ब्रह्मोवाच: अनन्ताख्यं वासुदेवं दृष्ट्वा भक्त्या प्रणम्य च । सर्वपापविनिर्मुक्तो नरो याति परं पदम्
brahmovāca: anantākhyaṃ vāsudevaṃ dṛṣṭvā bhaktyā praṇamya ca / sarvapāpavinirmukto naro yāti paraṃ padam
Sanskrit only: no published translation is held for this verse.
मया चाराधितश् चासौ शक्रेण तदनन्तरम् । विभीषणेन रामेण कस् तं नाराधयेत् पुमान्
mayā cārādhitaś cāsau śakreṇa tadanantaram / vibhīṣaṇena rāmeṇa kas taṃ nārādhayet pumān
Sanskrit only: no published translation is held for this verse.
श्वेतगङ्गां नरः स्नात्वा यः पश्येच् छ्वेतमाधवम् । मत्स्याख्यं माधवं चैव श्वेतद्वीपं स गच्छति
śvetagaṅgāṃ naraḥ snātvā yaḥ paśyec chvetamādhavam / matsyākhyaṃ mādhavaṃ caiva śvetadvīpaṃ sa gacchati
Sanskrit only: no published translation is held for this verse.
मुनय ऊचुः: श्वेतमाधवमाहात्म्यं वक्तुम् अर्हस्य् अशेषतः । विस्तरेण जगन्नाथ प्रतिमां तस्य वै हरेः
munaya ūcuḥ: śvetamādhavamāhātmyaṃ vaktum arhasy aśeṣataḥ / vistareṇa jagannātha pratimāṃ tasya vai hareḥ
Sanskrit only: no published translation is held for this verse.
तस्मिन् क्षेत्रवरे पुण्ये विख्याते जगतीतले । श्वेताख्यं माधवं देवं कस् तं स्थापितवान् पुरा
tasmin kṣetravare puṇye vikhyāte jagatītale / śvetākhyaṃ mādhavaṃ devaṃ kas taṃ sthāpitavān purā
Sanskrit only: no published translation is held for this verse.
ब्रह्मोवाच: अभूत् कृतयुगे विप्राः श्वेतो नाम नृपो बली । मतिमान् धर्मविच् छूरः सत्यसंधो दृढव्रतः
brahmovāca: abhūt kṛtayuge viprāḥ śveto nāma nṛpo balī / matimān dharmavic chūraḥ satyasaṃdho dṛḍhavrataḥ
Sanskrit only: no published translation is held for this verse.
यस्य राज्ये तु वर्षाणां सहस्रं दश मानवाः । भवन्त्य् आयुष्मन्तो लोका बालस् तस्मिन् न सीदति
yasya rājye tu varṣāṇāṃ sahasraṃ daśa mānavāḥ / bhavanty āyuṣmanto lokā bālas tasmin na sīdati
Sanskrit only: no published translation is held for this verse.
वर्तमाने तदा राज्ये किंचित् काले गते द्विजाः । कपालगौतमो नाम ऋषिः परमधार्मिकः
vartamāne tadā rājye kiṃcit kāle gate dvijāḥ / kapālagautamo nāma ṛṣiḥ paramadhārmikaḥ
Sanskrit only: no published translation is held for this verse.
सुतो ऽस्याजातदन्तश् च मृतः कालवशाद् द्विजाः । तम् आदाय ऋषिर् धीमान् नृपस्यान्तिकम् आनयत्
suto 'syājātadantaś ca mṛtaḥ kālavaśād dvijāḥ / tam ādāya ṛṣir dhīmān nṛpasyāntikam ānayat
Sanskrit only: no published translation is held for this verse.
दृष्ट्वैवं नृपतिः सुप्तं कुमारं गतचेतसम् । प्रतिज्ञाम् अकरोद् विप्रा जीवनार्थं शिशोस् तदा
dṛṣṭvaivaṃ nṛpatiḥ suptaṃ kumāraṃ gatacetasam / pratijñām akarod viprā jīvanārthaṃ śiśos tadā
Sanskrit only: no published translation is held for this verse.
राजोवाच: यावद् बालम् अहं त्व् एनं यमस्य सदने गतम् । नानये सप्तरात्रेण चितां दीप्तां समारुहे
rājovāca: yāvad bālam ahaṃ tv enaṃ yamasya sadane gatam / nānaye saptarātreṇa citāṃ dīptāṃ samāruhe
Sanskrit only: no published translation is held for this verse.
