मुनय ऊचुः: एकैकस्यास् तु यात्रायाः फलं ब्रूहि पृथक् पृथक् । यत् प्राप्नोति नरः कृत्वा नारी वा तत्र संयता
munaya ūcuḥ: ekaikasyās tu yātrāyāḥ phalaṃ brūhi pṛthak pṛthak / yat prāpnoti naraḥ kṛtvā nārī vā tatra saṃyatā
Sanskrit only: no published translation is held for this verse.
ब्रह्मोवाच: प्रतियात्राफलं विप्राः शृणुध्वं गदतो मम । यत् प्राप्नोति नरः कृत्वा तस्मिन् क्षेत्रे सुसंयतः
brahmovāca: pratiyātrāphalaṃ viprāḥ śṛṇudhvaṃ gadato mama / yat prāpnoti naraḥ kṛtvā tasmin kṣetre susaṃyataḥ
Sanskrit only: no published translation is held for this verse.
गुडिवायां तथोत्थाने फाल्गुन्यां विषुवे तथा । यात्रां कृत्वा विधानेन दृष्ट्वा कृष्णं प्रणम्य च
guḍivāyāṃ tathotthāne phālgunyāṃ viṣuve tathā / yātrāṃ kṛtvā vidhānena dṛṣṭvā kṛṣṇaṃ praṇamya ca
Sanskrit only: no published translation is held for this verse.
संकर्षणं सुभद्रां च लभेत् सर्वत्र वै फलम् । नरो गच्छेद् विष्णुलोके यावद् इन्द्राश् चतुर्दश
saṃkarṣaṇaṃ subhadrāṃ ca labhet sarvatra vai phalam / naro gacched viṣṇuloke yāvad indrāś caturdaśa
Sanskrit only: no published translation is held for this verse.
यावद् यात्रां ज्येष्ठमासे करोति विधिवन् नरः । तावत् कल्पं विष्णुलोके सुखं भुङ्क्ते न संशयः
yāvad yātrāṃ jyeṣṭhamāse karoti vidhivan naraḥ / tāvat kalpaṃ viṣṇuloke sukhaṃ bhuṅkte na saṃśayaḥ
Sanskrit only: no published translation is held for this verse.
तस्मिन् क्षेत्रवरे पुण्ये रम्ये श्रीपुरुषोत्तमे । भुक्तिमुक्तिप्रदे नॄणां सर्वसत्त्वसुखावहे
tasmin kṣetravare puṇye ramye śrīpuruṣottame / bhuktimuktiprade nṝṇāṃ sarvasattvasukhāvahe
Sanskrit only: no published translation is held for this verse.
ज्येष्ठे यात्रां नरः कृत्वा नारी वा संयतेन्द्रियः । यथोक्तेन विधानेन दश द्वे च समाहितः
jyeṣṭhe yātrāṃ naraḥ kṛtvā nārī vā saṃyatendriyaḥ / yathoktena vidhānena daśa dve ca samāhitaḥ
Sanskrit only: no published translation is held for this verse.
प्रतिष्ठां कुरुते यस् तु शाठ्यदम्भविवर्जितः । स भुक्त्वा विविधान् भोगान् मोक्षं चान्ते लभेद् ध्रुवम्
pratiṣṭhāṃ kurute yas tu śāṭhyadambhavivarjitaḥ / sa bhuktvā vividhān bhogān mokṣaṃ cānte labhed dhruvam
Sanskrit only: no published translation is held for this verse.
मुनय ऊचुः: श्रोतुम् इच्छामहे देव प्रतिष्ठां वदतस् तव । विधानं चार्चनं दानं फलं तत्र जगत्पतेः
munaya ūcuḥ: śrotum icchāmahe deva pratiṣṭhāṃ vadatas tava / vidhānaṃ cārcanaṃ dānaṃ phalaṃ tatra jagatpateḥ
Sanskrit only: no published translation is held for this verse.
