मुनय ऊचुः: श्रोतुम् इच्छामहे देव कथाशेषं महीपतेः । तस्मिन् क्षेत्रवरे गत्वा किं चकार नराधिपः
munaya ūcuḥ: śrotum icchāmahe deva kathāśeṣaṃ mahīpateḥ / tasmin kṣetravare gatvā kiṃ cakāra narādhipaḥ
Sanskrit only: no published translation is held for this verse.
ब्रह्मोवाच: शृणुध्वं मुनिशार्दूलाः प्रवक्ष्यामि समासतः । क्षेत्रसंदर्शनं चैव कृत्यं तस्य च भूपतेः
brahmovāca: śṛṇudhvaṃ muniśārdūlāḥ pravakṣyāmi samāsataḥ / kṣetrasaṃdarśanaṃ caiva kṛtyaṃ tasya ca bhūpateḥ
Sanskrit only: no published translation is held for this verse.
गत्वा तत्र महीपालः क्षेत्रे त्रैलोक्यविश्रुते । ददर्श रमणीयानि स्थानानि सरितस् तथा
gatvā tatra mahīpālaḥ kṣetre trailokyaviśrute / dadarśa ramaṇīyāni sthānāni saritas tathā
Sanskrit only: no published translation is held for this verse.
नदी तत्र महापुण्या विन्ध्यपादविनिर्गता । स्वित्त्रोपलेति विख्याता सर्वपापहरा शिवा
nadī tatra mahāpuṇyā vindhyapādavinirgatā / svittropaleti vikhyātā sarvapāpaharā śivā
Sanskrit only: no published translation is held for this verse.
गङ्गातुल्या महास्रोता दक्षिणार्णवगामिनी । महानदीति नाम्ना सा पुण्यतोया सरिद्वरा
gaṅgātulyā mahāsrotā dakṣiṇārṇavagāminī / mahānadīti nāmnā sā puṇyatoyā saridvarā
Sanskrit only: no published translation is held for this verse.
दक्षिणस्योदधेर् गर्भं गतावर्तातिशोभिता । उभयोस् तटयोर् यस्या ग्रामाश् च नगराणि च
dakṣiṇasyodadher garbhaṃ gatāvartātiśobhitā / ubhayos taṭayor yasyā grāmāś ca nagarāṇi ca
Sanskrit only: no published translation is held for this verse.
दृश्यन्ते मुनिशार्दूलाः सुसस्याः सुमनोहराः । हृष्टपुष्टजनाकीर्णा वस्त्रालंकारभूषिताः
dṛśyante muniśārdūlāḥ susasyāḥ sumanoharāḥ / hṛṣṭapuṣṭajanākīrṇā vastrālaṃkārabhūṣitāḥ
Sanskrit only: no published translation is held for this verse.
ब्राह्मणाः क्षत्रिया वैश्याः शूद्रास् तत्र पृथक् पृथक् । स्वधर्मनिरताः शान्ता दृश्यन्ते शुभलक्षणाः
brāhmaṇāḥ kṣatriyā vaiśyāḥ śūdrās tatra pṛthak pṛthak / svadharmaniratāḥ śāntā dṛśyante śubhalakṣaṇāḥ
Sanskrit only: no published translation is held for this verse.
ताम्बूलपूर्णवदना मालादामविभूषिताः । वेदपूर्णमुखा विप्राः सषडङ्गपदक्रमाः
tāmbūlapūrṇavadanā mālādāmavibhūṣitāḥ / vedapūrṇamukhā viprāḥ saṣaḍaṅgapadakramāḥ
Sanskrit only: no published translation is held for this verse.
अग्निहोत्ररताः केचित् केचिद् औपासनक्रियाः । सर्वशास्त्रार्थकुशला यज्वानो भूरिदक्षिणाः
agnihotraratāḥ kecit kecid aupāsanakriyāḥ / sarvaśāstrārthakuśalā yajvāno bhūridakṣiṇāḥ
Sanskrit only: no published translation is held for this verse.
