Brhaspati-Smrti, Vyavahara 1.10

पितृव्य भ्रातृपुत्रस्त्री- दासशिष्यानुजीविभिः । यद् गृहीतं कुटुम्बार्थे तद् गृही दातुम् अर्हति

pitṛvya bhrātṛputrastrī- dāsaśiṣyānujīvibhiḥ / yad gṛhītaṃ kuṭumbārthe tad gṛhī dātum arhati

Sanskrit only: no published translation is held for this verse.

यः स्वामिना नियुक्तस् तु धनायव्ययपालने । कुसीदकृषिवाणिज्ये निसृष्टार्थस् तु स स्मृतः

yaḥ svāminā niyuktas tu dhanāyavyayapālane / kusīdakṛṣivāṇijye nisṛṣṭārthas tu sa smṛtaḥ

Sanskrit only: no published translation is held for this verse.

उज्जामादिकम् आदाय स्वामिने न ददाति यः । स तस्य दासः पुत्रः स्त्री पशुवी जायते गृहे

ujjāmādikam ādāya svāmine na dadāti yaḥ / sa tasya dāsaḥ putraḥ strī paśuvī jāyate gṛhe

Sanskrit only: no published translation is held for this verse.

ऋणं पुत्रकृतं पित्रा शोध्यं यद् अनुमोदितम् । सुतस्नेहेन वा दद्यान् नान्यथा दातुम् अर्हति

ṛṇaṃ putrakṛtaṃ pitrā śodhyaṃ yad anumoditam / sutasnehena vā dadyān nānyathā dātum arhati

Sanskrit only: no published translation is held for this verse.

॥॥ ॥॥ ऋणी बन्धम् अवाप्नुयात् । फलभोग्यं पूर्णकालं दत्त्वा द्रव्यं तु सामकम्

.... .... ṛṇī bandham avāpnuyāt / phalabhogyaṃ pūrṇakālaṃ dattvā dravyaṃ tu sāmakam

Sanskrit only: no published translation is held for this verse.

यदि प्रकर्षितं तत् स्यात् तदा न धनभाग्धनी । ऋणी च न लभेत् बन्धं परस्परमतं विना

yadi prakarṣitaṃ tat syāt tadā na dhanabhāgdhanī / ṛṇī ca na labhet bandhaṃ parasparamataṃ vinā

Sanskrit only: no published translation is held for this verse.

अधमर्णो ऽर्थसिध्यर्थम् उत्तमर्णेन वादितः । दापयेद् धनिकस्यार्थम् अधमर्णविभावितम्

adhamarṇo 'rthasidhyartham uttamarṇena vāditaḥ / dāpayed dhanikasyārtham adhamarṇavibhāvitam

Sanskrit only: no published translation is held for this verse.

अर्थे ऽपव्ययमानं तु करणेन विभावितम् । दापयेद् धनिकस्यार्थं दण्डकेशं च शक्तितः

arthe 'pavyayamānaṃ tu karaṇena vibhāvitam / dāpayed dhanikasyārthaṃ daṇḍakeśaṃ ca śaktitaḥ

Sanskrit only: no published translation is held for this verse.

यो यावन् निह्नुवीतार्थं मिथ्या यावति वादयेत् । तौ नृपेण ह्य् अधर्मज्ञौ दाप्यौ तद् द्विगुणं दमम्

yo yāvan nihnuvītārthaṃ mithyā yāvati vādayet / tau nṛpeṇa hy adharmajñau dāpyau tad dviguṇaṃ damam

Sanskrit only: no published translation is held for this verse.

धर्म्यादिनोद्ग्राह्य धनं यस् तूपरि न लेखयेत् । न चैवोपगतं दद्यात् तस्य तद् वृद्धिम् आप्नुयात्

dharmyādinodgrāhya dhanaṃ yas tūpari na lekhayet / na caivopagataṃ dadyāt tasya tad vṛddhim āpnuyāt

Sanskrit only: no published translation is held for this verse.