ब्रह्मोवाच: शृणुध्वं मुनिशार्दूलाः प्रतिष्ठां विधिचोदिताम् । यां कृत्वा तु नरो भक्त्या नारी वा लभते फलम्
brahmovāca: śṛṇudhvaṃ muniśārdūlāḥ pratiṣṭhāṃ vidhicoditām / yāṃ kṛtvā tu naro bhaktyā nārī vā labhate phalam
Sanskrit only: no published translation is held for this verse.
यात्रा द्वादश संपूर्णा यदा स्यात् तु द्विजोत्तमाः । तदा कुर्वीत विधिवत् प्रतिष्ठां पापनाशिनीम्
yātrā dvādaśa saṃpūrṇā yadā syāt tu dvijottamāḥ / tadā kurvīta vidhivat pratiṣṭhāṃ pāpanāśinīm
Sanskrit only: no published translation is held for this verse.
ज्येष्ठे मासि सिते पक्षे त्व् एकादश्यां समाहितः । गत्वा जलाशयं पुण्यम् आचम्य प्रयतः शुचिः
jyeṣṭhe māsi site pakṣe tv ekādaśyāṃ samāhitaḥ / gatvā jalāśayaṃ puṇyam ācamya prayataḥ śuciḥ
Sanskrit only: no published translation is held for this verse.
आवाह्य सर्वतीर्थानि ध्यात्वा नारायणं तथा । ततः स्नानं प्रकुर्वीत विधिवत् सुसमाहितः
āvāhya sarvatīrthāni dhyātvā nārāyaṇaṃ tathā / tataḥ snānaṃ prakurvīta vidhivat susamāhitaḥ
Sanskrit only: no published translation is held for this verse.
यस्य यो विधिर् उद्दिष्ट ऋषिभिः स्नानकर्मणि । तेनैव तु विधानेन स्नानं तस्य विधीयते
yasya yo vidhir uddiṣṭa ṛṣibhiḥ snānakarmaṇi / tenaiva tu vidhānena snānaṃ tasya vidhīyate
Sanskrit only: no published translation is held for this verse.
स्नात्वा सम्यग् विधानेन ततो देवान् ऋषीन् पितॄन् । संतर्पयेत् तथान्यांश् च नामगोत्रविधानवित्
snātvā samyag vidhānena tato devān ṛṣīn pitṝn / saṃtarpayet tathānyāṃś ca nāmagotravidhānavit
Sanskrit only: no published translation is held for this verse.
उत्तीर्य वाससी धौते निर्मले परिधाय वै । उपस्पृश्य विधानेन भास्कराभिमुखस् ततः
uttīrya vāsasī dhaute nirmale paridhāya vai / upaspṛśya vidhānena bhāskarābhimukhas tataḥ
Sanskrit only: no published translation is held for this verse.
गायत्रीं पावनीं देवीं मनसा वेदमातरम् । सर्वपापहरां पुण्यां जपेद् अष्टोत्तरं शतम्
gāyatrīṃ pāvanīṃ devīṃ manasā vedamātaram / sarvapāpaharāṃ puṇyāṃ japed aṣṭottaraṃ śatam
Sanskrit only: no published translation is held for this verse.
पुण्यांश् च सौरमन्त्रांश् च श्रद्धया सुसमाहितः । त्रिः प्रदक्षिणम् आवृत्य भास्करं प्रणमेत् ततः
puṇyāṃś ca sauramantrāṃś ca śraddhayā susamāhitaḥ / triḥ pradakṣiṇam āvṛtya bhāskaraṃ praṇamet tataḥ
Sanskrit only: no published translation is held for this verse.
वेदोक्तं त्रिषु वर्णेषु स्नानं जाप्यम् उदाहृतम् । स्त्रीशूद्रयोः स्नानजाप्यं वेदोक्तविधिवर्जितम्
vedoktaṃ triṣu varṇeṣu snānaṃ jāpyam udāhṛtam / strīśūdrayoḥ snānajāpyaṃ vedoktavidhivarjitam
Sanskrit only: no published translation is held for this verse.
ततो गच्छेद् गृहं मौनी पूजयेत् पुरुषोत्तमम् । प्रक्षाल्य हस्तौ पादौ च उपस्पृश्य यथाविधि
tato gacched gṛhaṃ maunī pūjayet puruṣottamam / prakṣālya hastau pādau ca upaspṛśya yathāvidhi
Sanskrit only: no published translation is held for this verse.
