaṃ tathā
Sanskrit only: no published translation is held for this verse.
हयमेधस्य यजनं स्वप्नदर्शनम् एव च । लवणस्योदधेस् तीरे काष्ठस्य दर्शनं तथा
hayamedhasya yajanaṃ svapnadarśanam eva ca / lavaṇasyodadhes tīre kāṣṭhasya darśanaṃ tathā
Sanskrit only: no published translation is held for this verse.
दर्शनं वासुदेवस्य शिल्पिराजस्य च द्विजाः । निर्माणं प्रतिमायास् तु यथावर्णं विशेषतः
darśanaṃ vāsudevasya śilpirājasya ca dvijāḥ / nirmāṇaṃ pratimāyās tu yathāvarṇaṃ viśeṣataḥ
Sanskrit only: no published translation is held for this verse.
स्थापनं चैव सर्वेषां प्रासादे भुवनोत्तमे । यात्राकाले च विप्रेन्द्राः कल्पसंकीर्तनं तथा
sthāpanaṃ caiva sarveṣāṃ prāsāde bhuvanottame / yātrākāle ca viprendrāḥ kalpasaṃkīrtanaṃ tathā
Sanskrit only: no published translation is held for this verse.
मार्कण्डेयस्य चरितं स्थापनं शंकरस्य च । पञ्चतीर्थस्य माहात्म्यं दर्शनं शूलपाणिनः
mārkaṇḍeyasya caritaṃ sthāpanaṃ śaṃkarasya ca / pañcatīrthasya māhātmyaṃ darśanaṃ śūlapāṇinaḥ
Sanskrit only: no published translation is held for this verse.
वटस्य दर्शनं चैव व्युष्टिं तस्य च भो द्विजाः । दर्शनं बलदेवस्य कृष्णस्य च विशेषतः
vaṭasya darśanaṃ caiva vyuṣṭiṃ tasya ca bho dvijāḥ / darśanaṃ baladevasya kṛṣṇasya ca viśeṣataḥ
Sanskrit only: no published translation is held for this verse.
सुभद्रायाश् च तत्रैव माहात्म्यं चैव सर्वशः । दर्शनं नरसिंहस्य व्युष्टिसंकीर्तनं तथा
subhadrāyāś ca tatraiva māhātmyaṃ caiva sarvaśaḥ / darśanaṃ narasiṃhasya vyuṣṭisaṃkīrtanaṃ tathā
Sanskrit only: no published translation is held for this verse.
अनन्तवासुदेवस्य दर्शनं गुणकीर्तनम् । श्वेतमाधवमाहात्म्यं स्वर्गद्वारस्य दर्शनम्
anantavāsudevasya darśanaṃ guṇakīrtanam / śvetamādhavamāhātmyaṃ svargadvārasya darśanam
Sanskrit only: no published translation is held for this verse.
उदधेर् दर्शनं चैव स्नानं तर्पणम् एव च । समुद्रस्नानमाहात्म्यम् इन्द्रद्युम्नस्य च द्विजाः
udadher darśanaṃ caiva snānaṃ tarpaṇam eva ca / samudrasnānamāhātmyam indradyumnasya ca dvijāḥ
Sanskrit only: no published translation is held for this verse.
पञ्चतीर्थफलं चैव महाज्येष्ठं तथैव च । स्थानं कृष्णस्य हलिनः पर्वयात्राफलं तथा
pañcatīrthaphalaṃ caiva mahājyeṣṭhaṃ tathaiva ca / sthānaṃ kṛṣṇasya halinaḥ parvayātrāphalaṃ tathā
Sanskrit only: no published translation is held for this verse.
वर्णनं विष्णुलोकस्य क्षेत्रस्य च पुनः पुनः । पूर्वं कथितवान् सर्वं तस्यै स पुरुषोत्तमः
varṇanaṃ viṣṇulokasya kṣetrasya ca punaḥ punaḥ / pūrvaṃ kathitavān sarvaṃ tasyai sa puruṣottamaḥ
Sanskrit only: no published translation is held for this verse.