ब्रह्मोवाच: ऋणप्रमोचनं नाम तीर्थं वेदविदो विदुः । तस्य स्वरूपं वक्ष्यामि शृणु नारद तन्मनाः
brahmovāca: ṛṇapramocanaṃ nāma tīrthaṃ vedavido viduḥ / tasya svarūpaṃ vakṣyāmi śṛṇu nārada tanmanāḥ
Sanskrit only: no published translation is held for this verse.
आसीत् पृथुश्रवा नाम प्रियः कक्षीवतः सुतः । न दारसंग्रहं लेभे वैराग्यान् नाग्निपूजनम्
āsīt pṛthuśravā nāma priyaḥ kakṣīvataḥ sutaḥ / na dārasaṃgrahaṃ lebhe vairāgyān nāgnipūjanam
Sanskrit only: no published translation is held for this verse.
कनीयांस् तु समर्थो ऽपि परिवित्तिभयान् मुने । नाकरोद् दारकर्मादि नैवाग्नीनाम् उपासनम्
kanīyāṃs tu samartho 'pi parivittibhayān mune / nākarod dārakarmādi naivāgnīnām upāsanam
Sanskrit only: no published translation is held for this verse.
ततः प्रोचुः पितृगणाः पुत्रं कक्षीवतः शुभम् । ज्येष्ठं चैव कनिष्ठं च पृथक् पृथग् इदं वचः
tataḥ procuḥ pitṛgaṇāḥ putraṃ kakṣīvataḥ śubham / jyeṣṭhaṃ caiva kaniṣṭhaṃ ca pṛthak pṛthag idaṃ vacaḥ
Sanskrit only: no published translation is held for this verse.
पितर ऊचुः: ऋणत्रयापनोदाय क्रियतां दारसंग्रहः ॥* ब्र्प् ९९।५ ॥ ब्रह्मोवाच: नेत्य् उवाच ततो ज्येष्ठः किम् ऋणं केन युज्यते । कनीयांस् तु पितॄन् प्राह न योग्यो दारसंग्रहः
pitara ūcuḥ: ṛṇatrayāpanodāya kriyatāṃ dārasaṃgrahaḥ //* BrP 99.5 // brahmovāca: nety uvāca tato jyeṣṭhaḥ kim ṛṇaṃ kena yujyate / kanīyāṃs tu pitṝn prāha na yogyo dārasaṃgrahaḥ
Sanskrit only: no published translation is held for this verse.
ज्येष्ठे सति महाप्राज्ञः परिवित्तिभयाद् इति । ताव् उभौ पुनर् अप्य् एवम् ऊचुस् ते वै पितामहाः
jyeṣṭhe sati mahāprājñaḥ parivittibhayād iti / tāv ubhau punar apy evam ūcus te vai pitāmahāḥ
Sanskrit only: no published translation is held for this verse.
पितर ऊचुः: याताम् उभौ गौतमीं तु पुण्यां कक्षीवतः सुतौ । कुरुतां गौतमीस्नानं सर्वाभीष्टप्रदायकम्
pitara ūcuḥ: yātām ubhau gautamīṃ tu puṇyāṃ kakṣīvataḥ sutau / kurutāṃ gautamīsnānaṃ sarvābhīṣṭapradāyakam
Sanskrit only: no published translation is held for this verse.
गच्छतां गौतमीं गङ्गां लोकत्रितयपावनीम् । स्नानं च तर्पणं तस्यां कुरुतां श्रद्धयान्वितौ
gacchatāṃ gautamīṃ gaṅgāṃ lokatritayapāvanīm / snānaṃ ca tarpaṇaṃ tasyāṃ kurutāṃ śraddhayānvitau
Sanskrit only: no published translation is held for this verse.
दृष्टावनामिता ध्याता गौतमी सर्वकामदा । न देशकालजात्यादि- नियमो ऽत्रावगाहने । ज्येष्ठो ऽनृणस् ततो भूयात् परिवित्तिर् न चेतरः
dṛṣṭāvanāmitā dhyātā gautamī sarvakāmadā / na deśakālajātyādi- niyamo 'trāvagāhane / jyeṣṭho 'nṛṇas tato bhūyāt parivittir na cetaraḥ
Sanskrit only: no published translation is held for this verse.
ब्रह्मोवाच: ततः पृथुश्रवा ज्येष्ठः कृत्वा स्नानं सतर्पणम् । त्रयाणाम् अपि लोकानां काक्षीवतो ऽनृणो ऽभवत्
brahmovāca: tataḥ pṛthuśravā jyeṣṭhaḥ kṛtvā snānaṃ satarpaṇam / trayāṇām api lokānāṃ kākṣīvato 'nṛṇo 'bhavat
Sanskrit only: no published translation is held for this verse.
ततः प्रभृति तत् तीर्थम् ऋणमोचनम् उच्यते । श्रौतस्मार्त-ऋणेभ्यश् च इतरेभ्यश् च नारद । तत्र स्नानेन दानेन ऋणी मुक्तः सुखी भवेत्
tataḥ prabhṛti tat tīrtham ṛṇamocanam ucyate / śrautasmārta-ṛṇebhyaś ca itarebhyaś ca nārada / tatra snānena dānena ṛṇī muktaḥ sukhī bhavet
Sanskrit only: no published translation is held for this verse.