घृतेन स्नापयेद् देवं क्षीरेण तदनन्तरम् । मधुगन्धोदकेनैव तीर्थचन्दनवारिणा
ghṛtena snāpayed devaṃ kṣīreṇa tadanantaram / madhugandhodakenaiva tīrthacandanavāriṇā
Sanskrit only: no published translation is held for this verse.
ततो वस्त्रयुगं श्रेष्ठं भक्त्या तं परिधापयेत् । चन्दनागरुकर्पूरैः कुङ्कुमेन विलेपयेत्
tato vastrayugaṃ śreṣṭhaṃ bhaktyā taṃ paridhāpayet / candanāgarukarpūraiḥ kuṅkumena vilepayet
Sanskrit only: no published translation is held for this verse.
पूजयेत् परया भक्त्या पद्मैश् च पुरुषोत्तमम् । अन्यैश् च वैष्णवैः पुष्पैर् अर्चयेन् मल्लिकादिभिः
pūjayet parayā bhaktyā padmaiś ca puruṣottamam / anyaiś ca vaiṣṇavaiḥ puṣpair arcayen mallikādibhiḥ
Sanskrit only: no published translation is held for this verse.
संपूज्यैवं जगन्नाथं भुक्तिमुक्तिप्रदं हरिम् । धूपं चागुरुसंयुक्तं दहेद् देवस्य चाग्रतः
saṃpūjyaivaṃ jagannāthaṃ bhuktimuktipradaṃ harim / dhūpaṃ cāgurusaṃyuktaṃ dahed devasya cāgrataḥ
Sanskrit only: no published translation is held for this verse.
गुग्गुलं च मुनिश्रेष्ठा दहेद् गन्धसमन्वितम् । दीपं प्रज्वालयेद् भक्त्या यथाशक्त्या घृतेन वै
guggulaṃ ca muniśreṣṭhā dahed gandhasamanvitam / dīpaṃ prajvālayed bhaktyā yathāśaktyā ghṛtena vai
Sanskrit only: no published translation is held for this verse.
अन्यांश् च दीपकान् दद्याद् द्वादशैव समाहितः । घृतेन च मुनिश्रेष्ठास् तिलतैलेन वा पुनः
anyāṃś ca dīpakān dadyād dvādaśaiva samāhitaḥ / ghṛtena ca muniśreṣṭhās tilatailena vā punaḥ
Sanskrit only: no published translation is held for this verse.
नैवेद्ये पायसापूप- शष्कुलीवटकं तथा । मोदकं फाणितं वाल्पं फलानि च निवेदयेत्
naivedye pāyasāpūpa- śaṣkulīvaṭakaṃ tathā / modakaṃ phāṇitaṃ vālpaṃ phalāni ca nivedayet
Sanskrit only: no published translation is held for this verse.
एवं पञ्चोपचारेण संपूज्य पुरुषोत्तमम् । नमः पुरुषोत्तमायेति जपेद् अष्टोत्तरं शतम्
evaṃ pañcopacāreṇa saṃpūjya puruṣottamam / namaḥ puruṣottamāyeti japed aṣṭottaraṃ śatam
Sanskrit only: no published translation is held for this verse.
ततः प्रसादयेद् देवं भक्त्या तं पुरुषोत्तमम् । नमस् ते सर्वलोकेश भक्तानाम् अभयप्रद
tataḥ prasādayed devaṃ bhaktyā taṃ puruṣottamam / namas te sarvalokeśa bhaktānām abhayaprada
Sanskrit only: no published translation is held for this verse.
संसारसागरे मग्नं त्राहि मां पुरुषोत्तम । यास् ते मया कृता यात्रा द्वादशैव जगत्पते
saṃsārasāgare magnaṃ trāhi māṃ puruṣottama / yās te mayā kṛtā yātrā dvādaśaiva jagatpate
Sanskrit only: no published translation is held for this verse.
