मुनय ऊचुः: श्रोतुम् इच्छामहे देव विष्णुलोकम् अनामयम् । लोकानन्दकरं कान्तं सर्वाश्चर्यसमन्वितम्
munaya ūcuḥ: śrotum icchāmahe deva viṣṇulokam anāmayam / lokānandakaraṃ kāntaṃ sarvāścaryasamanvitam
Sanskrit only: no published translation is held for this verse.
प्रमाणं तस्य लोकस्य भोगं कान्तिं बलं प्रभो । कर्मणा केन गच्छन्ति तत्र धर्मपरायणाः
pramāṇaṃ tasya lokasya bhogaṃ kāntiṃ balaṃ prabho / karmaṇā kena gacchanti tatra dharmaparāyaṇāḥ
Sanskrit only: no published translation is held for this verse.
दर्शनात् स्पर्शनाद् वापि तीर्थस्नानादिनापि वा । विस्तराद् ब्रूहि तत्त्वेन परं कौतूहलं हि नः
darśanāt sparśanād vāpi tīrthasnānādināpi vā / vistarād brūhi tattvena paraṃ kautūhalaṃ hi naḥ
Sanskrit only: no published translation is held for this verse.
ब्रह्मोवाच: शृणुध्वं मुनयः सर्वे यत् परं परमं पदम् । भक्तानाम् ईहितं धन्यं पुण्यं संसारनाशनम्
brahmovāca: śṛṇudhvaṃ munayaḥ sarve yat paraṃ paramaṃ padam / bhaktānām īhitaṃ dhanyaṃ puṇyaṃ saṃsāranāśanam
Sanskrit only: no published translation is held for this verse.
प्रवरं सर्वलोकानां विष्ण्वाख्यं वदतो मम । सर्वाश्चर्यमयं पुण्यं स्थानं त्रैलोक्यपूजितम्
pravaraṃ sarvalokānāṃ viṣṇvākhyaṃ vadato mama / sarvāścaryamayaṃ puṇyaṃ sthānaṃ trailokyapūjitam
Sanskrit only: no published translation is held for this verse.
अशोकैः पारिजातैश् च मन्दारैश् चम्पकद्रुमैः । मालतीमल्लिकाकुन्दैर् बकुलैर् नागकेसरैः
aśokaiḥ pārijātaiś ca mandāraiś campakadrumaiḥ / mālatīmallikākundair bakulair nāgakesaraiḥ
Sanskrit only: no published translation is held for this verse.
पुंनागैर् अतिमुक्तैश् च प्रियङ्गुतगरार्जुनैः । पाटलाचूतखदिरैः कर्णिकारवनोज्ज्वलैः
puṃnāgair atimuktaiś ca priyaṅgutagarārjunaiḥ / pāṭalācūtakhadiraiḥ karṇikāravanojjvalaiḥ
Sanskrit only: no published translation is held for this verse.
नारङ्गैः पनसैर् लोध्रैर् निम्बदाडिमसर्जकैः । द्राक्षालकुचखर्जूरैर् मधुकेन्द्रफलैर् द्रुमैः
nāraṅgaiḥ panasair lodhrair nimbadāḍimasarjakaiḥ / drākṣālakucakharjūrair madhukendraphalair drumaiḥ
Sanskrit only: no published translation is held for this verse.
कपित्थैर् नारिकेरैश् च तालैः श्रीफलसंभवैः । कल्पवृक्षैर् असंख्यैश् च वन्यैर् अन्यैः सुशोभनैः
kapitthair nārikeraiś ca tālaiḥ śrīphalasaṃbhavaiḥ / kalpavṛkṣair asaṃkhyaiś ca vanyair anyaiḥ suśobhanaiḥ
Sanskrit only: no published translation is held for this verse.
सरलैश् चन्दनैर् नीपैर् देवदारुशुभाञ्जनैः । जातीलवङ्गकङ्कोलैः कर्पूरामोदवासिभिः
saralaiś candanair nīpair devadāruśubhāñjanaiḥ / jātīlavaṅgakaṅkolaiḥ karpūrāmodavāsibhiḥ
Sanskrit only: no published translation is held for this verse.
ताम्बूलपत्त्रनिचयैस् तथा पूगीफलद्रुमैः । अन्यैश् च विविधैर् वृक्षैः सर्वर्तुफलशोभितैः
tāmbūlapattranicayais tathā pūgīphaladrumaiḥ / anyaiś ca vividhair vṛkṣaiḥ sarvartuphalaśobhitaiḥ
Sanskrit only: no published translation is held for this verse.