ब्रह्मोवाच: एवम् उक्त्वासितैः पद्मैः शतैर् दशशतादिकैः । संपूज्य च महादेवं राजा विद्यां पुनर् जपेत्
brahmovāca: evam uktvāsitaiḥ padmaiḥ śatair daśaśatādikaiḥ / saṃpūjya ca mahādevaṃ rājā vidyāṃ punar japet
Sanskrit only: no published translation is held for this verse.
अतिभक्तिं तु संचिन्त्य नृपस्य जगदीश्वरः । सांनिध्यम् अगमत् तुष्टो श्मीत्य् उवाच सहोमया
atibhaktiṃ tu saṃcintya nṛpasya jagadīśvaraḥ / sāṃnidhyam agamat tuṣṭo śmīty uvāca sahomayā
Sanskrit only: no published translation is held for this verse.
श्रुत्वैवं गिरम् ईशस्य विलोक्य सहसा हरम् । भस्मदिग्धं विरूपाक्षं शरत्कुन्देन्दुवर्चसम्
śrutvaivaṃ giram īśasya vilokya sahasā haram / bhasmadigdhaṃ virūpākṣaṃ śaratkundenduvarcasam
Sanskrit only: no published translation is held for this verse.
शार्दूलचर्मवसनं शशाङ्काङ्कितमूर्धजम् । महीं निपत्य सहसा प्रणम्य स तदाब्रवीत्
śārdūlacarmavasanaṃ śaśāṅkāṅkitamūrdhajam / mahīṃ nipatya sahasā praṇamya sa tadābravīt
Sanskrit only: no published translation is held for this verse.
श्वेत उवाच: कारुण्यं यदि मे दृष्ट्वा प्रसन्नो ऽसि प्रभो यदि । कालस्य वशम् आपन्नो बालको द्विजपुत्रकः
śveta uvāca: kāruṇyaṃ yadi me dṛṣṭvā prasanno 'si prabho yadi / kālasya vaśam āpanno bālako dvijaputrakaḥ
Sanskrit only: no published translation is held for this verse.
जीवत्व् एष पुनर् बाल इत्य् एवं व्रतम् आहितम् । अकस्माच् च मृतं बालं नियम्य भगवन् स्वयम् । यथोक्तायुष्यसंयुक्तं क्षेमं कुरु महेश्वर
jīvatv eṣa punar bāla ity evaṃ vratam āhitam / akasmāc ca mṛtaṃ bālaṃ niyamya bhagavan svayam / yathoktāyuṣyasaṃyuktaṃ kṣemaṃ kuru maheśvara
Sanskrit only: no published translation is held for this verse.
ब्रह्मोवाच: श्वेतस्यैतद् वचः श्रुत्वा मुदं प्राप हरस् तदा । कालम् आज्ञापयाम् आस सर्वभूतभयंकरम्
brahmovāca: śvetasyaitad vacaḥ śrutvā mudaṃ prāpa haras tadā / kālam ājñāpayām āsa sarvabhūtabhayaṃkaram
Sanskrit only: no published translation is held for this verse.
नियम्य कालं दुर्धर्षं यमस्याज्ञाकरं द्विजाः । बालं संजीवयाम् आस मृत्योर् मुखगतं पुनः
niyamya kālaṃ durdharṣaṃ yamasyājñākaraṃ dvijāḥ / bālaṃ saṃjīvayām āsa mṛtyor mukhagataṃ punaḥ
Sanskrit only: no published translation is held for this verse.
कृत्वा क्षेमं जगत् सर्वं मुनेः पुत्रं स तं द्विजाः । देव्या सहोमया देवस् तत्रैवान्तरधीयत
kṛtvā kṣemaṃ jagat sarvaṃ muneḥ putraṃ sa taṃ dvijāḥ / devyā sahomayā devas tatraivāntaradhīyata
Sanskrit only: no published translation is held for this verse.
एवं संजीवयाम् आस मुनेः पुत्रं नृपोत्तमः ॥* ब्र्प् ५९।२१ ॥ मुनय ऊचुः: देवदेव जगन्नाथ त्रैलोक्यप्रभवाव्यय । ब्रूहि नः परमं तथ्यं श्वेताख्यस्य च सांप्रतम्
evaṃ saṃjīvayām āsa muneḥ putraṃ nṛpottamaḥ //* BrP 59.21 // munaya ūcuḥ: devadeva jagannātha trailokyaprabhavāvyaya / brūhi naḥ paramaṃ tathyaṃ śvetākhyasya ca sāṃpratam
Sanskrit only: no published translation is held for this verse.