प्रसादात् तव गोविन्द संपूर्णास् ता भवन्तु मे । एवं प्रसाद्य तं देवं दण्डवत् प्रणिपत्य च
prasādāt tava govinda saṃpūrṇās tā bhavantu me / evaṃ prasādya taṃ devaṃ daṇḍavat praṇipatya ca
Sanskrit only: no published translation is held for this verse.
ततो ऽर्चयेद् गुरुं भक्त्या पुष्पवस्त्रानुलेपनैः । नानयोर् अन्तरं यस्माद् विद्यते मुनिसत्तमाः
tato 'rcayed guruṃ bhaktyā puṣpavastrānulepanaiḥ / nānayor antaraṃ yasmād vidyate munisattamāḥ
Sanskrit only: no published translation is held for this verse.
देवस्योपरि कुर्वीत श्रद्धया सुसमाहितः । नानापुष्पैर् मुनिश्रेष्ठा विचित्रं पुष्पमण्डपम्
devasyopari kurvīta śraddhayā susamāhitaḥ / nānāpuṣpair muniśreṣṭhā vicitraṃ puṣpamaṇḍapam
Sanskrit only: no published translation is held for this verse.
कृत्वावधारणं पश्चाज् जागरं कारयेन् निशि । कथां च वासुदेवस्य गीतिकां चापि कारयेत्
kṛtvāvadhāraṇaṃ paścāj jāgaraṃ kārayen niśi / kathāṃ ca vāsudevasya gītikāṃ cāpi kārayet
Sanskrit only: no published translation is held for this verse.
ध्यायन् पठन् स्तुवन् देवं प्रणयेद् रजनीं बुधः । ततः प्रभाते विमले द्वादश्यां द्वादशैव तु
dhyāyan paṭhan stuvan devaṃ praṇayed rajanīṃ budhaḥ / tataḥ prabhāte vimale dvādaśyāṃ dvādaśaiva tu
Sanskrit only: no published translation is held for this verse.
निमन्त्रयेद् व्रतस्नातान् ब्राह्मणान् वेदपारगान् । इतिहासपुराणज्ञाञ् श्रोत्रियान् संयतेन्द्रियान्
nimantrayed vratasnātān brāhmaṇān vedapāragān / itihāsapurāṇajñāñ śrotriyān saṃyatendriyān
Sanskrit only: no published translation is held for this verse.
स्नात्वा सम्यग् विधानेन धौतवासा जितेन्द्रियः । स्नापयेत् पूर्ववत् तत्र पूजयेत् पुरुषोत्तमम्
snātvā samyag vidhānena dhautavāsā jitendriyaḥ / snāpayet pūrvavat tatra pūjayet puruṣottamam
Sanskrit only: no published translation is held for this verse.
गन्धैः पुष्पैर् उपहारैर् नैवेद्यैर् दीपकैस् तथा । उपचारैर् बहुविधैः प्रणिपातैः प्रदक्षिणैः
gandhaiḥ puṣpair upahārair naivedyair dīpakais tathā / upacārair bahuvidhaiḥ praṇipātaiḥ pradakṣiṇaiḥ
Sanskrit only: no published translation is held for this verse.
जाप्यैः स्तुतिनमस्कारैर् गीतवाद्यैर् मनोहरैः । संपूज्यैवं जगन्नाथं ब्राह्मणान् पूजयेत् ततः
jāpyaiḥ stutinamaskārair gītavādyair manoharaiḥ / saṃpūjyaivaṃ jagannāthaṃ brāhmaṇān pūjayet tataḥ
Sanskrit only: no published translation is held for this verse.
द्वादशैव तु गास् तेभ्यो दत्त्वा कनकम् एव च । छत्त्रोपानद्युगं चैव श्रद्धाभक्तिसमन्वितः
dvādaśaiva tu gās tebhyo dattvā kanakam eva ca / chattropānadyugaṃ caiva śraddhābhaktisamanvitaḥ
Sanskrit only: no published translation is held for this verse.