पुष्पैर् नानाविधैश् चैव लतागुच्छसमुद्भवैः । नानाजलाशयैः पुण्यैर् नानापक्षिरुतैर् वरैः
puṣpair nānāvidhaiś caiva latāgucchasamudbhavaiḥ / nānājalāśayaiḥ puṇyair nānāpakṣirutair varaiḥ
Sanskrit only: no published translation is held for this verse.
दीर्घिकाशतसंघातैस् तोयपूर्णैर् मनोहरैः । कुमुदैः शतपत्त्रैश् च पुष्पैः कोकनदैर् वरैः
dīrghikāśatasaṃghātais toyapūrṇair manoharaiḥ / kumudaiḥ śatapattraiś ca puṣpaiḥ kokanadair varaiḥ
Sanskrit only: no published translation is held for this verse.
रक्तनीलोत्पलैः कान्तैः कह्लारैश् च सुगन्धिभिः । अन्यैश् च जलजैः पुष्पैर् नानावर्णैः सुशोभनैः
raktanīlotpalaiḥ kāntaiḥ kahlāraiś ca sugandhibhiḥ / anyaiś ca jalajaiḥ puṣpair nānāvarṇaiḥ suśobhanaiḥ
Sanskrit only: no published translation is held for this verse.
हंसकारण्डवाकीर्णैश् चक्रवाकोपशोभितैः । कोयष्टिकैश् च दात्यूहैः कारण्डवरवाकुलैः
haṃsakāraṇḍavākīrṇaiś cakravākopaśobhitaiḥ / koyaṣṭikaiś ca dātyūhaiḥ kāraṇḍavaravākulaiḥ
Sanskrit only: no published translation is held for this verse.
चातकैः प्रियपुत्रैश् च जीवंजीवकजातिभिः । अन्यैर् दिव्यैर् जलचरैर् विहारमधुरस्वनैः
cātakaiḥ priyaputraiś ca jīvaṃjīvakajātibhiḥ / anyair divyair jalacarair vihāramadhurasvanaiḥ
Sanskrit only: no published translation is held for this verse.
एवं नानाविधैर् दिव्यैर् नानाश्चर्यसमन्वितैः । वृक्षैर् जलाशयैः पुण्यैर् भूषितं सुमनोहरैः
evaṃ nānāvidhair divyair nānāścaryasamanvitaiḥ / vṛkṣair jalāśayaiḥ puṇyair bhūṣitaṃ sumanoharaiḥ
Sanskrit only: no published translation is held for this verse.
तत्र दिव्यैर् विमानैश् च नानारत्नविभूषितैः । कामगैः काञ्चनैः शुभ्रैर् दिव्यगन्धर्वनादितैः
tatra divyair vimānaiś ca nānāratnavibhūṣitaiḥ / kāmagaiḥ kāñcanaiḥ śubhrair divyagandharvanāditaiḥ
Sanskrit only: no published translation is held for this verse.
तरुणादित्यसंकाशैर् अप्सरोभिर् अलंकृतैः । हेमशय्यासनयुतैर् नानाभोगसमन्वितैः
taruṇādityasaṃkāśair apsarobhir alaṃkṛtaiḥ / hemaśayyāsanayutair nānābhogasamanvitaiḥ
Sanskrit only: no published translation is held for this verse.
खेचरैः सपताकैश् च मुक्ताहारावलम्बिभिः । नानावर्णैर् असंख्यातैर् जातरूपपरिच्छदैः
khecaraiḥ sapatākaiś ca muktāhārāvalambibhiḥ / nānāvarṇair asaṃkhyātair jātarūpaparicchadaiḥ
Sanskrit only: no published translation is held for this verse.
नानाकुसुमगन्धाढ्यैश् चन्दनागुरुभूषितैः । सुखप्रचारबहुलैर् नानावादित्रनिःस्वनैः
nānākusumagandhāḍhyaiś candanāgurubhūṣitaiḥ / sukhapracārabahulair nānāvāditraniḥsvanaiḥ
Sanskrit only: no published translation is held for this verse.