ब्रह्मोवाच: शृणुध्वं मुनिशार्दूलाः सर्वसत्त्वहितावहम् । प्रवक्ष्यामि यथातथ्यं यत् पृच्छथ ममानघाः
brahmovāca: śṛṇudhvaṃ muniśārdūlāḥ sarvasattvahitāvaham / pravakṣyāmi yathātathyaṃ yat pṛcchatha mamānaghāḥ
Sanskrit only: no published translation is held for this verse.
माधवस्य च माहात्म्यं सर्वपापप्रणाशनम् । यच् छ्रुत्वाभिमतान् कामान् ध्रुवं प्राप्नोति मानवः
mādhavasya ca māhātmyaṃ sarvapāpapraṇāśanam / yac chrutvābhimatān kāmān dhruvaṃ prāpnoti mānavaḥ
Sanskrit only: no published translation is held for this verse.
श्रुतवान् ऋषिभिः पूर्वं माधवाख्यस्य भो द्विजाः । शृणुध्वं तां कथां दिव्यां भयशोकार्तिनाशिनीम्
śrutavān ṛṣibhiḥ pūrvaṃ mādhavākhyasya bho dvijāḥ / śṛṇudhvaṃ tāṃ kathāṃ divyāṃ bhayaśokārtināśinīm
Sanskrit only: no published translation is held for this verse.
स कृत्वा राज्यम् एकाग्र्यं वर्षाणां च सहस्रशः । विचार्य लौकिकान् धर्मान् वैदिकान् नियमांस् तथा
sa kṛtvā rājyam ekāgryaṃ varṣāṇāṃ ca sahasraśaḥ / vicārya laukikān dharmān vaidikān niyamāṃs tathā
Sanskrit only: no published translation is held for this verse.
केशवाराधने विप्रा निश्चितं व्रतम् आस्थितः । स गत्वा परमं क्षेत्रं सागरं दक्षिणाश्रयम्
keśavārādhane viprā niścitaṃ vratam āsthitaḥ / sa gatvā paramaṃ kṣetraṃ sāgaraṃ dakṣiṇāśrayam
Sanskrit only: no published translation is held for this verse.
तटे तस्मिञ् शुभे रम्ये देशे कृष्णस्य चान्तिके । श्वेतो ऽथ कारयाम् आस प्रासादं शुभलक्षणम्
taṭe tasmiñ śubhe ramye deśe kṛṣṇasya cāntike / śveto 'tha kārayām āsa prāsādaṃ śubhalakṣaṇam
Sanskrit only: no published translation is held for this verse.
धन्वन्तरशतं चैकं देवदेवस्य दक्षिणे । ततः श्वेतेन विप्रेन्द्राः श्वेतशैलमयेन च
dhanvantaraśataṃ caikaṃ devadevasya dakṣiṇe / tataḥ śvetena viprendrāḥ śvetaśailamayena ca
Sanskrit only: no published translation is held for this verse.
कृतः स भगवाञ् श्वेतो माधवश् चन्द्रसंनिभः । प्रतिष्ठां विधिवच् चक्रे यथोद्दिष्टां स्वयं तु सः
kṛtaḥ sa bhagavāñ śveto mādhavaś candrasaṃnibhaḥ / pratiṣṭhāṃ vidhivac cakre yathoddiṣṭāṃ svayaṃ tu saḥ
Sanskrit only: no published translation is held for this verse.
दत्त्वा दानं द्विजातिभ्यो दीनानाथतपस्विनाम् । अथानन्तरतो राजा माधवस्य च संनिधौ
dattvā dānaṃ dvijātibhyo dīnānāthatapasvinām / athānantarato rājā mādhavasya ca saṃnidhau
Sanskrit only: no published translation is held for this verse.
महीं निपत्य सहसा ॐकारं द्वादशाक्षरम् । जपन् स मौनम् आस्थाय मासम् एकं समाधिना
mahīṃ nipatya sahasā oṃkāraṃ dvādaśākṣaram / japan sa maunam āsthāya māsam ekaṃ samādhinā
Sanskrit only: no published translation is held for this verse.
निराहारो महाभागः सम्यग् विष्णुपदे स्थितः । जपान्ते स तु देवेशं संस्तोतुम् उपचक्रमे
nirāhāro mahābhāgaḥ samyag viṣṇupade sthitaḥ / japānte sa tu deveśaṃ saṃstotum upacakrame
Sanskrit only: no published translation is held for this verse.