भक्त्या तु सधनं तेभ्यो दद्याद् वस्त्रादिकं द्विजाः । सद्भावेन तु गोविन्दस् तोष्यते पूजितो यतः
bhaktyā tu sadhanaṃ tebhyo dadyād vastrādikaṃ dvijāḥ / sadbhāvena tu govindas toṣyate pūjito yataḥ
Sanskrit only: no published translation is held for this verse.
आचार्याय ततो दद्याद् गोवस्त्रं कनकं तथा । छत्त्रोपानद्युगं चान्यत् कांस्यपात्रं च भक्तितः
ācāryāya tato dadyād govastraṃ kanakaṃ tathā / chattropānadyugaṃ cānyat kāṃsyapātraṃ ca bhaktitaḥ
Sanskrit only: no published translation is held for this verse.
ततस् तान् भोजयेद् विप्रान् भोज्यं पायसपूर्वकम् । पक्वान्नं भक्ष्यभोज्यं च गुडसर्पिःसमन्वितम्
tatas tān bhojayed viprān bhojyaṃ pāyasapūrvakam / pakvānnaṃ bhakṣyabhojyaṃ ca guḍasarpiḥsamanvitam
Sanskrit only: no published translation is held for this verse.
ततस् तान् अन्नतृप्तांश् च ब्राह्मणान् स्वस्थमानसान् । द्वादशैवोदकुम्भांश् च दद्यात् तेभ्यः समोदकान्
tatas tān annatṛptāṃś ca brāhmaṇān svasthamānasān / dvādaśaivodakumbhāṃś ca dadyāt tebhyaḥ samodakān
Sanskrit only: no published translation is held for this verse.
दक्षिणां च यथाशक्त्या दद्यात् तेभ्यो विमत्सरः । कुम्भं च दक्षिणां चैव आचार्याय निवेदयेत्
dakṣiṇāṃ ca yathāśaktyā dadyāt tebhyo vimatsaraḥ / kumbhaṃ ca dakṣiṇāṃ caiva ācāryāya nivedayet
Sanskrit only: no published translation is held for this verse.
एवं संपूज्य तान् विप्रान् गुरुं ज्ञानप्रदायकम् । पूजयेत् परया भक्त्या विष्णुतुल्यं द्विजोत्तमाः
evaṃ saṃpūjya tān viprān guruṃ jñānapradāyakam / pūjayet parayā bhaktyā viṣṇutulyaṃ dvijottamāḥ
Sanskrit only: no published translation is held for this verse.
सुवर्णवस्त्रगोधान्यैर् द्रव्यैश् चान्यैर् वरैर् बुधः । संपूज्य तं नमस्कृत्य इमं मन्त्रम् उदीरयेत्
suvarṇavastragodhānyair dravyaiś cānyair varair budhaḥ / saṃpūjya taṃ namaskṛtya imaṃ mantram udīrayet
Sanskrit only: no published translation is held for this verse.
सर्वव्यापी जगन्नाथः शङ्खचक्रगदाधरः । अनादिनिधनो देवः प्रीयतां पुरुषोत्तमः
sarvavyāpī jagannāthaḥ śaṅkhacakragadādharaḥ / anādinidhano devaḥ prīyatāṃ puruṣottamaḥ
Sanskrit only: no published translation is held for this verse.
इत्य् उच्चार्य ततो विप्रांस् त्रिः कृत्वा च प्रदक्षिणाम् । प्रणम्य शिरसा भक्त्या आचार्यं तु विसर्जयेत्
ity uccārya tato viprāṃs triḥ kṛtvā ca pradakṣiṇām / praṇamya śirasā bhaktyā ācāryaṃ tu visarjayet
Sanskrit only: no published translation is held for this verse.
ततस् तान् ब्राह्मणान् भक्त्या चासीमान्तम् अनुव्रजेत् । अनुव्रज्य तु तान् सर्वान् नमस्कृत्य निवर्तयेत्
tatas tān brāhmaṇān bhaktyā cāsīmāntam anuvrajet / anuvrajya tu tān sarvān namaskṛtya nivartayet
Sanskrit only: no published translation is held for this verse.
