ब्रह्मोवाच: यदा भवेन् महाज्यैष्ठी राशिनक्षत्रयोगतः । प्रयत्नेन तदा मर्त्यैर् गन्तव्यं पुरुषोत्तमम्
brahmovāca: yadā bhaven mahājyaiṣṭhī rāśinakṣatrayogataḥ / prayatnena tadā martyair gantavyaṃ puruṣottamam
Sanskrit only: no published translation is held for this verse.
कृष्णं दृष्ट्वा महाज्यैष्ठ्यां रामं भद्रां च भो द्विजाः । नरो द्वादशयात्रायाः फलं प्राप्नोति चाधिकम्
kṛṣṇaṃ dṛṣṭvā mahājyaiṣṭhyāṃ rāmaṃ bhadrāṃ ca bho dvijāḥ / naro dvādaśayātrāyāḥ phalaṃ prāpnoti cādhikam
Sanskrit only: no published translation is held for this verse.
प्रयागे च कुरुक्षेत्रे नैमिषे पुष्करे गये । गङ्गाद्वारे कुशावर्ते गङ्गासागरसंगमे
prayāge ca kurukṣetre naimiṣe puṣkare gaye / gaṅgādvāre kuśāvarte gaṅgāsāgarasaṃgame
Sanskrit only: no published translation is held for this verse.
कोकामुखे शूकरे च मथुरायां मरुस्थले । शालग्रामे वायुतीर्थे मन्दरे सिन्धुसागरे
kokāmukhe śūkare ca mathurāyāṃ marusthale / śālagrāme vāyutīrthe mandare sindhusāgare
Sanskrit only: no published translation is held for this verse.
पिण्डारके चित्रकूटे प्रभासे कनखले द्विजाः । शङ्खोद्धारे द्वारकायां तथा बदरिकाश्रमे
piṇḍārake citrakūṭe prabhāse kanakhale dvijāḥ / śaṅkhoddhāre dvārakāyāṃ tathā badarikāśrame
Sanskrit only: no published translation is held for this verse.
लोहकुण्डे चाश्वतीर्थे सर्वपापप्रमोचने । कामालये कोटितीर्थे तथा चामरकण्टके
lohakuṇḍe cāśvatīrthe sarvapāpapramocane / kāmālaye koṭitīrthe tathā cāmarakaṇṭake
Sanskrit only: no published translation is held for this verse.
लोहार्गले जम्बुमार्गे सोमतीर्थे पृथूदके । उत्पलावर्तके चैव पृथुतुङ्गे सुकुब्जके
lohārgale jambumārge somatīrthe pṛthūdake / utpalāvartake caiva pṛthutuṅge sukubjake
Sanskrit only: no published translation is held for this verse.
एकाम्रके च केदारे काश्यां च विरजे द्विजाः । कालञ्जरे च गोकर्णे श्रीशैले गन्धमादने
ekāmrake ca kedāre kāśyāṃ ca viraje dvijāḥ / kālañjare ca gokarṇe śrīśaile gandhamādane
Sanskrit only: no published translation is held for this verse.
महेन्द्रे मलये विन्ध्ये पारियात्रे हिमालये । सह्ये च शुक्तिमन्ते च गोमन्ते चार्बुदे तथा
mahendre malaye vindhye pāriyātre himālaye / sahye ca śuktimante ca gomante cārbude tathā
Sanskrit only: no published translation is held for this verse.
गङ्गायां सर्वतीर्थेषु यामुनेषु च भो द्विजाः । सारस्वतेषु गोमत्यां ब्रह्मपुत्रेषु सप्तसु
gaṅgāyāṃ sarvatīrtheṣu yāmuneṣu ca bho dvijāḥ / sārasvateṣu gomatyāṃ brahmaputreṣu saptasu
Sanskrit only: no published translation is held for this verse.