मनोमारुततुल्यैश् च किङ्किणीस्तबकाकुलैः । विहरन्ति पुरे तस्मिन् वैष्णवे लोकपूजिते
manomārutatulyaiś ca kiṅkiṇīstabakākulaiḥ / viharanti pure tasmin vaiṣṇave lokapūjite
Sanskrit only: no published translation is held for this verse.
नानाङ्गनाभिः सततं गन्धर्वाप्सरसादिभिः । चन्द्राननाभिः कान्ताभिर् योषिद्भिः सुमनोहरैः
nānāṅganābhiḥ satataṃ gandharvāpsarasādibhiḥ / candrānanābhiḥ kāntābhir yoṣidbhiḥ sumanoharaiḥ
Sanskrit only: no published translation is held for this verse.
पीनोन्नतकुचाग्राभिः सुमध्याभिः समन्ततः । श्यामावदातवर्णाभिर् मत्तमातङ्गगामिभिः
pīnonnatakucāgrābhiḥ sumadhyābhiḥ samantataḥ / śyāmāvadātavarṇābhir mattamātaṅgagāmibhiḥ
Sanskrit only: no published translation is held for this verse.
परिवार्य नरश्रेष्ठं वीजयन्ति स्म ताः स्त्रियः । चामरै रुक्मदण्डैश् च नानारत्नविभूषितैः
parivārya naraśreṣṭhaṃ vījayanti sma tāḥ striyaḥ / cāmarai rukmadaṇḍaiś ca nānāratnavibhūṣitaiḥ
Sanskrit only: no published translation is held for this verse.
गीतनृत्यैस् तथा वाद्यैर् मोदमानैर् मदालसैः । यक्षविद्याधरैः सिद्धैर् गन्धर्वैर् अप्सरोगणैः
gītanṛtyais tathā vādyair modamānair madālasaiḥ / yakṣavidyādharaiḥ siddhair gandharvair apsarogaṇaiḥ
Sanskrit only: no published translation is held for this verse.
सुरसंघैश् च ऋषिभिः शुशुभे भुवनोत्तमम् । तत्र प्राप्य महाभोगान् प्राप्नुवन्ति मनीषिणः
surasaṃghaiś ca ṛṣibhiḥ śuśubhe bhuvanottamam / tatra prāpya mahābhogān prāpnuvanti manīṣiṇaḥ
Sanskrit only: no published translation is held for this verse.
वटराजसमीपे तु दक्षिणस्योदधेस् तटे । दृष्टो यैर् भगवान् कृष्णः पुष्कराक्षो जगत्पतिः
vaṭarājasamīpe tu dakṣiṇasyodadhes taṭe / dṛṣṭo yair bhagavān kṛṣṇaḥ puṣkarākṣo jagatpatiḥ
Sanskrit only: no published translation is held for this verse.
क्रीडन्त्य् अप्सरसैः सार्धं यावद् द्यौश् चन्द्रतारकम् । प्रतप्तहेमसंकाशा जरामरणवर्जिताः
krīḍanty apsarasaiḥ sārdhaṃ yāvad dyauś candratārakam / prataptahemasaṃkāśā jarāmaraṇavarjitāḥ
Sanskrit only: no published translation is held for this verse.
सर्वदुःखविहीनाश् च तृष्णाग्लानिविवर्जिताः । चतुर्भुजा महावीर्या वनमालाविभूषिताः
sarvaduḥkhavihīnāś ca tṛṣṇāglānivivarjitāḥ / caturbhujā mahāvīryā vanamālāvibhūṣitāḥ
Sanskrit only: no published translation is held for this verse.
श्रीवत्सलाञ्छनैर् युक्ताः शङ्खचक्रगदाधराः । केचिन् नीलोत्पलश्यामाः केचित् काञ्चनसंनिभाः
śrīvatsalāñchanair yuktāḥ śaṅkhacakragadādharāḥ / kecin nīlotpalaśyāmāḥ kecit kāñcanasaṃnibhāḥ
Sanskrit only: no published translation is held for this verse.
केचिन् मरकतप्रख्याः केचिद् वैदूर्यसंनिभाः । श्यामवर्णाः कुण्डलिनस् तथान्ये वज्रसंनिभाः
kecin marakataprakhyāḥ kecid vaidūryasaṃnibhāḥ / śyāmavarṇāḥ kuṇḍalinas tathānye vajrasaṃnibhāḥ
Sanskrit only: no published translation is held for this verse.