बान्धवैः स्वजनैर् युक्तस् ततो भुञ्जीत वाग्यतः । अन्यैश् चोपासकैर् दीनैर् भिक्षुकैश् चान्नकाङ्क्षिभिः
bāndhavaiḥ svajanair yuktas tato bhuñjīta vāgyataḥ / anyaiś copāsakair dīnair bhikṣukaiś cānnakāṅkṣibhiḥ
Sanskrit only: no published translation is held for this verse.
एवं कृत्वा नरः सम्यङ् नारी वा लभते फलम् । अश्वमेधसहस्राणां राजसूयशतस्य च
evaṃ kṛtvā naraḥ samyaṅ nārī vā labhate phalam / aśvamedhasahasrāṇāṃ rājasūyaśatasya ca
Sanskrit only: no published translation is held for this verse.
अतीतं शतम् आदाय पुरुषाणां नरोत्तमाः । भविष्यं च शतं विप्राः स्वर्गत्या दिव्यरूपधृक्
atītaṃ śatam ādāya puruṣāṇāṃ narottamāḥ / bhaviṣyaṃ ca śataṃ viprāḥ svargatyā divyarūpadhṛk
Sanskrit only: no published translation is held for this verse.
सर्वलक्षणसंपन्नः सर्वालंकारभूषितः । सर्वकामसमृद्धात्मा देववद् विगतज्वरः
sarvalakṣaṇasaṃpannaḥ sarvālaṃkārabhūṣitaḥ / sarvakāmasamṛddhātmā devavad vigatajvaraḥ
Sanskrit only: no published translation is held for this verse.
रूपयौवनसंपन्नो गुणैः सर्वैर् अलंकृतः । स्तूयमानो ऽप्सरोभिश् च गन्धर्वैः समलंकृतः
rūpayauvanasaṃpanno guṇaiḥ sarvair alaṃkṛtaḥ / stūyamāno 'psarobhiś ca gandharvaiḥ samalaṃkṛtaḥ
Sanskrit only: no published translation is held for this verse.
विमानेनार्कवर्णेन कामगेन स्थिरेण च । पताकाध्वजयुक्तेन सर्वरत्नैर् अलंकृतः
vimānenārkavarṇena kāmagena sthireṇa ca / patākādhvajayuktena sarvaratnair alaṃkṛtaḥ
Sanskrit only: no published translation is held for this verse.
उद्योतयन् दिशः सर्वा आकाशे विगतक्लमः । युवा महाबलो धीमान् विष्णुलोकं स गच्छति
udyotayan diśaḥ sarvā ākāśe vigataklamaḥ / yuvā mahābalo dhīmān viṣṇulokaṃ sa gacchati
Sanskrit only: no published translation is held for this verse.
तत्र कल्पशतं यावद् भुङ्क्ते भोगान् यथेप्सितान् । सिद्धाप्सरोभिर् गन्धर्वैः सुरविद्याधरोरगैः
tatra kalpaśataṃ yāvad bhuṅkte bhogān yathepsitān / siddhāpsarobhir gandharvaiḥ suravidyādharoragaiḥ
Sanskrit only: no published translation is held for this verse.
स्तूयमानो मुनिवरैस् तिष्ठते विगतज्वरः । यथा देवो जगन्नाथः शङ्खचक्रगदाधरः
stūyamāno munivarais tiṣṭhate vigatajvaraḥ / yathā devo jagannāthaḥ śaṅkhacakragadādharaḥ
Sanskrit only: no published translation is held for this verse.
तथासौ मुदितो विप्राः कृत्वा रूपं चतुर्भुजम् । भुक्त्वा तत्र वरान् भोगान् क्रीडां कृत्वा सुरैः सह
tathāsau mudito viprāḥ kṛtvā rūpaṃ caturbhujam / bhuktvā tatra varān bhogān krīḍāṃ kṛtvā suraiḥ saha
Sanskrit only: no published translation is held for this verse.
तदन्ते ब्रह्मसदनम् आयाति सर्वकामदम् । सिद्धविद्याधरैश् चापि शोभितं सुरकिंनरैः
tadante brahmasadanam āyāti sarvakāmadam / siddhavidyādharaiś cāpi śobhitaṃ surakiṃnaraiḥ
Sanskrit only: no published translation is held for this verse.
