ब्रह्मोवाच: पौलस्त्यं तीर्थम् आख्यातं सर्वसिद्धिप्रदं नृणाम् । प्रभावं तस्य वक्ष्यामि भ्रष्टराज्यप्रदायकम्
brahmovāca: paulastyaṃ tīrtham ākhyātaṃ sarvasiddhipradaṃ nṛṇām / prabhāvaṃ tasya vakṣyāmi bhraṣṭarājyapradāyakam
Sanskrit only: no published translation is held for this verse.
उत्तराशापतिः पूर्वम् ऋद्धिसिद्धिसमन्वितः । पुरा लङ्कापतिश् चासीज् ज्येष्ठो विश्रवसः सुतः
uttarāśāpatiḥ pūrvam ṛddhisiddhisamanvitaḥ / purā laṅkāpatiś cāsīj jyeṣṭho viśravasaḥ sutaḥ
Sanskrit only: no published translation is held for this verse.
तस्यैते भ्रातरश् चासन् बलवन्तो ऽमितप्रभाः । सापत्ना रावणश् चैव कुम्भकर्णो विभीषणः
tasyaite bhrātaraś cāsan balavanto 'mitaprabhāḥ / sāpatnā rāvaṇaś caiva kumbhakarṇo vibhīṣaṇaḥ
Sanskrit only: no published translation is held for this verse.
ते ऽपि विश्रवसः पुत्रा राक्षस्यां राक्षसास् तु ते । मद्दत्तेन विमानेन धनदो भ्रातृभिः सह
te 'pi viśravasaḥ putrā rākṣasyāṃ rākṣasās tu te / maddattena vimānena dhanado bhrātṛbhiḥ saha
Sanskrit only: no published translation is held for this verse.
ममान्तिकं भक्तियुक्तो नित्यम् एति तु याति च । रावणस्य तु या माता कुपिता साब्रवीत् सुतान्
mamāntikaṃ bhaktiyukto nityam eti tu yāti ca / rāvaṇasya tu yā mātā kupitā sābravīt sutān
Sanskrit only: no published translation is held for this verse.
रावणमातोवाच: मरिष्ये न च जीविष्ये पुत्रा वैरूप्यकारणात् । देवाश् च दानवाश् चासन् सापत्ना भ्रातरो मिथः
rāvaṇamātovāca: mariṣye na ca jīviṣye putrā vairūpyakāraṇāt / devāś ca dānavāś cāsan sāpatnā bhrātaro mithaḥ
Sanskrit only: no published translation is held for this verse.
अन्योन्यवधम् ईप्सन्ते जयैश्वर्यवशानुगाः । तद्भवन्तो न पुरुषा न शक्ता न जयैषिणः । सापत्न्यं यो ऽनुमन्यते तस्य जीवो निरर्थकः
anyonyavadham īpsante jayaiśvaryavaśānugāḥ / tadbhavanto na puruṣā na śaktā na jayaiṣiṇaḥ / sāpatnyaṃ yo 'numanyate tasya jīvo nirarthakaḥ
Sanskrit only: no published translation is held for this verse.
ब्रह्मोवाच: तन् मातृवचनं श्रुत्वा भ्रातरस् ते त्रयो मुने । जग्मुस् ते तपसे ऽरण्यं कृतवन्तस् तपो महत्
brahmovāca: tan mātṛvacanaṃ śrutvā bhrātaras te trayo mune / jagmus te tapase 'raṇyaṃ kṛtavantas tapo mahat
Sanskrit only: no published translation is held for this verse.
मत्तो वरान् अवापुश् च त्रय एते च राक्षसाः । मातुलेन मरीचेन तथा मातामहेन तु
matto varān avāpuś ca traya ete ca rākṣasāḥ / mātulena marīcena tathā mātāmahena tu
Sanskrit only: no published translation is held for this verse.
तन्मातृवचनाच् चापि ततो लङ्काम् अयाचत । रक्षोभावान् मातृदोषाद् भ्रात्रोर् वैरम् अभून् महत्
tanmātṛvacanāc cāpi tato laṅkām ayācata / rakṣobhāvān mātṛdoṣād bhrātror vairam abhūn mahat
Sanskrit only: no published translation is held for this verse.
ततस् तद् अभवद् युद्धं देवदानवयोर् इव । युद्धे जित्वाग्रजं शान्तं धनदं भ्रातरं तथा
tatas tad abhavad yuddhaṃ devadānavayor iva / yuddhe jitvāgrajaṃ śāntaṃ dhanadaṃ bhrātaraṃ tathā
Sanskrit only: no published translation is held for this verse.
पुष्पकं च पुरीं लङ्कां सर्वं चैव व्यपाहरत् । रावणो घोषयाम् आस त्रैलोक्ये सचराचरे
puṣpakaṃ ca purīṃ laṅkāṃ sarvaṃ caiva vyapāharat / rāvaṇo ghoṣayām āsa trailokye sacarācare
Sanskrit only: no published translation is held for this verse.
