ब्रह्मोवाच: आसीत् कल्पे मुनिश्रेष्ठाः संप्रवृत्ते महाक्षये । नष्टे ऽर्कचन्द्रे पवने नष्टे स्थावरजङ्गमे
brahmovāca: āsīt kalpe muniśreṣṭhāḥ saṃpravṛtte mahākṣaye / naṣṭe 'rkacandre pavane naṣṭe sthāvarajaṅgame
Sanskrit only: no published translation is held for this verse.
उदिते प्रलयादित्ये प्रचण्डे घनगर्जिते । विद्युदुत्पातसंघातैः संभग्ने तरुपर्वते
udite pralayāditye pracaṇḍe ghanagarjite / vidyudutpātasaṃghātaiḥ saṃbhagne taruparvate
Sanskrit only: no published translation is held for this verse.
लोके च संहृते सर्वे महदुल्कानिबर्हणे । शुष्केषु सर्वतोयेषु सरःसु च सरित्सु च
loke ca saṃhṛte sarve mahadulkānibarhaṇe / śuṣkeṣu sarvatoyeṣu saraḥsu ca saritsu ca
Sanskrit only: no published translation is held for this verse.
ततः संवर्तको वह्निर् वायुना सह भो द्विजाः । लोकं तु प्राविशत् सर्वम् आदित्यैर् उपशोभितम्
tataḥ saṃvartako vahnir vāyunā saha bho dvijāḥ / lokaṃ tu prāviśat sarvam ādityair upaśobhitam
Sanskrit only: no published translation is held for this verse.
पश्चात् स पृथिवीं भित्त्वा प्रविश्य च रसातलम् । देवदानवयक्षाणां भयं जनयते महत्
paścāt sa pṛthivīṃ bhittvā praviśya ca rasātalam / devadānavayakṣāṇāṃ bhayaṃ janayate mahat
Sanskrit only: no published translation is held for this verse.
निर्दहन् नागलोकं च यच् च किंचित् क्षिताव् इह । अधस्तान् मुनिशार्दूलाः सर्वं नाशयते क्षणात्
nirdahan nāgalokaṃ ca yac ca kiṃcit kṣitāv iha / adhastān muniśārdūlāḥ sarvaṃ nāśayate kṣaṇāt
Sanskrit only: no published translation is held for this verse.
ततो योजनविंशानां सहस्राणि शतानि च । निर्दहत्य् आशुगो वायुः स च संवर्तको ऽनलः
tato yojanaviṃśānāṃ sahasrāṇi śatāni ca / nirdahaty āśugo vāyuḥ sa ca saṃvartako 'nalaḥ
Sanskrit only: no published translation is held for this verse.
सदेवासुरगन्धर्वं सयक्षोरगराक्षसम् । ततो दहति संदीप्तः सर्वम् एव जगत् प्रभुः
sadevāsuragandharvaṃ sayakṣoragarākṣasam / tato dahati saṃdīptaḥ sarvam eva jagat prabhuḥ
Sanskrit only: no published translation is held for this verse.
प्रदीप्तो ऽसौ महारौद्रः कल्पाग्निर् इति संश्रुतः । महाज्वालो महार्चिष्मान् संप्रदीप्तमहास्वनः
pradīpto 'sau mahāraudraḥ kalpāgnir iti saṃśrutaḥ / mahājvālo mahārciṣmān saṃpradīptamahāsvanaḥ
Sanskrit only: no published translation is held for this verse.
सूर्यकोटिप्रतीकाशो ज्वलन्न् इव स तेजसा । त्रैलोक्यं चादहत् तूर्णं ससुरासुरमानुषम्
sūryakoṭipratīkāśo jvalann iva sa tejasā / trailokyaṃ cādahat tūrṇaṃ sasurāsuramānuṣam
Sanskrit only: no published translation is held for this verse.
एवंविधे महाघोरे महाप्रलयदारुणे । ऋषिः परमधर्मात्मा ध्यानयोगपरो ऽभवत्
evaṃvidhe mahāghore mahāpralayadāruṇe / ṛṣiḥ paramadharmātmā dhyānayogaparo 'bhavat
Sanskrit only: no published translation is held for this verse.
एकः संतिष्ठते विप्रा मार्कण्डेयेति विश्रुतः । मोहपाशैर् निबद्धो ऽसौ क्षुत्तृष्णाकुलितेन्द्रियाः
ekaḥ saṃtiṣṭhate viprā mārkaṇḍeyeti viśrutaḥ / mohapāśair nibaddho 'sau kṣuttṛṣṇākulitendriyāḥ
Sanskrit only: no published translation is held for this verse.
स दृष्ट्वा तं महावह्निं शुष्ककण्ठौष्ठतालुकः । तृष्णार्तः प्रस्खलन् विप्रास् तदासौ भयविह्वलः
sa dṛṣṭvā taṃ mahāvahniṃ śuṣkakaṇṭhauṣṭhatālukaḥ / tṛṣṇārtaḥ praskhalan viprās tadāsau bhayavihvalaḥ
Sanskrit only: no published translation is held for this verse.
बभ्राम पृथिवीं सर्वां कांदिशीको विचेतनः । त्रातारं नाधिगच्छन् वै इतश् चेतश् च धावति
babhrāma pṛthivīṃ sarvāṃ kāṃdiśīko vicetanaḥ / trātāraṃ nādhigacchan vai itaś cetaś ca dhāvati
Sanskrit only: no published translation is held for this verse.
न लेभे च तदा शर्म यत्र विश्राम्यता द्विजाः । करोमि किं न जानामि यस्याहं शरणं व्रजे
na lebhe ca tadā śarma yatra viśrāmyatā dvijāḥ / karomi kiṃ na jānāmi yasyāhaṃ śaraṇaṃ vraje
Sanskrit only: no published translation is held for this verse.
कथं पश्यामि तं देवं पुरुषेशं सनातनम् । इति संचिन्तयन् देवम् एकाग्रेण सनातनम्
kathaṃ paśyāmi taṃ devaṃ puruṣeśaṃ sanātanam / iti saṃcintayan devam ekāgreṇa sanātanam
Sanskrit only: no published translation is held for this verse.
प्राप्तवांस् तत् पदं दिव्यं महाप्रलयकारणम् । पुरुषेशम् इति ख्यातं वटराजं सनातनम्
prāptavāṃs tat padaṃ divyaṃ mahāpralayakāraṇam / puruṣeśam iti khyātaṃ vaṭarājaṃ sanātanam
Sanskrit only: no published translation is held for this verse.
त्वरायुक्तो मुनिश् चासौ न्यग्रोधस्यान्तिकं ययौ । आसाद्य तं मुनिश्रेष्ठास् तस्य मूले समाविशत्
tvarāyukto muniś cāsau nyagrodhasyāntikaṃ yayau / āsādya taṃ muniśreṣṭhās tasya mūle samāviśat
Sanskrit only: no published translation is held for this verse.
न कालाग्निभयं तत्र न चाङ्गारप्रवर्षणम् । न संवर्तागमस् तत्र न च वज्राशनिस् तथा
na kālāgnibhayaṃ tatra na cāṅgārapravarṣaṇam / na saṃvartāgamas tatra na ca vajrāśanis tathā
Sanskrit only: no published translation is held for this verse.