कालं नवतिकल्पं तु तत्र भुक्त्वा सुखं नरः । तस्माद् आयाति विप्रेन्द्राः सर्वकामफलप्रदम्
kālaṃ navatikalpaṃ tu tatra bhuktvā sukhaṃ naraḥ / tasmād āyāti viprendrāḥ sarvakāmaphalapradam
Sanskrit only: no published translation is held for this verse.
रुद्रलोकं सुरगणैः सेवितं सुखमोक्षदम् । अनेकशतसाहस्रैर् विमानैः समलंकृतम्
rudralokaṃ suragaṇaiḥ sevitaṃ sukhamokṣadam / anekaśatasāhasrair vimānaiḥ samalaṃkṛtam
Sanskrit only: no published translation is held for this verse.
सिद्धविद्याधरैर् यक्षैर् भूषितं दैत्यदानवैः । अशीतिकल्पकालं तु तत्र भुक्त्वा सुखं नरः
siddhavidyādharair yakṣair bhūṣitaṃ daityadānavaiḥ / aśītikalpakālaṃ tu tatra bhuktvā sukhaṃ naraḥ
Sanskrit only: no published translation is held for this verse.
तदन्ते याति गोलोकं सर्वभोगसमन्वितम् । सुरसिद्धाप्सरोभिश् च शोभितं सुमनोहरम्
tadante yāti golokaṃ sarvabhogasamanvitam / surasiddhāpsarobhiś ca śobhitaṃ sumanoharam
Sanskrit only: no published translation is held for this verse.
तत्र सप्ततिकल्पांस् तु भुक्त्वा भोगम् अनुत्तमम् । दुर्लभं त्रिषु लोकेषु स्वस्थचित्तो यथामरः
tatra saptatikalpāṃs tu bhuktvā bhogam anuttamam / durlabhaṃ triṣu lokeṣu svasthacitto yathāmaraḥ
Sanskrit only: no published translation is held for this verse.
तस्माद् आगच्छते लोकं प्राजापत्यम् अनुत्तमम् । गन्धर्वाप्सरसैः सिद्धैर् मुनिविद्याधरैर् वृतः
tasmād āgacchate lokaṃ prājāpatyam anuttamam / gandharvāpsarasaiḥ siddhair munividyādharair vṛtaḥ
Sanskrit only: no published translation is held for this verse.
षष्टिकल्पान् सुखं तत्र भुक्त्वा नानाविधं मुदा । तदन्ते शक्रभवनं नानाश्चर्यसमन्वितम्
ṣaṣṭikalpān sukhaṃ tatra bhuktvā nānāvidhaṃ mudā / tadante śakrabhavanaṃ nānāścaryasamanvitam
Sanskrit only: no published translation is held for this verse.
गन्धर्वैः किंनरैः सिद्धैः सुरविद्याधरोरगैः । गुह्यकाप्सरसैः साध्यैर् वृतैश् चान्यैः सुरोत्तमैः
gandharvaiḥ kiṃnaraiḥ siddhaiḥ suravidyādharoragaiḥ / guhyakāpsarasaiḥ sādhyair vṛtaiś cānyaiḥ surottamaiḥ
Sanskrit only: no published translation is held for this verse.
आगत्य तत्र पञ्चाशत् कल्पान् भुक्त्वा सुखं नरः । सुरलोकं ततो गत्वा विमानैः समलंकृतः
āgatya tatra pañcāśat kalpān bhuktvā sukhaṃ naraḥ / suralokaṃ tato gatvā vimānaiḥ samalaṃkṛtaḥ
Sanskrit only: no published translation is held for this verse.
चत्वारिंशत् तु कल्पांस् तु भुक्त्वा भोगान् सुदुर्लभान् । आगच्छते ततो लोकं नक्षत्राख्यं सुदुर्लभम्
catvāriṃśat tu kalpāṃs tu bhuktvā bhogān sudurlabhān / āgacchate tato lokaṃ nakṣatrākhyaṃ sudurlabham
Sanskrit only: no published translation is held for this verse.