श्वेत उवाच: ॐ नमो वासुदेवाय नमः संकर्षणाय च । प्रद्युम्नायानिरुद्धाय नमो नारायणाय च
śveta uvāca: oṃ namo vāsudevāya namaḥ saṃkarṣaṇāya ca / pradyumnāyāniruddhāya namo nārāyaṇāya ca
Sanskrit only: no published translation is held for this verse.
नमो ऽस्तु बहुरूपाय विश्वरूपाय वेधसे । निर्गुणायाप्रतर्क्याय शुचये शुक्लकर्मणे
namo 'stu bahurūpāya viśvarūpāya vedhase / nirguṇāyāpratarkyāya śucaye śuklakarmaṇe
Sanskrit only: no published translation is held for this verse.
ॐ नमः पद्मनाभाय पद्मगर्भोद्भवाय च । नमो ऽस्तु पद्मवर्णाय पद्महस्ताय ते नमः
oṃ namaḥ padmanābhāya padmagarbhodbhavāya ca / namo 'stu padmavarṇāya padmahastāya te namaḥ
Sanskrit only: no published translation is held for this verse.
ॐ नमः पुष्कराक्षाय सहस्राक्षाय मीढुषे । नमः सहस्रपादाय सहस्रभुजमन्यवे
oṃ namaḥ puṣkarākṣāya sahasrākṣāya mīḍhuṣe / namaḥ sahasrapādāya sahasrabhujamanyave
Sanskrit only: no published translation is held for this verse.
ॐ नमो ऽस्तु वराहाय वरदाय सुमेधसे । वरिष्ठाय वरेण्याय शरण्यायाच्युताय च
oṃ namo 'stu varāhāya varadāya sumedhase / variṣṭhāya vareṇyāya śaraṇyāyācyutāya ca
Sanskrit only: no published translation is held for this verse.
ॐ नमो बालरूपाय बालपद्मप्रभाय च । बालार्कसोमनेत्राय मुञ्जकेशाय धीमते
oṃ namo bālarūpāya bālapadmaprabhāya ca / bālārkasomanetrāya muñjakeśāya dhīmate
Sanskrit only: no published translation is held for this verse.
केशवाय नमो नित्यं नमो नारायणाय च । माधवाय वरिष्ठाय गोविन्दाय नमो नमः
keśavāya namo nityaṃ namo nārāyaṇāya ca / mādhavāya variṣṭhāya govindāya namo namaḥ
Sanskrit only: no published translation is held for this verse.
ॐ नमो विष्णवे नित्यं देवाय वसुरेतसे । मधुसूदनाय नमः शुद्धायांशुधराय च
oṃ namo viṣṇave nityaṃ devāya vasuretase / madhusūdanāya namaḥ śuddhāyāṃśudharāya ca
Sanskrit only: no published translation is held for this verse.
नमो अनन्ताय सूक्ष्माय नमः श्रीवत्सधारिणे । त्रिविक्रमाय च नमो दिव्यपीताम्बराय च
namo anantāya sūkṣmāya namaḥ śrīvatsadhāriṇe / trivikramāya ca namo divyapītāmbarāya ca
Sanskrit only: no published translation is held for this verse.
सृष्टिकर्त्रे नमस् तुभ्यं गोप्त्रे धात्रे नमो नमः । नमो ऽस्तु गुणभूताय निर्गुणाय नमो नमः
sṛṣṭikartre namas tubhyaṃ goptre dhātre namo namaḥ / namo 'stu guṇabhūtāya nirguṇāya namo namaḥ
Sanskrit only: no published translation is held for this verse.
नमो वामनरूपाय नमो वामनकर्मणे । नमो वामननेत्राय नमो वामनवाहिने
namo vāmanarūpāya namo vāmanakarmaṇe / namo vāmananetrāya namo vāmanavāhine
Sanskrit only: no published translation is held for this verse.
नमो रम्याय पूज्याय नमो ऽस्त्व् अव्यक्तरूपिणे । अप्रतर्क्याय शुद्धाय नमो भयहराय च
namo ramyāya pūjyāya namo 'stv avyaktarūpiṇe / apratarkyāya śuddhāya namo bhayaharāya ca
Sanskrit only: no published translation is held for this verse.