न तादृक् सर्वदेवानां भान्ति लोका द्विजोत्तमाः । यादृग् भाति हरेर् लोकः सर्वाश्चर्यसमन्वितः
na tādṛk sarvadevānāṃ bhānti lokā dvijottamāḥ / yādṛg bhāti harer lokaḥ sarvāścaryasamanvitaḥ
Sanskrit only: no published translation is held for this verse.
न तत्र पुनरावृत्तिर् गमनाज् जायते द्विजाः । प्रभावात् तस्य देवस्य यावद् आभूतसंप्लवम्
na tatra punarāvṛttir gamanāj jāyate dvijāḥ / prabhāvāt tasya devasya yāvad ābhūtasaṃplavam
Sanskrit only: no published translation is held for this verse.
विचरन्ति पुरे दिव्ये रूपयौवनगर्विताः । कृष्णं रामं सुभद्रां च पश्यन्ति पुरुषोत्तमे
vicaranti pure divye rūpayauvanagarvitāḥ / kṛṣṇaṃ rāmaṃ subhadrāṃ ca paśyanti puruṣottame
Sanskrit only: no published translation is held for this verse.
प्रतप्तहेमसंकाशं तरुणादित्यसंनिभम् । पुरमध्ये हरेर् भाति मन्दिरं रत्नभूषितम्
prataptahemasaṃkāśaṃ taruṇādityasaṃnibham / puramadhye harer bhāti mandiraṃ ratnabhūṣitam
Sanskrit only: no published translation is held for this verse.
अनेकशतसाहस्रैः पताकैः समलंकृतम् । योजनायुतविस्तीर्णं हेमप्राकारवेष्टितम्
anekaśatasāhasraiḥ patākaiḥ samalaṃkṛtam / yojanāyutavistīrṇaṃ hemaprākāraveṣṭitam
Sanskrit only: no published translation is held for this verse.
नानावर्णैर् ध्वजैश् चित्रैः कल्पितैः सुमनोहरैः । विभाति शारदो यद्वन् नक्षत्रैः सह चन्द्रमाः
nānāvarṇair dhvajaiś citraiḥ kalpitaiḥ sumanoharaiḥ / vibhāti śārado yadvan nakṣatraiḥ saha candramāḥ
Sanskrit only: no published translation is held for this verse.
चतुर्द्वारं सुविस्तीर्णं कञ्चुकिभिः सुरक्षितम् । पुरसप्तकसंयुक्तं महोत्सेकं मनोहरम्
caturdvāraṃ suvistīrṇaṃ kañcukibhiḥ surakṣitam / purasaptakasaṃyuktaṃ mahotsekaṃ manoharam
Sanskrit only: no published translation is held for this verse.
प्रथमं काञ्चनं तत्र द्वितीयं मरकतैर् युतम् । इन्द्रनीलं तृतीयं तु महानीलं ततः परम्
prathamaṃ kāñcanaṃ tatra dvitīyaṃ marakatair yutam / indranīlaṃ tṛtīyaṃ tu mahānīlaṃ tataḥ param
Sanskrit only: no published translation is held for this verse.
पुरं तु पञ्चमं दीप्तं पद्मरागमयं पुरम् । षष्ठं वज्रमयं विप्रा वैदूर्यं सप्तमं पुरम्
puraṃ tu pañcamaṃ dīptaṃ padmarāgamayaṃ puram / ṣaṣṭhaṃ vajramayaṃ viprā vaidūryaṃ saptamaṃ puram
Sanskrit only: no published translation is held for this verse.
नानारत्नमयैर् हेम- प्रवालाङ्कुरभूषितैः । स्तम्भैर् अद्भुतसंकाशैर् भाति तद् भवनं महत्
nānāratnamayair hema- pravālāṅkurabhūṣitaiḥ / stambhair adbhutasaṃkāśair bhāti tad bhavanaṃ mahat
Sanskrit only: no published translation is held for this verse.
दृश्यन्ते तत्र सिद्धाश् च भासयन्ति दिशो दश । पौर्णमास्यां सनक्षत्रो यथा भाति निशाकरः
dṛśyante tatra siddhāś ca bhāsayanti diśo daśa / paurṇamāsyāṃ sanakṣatro yathā bhāti niśākaraḥ
Sanskrit only: no published translation is held for this verse.