ततो भोगान् वरान् भुङ्क्ते त्रिंशत् कल्पान् यथेप्सितान् । तस्माद् आगच्छते लोकं शशाङ्कस्य द्विजोत्तमाः
tato bhogān varān bhuṅkte triṃśat kalpān yathepsitān / tasmād āgacchate lokaṃ śaśāṅkasya dvijottamāḥ
Sanskrit only: no published translation is held for this verse.
यत्रासौ तिष्ठते सोमः सर्वैर् देवैर् अलंकृतः । तत्र विंशतिकल्पांस् तु भुक्त्वा भोगं सुदुर्लभम्
yatrāsau tiṣṭhate somaḥ sarvair devair alaṃkṛtaḥ / tatra viṃśatikalpāṃs tu bhuktvā bhogaṃ sudurlabham
Sanskrit only: no published translation is held for this verse.
आदित्यस्य ततो लोकम् आयाति सुरपूजितम् । नानाश्चर्यमयं पुण्यं गन्धर्वाप्सरःसेवितम्
ādityasya tato lokam āyāti surapūjitam / nānāścaryamayaṃ puṇyaṃ gandharvāpsaraḥsevitam
Sanskrit only: no published translation is held for this verse.
तत्र भुक्त्वा शुभान् भोगान् दश कल्पान् द्विजोत्तमाः । तस्माद् आयाति भुवनं गन्धर्वाणां सुदुर्लभम्
tatra bhuktvā śubhān bhogān daśa kalpān dvijottamāḥ / tasmād āyāti bhuvanaṃ gandharvāṇāṃ sudurlabham
Sanskrit only: no published translation is held for this verse.
तत्र भोगान् समस्तांश् च कल्पम् एकं यथासुखम् । भुक्त्वा चायाति मेदिन्यां राजा भवति धार्मिकः
tatra bhogān samastāṃś ca kalpam ekaṃ yathāsukham / bhuktvā cāyāti medinyāṃ rājā bhavati dhārmikaḥ
Sanskrit only: no published translation is held for this verse.
चक्रवर्ती महावीर्यो गुणैः सर्वैर् अलंकृतः । कृत्वा राज्यं स्वधर्मेण यज्ञैर् इष्ट्वा सुदक्षिणैः
cakravartī mahāvīryo guṇaiḥ sarvair alaṃkṛtaḥ / kṛtvā rājyaṃ svadharmeṇa yajñair iṣṭvā sudakṣiṇaiḥ
Sanskrit only: no published translation is held for this verse.
तदन्ते योगिनां लोकं गत्वा मोक्षप्रदं शिवम् । तत्र भुक्त्वा वरान् भोगान् यावद् आभूतसंप्लवम्
tadante yogināṃ lokaṃ gatvā mokṣapradaṃ śivam / tatra bhuktvā varān bhogān yāvad ābhūtasaṃplavam
Sanskrit only: no published translation is held for this verse.
तस्माद् आगच्छते चात्र जायते योगिनां कुले । प्रवरे वैष्णवे विप्रा दुर्लभे साधुसंमते
tasmād āgacchate cātra jāyate yogināṃ kule / pravare vaiṣṇave viprā durlabhe sādhusaṃmate
Sanskrit only: no published translation is held for this verse.
चतुर्वेदी विप्रवरो यज्ञैर् इष्ट्वाप्तदक्षिणैः । वैष्णवं योगम् आस्थाय ततो मोक्षम् अवाप्नुयात्
caturvedī vipravaro yajñair iṣṭvāptadakṣiṇaiḥ / vaiṣṇavaṃ yogam āsthāya tato mokṣam avāpnuyāt
Sanskrit only: no published translation is held for this verse.
एवं यात्राफलं विप्रा मया सम्यग् उदाहृतम् । भुक्तिमुक्तिप्रदं नॄणां किम् अन्यच् छ्रोतुम् इच्छथ
evaṃ yātrāphalaṃ viprā mayā samyag udāhṛtam / bhuktimuktipradaṃ nṝṇāṃ kim anyac chrotum icchatha
Sanskrit only: no published translation is held for this verse.