संसारार्णवपोताय प्रशान्ताय स्वरूपिणे । शिवाय सौम्यरूपाय रुद्रायोत्तारणाय च
saṃsārārṇavapotāya praśāntāya svarūpiṇe / śivāya saumyarūpāya rudrāyottāraṇāya ca
Sanskrit only: no published translation is held for this verse.
भवभङ्गकृते चैव भवभोगप्रदाय च । भवसंघातरूपाय भवसृष्टिकृते नमः
bhavabhaṅgakṛte caiva bhavabhogapradāya ca / bhavasaṃghātarūpāya bhavasṛṣṭikṛte namaḥ
Sanskrit only: no published translation is held for this verse.
ॐ नमो दिव्यरूपाय सोमाग्निश्वसिताय च । सोमसूर्यांशुकेशाय गोब्राह्मणहिताय च
oṃ namo divyarūpāya somāgniśvasitāya ca / somasūryāṃśukeśāya gobrāhmaṇahitāya ca
Sanskrit only: no published translation is held for this verse.
ॐ नम ऋक्स्वरूपाय पदक्रमस्वरूपिणे । ऋक्स्तुताय नमस् तुभ्यं नम ऋक्साधनाय च
oṃ nama ṛksvarūpāya padakramasvarūpiṇe / ṛkstutāya namas tubhyaṃ nama ṛksādhanāya ca
Sanskrit only: no published translation is held for this verse.
ॐ नमो यजुषां धात्रे यजूरूपधराय च । यजुर्याज्याय जुष्टाय यजुषां पतये नमः
oṃ namo yajuṣāṃ dhātre yajūrūpadharāya ca / yajuryājyāya juṣṭāya yajuṣāṃ pataye namaḥ
Sanskrit only: no published translation is held for this verse.
ॐ नमः श्रीपते देव श्रीधराय वराय च । श्रियः कान्ताय दान्ताय योगिचिन्त्याय योगिने
oṃ namaḥ śrīpate deva śrīdharāya varāya ca / śriyaḥ kāntāya dāntāya yogicintyāya yogine
Sanskrit only: no published translation is held for this verse.
ॐ नमः सामरूपाय सामध्वनिवराय च । ॐ नमः सामसौम्याय सामयोगविदे नमः
oṃ namaḥ sāmarūpāya sāmadhvanivarāya ca / oṃ namaḥ sāmasaumyāya sāmayogavide namaḥ
Sanskrit only: no published translation is held for this verse.
साम्ने च सामगीताय ॐ नमः सामधारिणे । सामयज्ञविदे चैव नमः सामकराय च
sāmne ca sāmagītāya oṃ namaḥ sāmadhāriṇe / sāmayajñavide caiva namaḥ sāmakarāya ca
Sanskrit only: no published translation is held for this verse.
नमस् त्व् अथर्वशिरसे नमो ऽथर्वस्वरूपिणे । नमो ऽस्त्व् अथर्वपादाय नमो ऽथर्वकराय च
namas tv atharvaśirase namo 'tharvasvarūpiṇe / namo 'stv atharvapādāya namo 'tharvakarāya ca
Sanskrit only: no published translation is held for this verse.
ॐ नमो वज्रशीर्षाय मधुकैटभघातिने । महोदधिजलस्थाय वेदाहरणकारिणे
oṃ namo vajraśīrṣāya madhukaiṭabhaghātine / mahodadhijalasthāya vedāharaṇakāriṇe
Sanskrit only: no published translation is held for this verse.
नमो दीप्तस्वरूपाय हृषीकेशाय वै नमः । नमो भगवते तुभ्यं वासुदेवाय ते नमः
namo dīptasvarūpāya hṛṣīkeśāya vai namaḥ / namo bhagavate tubhyaṃ vāsudevāya te namaḥ
Sanskrit only: no published translation is held for this verse.
नारायण नमस् तुभ्यं नमो लोकहिताय च । ॐ नमो मोहनाशाय भवभङ्गकराय च
nārāyaṇa namas tubhyaṃ namo lokahitāya ca / oṃ namo mohanāśāya bhavabhaṅgakarāya ca
Sanskrit only: no published translation is held for this verse.
गतिप्रदाय च नमो नमो बन्धहराय च । त्रैलोक्यतेजसां कर्त्रे नमस् तेजःस्वरूपिणे
gatipradāya ca namo namo bandhaharāya ca / trailokyatejasāṃ kartre namas tejaḥsvarūpiṇe
Sanskrit only: no published translation is held for this verse.