आरूढस् तत्र भगवान् सलक्ष्मीको जनार्दनः । पीताम्बरधरः श्यामः श्रीवत्सलक्ष्मसंयुतः
ārūḍhas tatra bhagavān salakṣmīko janārdanaḥ / pītāmbaradharaḥ śyāmaḥ śrīvatsalakṣmasaṃyutaḥ
Sanskrit only: no published translation is held for this verse.
ज्वलत् सुदर्शनं चक्रं घोरं सर्वास्त्रनायकम् । दधार दक्षिणे हस्ते सर्वतेजोमयं हरिः
jvalat sudarśanaṃ cakraṃ ghoraṃ sarvāstranāyakam / dadhāra dakṣiṇe haste sarvatejomayaṃ hariḥ
Sanskrit only: no published translation is held for this verse.
कुन्देन्दुरजतप्रख्यं हारगोक्षीरसंनिभम् । आदाय तं मुनिश्रेष्ठाः सव्यहस्तेन केशवः
kundendurajataprakhyaṃ hāragokṣīrasaṃnibham / ādāya taṃ muniśreṣṭhāḥ savyahastena keśavaḥ
Sanskrit only: no published translation is held for this verse.
यस्य शब्देन सकलं संक्षोभं जायते जगत् । विश्रुतं पाञ्चजन्येति सहस्रावर्तभूषितम्
yasya śabdena sakalaṃ saṃkṣobhaṃ jāyate jagat / viśrutaṃ pāñcajanyeti sahasrāvartabhūṣitam
Sanskrit only: no published translation is held for this verse.
दुष्कृतान्तकरीं रौद्रां दैत्यदानवनाशिनीम् । ज्वलद्वह्निशिखाकारां दुःसहां त्रिदशैर् अपि
duṣkṛtāntakarīṃ raudrāṃ daityadānavanāśinīm / jvaladvahniśikhākārāṃ duḥsahāṃ tridaśair api
Sanskrit only: no published translation is held for this verse.
कौमोदकीं गदां चासौ धृतवान् दक्षिणे करे । वामे विस्फुरति ह्य् अस्य शार्ङ्गं सूर्यसमप्रभम्
kaumodakīṃ gadāṃ cāsau dhṛtavān dakṣiṇe kare / vāme visphurati hy asya śārṅgaṃ sūryasamaprabham
Sanskrit only: no published translation is held for this verse.
शरैर् आदित्यसंकाशैर् ज्वालामालाकुलैर् वरैः । यो ऽसौ संहरते देवस् त्रैलोक्यं सचराचरम्
śarair ādityasaṃkāśair jvālāmālākulair varaiḥ / yo 'sau saṃharate devas trailokyaṃ sacarācaram
Sanskrit only: no published translation is held for this verse.
सर्वानन्दकरः श्रीमान् सर्वशास्त्रविशारदः । सर्वलोकगुरुर् देवः सर्वैर् देवैर् नमस्कृतः
sarvānandakaraḥ śrīmān sarvaśāstraviśāradaḥ / sarvalokagurur devaḥ sarvair devair namaskṛtaḥ
Sanskrit only: no published translation is held for this verse.
सहस्रमूर्धा देवेशः सहस्रचरणेक्षणः । सहस्राख्यः सहस्राङ्गः सहस्रभुजवान् प्रभुः
sahasramūrdhā deveśaḥ sahasracaraṇekṣaṇaḥ / sahasrākhyaḥ sahasrāṅgaḥ sahasrabhujavān prabhuḥ
Sanskrit only: no published translation is held for this verse.
सिंहासनगतो देवः पद्मपत्त्रायतेक्षणः । विद्युद्विस्पष्टसंकाशो जगन्नाथो जगद्गुरुः
siṃhāsanagato devaḥ padmapattrāyatekṣaṇaḥ / vidyudvispaṣṭasaṃkāśo jagannātho jagadguruḥ
Sanskrit only: no published translation is held for this verse.
परीतः सुरसिद्धैश् च गन्धर्वाप्सरसां गणैः । यक्षविद्याधरैर् नागैर् मुनिसिद्धैः सचारणैः
parītaḥ surasiddhaiś ca gandharvāpsarasāṃ gaṇaiḥ / yakṣavidyādharair nāgair munisiddhaiḥ sacāraṇaiḥ
Sanskrit only: no published translation is held for this verse.