चत्वारे राजमार्गेषु वनेषूपवनेषु च । सभामण्डलहर्म्येषु देवतायतनेषु च
catvāre rājamārgeṣu vaneṣūpavaneṣu ca / sabhāmaṇḍalaharmyeṣu devatāyataneṣu ca
Sanskrit only: no published translation is held for this verse.
इतिहासपुराणानि वेदाः साङ्गाः सुलक्षणाः । काव्यशास्त्रकथास् तत्र श्रूयन्ते च महाजनैः
itihāsapurāṇāni vedāḥ sāṅgāḥ sulakṣaṇāḥ / kāvyaśāstrakathās tatra śrūyante ca mahājanaiḥ
Sanskrit only: no published translation is held for this verse.
स्त्रियस् तद्देशवासिन्यो रूपयौवनगर्विताः । संपूर्णलक्षणोपेता विस्तीर्णश्रोणिमण्डलाः
striyas taddeśavāsinyo rūpayauvanagarvitāḥ / saṃpūrṇalakṣaṇopetā vistīrṇaśroṇimaṇḍalāḥ
Sanskrit only: no published translation is held for this verse.
सरोरुहमुखाः श्यामाः शरच्चन्द्रनिभाननाः । पीनोन्नतस्तनाः सर्वाः समृद्ध्या चारुदर्शनाः
saroruhamukhāḥ śyāmāḥ śaraccandranibhānanāḥ / pīnonnatastanāḥ sarvāḥ samṛddhyā cārudarśanāḥ
Sanskrit only: no published translation is held for this verse.
सौवर्णवलयाक्रान्ता दिव्यैर् वस्त्रैर् अलंकृताः । कदलीगर्भसंकाशाः पद्मकिञ्जल्कसप्रभाः
sauvarṇavalayākrāntā divyair vastrair alaṃkṛtāḥ / kadalīgarbhasaṃkāśāḥ padmakiñjalkasaprabhāḥ
Sanskrit only: no published translation is held for this verse.
बिम्बाधरपुटाः कान्ताः कर्णान्तायतलोचनाः । सुमुखाश् चारुकेशाश् च हावभावावनामिताः
bimbādharapuṭāḥ kāntāḥ karṇāntāyatalocanāḥ / sumukhāś cārukeśāś ca hāvabhāvāvanāmitāḥ
Sanskrit only: no published translation is held for this verse.
काश्चित् पद्मपलाशाक्ष्यः काश्चिद् इन्दीवरेक्षणाः । विद्युद्विस्पष्टदशनास् तन्वङ्ग्यश् च तथापराः
kāścit padmapalāśākṣyaḥ kāścid indīvarekṣaṇāḥ / vidyudvispaṣṭadaśanās tanvaṅgyaś ca tathāparāḥ
Sanskrit only: no published translation is held for this verse.
कुटिलालकसंयुक्ताः सीमन्तेन विराजिताः । ग्रीवाभरणसंयुक्ता माल्यदामविभूषिताः
kuṭilālakasaṃyuktāḥ sīmantena virājitāḥ / grīvābharaṇasaṃyuktā mālyadāmavibhūṣitāḥ
Sanskrit only: no published translation is held for this verse.
कुण्डलै रत्नसंयुक्तैः कर्णपूरैर् मनोहरैः । देवयोषित्प्रतीकाशा दृश्यन्ते शुभलक्षणाः
kuṇḍalai ratnasaṃyuktaiḥ karṇapūrair manoharaiḥ / devayoṣitpratīkāśā dṛśyante śubhalakṣaṇāḥ
Sanskrit only: no published translation is held for this verse.
दिव्यगीतवरैर् धन्यैः क्रीडमाना वराङ्गनाः । वीणावेणुमृदङ्गैश् च पणवैश् चैव गोमुखैः
divyagītavarair dhanyaiḥ krīḍamānā varāṅganāḥ / vīṇāveṇumṛdaṅgaiś ca paṇavaiś caiva gomukhaiḥ
Sanskrit only: no published translation is held for this verse.
