ब्रह्मोवाच: क्षुधातीर्थम् इति ख्यातं शृणु नारद तन्मनाः । कथ्यमानं महापुण्यं सर्वकामप्रदं नृणाम्
brahmovāca: kṣudhātīrtham iti khyātaṃ śṛṇu nārada tanmanāḥ / kathyamānaṃ mahāpuṇyaṃ sarvakāmapradaṃ nṛṇām
Sanskrit only: no published translation is held for this verse.
ऋषिर् आसीत् पुरा कण्वस् तपस्वी वेदवित्तमः । परिभ्रमन्न् आश्रमाणि क्षुधया परिपीडितः
ṛṣir āsīt purā kaṇvas tapasvī vedavittamaḥ / paribhramann āśramāṇi kṣudhayā paripīḍitaḥ
Sanskrit only: no published translation is held for this verse.
गौतमस्याश्रमं पुण्यं समृद्धं चान्नवारिणा । आत्मानं च क्षुधायुक्तं समृद्धं चापि गौतमम्
gautamasyāśramaṃ puṇyaṃ samṛddhaṃ cānnavāriṇā / ātmānaṃ ca kṣudhāyuktaṃ samṛddhaṃ cāpi gautamam
Sanskrit only: no published translation is held for this verse.
वीक्ष्य कण्वो ऽथ वैषम्यं वैराग्यम् अगमत् तदा । गौतमो ऽपि द्विजश्रेष्ठो ह्य् अहं तपसि निष्ठितः
vīkṣya kaṇvo 'tha vaiṣamyaṃ vairāgyam agamat tadā / gautamo 'pi dvijaśreṣṭho hy ahaṃ tapasi niṣṭhitaḥ
Sanskrit only: no published translation is held for this verse.
समेन याच्ञायुक्ता स्यात् तस्माद् गौतमवेश्मनि । न भोक्ष्ये ऽहं क्षुधार्तो ऽपि पीडिते ऽपि कलेवरे
samena yācñāyuktā syāt tasmād gautamaveśmani / na bhokṣye 'haṃ kṣudhārto 'pi pīḍite 'pi kalevare
Sanskrit only: no published translation is held for this verse.
गच्छेयं गौतमीं गङ्गाम् अर्जयेयं च संपदम् । इति निश्चित्य मेधावी गत्वा गङ्गां च पावनीम्
gaccheyaṃ gautamīṃ gaṅgām arjayeyaṃ ca saṃpadam / iti niścitya medhāvī gatvā gaṅgāṃ ca pāvanīm
Sanskrit only: no published translation is held for this verse.
स्नात्वा शुचिर् यतमना उपविश्य कुशासने । तुष्टाव गौतमीं गङ्गां क्षुधां च परमापदम्
snātvā śucir yatamanā upaviśya kuśāsane / tuṣṭāva gautamīṃ gaṅgāṃ kṣudhāṃ ca paramāpadam
Sanskrit only: no published translation is held for this verse.
कण्व उवाच: नमो ऽस्तु गङ्गे परमार्तिहारिणि ब्र्प् ८५।८अ नमः क्षुधे सर्वजनार्तिकारिणि ब्र्प् ८५।८ब् नमो महेशानजटोद्भवे शुभे ब्र्प् ८५।८च् नमो महामृत्युमुखाद् विनिसृते ब्र्प् ८५।८द् पुण्यात्मनां शान्तरूपे क्रोधरूपे दुरात्मनाम् । सरिद्रूपेण सर्वेषां तापपापापहारिणि
kaṇva uvāca: namo 'stu gaṅge paramārtihāriṇi BrP 85.8a namaḥ kṣudhe sarvajanārtikāriṇi BrP 85.8b namo maheśānajaṭodbhave śubhe BrP 85.8c namo mahāmṛtyumukhād vinisṛte BrP 85.8d puṇyātmanāṃ śāntarūpe krodharūpe durātmanām / saridrūpeṇa sarveṣāṃ tāpapāpāpahāriṇi
Sanskrit only: no published translation is held for this verse.
क्षुधारूपेण सर्वेषां तापपापप्रदे नमः । नमः श्रेयस्करि देवि नमः पापप्रतर्दिनि । नमः शान्तिकरि देवि नमो दारिद्र्यनाशिनि
kṣudhārūpeṇa sarveṣāṃ tāpapāpaprade namaḥ / namaḥ śreyaskari devi namaḥ pāpapratardini / namaḥ śāntikari devi namo dāridryanāśini
Sanskrit only: no published translation is held for this verse.
ब्रह्मोवाच: इत्य् एवं स्तुवतस् तस्य पुरस्ताद् अभवद् द्वयम् । एकं गाङ्गं मनोहारि ह्य् अपरं भीषणाकृति । पुनः कृताञ्जलिर् भूत्वा नमस्कृत्वा द्विजोत्तमः
brahmovāca: ity evaṃ stuvatas tasya purastād abhavad dvayam / ekaṃ gāṅgaṃ manohāri hy aparaṃ bhīṣaṇākṛti / punaḥ kṛtāñjalir bhūtvā namaskṛtvā dvijottamaḥ
Sanskrit only: no published translation is held for this verse.