सुपर्णैर् दानवैर् दैत्यै राक्षसैर् गुह्यकिंनरैः । अन्यैर् देवगणैर् दिव्यैः स्तूयमानो विराजते
suparṇair dānavair daityai rākṣasair guhyakiṃnaraiḥ / anyair devagaṇair divyaiḥ stūyamāno virājate
Sanskrit only: no published translation is held for this verse.
तत्रस्था सततं कीर्तिः प्रज्ञा मेधा सरस्वती । बुद्धिर् मतिस् तथा क्षान्तिः सिद्धिमूर्तिस् तथा द्युतिः
tatrasthā satataṃ kīrtiḥ prajñā medhā sarasvatī / buddhir matis tathā kṣāntiḥ siddhimūrtis tathā dyutiḥ
Sanskrit only: no published translation is held for this verse.
गायत्री चैव सावित्री मङ्गला सर्वमङ्गला । प्रभा मतिस् तथा कान्तिस् तत्र नारायणी स्थिता
gāyatrī caiva sāvitrī maṅgalā sarvamaṅgalā / prabhā matis tathā kāntis tatra nārāyaṇī sthitā
Sanskrit only: no published translation is held for this verse.
श्रद्धा च कौशिकी देवी विद्युत् सौदामिनी तथा । निद्रा रात्रिस् तथा माया तथान्यामरयोषितः
śraddhā ca kauśikī devī vidyut saudāminī tathā / nidrā rātris tathā māyā tathānyāmarayoṣitaḥ
Sanskrit only: no published translation is held for this verse.
वासुदेवस्य सर्वास् ता भवने संप्रतिष्ठिताः । अथ किं बहुनोक्तेन सर्वं तत्र प्रतिष्ठितम्
vāsudevasya sarvās tā bhavane saṃpratiṣṭhitāḥ / atha kiṃ bahunoktena sarvaṃ tatra pratiṣṭhitam
Sanskrit only: no published translation is held for this verse.
घृताची मेनका रम्भा सहजन्या तिलोत्तमा । उर्वशी चैव निम्लोचा तथान्या वामना परा
ghṛtācī menakā rambhā sahajanyā tilottamā / urvaśī caiva nimlocā tathānyā vāmanā parā
Sanskrit only: no published translation is held for this verse.
मन्दोदरी च सुभगा विश्वाची विपुलानना । भद्राङ्गी चित्रसेना च प्रम्लोचा सुमनोहरा
mandodarī ca subhagā viśvācī vipulānanā / bhadrāṅgī citrasenā ca pramlocā sumanoharā
Sanskrit only: no published translation is held for this verse.
मुनिसंमोहिनी रामा चन्द्रमध्या शुभानना । सुकेशी नीलकेशा च तथा मन्मथदीपिनी
munisaṃmohinī rāmā candramadhyā śubhānanā / sukeśī nīlakeśā ca tathā manmathadīpinī
Sanskrit only: no published translation is held for this verse.
अलम्बुषा मिश्रकेशी तथान्या मुञ्जिकस्थला । क्रतुस्थला वराङ्गी च पूर्वचित्तिस् तथा परा
alambuṣā miśrakeśī tathānyā muñjikasthalā / kratusthalā varāṅgī ca pūrvacittis tathā parā
Sanskrit only: no published translation is held for this verse.
परावती महारूपा शशिलेखा शुभानना । हंसलीलानुगामिन्यो मत्तवारणगामिनी
parāvatī mahārūpā śaśilekhā śubhānanā / haṃsalīlānugāminyo mattavāraṇagāminī
Sanskrit only: no published translation is held for this verse.
बिम्बौष्ठी नवगर्भा च विख्याताः सुरयोषितः । एताश् चान्या अप्सरसो रूपयौवनगर्विताः
bimbauṣṭhī navagarbhā ca vikhyātāḥ surayoṣitaḥ / etāś cānyā apsaraso rūpayauvanagarvitāḥ
Sanskrit only: no published translation is held for this verse.
सुमध्याश् चारुवदनाः सर्वालंकारभूषिताः । गीतमाधुर्यसंयुक्ताः सर्वलक्षणसंयुताः
sumadhyāś cāruvadanāḥ sarvālaṃkārabhūṣitāḥ / gītamādhuryasaṃyuktāḥ sarvalakṣaṇasaṃyutāḥ
Sanskrit only: no published translation is held for this verse.