यो दद्याद् आश्रयं भ्रातुः स च वध्यो भवेन् मम । भ्रात्रा निरस्तो वैश्रवणो नैव प्रापाश्रयं क्वचित् । पितामहं पुलस्त्यं तं गत्वा नत्वाब्रवीद् वचः
yo dadyād āśrayaṃ bhrātuḥ sa ca vadhyo bhaven mama / bhrātrā nirasto vaiśravaṇo naiva prāpāśrayaṃ kvacit / pitāmahaṃ pulastyaṃ taṃ gatvā natvābravīd vacaḥ
Sanskrit only: no published translation is held for this verse.
धनद उवाच: भ्रात्रा निरस्तो दुष्टेन किं करोमि वदस्व मे । आश्रयः शरणं यत् स्याद् दैवं वा तीर्थम् एव च
dhanada uvāca: bhrātrā nirasto duṣṭena kiṃ karomi vadasva me / āśrayaḥ śaraṇaṃ yat syād daivaṃ vā tīrtham eva ca
Sanskrit only: no published translation is held for this verse.
ब्रह्मोवाच: तत् पौत्रवचनं श्रुत्वा पुलस्त्यो वाक्यम् अब्रवीत् ॥* ब्र्प् ९७।१५ ॥ पुलस्त्य उवाच: गौतमीं गच्छ पुत्र त्वं स्तुहि देवं महेश्वरम् । तत्र नास्य प्रवेशः स्याद् गङ्गाया जलमध्यतः
brahmovāca: tat pautravacanaṃ śrutvā pulastyo vākyam abravīt //* BrP 97.15 // pulastya uvāca: gautamīṃ gaccha putra tvaṃ stuhi devaṃ maheśvaram / tatra nāsya praveśaḥ syād gaṅgāyā jalamadhyataḥ
Sanskrit only: no published translation is held for this verse.
सिद्धिं प्राप्स्यसि कल्याणीं तथा कुरु मया सह ॥* ब्र्प् ९७।१७ ॥ ब्रह्मोवाच: तथेत्य् उक्त्वा जगामासौ सभार्यो धनदस् तथा । पित्रा मात्रा च वृद्धेन पुलस्त्येन धनेश्वरः
siddhiṃ prāpsyasi kalyāṇīṃ tathā kuru mayā saha //* BrP 97.17 // brahmovāca: tathety uktvā jagāmāsau sabhāryo dhanadas tathā / pitrā mātrā ca vṛddhena pulastyena dhaneśvaraḥ
Sanskrit only: no published translation is held for this verse.
गत्वा तु गौतमीं गङ्गां शुचिः स्नात्वा यतव्रतः । तुष्टाव देवदेवेशं भुक्तिमुक्तिप्रदं शिवम्
gatvā tu gautamīṃ gaṅgāṃ śuciḥ snātvā yatavrataḥ / tuṣṭāva devadeveśaṃ bhuktimuktipradaṃ śivam
Sanskrit only: no published translation is held for this verse.
धनद उवाच: स्वामी त्वम् एवास्य चराचरस्य ब्र्प् ९७।२०अ विश्वस्य शंभो न परो ऽस्ति कश्चित् ब्र्प् ९७।२०ब् त्वाम् अप्य् अवज्ञाय यदीह मोहात् ब्र्प् ९७।२०च् प्रगल्भते कोपि स शोच्य एव ब्र्प् ९७।२०द् त्वम् अष्टमूर्त्या सकलं बिभर्षि ब्र्प् ९७।२१अ त्वदाज्ञया वर्तत एव सर्वम् ब्र्प् ९७।२१ब् तथापि वेदेति बुधो भवन्तं ब्र्प् ९७।२१च् न जात्व् अविद्वान् महिमा पुरातनम् ब्र्प् ९७।२१द् मलप्रसूतं यद् अवोचद् अम्बा ब्र्प् ९७।२२अ हास्यात् सुतो ऽयं तव देव शूरः ब्र्प् ९७।२२ब् त्वत्प्रेक्षिताद् यः स च विघ्नराजो ब्र्प् ९७।२२च् जज्ञे त्व् अहो चेष्टितम् ईशदृष्टेः ब्र्प् ९७।२२द् अश्रुप्लुताङ्गी गिरिजा समीक्ष्य ब्र्प् ९७।२३अ वियुक्तदांपत्यम् इतीशम् ऊचे ब्र्प् ९७।२३ब् मनोभवो ऽभून् मदनो रतिश् च ब्र्प् ९७।२३च् सौभाग्यपूर्वत्वम् अवाप सोमात् ब्र्प् ९७।२३द् ब्रह्मोवाच: इत्यादि स्तुवतस् तस्य पुरतो ऽभूत् त्रिलोचनः । वरेण च्छन्दयाम् आस हर्षान् नोवाच किंचन
dhanada uvāca: svāmī tvam evāsya carācarasya BrP 97.20a viśvasya śaṃbho na paro 'sti kaścit BrP 97.20b tvām apy avajñāya yadīha mohāt BrP 97.20c pragalbhate kopi sa śocya eva BrP 97.20d tvam aṣṭamūrtyā sakalaṃ bibharṣi BrP 97.21a tvadājñayā vartata eva sarvam BrP 97.21b tathāpi vedeti budho bhavantaṃ BrP 97.21c na jātv avidvān mahimā purātanam BrP 97.21d malaprasūtaṃ yad avocad ambā BrP 97.22a hāsyāt suto 'yaṃ tava deva śūraḥ BrP 97.22b tvatprekṣitād yaḥ sa ca vighnarājo BrP 97.22c jajñe tv aho ceṣṭitam īśadṛṣṭeḥ BrP 97.22d aśruplutāṅgī girijā samīkṣya BrP 97.23a viyuktadāṃpatyam itīśam ūce BrP 97.23b manobhavo 'bhūn madano ratiś ca BrP 97.23c saubhāgyapūrvatvam avāpa somāt BrP 97.23d brahmovāca: ityādi stuvatas tasya purato 'bhūt trilocanaḥ / vareṇa cchandayām āsa harṣān novāca kiṃcana
Sanskrit only: no published translation is held for this verse.