गोदावरी भीमरथी तुङ्गभद्रा च नर्मदा । तापी पयोउष्णी कावेरी शिप्रा चर्मण्वती द्विजाः
godāvarī bhīmarathī tuṅgabhadrā ca narmadā / tāpī payouṣṇī kāverī śiprā carmaṇvatī dvijāḥ
Sanskrit only: no published translation is held for this verse.
वितस्ता चन्द्रभागा च शतद्रुर् बाहुदा तथा । ऋषिकुल्या कुमारी च विपाशा च दृषद्वती
vitastā candrabhāgā ca śatadrur bāhudā tathā / ṛṣikulyā kumārī ca vipāśā ca dṛṣadvatī
Sanskrit only: no published translation is held for this verse.
शरयूर् नाकगङ्गा च गण्डकी च महानदी । कौशिकी करतोया च त्रिस्रोता मधुवाहिनी
śarayūr nākagaṅgā ca gaṇḍakī ca mahānadī / kauśikī karatoyā ca trisrotā madhuvāhinī
Sanskrit only: no published translation is held for this verse.
महानदी वैतरणी याश् चान्या नानुकीर्तिताः । अथवा किं बहूक्तेन भाषितेन द्विजोत्तमाः
mahānadī vaitaraṇī yāś cānyā nānukīrtitāḥ / athavā kiṃ bahūktena bhāṣitena dvijottamāḥ
Sanskrit only: no published translation is held for this verse.
पृथिव्यां सर्वतीर्थेषु सर्वेष्व् आयतनेषु च । सागरेषु च शैलेषु नदीषु च सरःसु च
pṛthivyāṃ sarvatīrtheṣu sarveṣv āyataneṣu ca / sāgareṣu ca śaileṣu nadīṣu ca saraḥsu ca
Sanskrit only: no published translation is held for this verse.
यत् फलं स्नानदानेन राहुग्रस्ते दिवाकरे । तत् फलं कृष्णम् आलोक्य महाज्यैष्ठ्यां लभेन् नरः
yat phalaṃ snānadānena rāhugraste divākare / tat phalaṃ kṛṣṇam ālokya mahājyaiṣṭhyāṃ labhen naraḥ
Sanskrit only: no published translation is held for this verse.
तस्मात् सर्वप्रयत्नेन गन्तव्यं पुरुषोत्तमे । महाज्यैष्ठ्यां मुनिश्रेष्ठा सर्वकामफलेप्सुभिः
tasmāt sarvaprayatnena gantavyaṃ puruṣottame / mahājyaiṣṭhyāṃ muniśreṣṭhā sarvakāmaphalepsubhiḥ
Sanskrit only: no published translation is held for this verse.
दृष्ट्वा रामं महाज्येष्ठं कृष्णं सुभद्रया सह । विष्णुलोकं नरो याति समुद्धृत्य समं कुलम्
dṛṣṭvā rāmaṃ mahājyeṣṭhaṃ kṛṣṇaṃ subhadrayā saha / viṣṇulokaṃ naro yāti samuddhṛtya samaṃ kulam
Sanskrit only: no published translation is held for this verse.
भुक्त्वा तत्र वरान् भोगान् यावद् आभूतसंप्लवम् । पुण्यक्षयाद् इहागत्य चतुर्वेदी द्विजो भवेत्
bhuktvā tatra varān bhogān yāvad ābhūtasaṃplavam / puṇyakṣayād ihāgatya caturvedī dvijo bhavet
Sanskrit only: no published translation is held for this verse.
स्वधर्मनिरतः शान्तः कृष्णभक्तो जितेन्द्रियः । वैष्णवं योगम् आस्थाय ततो मोक्षम् अवाप्नुयात्
svadharmanirataḥ śāntaḥ kṛṣṇabhakto jitendriyaḥ / vaiṣṇavaṃ yogam āsthāya tato mokṣam avāpnuyāt
Sanskrit only: no published translation is held for this verse.