गीतवाद्ये च कुशलाः सुरगन्धर्वयोषितः । नृत्यन्त्य् अनुदिनं तत्र यत्रासौ पुरुषोत्तमः
gītavādye ca kuśalāḥ suragandharvayoṣitaḥ / nṛtyanty anudinaṃ tatra yatrāsau puruṣottamaḥ
Sanskrit only: no published translation is held for this verse.
न तत्र रोगो नो ग्लानिर् न मृत्युर् न हिमातपौ । न क्षुत् पिपासा न जरा न वैरूप्यं न चासुखम्
na tatra rogo no glānir na mṛtyur na himātapau / na kṣut pipāsā na jarā na vairūpyaṃ na cāsukham
Sanskrit only: no published translation is held for this verse.
परमानन्दजननं सर्वकामफलप्रदम् । विष्णुलोकात् परं लोकं नात्र पश्यामि भो द्विजाः
paramānandajananaṃ sarvakāmaphalapradam / viṣṇulokāt paraṃ lokaṃ nātra paśyāmi bho dvijāḥ
Sanskrit only: no published translation is held for this verse.
ये लोकाः स्वर्गलोके तु श्रूयन्ते पुण्यकर्मणाम् । विष्णुलोकस्य ते विप्राः कलां नार्हन्ति षोडशीम्
ye lokāḥ svargaloke tu śrūyante puṇyakarmaṇām / viṣṇulokasya te viprāḥ kalāṃ nārhanti ṣoḍaśīm
Sanskrit only: no published translation is held for this verse.
एवं हरेः पुरस्थानं सर्वभोगगुणान्वितम् । सर्वसौख्यकरं पुण्यं सर्वाश्चर्यमयं द्विजाः
evaṃ hareḥ purasthānaṃ sarvabhogaguṇānvitam / sarvasaukhyakaraṃ puṇyaṃ sarvāścaryamayaṃ dvijāḥ
Sanskrit only: no published translation is held for this verse.
न तत्र नास्तिका यान्ति पुरुषा विषयात्मकाः । न कृतघ्ना न पिशुना नो स्तेना नाजितेन्द्रियाः
na tatra nāstikā yānti puruṣā viṣayātmakāḥ / na kṛtaghnā na piśunā no stenā nājitendriyāḥ
Sanskrit only: no published translation is held for this verse.
ये ऽर्चयन्ति सदा भक्त्या वासुदेवं जगद्गुरुम् । ते तत्र वैष्णवा यान्ति विष्णुलोकं न संशयः
ye 'rcayanti sadā bhaktyā vāsudevaṃ jagadgurum / te tatra vaiṣṇavā yānti viṣṇulokaṃ na saṃśayaḥ
Sanskrit only: no published translation is held for this verse.
दक्षिणस्योदधेस् तीरे क्षेत्रे परमदुर्लभे । दृष्ट्वा कृष्णं च रामं च सुभद्रां च द्विजोत्तमाः
dakṣiṇasyodadhes tīre kṣetre paramadurlabhe / dṛṣṭvā kṛṣṇaṃ ca rāmaṃ ca subhadrāṃ ca dvijottamāḥ
Sanskrit only: no published translation is held for this verse.
कल्पवृक्षसमीपे तु ये त्यजन्ति कलेवरम् । ते तत्र मनुजा यान्ति मृता ये पुरुषोत्तमे
kalpavṛkṣasamīpe tu ye tyajanti kalevaram / te tatra manujā yānti mṛtā ye puruṣottame
Sanskrit only: no published translation is held for this verse.
वटसागरयोर् मध्ये यः स्मरेत् पुरुषोत्तमम् । ते ऽपि तत्र नरा यान्ति ये मृताः पुरुषोत्तमे
vaṭasāgarayor madhye yaḥ smaret puruṣottamam / te 'pi tatra narā yānti ye mṛtāḥ puruṣottame
Sanskrit only: no published translation is held for this verse.
ते ऽपि तत्र परं स्थानं यान्ति नास्त्य् अत्र संशयः । एवं मया मुनिश्रेष्ठा विष्णुलोकः सनातनः । सर्वानन्दकरः प्रोक्तो भुक्तिमुक्तिफलप्रदः
te 'pi tatra paraṃ sthānaṃ yānti nāsty atra saṃśayaḥ / evaṃ mayā muniśreṣṭhā viṣṇulokaḥ sanātanaḥ / sarvānandakaraḥ prokto bhuktimuktiphalapradaḥ
Sanskrit only: no published translation is held for this verse.