योगीश्वराय शुद्धाय रामायोत्तरणाय च । सुखाय सुखनेत्राय नमः सुकृतधारिणे
yogīśvarāya śuddhāya rāmāyottaraṇāya ca / sukhāya sukhanetrāya namaḥ sukṛtadhāriṇe
Sanskrit only: no published translation is held for this verse.
वासुदेवाय वन्द्याय वामदेवाय वै नमः । देहिनां देहकर्त्रे च भेदभङ्गकराय च
vāsudevāya vandyāya vāmadevāya vai namaḥ / dehināṃ dehakartre ca bhedabhaṅgakarāya ca
Sanskrit only: no published translation is held for this verse.
देवैर् वन्दितदेहाय नमस् ते दिव्यमौलिने । नमो वासनिवासाय वासव्यवहराय च
devair vanditadehāya namas te divyamauline / namo vāsanivāsāya vāsavyavaharāya ca
Sanskrit only: no published translation is held for this verse.
ॐ नमो वसुकर्त्रे च वसुवासप्रदाय च । नमो यज्ञस्वरूपाय यज्ञेशाय च योगिने
oṃ namo vasukartre ca vasuvāsapradāya ca / namo yajñasvarūpāya yajñeśāya ca yogine
Sanskrit only: no published translation is held for this verse.
यतियोगकरेशाय नमो यज्ञाङ्गधारिणे । संकर्षणाय च नमः प्रलम्बमथनाय च
yatiyogakareśāya namo yajñāṅgadhāriṇe / saṃkarṣaṇāya ca namaḥ pralambamathanāya ca
Sanskrit only: no published translation is held for this verse.
मेघघोषस्वनोत्तीर्ण- वेगलाङ्गलधारिणे । नमो ऽस्तु ज्ञानिनां ज्ञान नारायणपरायण
meghaghoṣasvanottīrṇa- vegalāṅgaladhāriṇe / namo 'stu jñānināṃ jñāna nārāyaṇaparāyaṇa
Sanskrit only: no published translation is held for this verse.
न मे ऽस्ति त्वाम् ऋते बन्धुर् नरकोत्तारणे प्रभो । अतस् त्वां सर्वभावेन प्रणतो नतवत्सल
na me 'sti tvām ṛte bandhur narakottāraṇe prabho / atas tvāṃ sarvabhāvena praṇato natavatsala
Sanskrit only: no published translation is held for this verse.
मलं यत् कायजं वापि मानसं चैव केशव । न तस्यान्यो ऽस्ति देवेश क्षालकस् त्वाम् ऋते ऽच्युत
malaṃ yat kāyajaṃ vāpi mānasaṃ caiva keśava / na tasyānyo 'sti deveśa kṣālakas tvām ṛte 'cyuta
Sanskrit only: no published translation is held for this verse.
संसर्गाणि समस्तानि विहाय त्वाम् उपस्थितः । सङ्गो मे ऽस्तु त्वया सार्धम् आत्मलाभाय केशव
saṃsargāṇi samastāni vihāya tvām upasthitaḥ / saṅgo me 'stu tvayā sārdham ātmalābhāya keśava
Sanskrit only: no published translation is held for this verse.
कष्टम् आपत् सुदुष्पारं संसारं वेद्मि केशव । तापत्रयपरिक्लिष्टस् तेन त्वां शरणं गतः
kaṣṭam āpat suduṣpāraṃ saṃsāraṃ vedmi keśava / tāpatrayaparikliṣṭas tena tvāṃ śaraṇaṃ gataḥ
Sanskrit only: no published translation is held for this verse.
एषणाभिर् जगत् सर्वं मोहितं मायया तव । आकर्षितं च लोभाद्यैर् अतस् त्वाम् अहम् आश्रितः
eṣaṇābhir jagat sarvaṃ mohitaṃ māyayā tava / ākarṣitaṃ ca lobhādyair atas tvām aham āśritaḥ
Sanskrit only: no published translation is held for this verse.
नास्ति किंचित् सुखं विष्णो संसारस्थस्य देहिनः । यथा यथा हि यज्ञेश त्वयि चेतः प्रवर्तते
nāsti kiṃcit sukhaṃ viṣṇo saṃsārasthasya dehinaḥ / yathā yathā hi yajñeśa tvayi cetaḥ pravartate
Sanskrit only: no published translation is held for this verse.