कण्व उवाच: सर्वमङ्गलमाङ्गल्ये ब्राह्मि माहेश्वरि शुभे । वैष्णवि त्र्यम्बके देवि गोदावरि नमो ऽस्तु ते
kaṇva uvāca: sarvamaṅgalamāṅgalye brāhmi māheśvari śubhe / vaiṣṇavi tryambake devi godāvari namo 'stu te
Sanskrit only: no published translation is held for this verse.
त्र्यम्बकस्य जटोद्भूते गौतमस्याघनाशिनि । सप्तधा सागरं यान्ति गोदावरि नमो ऽस्तु ते
tryambakasya jaṭodbhūte gautamasyāghanāśini / saptadhā sāgaraṃ yānti godāvari namo 'stu te
Sanskrit only: no published translation is held for this verse.
सर्वपापकृतां पापे धर्मकामार्थनाशिनि । दुःखलोभमयि देवि क्षुधे तुभ्यं नमो नमः
sarvapāpakṛtāṃ pāpe dharmakāmārthanāśini / duḥkhalobhamayi devi kṣudhe tubhyaṃ namo namaḥ
Sanskrit only: no published translation is held for this verse.
ब्रह्मोवाच: तत् कण्ववचनं श्रुत्वा सुप्रीते आहतुर् द्विजम् ॥* ब्र्प् ८५।१५ ॥ गङ्गाक्षुधे ऊचतुः: अभीष्टं वद कल्याण वरान् वरय सुव्रत ॥* ब्र्प् ८५।१६ ॥ ब्रह्मोवाच: प्रोवाच प्रणतो गङ्गां कण्वः क्षुधां यथाक्रमम् ॥* ब्र्प् ८५।१७ ॥ कण्व उवाच: देहि देवि मनोज्ञानि कामानि विभवं मम । आयुर् वित्तं च भुक्तिं च मुक्तिं गङ्गे प्रयच्छ मे
brahmovāca: tat kaṇvavacanaṃ śrutvā suprīte āhatur dvijam //* BrP 85.15 // gaṅgākṣudhe ūcatuḥ: abhīṣṭaṃ vada kalyāṇa varān varaya suvrata //* BrP 85.16 // brahmovāca: provāca praṇato gaṅgāṃ kaṇvaḥ kṣudhāṃ yathākramam //* BrP 85.17 // kaṇva uvāca: dehi devi manojñāni kāmāni vibhavaṃ mama / āyur vittaṃ ca bhuktiṃ ca muktiṃ gaṅge prayaccha me
Sanskrit only: no published translation is held for this verse.
ब्रह्मोवाच: इत्य् उक्त्वा गौतमीं गङ्गां क्षुधां चाह द्विजोत्तमः ॥* ब्र्प् ८५।१९ ॥ कण्व उवाच: मयि मद्वंशजे चापि क्षुधे तृष्णे दरिद्रिणि । याहि पापतरे रूक्षे न भूयास् त्वं कदाचन
brahmovāca: ity uktvā gautamīṃ gaṅgāṃ kṣudhāṃ cāha dvijottamaḥ //* BrP 85.19 // kaṇva uvāca: mayi madvaṃśaje cāpi kṣudhe tṛṣṇe daridriṇi / yāhi pāpatare rūkṣe na bhūyās tvaṃ kadācana
Sanskrit only: no published translation is held for this verse.
अनेन स्तवेन ये वै त्वां स्तुवन्ति क्षुधातुराः । तेषां दारिद्र्यदुःखानि न भवेयुर् वरो ऽपरः
anena stavena ye vai tvāṃ stuvanti kṣudhāturāḥ / teṣāṃ dāridryaduḥkhāni na bhaveyur varo 'paraḥ
Sanskrit only: no published translation is held for this verse.
अस्मिंस् तीर्थे महापुण्ये स्नानदानजपादिकम् । ये कुर्वन्ति नरा भक्त्या लक्ष्मीभाजो भवन्तु ते
asmiṃs tīrthe mahāpuṇye snānadānajapādikam / ye kurvanti narā bhaktyā lakṣmībhājo bhavantu te
Sanskrit only: no published translation is held for this verse.
यस् त्व् इदं पठते स्तोत्रं तीर्थे वा यदि वा गृहे । तस्य दारिद्र्यदुःखेभ्यो न भयं स्याद् वरो ऽपरः
yas tv idaṃ paṭhate stotraṃ tīrthe vā yadi vā gṛhe / tasya dāridryaduḥkhebhyo na bhayaṃ syād varo 'paraḥ
Sanskrit only: no published translation is held for this verse.
ब्रह्मोवाच: एवम् अस्त्व् इति चोक्त्वा ते कण्वं याते स्वम् आलयम् । ततः प्रभृति तत् तीर्थं काण्वं गाङ्गं क्षुधाभिधम् । सर्वपापहरं वत्स पितॄणां प्रीतिवर्धनम्
brahmovāca: evam astv iti coktvā te kaṇvaṃ yāte svam ālayam / tataḥ prabhṛti tat tīrthaṃ kāṇvaṃ gāṅgaṃ kṣudhābhidham / sarvapāpaharaṃ vatsa pitṝṇāṃ prītivardhanam
Sanskrit only: no published translation is held for this verse.