मुनय ऊचुः: ब्रूहि नो देवदेवेश यत् पृच्छामः पुरातनम् । यथा ताः प्रतिमाः पूर्वम् इन्द्रद्युम्नेन निर्मिताः
munaya ūcuḥ: brūhi no devadeveśa yat pṛcchāmaḥ purātanam / yathā tāḥ pratimāḥ pūrvam indradyumnena nirmitāḥ
Sanskrit only: no published translation is held for this verse.
केन चैव प्रकारेण तुष्टस् तस्मै स माधवः । तत् सर्वं वद चास्माकं परं कौतूहलं हि नः
kena caiva prakāreṇa tuṣṭas tasmai sa mādhavaḥ / tat sarvaṃ vada cāsmākaṃ paraṃ kautūhalaṃ hi naḥ
Sanskrit only: no published translation is held for this verse.
ब्रह्मोवाच: शृणुध्वं मुनिशार्दूलाः पुराणं वेदसंमितम् । कथयामि पुरा वृत्तं प्रतिमानां च संभवम्
brahmovāca: śṛṇudhvaṃ muniśārdūlāḥ purāṇaṃ vedasaṃmitam / kathayāmi purā vṛttaṃ pratimānāṃ ca saṃbhavam
Sanskrit only: no published translation is held for this verse.
प्रवृत्ते च महायज्ञे प्रासादे चैव निर्मिते । चिन्ता तस्य बभूवाथ प्रतिमार्थम् अहर्निशम्
pravṛtte ca mahāyajñe prāsāde caiva nirmite / cintā tasya babhūvātha pratimārtham aharniśam
Sanskrit only: no published translation is held for this verse.
न वेद्मि केन देवेशं सर्वेशं लोकपावनम् । सर्गस्थित्यन्तकर्तारं पश्यामि पुरुषोत्तमम्
na vedmi kena deveśaṃ sarveśaṃ lokapāvanam / sargasthityantakartāraṃ paśyāmi puruṣottamam
Sanskrit only: no published translation is held for this verse.
चिन्ताविष्टस् त्व् अभूद् राजा शेते रात्रौ दिवापि न । न भुङ्क्ते विविधान् भोगान् न च स्नानं प्रसाधनम्
cintāviṣṭas tv abhūd rājā śete rātrau divāpi na / na bhuṅkte vividhān bhogān na ca snānaṃ prasādhanam
Sanskrit only: no published translation is held for this verse.
नैव वाद्येन गन्धेन गायनैर् वर्णकैर् अपि । न गजैर् मदयुक्तैश् च न चानेकैर् हयान्वितैः
naiva vādyena gandhena gāyanair varṇakair api / na gajair madayuktaiś ca na cānekair hayānvitaiḥ
Sanskrit only: no published translation is held for this verse.
नेन्द्रनीलैर् महानीलैः पद्मरागमयैर् न च । सुवर्णरजताद्यैश् च वज्रस्फटिकसंयुतैः
nendranīlair mahānīlaiḥ padmarāgamayair na ca / suvarṇarajatādyaiś ca vajrasphaṭikasaṃyutaiḥ
Sanskrit only: no published translation is held for this verse.
बहुरागार्थकामैर् वा न वन्यैर् अन्तरिक्षगैः । बभूव तस्य नृपतेर् मनसस् तुष्टिवर्धनम्
bahurāgārthakāmair vā na vanyair antarikṣagaiḥ / babhūva tasya nṛpater manasas tuṣṭivardhanam
Sanskrit only: no published translation is held for this verse.
शैलमृद्दारुजातेषु प्रशस्तं किं महीतले । विष्णुप्रतिमायोग्यं च सर्वलक्षणलक्षितम्
śailamṛddārujāteṣu praśastaṃ kiṃ mahītale / viṣṇupratimāyogyaṃ ca sarvalakṣaṇalakṣitam
Sanskrit only: no published translation is held for this verse.
एतैर् एव त्रयाणां तु दयितं स्यात् सुरार्चितम् । स्थापिते प्रीतिम् अभ्येति इति चिन्तापरो ऽभवत्
etair eva trayāṇāṃ tu dayitaṃ syāt surārcitam / sthāpite prītim abhyeti iti cintāparo 'bhavat
Sanskrit only: no published translation is held for this verse.
पञ्चरात्रविधानेन संपूज्य पुरुषोत्तमम् । चिन्ताविष्टो महीपालः संस्तोतुम् उपचक्रमे
pañcarātravidhānena saṃpūjya puruṣottamam / cintāviṣṭo mahīpālaḥ saṃstotum upacakrame
Sanskrit only: no published translation is held for this verse.