तथा फलविहीनं तु सुखम् आत्यन्तिकं लभेत् । नष्टो विवेकशून्यो ऽस्मि दृश्यते जगद् आतुरम्
tathā phalavihīnaṃ tu sukham ātyantikaṃ labhet / naṣṭo vivekaśūnyo 'smi dṛśyate jagad āturam
Sanskrit only: no published translation is held for this verse.
गोविन्द त्राहि संसारान् माम् उद्धर्तुं त्वम् अर्हसि । मग्नस्य मोहसलिले निरुत्तारे भवार्णवे । उद्धर्ता पुण्डरीकाक्ष त्वाम् ऋते ऽन्यो न विद्यते
govinda trāhi saṃsārān mām uddhartuṃ tvam arhasi / magnasya mohasalile niruttāre bhavārṇave / uddhartā puṇḍarīkākṣa tvām ṛte 'nyo na vidyate
Sanskrit only: no published translation is held for this verse.
ब्रह्मोवाच: इत्थं स्तुतस् ततस् तेन राज्ञा श्वेतेन भो द्विजाः । तस्मिन् क्षेत्रवरे दिव्ये विख्याते पुरुषोत्तमे
brahmovāca: itthaṃ stutas tatas tena rājñā śvetena bho dvijāḥ / tasmin kṣetravare divye vikhyāte puruṣottame
Sanskrit only: no published translation is held for this verse.
भक्तिं तस्य तु संचिन्त्य देवदेवो जगद्गुरुः । आजगाम नृपस्याग्रे सर्वैर् देवैर् वृतो हरिः
bhaktiṃ tasya tu saṃcintya devadevo jagadguruḥ / ājagāma nṛpasyāgre sarvair devair vṛto hariḥ
Sanskrit only: no published translation is held for this verse.
नीलजीमूतसंकाशः पद्मपत्त्रायतेक्षणः । दधत् सुदर्शनं धीमान् कराग्रे दीप्तमण्डलम्
nīlajīmūtasaṃkāśaḥ padmapattrāyatekṣaṇaḥ / dadhat sudarśanaṃ dhīmān karāgre dīptamaṇḍalam
Sanskrit only: no published translation is held for this verse.
क्षीरोदजलसंकाशो विमलश् चन्द्रसंनिभः । रराज वामहस्ते ऽस्य पाञ्चजन्यो महाद्युतिः
kṣīrodajalasaṃkāśo vimalaś candrasaṃnibhaḥ / rarāja vāmahaste 'sya pāñcajanyo mahādyutiḥ
Sanskrit only: no published translation is held for this verse.
पक्षिराजध्वजः श्रीमान् गदाशार्ङ्गासिधृक् प्रभुः । उवाच साधु भो राजन् यस्य ते मतिर् उत्तमा । यद् इष्टं वर भद्रं ते प्रसन्नो ऽस्मि तवानघ
pakṣirājadhvajaḥ śrīmān gadāśārṅgāsidhṛk prabhuḥ / uvāca sādhu bho rājan yasya te matir uttamā / yad iṣṭaṃ vara bhadraṃ te prasanno 'smi tavānagha
Sanskrit only: no published translation is held for this verse.
ब्रह्मोवाच: श्रुत्वैवं देवदेवस्य वाक्यं तत् परमामृतम् । प्रणम्य शिरसोवाच श्वेतस् तद्गतमानसः
brahmovāca: śrutvaivaṃ devadevasya vākyaṃ tat paramāmṛtam / praṇamya śirasovāca śvetas tadgatamānasaḥ
Sanskrit only: no published translation is held for this verse.
श्वेत उवाच: यद्य् अहं भगवन् भक्तः प्रयच्छ वरम् उत्तमम् । आब्रह्मभवनाद् ऊर्ध्वं वैष्णवं पदम् अव्ययम्
śveta uvāca: yady ahaṃ bhagavan bhaktaḥ prayaccha varam uttamam / ābrahmabhavanād ūrdhvaṃ vaiṣṇavaṃ padam avyayam
Sanskrit only: no published translation is held for this verse.
विमलं विरजं शुद्धं संसारासङ्गवर्जितम् । तत् पदं गन्तुम् इच्छामि त्वत्प्रसादाज् जगत्पते
vimalaṃ virajaṃ śuddhaṃ saṃsārāsaṅgavarjitam / tat padaṃ gantum icchāmi tvatprasādāj jagatpate
Sanskrit only: no published translation is held for this verse.