तूष्णींभूते तु धनदे पुलस्त्ये च महेश्वरे । पुनः पुनर् वरस्वेति शिवे वादिनि हर्षिते
tūṣṇīṃbhūte tu dhanade pulastye ca maheśvare / punaḥ punar varasveti śive vādini harṣite
Sanskrit only: no published translation is held for this verse.
एतस्मिन्न् अन्तरे तत्र वाग् उवाचाशरीरिणी । प्राप्तव्यं धनपालत्वं वदन्तीदं महेश्वरम्
etasminn antare tatra vāg uvācāśarīriṇī / prāptavyaṃ dhanapālatvaṃ vadantīdaṃ maheśvaram
Sanskrit only: no published translation is held for this verse.
पुलस्त्यस्य तु यच् चित्तं पितुर् वैश्रवणस्य तु । विदित्वेव तदा वाणी शुभम् अर्थम् उदीरयत्
pulastyasya tu yac cittaṃ pitur vaiśravaṇasya tu / viditveva tadā vāṇī śubham artham udīrayat
Sanskrit only: no published translation is held for this verse.
भूतवद् भवितव्यं स्याद् दास्यमानं तु दत्तवत् । प्राप्तव्यं प्राप्तवत् तत्र दैवी वाग् अभवच् छुभा
bhūtavad bhavitavyaṃ syād dāsyamānaṃ tu dattavat / prāptavyaṃ prāptavat tatra daivī vāg abhavac chubhā
Sanskrit only: no published translation is held for this verse.
प्रभूतशत्रुः परिभूतदुःखः ब्र्प् ९७।२९अ संपूज्य सोमेश्वरम् आप लिङ्गम् ब्र्प् ९७।२९ब् दिगीश्वरत्वं द्रविणप्रभुत्वम् ब्र्प् ९७।२९च् अपारदातृत्वकलत्रपुत्रान् ब्र्प् ९७।२९द् तां वाचं धनदः श्रुत्वा देवदेवं त्रिशूलिनम् । एवं भवतु नामेति धनदो वाक्यम् अब्रवीत्
prabhūtaśatruḥ paribhūtaduḥkhaḥ BrP 97.29a saṃpūjya someśvaram āpa liṅgam BrP 97.29b digīśvaratvaṃ draviṇaprabhutvam BrP 97.29c apāradātṛtvakalatraputrān BrP 97.29d tāṃ vācaṃ dhanadaḥ śrutvā devadevaṃ triśūlinam / evaṃ bhavatu nāmeti dhanado vākyam abravīt
Sanskrit only: no published translation is held for this verse.
तथैवास्त्व् इति देवेशो दैवीं वाचम् अमन्यत । पुलस्त्यं च वरैः पुण्यैस् तथा विश्रवसं मुनिम्
tathaivāstv iti deveśo daivīṃ vācam amanyata / pulastyaṃ ca varaiḥ puṇyais tathā viśravasaṃ munim
Sanskrit only: no published translation is held for this verse.
धनपालं च देवेशो ह्य् अभिनन्द्य ययौ शिवः । ततः प्रभृति तत् तीर्थं पौलस्त्यं धनदं विदुः
dhanapālaṃ ca deveśo hy abhinandya yayau śivaḥ / tataḥ prabhṛti tat tīrthaṃ paulastyaṃ dhanadaṃ viduḥ
Sanskrit only: no published translation is held for this verse.
तथा वैश्रवसं पुण्यं सर्वकामप्रदं शुभम् । तेषु स्नानादि यत् किंचित् तत् सर्वं बहुपुण्यदम्
tathā vaiśravasaṃ puṇyaṃ sarvakāmapradaṃ śubham / teṣu snānādi yat kiṃcit tat sarvaṃ bahupuṇyadam
Sanskrit only: no published translation is held for this verse.