शङ्खदुन्दुभिनिर्घोषैर् नानावाद्यैर् मनोहरैः । क्रीडन्त्यस् ताः सदा हृष्टा विलासिन्यः परस्परम्
śaṅkhadundubhinirghoṣair nānāvādyair manoharaiḥ / krīḍantyas tāḥ sadā hṛṣṭā vilāsinyaḥ parasparam
Sanskrit only: no published translation is held for this verse.
एवमादि तथानेक- गीतवाद्यविशारदाः । दिवा रात्रौ समायुक्ताः कामोन्मत्ता वराङ्गनाः
evamādi tathāneka- gītavādyaviśāradāḥ / divā rātrau samāyuktāḥ kāmonmattā varāṅganāḥ
Sanskrit only: no published translation is held for this verse.
भिक्षुवैखानसैः सिद्धैः स्नातकैर् ब्रह्मचारिभिः । मन्त्रसिद्धैस् तपःसिद्धैर् यज्ञसिद्धैर् निषेवितम्
bhikṣuvaikhānasaiḥ siddhaiḥ snātakair brahmacāribhiḥ / mantrasiddhais tapaḥsiddhair yajñasiddhair niṣevitam
Sanskrit only: no published translation is held for this verse.
इत्य् एवं ददृशे राजा क्षेत्रं परमशोभनम् । अत्रैवाराधयिष्यामि भगवन्तं सनातनम्
ity evaṃ dadṛśe rājā kṣetraṃ paramaśobhanam / atraivārādhayiṣyāmi bhagavantaṃ sanātanam
Sanskrit only: no published translation is held for this verse.
जगद्गुरुं परं देवं परं पारं परं पदम् । सर्वेश्वरेश्वरं विष्णुम् अनन्तम् अपराजितम्
jagadguruṃ paraṃ devaṃ paraṃ pāraṃ paraṃ padam / sarveśvareśvaraṃ viṣṇum anantam aparājitam
Sanskrit only: no published translation is held for this verse.
इदं तन्मानसं तीर्थं ज्ञातं मे पुरुषोत्तमम् । कल्पवृक्षो महाकायो न्यग्रोधो यत्र तिष्ठति
idaṃ tanmānasaṃ tīrthaṃ jñātaṃ me puruṣottamam / kalpavṛkṣo mahākāyo nyagrodho yatra tiṣṭhati
Sanskrit only: no published translation is held for this verse.
प्रतिमा चेन्द्रनीलाख्या स्वयं देवेन गोपिता । न चात्र दृश्यते चान्या प्रतिमा वैष्णवी शुभा
pratimā cendranīlākhyā svayaṃ devena gopitā / na cātra dṛśyate cānyā pratimā vaiṣṇavī śubhā
Sanskrit only: no published translation is held for this verse.
तथा यत्नं करिष्यामि यथा देवो जगत्पतिः । प्रत्यक्षं मम चाभ्येति विष्णुः सत्यपराक्रमः
tathā yatnaṃ kariṣyāmi yathā devo jagatpatiḥ / pratyakṣaṃ mama cābhyeti viṣṇuḥ satyaparākramaḥ
Sanskrit only: no published translation is held for this verse.
यज्ञैर् दानैस् तपोभिश् च होमैर् ध्यानैस् तथार्चनैः । उपवासैश् च विधिवच् चरेयं व्रतम् उत्तमम्
yajñair dānais tapobhiś ca homair dhyānais tathārcanaiḥ / upavāsaiś ca vidhivac careyaṃ vratam uttamam
Sanskrit only: no published translation is held for this verse.
अनन्यमनसा चैव तन्मना नान्यमानसः । विष्ण्वायतनविन्यासे प्रारम्भं च करोम्य् अहम्
ananyamanasā caiva tanmanā nānyamānasaḥ / viṣṇvāyatanavinyāse prārambhaṃ ca karomy aham
Sanskrit only: no published translation is held for this verse.