श्रीभगवान् उवाच: यत् पदं विबुधाः सर्वे मुनयः सिद्धयोगिनः । नाभिगच्छन्ति यद् रम्यं परं पदम् अनामयम्
śrībhagavān uvāca: yat padaṃ vibudhāḥ sarve munayaḥ siddhayoginaḥ / nābhigacchanti yad ramyaṃ paraṃ padam anāmayam
Sanskrit only: no published translation is held for this verse.
यास्यसि परमं स्थानं राज्यामृतम् उपास्य च । सर्वांल् लोकान् अतिक्रम्य मम लोकं गमिष्यसि
yāsyasi paramaṃ sthānaṃ rājyāmṛtam upāsya ca / sarvāṃl lokān atikramya mama lokaṃ gamiṣyasi
Sanskrit only: no published translation is held for this verse.
कीर्तिस् तवात्र राजेन्द्र त्रींल् लोकांश् च गमिष्यति । सांनिध्यं मम चैवात्र सर्वदैव भविष्यति
kīrtis tavātra rājendra trīṃl lokāṃś ca gamiṣyati / sāṃnidhyaṃ mama caivātra sarvadaiva bhaviṣyati
Sanskrit only: no published translation is held for this verse.
श्वेतगङ्गेति गास्यन्ति सर्वे ते देवदानवाः । कुशाग्रेणापि राजेन्द्र श्वेतगाङ्गेयम् अम्बु च
śvetagaṅgeti gāsyanti sarve te devadānavāḥ / kuśāgreṇāpi rājendra śvetagāṅgeyam ambu ca
Sanskrit only: no published translation is held for this verse.
स्पृष्ट्वा स्वर्गं गमिष्यन्ति मद्भक्ता ये समाहिताः । यस् त्व् इमां प्रतिमां गच्छेन् माधवाख्यां शशिप्रभाम्
spṛṣṭvā svargaṃ gamiṣyanti madbhaktā ye samāhitāḥ / yas tv imāṃ pratimāṃ gacchen mādhavākhyāṃ śaśiprabhām
Sanskrit only: no published translation is held for this verse.
शङ्खगोक्षीरसंकाशाम् अशेषाघविनाशिनीम् । तां प्रणम्य सकृद् भक्त्या पुण्डरीकनिभेक्षणाम्
śaṅkhagokṣīrasaṃkāśām aśeṣāghavināśinīm / tāṃ praṇamya sakṛd bhaktyā puṇḍarīkanibhekṣaṇām
Sanskrit only: no published translation is held for this verse.
विहाय सर्वलोकान् वै मम लोके महीयते । मन्वन्तराणि तत्रैव देवकन्याभिर् आवृतः
vihāya sarvalokān vai mama loke mahīyate / manvantarāṇi tatraiva devakanyābhir āvṛtaḥ
Sanskrit only: no published translation is held for this verse.
गीयमानश् च मधुरं सिद्धगन्धर्वसेवितः । भुनक्ति विपुलान् भोगान् यथेष्टं मामकैः सह
gīyamānaś ca madhuraṃ siddhagandharvasevitaḥ / bhunakti vipulān bhogān yatheṣṭaṃ māmakaiḥ saha
Sanskrit only: no published translation is held for this verse.
च्युतस् तस्माद् इहागत्य मनुष्यो ब्राह्मणो भवेत् । वेदवेदाङ्गविच् छ्रीमान् भोगवांश् चिरजीवितः
cyutas tasmād ihāgatya manuṣyo brāhmaṇo bhavet / vedavedāṅgavic chrīmān bhogavāṃś cirajīvitaḥ
Sanskrit only: no published translation is held for this verse.
गजाश्वरथयानाढ्यो धनधान्यावृतः शुचिः । रूपवान् बहुभाग्यश् च पुत्रपौत्रसमन्वितः
gajāśvarathayānāḍhyo dhanadhānyāvṛtaḥ śuciḥ / rūpavān bahubhāgyaś ca putrapautrasamanvitaḥ
Sanskrit only: no published translation is held for this verse.
पुरुषोत्तमं पुनः प्राप्य वटमूले ऽथ सागरे । त्यक्त्वा देहं हरिं स्मृत्वा ततः शान्तपदं व्रजेत्
puruṣottamaṃ punaḥ prāpya vaṭamūle 'tha sāgare / tyaktvā dehaṃ hariṃ smṛtvā tataḥ śāntapadaṃ vrajet
Sanskrit only: no published translation is held for this verse.